Sri Mangala Gauri Stotram In Telugu

॥ Sri Mangala Gauri Stotram Telugu Lyrics ॥

॥ శ్రీ మంగళగౌరీ స్తోత్రం ॥

దేవి త్వదీయచరణాంబుజరేణుగౌరీం
భాలస్థలీం వహతి యః ప్రణతిప్రవీణః ।
జన్మాంతరేపి రజనీకరచారులేఖా
తాం గౌరయత్యతితరాం కిల తస్య పుంసః ॥ ౧ ॥

శ్రీమంగళే సకలమంగళజన్మభూమే
శ్రీమంగళే సకలకల్మషతూలవహ్నే ।
శ్రీమంగళే సకలదానవదర్పహంత్రి
శ్రీమంగళేఽఖిలమిదం పరిపాహి విశ్వమ్ ॥ ౨ ॥

విశ్వేశ్వరి త్వమసి విశ్వజనస్య కర్త్రీ
త్వం పాలయిత్ర్యసి తథా ప్రళయేపిహంత్రీ ।
త్వన్నామకీర్తనసముల్లసదచ్ఛపుణ్యా
స్రోతస్వినీ హరతి పాతకకూలవృక్షాన్ ॥ ౩ ॥

మాతర్భవాని భవతీ భవతీవ్రదుఃఖ-
-సంభారహారిణి శరణ్యమిహాస్తి నాన్యా ।
ధన్యాస్త ఏవ భువనేషు త ఏవ మాన్యా
యేషు స్ఫురేత్తవశుభః కరుణాకటాక్షః ॥ ౪ ॥

యే త్వా స్మరంతి సతతం సహజప్రకాశాం
కాశీపురీస్థితిమతీం నతమోక్షలక్ష్మీమ్ ।
తాన్సంస్మరేత్స్మరహరో ధృతశుద్ధబుద్ధీ-
-న్నిర్వాణరక్షణవిచక్షణపాత్రభూతాన్ ॥ ౫ ॥

మాతస్తవాంఘ్రియుగళం విమలం హృదిస్థం
యస్యాస్తి తస్య భువనం సకలం కరస్థమ్ ।
యో నామతేజ ఏతి మంగళగౌరి నిత్యం
సిద్ధ్యష్టకం న పరిముంచతి తస్య గేహమ్ ॥౬ ॥

త్వం దేవి వేదజననీ ప్రణవస్వరూపా
గాయత్ర్యసి త్వమసి వై ద్విజకామధేనుః ।
త్వం వ్యాహృతిత్రయమిహాఽఖిలకర్మసిద్ధ్యై
స్వాహాస్వధాసి సుమనః పితృతృప్తిహేతుః ॥ ౭ ॥

గౌరి త్వమేవ శశిమౌళిని వేధసి త్వం
సావిత్ర్యసి త్వమసి చక్రిణి చారులక్ష్మీః ।
కాశ్యాం త్వమస్యమలరూపిణి మోక్షలక్ష్మీః
త్వం మే శరణ్యమిహ మంగళగౌరి మాతః ॥ ౮ ॥

See Also  108 Names Of Sri Venkateshwara 2 In Telugu

స్తుత్వేతి తాం స్మరహరార్ధశరీరశోభాం
శ్రీమంగళాష్టక మహాస్తవనేన భానుః ।
దేవీం చ దేవమసకృత్పరితః ప్రణమ్య
తూష్ణీం బభూవ సవితా శివయోః పురస్తాత్ ॥ ౯ ॥

ఇతి శ్రీస్కాందపురాణే కాశీఖండే రవికృత శ్రీ మంగళ గౌరీ స్తోత్రమ్ ।

॥ – Chant Stotras in other Languages –


Sri Mangala Gauri Stotram in SanskritEnglishKannada – Telugu – Tamil