॥ Lokanath Prabhupada Ashtakam Telugu Lyrics ॥
శ్రీలోకనాథప్రభువరాష్టకమ్
యః కృష్ణచైతన్యకృపైకవిత్త-
స్తత్ప్రేమహేమాభరణాఢ్యచిత్తః ।
నిపత్య భూమౌ సతతం నమామ-
స్తం లోకనాథం ప్రభుమాశ్రయామః ॥ ౧ ॥
యో లబ్ధవృన్దావననిత్యవాసః
పరిస్ఫురత్కృష్ణవిలాసరాసః ।
స్వాచారచర్యసతతావిరామ-
స్తం లోకనాథం ప్రభుమాశ్రయామః ॥ ౨ ॥
సదోల్లసద్భాగవతానురక్త్యా
యః కృష్ణరాధాశ్రవణాదిభక్త్యా ।
అయాతయామీకృతసర్వయామ-
స్తం లోకనాథం ప్రభుమాశ్రయామః ॥ ౩ ॥
వృన్దావనాధీశపదాబ్జసేవా
స్వాదేఽనుమజ్జన్తి న హన్త కే వా ।
యస్తేష్వపి శ్లాఘాతమోఽభిరామ-
స్తం లోకనాథం ప్రభుమాశ్రయామః ॥ ౪ ॥
యః కృష్ణలీలారస ఏవ లోకాన్
అనున్ముఖాన్వీక్ష్య బిభర్తి శోకాన్ ।
స్వయం తదాస్వాదనమాత్రకామ-
స్తం లోకనాథం ప్రభుమాశ్రయామః ॥ ౫ ॥
కృపాబలం యస్య వివేద కశ్చిత్
నరోత్తమో నామ మహాన్విపశ్చిత్ ।
యస్య ప్రథీయాన్విషయోపరామ-
స్తం లోకనాథం ప్రభుమాశ్రయామః ॥ ౬ ॥
రాగానుగావర్త్మని యత్ప్రసాదా-
ద్విశన్త్యావిజ్ఞా అపి నిర్విషాదాః ।
జనే కృతాగస్యపి యస్త్వవామ-
స్తం లోకనాథం ప్రభుమాశ్రయామః ॥ ౭ ॥
యద్దాసదాసానుదాసదాసాః
వయ్హం భవామః ఫలితాభిలాషాః ।
యదీయతాయాం సహసా విశామ-
స్తం లోకనాథం ప్రభుమాశ్రయామః ॥ ౮ ॥
శ్రీలోకనాథాష్టకమత్యుదారం
భక్త్యా పఠేద్యః పురుషార్థసారమ్ ।
స మఞ్జులాలీపదవీం ప్రపద్య
శ్రీరాధికాం సేవత ఏవ సద్యః ॥ ౯ ॥
సోఽయం శ్రీలోకనాథః స్ఫురతు పురుకృపారశ్మిభిః స్వైః సముద్యన్
ఉద్ధృత్యోద్ధృత్య యో నః ప్రచురతమతమః కూపతో దీపితాభిః ।
దృగ్భిః స్వప్రేమవీథ్యా దిశమదిశదహో యాం శ్రితా దివ్యలీలా
రత్నాఢ్యం విన్దమానా వయమపి నిభృతం శ్రీలగోవర్ధనం స్మః ॥ ౧౦ ॥
ఇతి శ్రీమద్విశ్వనాథచక్రవర్తివిరచితం
శ్రీశ్రీలోకనాథప్రభువరాష్టకం సమ్పూర్ణమ్ ॥
– Chant Stotra in Other Languages –
Sri Krishna Slokam » Sri Lokanath Prabhupada Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil