Sri Mangala Gauri Stotram In Kannada

॥ Sri Mangala Gauri Stotram Kannada Lyrics ॥

॥ ಶ್ರೀ ಮಂಗಳಗೌರೀ ಸ್ತೋತ್ರಂ ॥

ದೇವಿ ತ್ವದೀಯಚರಣಾಂಬುಜರೇಣುಗೌರೀಂ
ಭಾಲಸ್ಥಲೀಂ ವಹತಿ ಯಃ ಪ್ರಣತಿಪ್ರವೀಣಃ ।
ಜನ್ಮಾಂತರೇಪಿ ರಜನೀಕರಚಾರುಲೇಖಾ
ತಾಂ ಗೌರಯತ್ಯತಿತರಾಂ ಕಿಲ ತಸ್ಯ ಪುಂಸಃ ॥ ೧ ॥

ಶ್ರೀಮಂಗಳೇ ಸಕಲಮಂಗಳಜನ್ಮಭೂಮೇ
ಶ್ರೀಮಂಗಳೇ ಸಕಲಕಲ್ಮಷತೂಲವಹ್ನೇ ।
ಶ್ರೀಮಂಗಳೇ ಸಕಲದಾನವದರ್ಪಹಂತ್ರಿ
ಶ್ರೀಮಂಗಳೇಽಖಿಲಮಿದಂ ಪರಿಪಾಹಿ ವಿಶ್ವಮ್ ॥ ೨ ॥

ವಿಶ್ವೇಶ್ವರಿ ತ್ವಮಸಿ ವಿಶ್ವಜನಸ್ಯ ಕರ್ತ್ರೀ
ತ್ವಂ ಪಾಲಯಿತ್ರ್ಯಸಿ ತಥಾ ಪ್ರಳಯೇಪಿಹಂತ್ರೀ ।
ತ್ವನ್ನಾಮಕೀರ್ತನಸಮುಲ್ಲಸದಚ್ಛಪುಣ್ಯಾ
ಸ್ರೋತಸ್ವಿನೀ ಹರತಿ ಪಾತಕಕೂಲವೃಕ್ಷಾನ್ ॥ ೩ ॥

ಮಾತರ್ಭವಾನಿ ಭವತೀ ಭವತೀವ್ರದುಃಖ-
-ಸಂಭಾರಹಾರಿಣಿ ಶರಣ್ಯಮಿಹಾಸ್ತಿ ನಾನ್ಯಾ ।
ಧನ್ಯಾಸ್ತ ಏವ ಭುವನೇಷು ತ ಏವ ಮಾನ್ಯಾ
ಯೇಷು ಸ್ಫುರೇತ್ತವಶುಭಃ ಕರುಣಾಕಟಾಕ್ಷಃ ॥ ೪ ॥

ಯೇ ತ್ವಾ ಸ್ಮರಂತಿ ಸತತಂ ಸಹಜಪ್ರಕಾಶಾಂ
ಕಾಶೀಪುರೀಸ್ಥಿತಿಮತೀಂ ನತಮೋಕ್ಷಲಕ್ಷ್ಮೀಮ್ ।
ತಾನ್ಸಂಸ್ಮರೇತ್ಸ್ಮರಹರೋ ಧೃತಶುದ್ಧಬುದ್ಧೀ-
-ನ್ನಿರ್ವಾಣರಕ್ಷಣವಿಚಕ್ಷಣಪಾತ್ರಭೂತಾನ್ ॥ ೫ ॥

ಮಾತಸ್ತವಾಂಘ್ರಿಯುಗಳಂ ವಿಮಲಂ ಹೃದಿಸ್ಥಂ
ಯಸ್ಯಾಸ್ತಿ ತಸ್ಯ ಭುವನಂ ಸಕಲಂ ಕರಸ್ಥಮ್ ।
ಯೋ ನಾಮತೇಜ ಏತಿ ಮಂಗಳಗೌರಿ ನಿತ್ಯಂ
ಸಿದ್ಧ್ಯಷ್ಟಕಂ ನ ಪರಿಮುಂಚತಿ ತಸ್ಯ ಗೇಹಮ್ ॥೬ ॥

ತ್ವಂ ದೇವಿ ವೇದಜನನೀ ಪ್ರಣವಸ್ವರೂಪಾ
ಗಾಯತ್ರ್ಯಸಿ ತ್ವಮಸಿ ವೈ ದ್ವಿಜಕಾಮಧೇನುಃ ।
ತ್ವಂ ವ್ಯಾಹೃತಿತ್ರಯಮಿಹಾಽಖಿಲಕರ್ಮಸಿದ್ಧ್ಯೈ
ಸ್ವಾಹಾಸ್ವಧಾಸಿ ಸುಮನಃ ಪಿತೃತೃಪ್ತಿಹೇತುಃ ॥ ೭ ॥

ಗೌರಿ ತ್ವಮೇವ ಶಶಿಮೌಳಿನಿ ವೇಧಸಿ ತ್ವಂ
ಸಾವಿತ್ರ್ಯಸಿ ತ್ವಮಸಿ ಚಕ್ರಿಣಿ ಚಾರುಲಕ್ಷ್ಮೀಃ ।
ಕಾಶ್ಯಾಂ ತ್ವಮಸ್ಯಮಲರೂಪಿಣಿ ಮೋಕ್ಷಲಕ್ಷ್ಮೀಃ
ತ್ವಂ ಮೇ ಶರಣ್ಯಮಿಹ ಮಂಗಳಗೌರಿ ಮಾತಃ ॥ ೮ ॥

See Also  1008 Names Of Sri Krishna In Kannada

ಸ್ತುತ್ವೇತಿ ತಾಂ ಸ್ಮರಹರಾರ್ಧಶರೀರಶೋಭಾಂ
ಶ್ರೀಮಂಗಳಾಷ್ಟಕ ಮಹಾಸ್ತವನೇನ ಭಾನುಃ ।
ದೇವೀಂ ಚ ದೇವಮಸಕೃತ್ಪರಿತಃ ಪ್ರಣಮ್ಯ
ತೂಷ್ಣೀಂ ಬಭೂವ ಸವಿತಾ ಶಿವಯೋಃ ಪುರಸ್ತಾತ್ ॥ ೯ ॥

ಇತಿ ಶ್ರೀಸ್ಕಾಂದಪುರಾಣೇ ಕಾಶೀಖಂಡೇ ರವಿಕೃತ ಶ್ರೀ ಮಂಗಳ ಗೌರೀ ಸ್ತೋತ್ರಮ್ ।

॥ – Chant Stotras in other Languages –


Sri Mangala Gauri Stotram in SanskritEnglish – Kannada – TeluguTamil