॥ Sri Mangirish Ashtakam Kannada Lyrics ॥
॥ ಶ್ರೀಮಾಂಗಿರೀಶಾಷ್ಟಕಮ್ ॥
ವಿಶ್ವೇಶ್ವರ ಪ್ರಣತ ದುಃಖವಿನಾಶಕಾರಿನ್
ಸರ್ವೇಷ್ಟಪೂರಕ ಪರಾತ್ಪರಪಾಪಹಾರಿನ್ ।
ಕುನ್ದೇನ್ದುಶಂಖಧವಲಶ್ರುತಿಗೀತಕೀರ್ತೇ
ಭೋ ಮಾಂಗಿರೀಶ ತವ ಪಾದಯುಗಂ ನಮಾಮಿ ॥ 1 ॥
ಗಂಗಾಧರ ಸ್ವಜನಪಾಲನಶೋಕಹಾರಿನ್
ಶಕ್ರಾದಿಸಂಸ್ತುತಗುಣ ಪ್ರಮಥಾಧಿನಾಥ ।
ಖಂಡೇನ್ದುಶೇಖರ ಸುರೇಶ್ವರ ಭವ್ಯಮೂರ್ತೇ
ಭೋ ಮಾಂಗಿರೀಶ ತವ ಪಾದಯುಗಂ ನಮಾಮಿ ॥ 2 ॥
ತ್ರೈಲೋಕ್ಯನಾಥ ಮದನಾನ್ತಕ ಶೂಲಪಾಣೇ
ಪಾಪೌಘನಾಶನಪಟೋ ಪರಮಪ್ರತಾಪಿನ್ ।
ಲೋಮೇಶವಿಪ್ರವರದಾಯಕ ಕಾಲಶತ್ರೋ
ಭೋ ಮಾಂಗಿರೀಶ ತವ ಪಾದಯುಗಂ ನಮಾಮಿ ॥ 3 ॥
ಭೋ ಭೂತನಾಥ ಭವಭಂಜನ ಸರ್ವಸಾಕ್ಷಿನ್
ಮೃತ್ಯುಂಜಯಾನ್ಧಕನಿಷೂದನ ವಿಶ್ವರೂಪ ।
ಭೋ ಸಂಗಮೇಶ್ವರ ಸದಾಶಿವ ಭಾಲನೇತ್ರ
ಭೋ ಮಾಂಗಿರೀಶ ತವ ಪಾದಯುಗಂ ನಮಾಮಿ ॥ 4 ॥
ಅಮ್ಭೋಜಸಮ್ಭವ-ರಮಾಪತಿ -ಪೂಜಿತಾಂಘ್ರೇ
ಯಕ್ಷೇನ್ದ್ರಮಿತ್ರ ಕರುಣಾಮಯಕಾಯ ಶಮ್ಭೋ ।
ವಿದ್ಯಾನಿಧೇ ವರದ ದೀನಜನೈಕಬನ್ಧೋ
ಭೋ ಮಾಂಗಿರೀಶ ತವ ಪಾದಯುಗಂ ನಮಾಮಿ ॥ 5 ॥
ರುದ್ರಾಕ್ಷಭೂಷಿತತನೋ ಮೃಗಶಾವಹಸ್ತ
ಮೋಹಾನ್ಧಕಾರಮಿಹಿರ ಶ್ರಿತಭಾಲನೇತ್ರ ।
ಗೋತ್ರಾಧರೇನ್ದ್ರ-ತನಯಾಂಕಿತ-ವಾಮಭಾಗ
ಭೋ ಮಾಂಗಿರೀಶ ತವ ಪಾದಯುಗಂ ನಮಾಮಿ ॥ 6 ॥
ಕೈಲಾಸನಾಥ ಕಲಿದೋಷ ವಿನಾಶದಕ್ಷ
ಧತ್ತೂರಪುಷ್ಪ ಪರಮಪ್ರಿಯ ಪಂಚವಕ್ತ್ರ ।
ಶ್ರೀವಾರಿಜಾಕ್ಷಕುಲದೈವತ ಕಾಮಶತ್ರೋ
ಭೋ ಮಾಂಗಿರೀಶ ತವ ಪಾದಯುಗಂ ನಮಾಮಿ ॥ 7 ॥
ಯೋಗೀನ್ದ್ರಹೃತ್ಕಮಲಕೋಶ ಸದಾನಿವಾಸ
ಜ್ಞಾನಪ್ರದಾಯಕ ಶರಣ್ಯ ದುರನ್ತಶಕ್ತೇ ।
ಯಜ್ಞೇಶಯಜ್ಞಫಲದಾಯಕ ಯಜ್ಞಮೂರ್ತೇ
ಭೋ ಮಾಂಗಿರೀಶ ತವ ಪಾದಯುಗಂ ನಮಾಮಿ ॥ 8 ॥
ಯೇ ಮಾಂಗಿರೀಶ-ಚರಣ-ಸ್ಮರಣಾನುರಕ್ತಾಂ
ಮಾಂಗೀಶ್ವರಾಷ್ಟಕಮಿದಂ ಸತತಂ ಪಠನ್ತಿ ।
ತೇಽಮುಷ್ಮಿಕಂ ಸಕಲ ಸೌಖ್ಯಮಪೀಹ ಭುಕ್ತ್ವಾ
ದೇಹಾನ್ತಕಾಲಸಮಯೇ ಶಿವತಾಂ ವ್ರಜನ್ತಿ ॥
॥ ಭೋ ಮಾಂಗಿರೀಶ ತವ ಪಾದಯುಗಂ ನಮಾಮಿ ॥
ಇತಿ ಶ್ರೀಮಾಂಗಿರೀಶಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Sri Mangirish Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil