॥ Sri Mangirish Ashtakam Telugu Lyrics ॥
॥ శ్రీమాఙ్గిరీశాష్టకమ్ ॥
విశ్వేశ్వర ప్రణత దుఃఖవినాశకారిన్
సర్వేష్టపూరక పరాత్పరపాపహారిన్ ।
కున్దేన్దుశఙ్ఖధవలశ్రుతిగీతకీర్తే
భో మాఙ్గిరీశ తవ పాదయుగం నమామి ॥ ౧ ॥
గఙ్గాధర స్వజనపాలనశోకహారిన్
శక్రాదిసంస్తుతగుణ ప్రమథాధినాథ ।
ఖణ్డేన్దుశేఖర సురేశ్వర భవ్యమూర్తే
భో మాఙ్గిరీశ తవ పాదయుగం నమామి ॥ ౨ ॥
త్రైలోక్యనాథ మదనాన్తక శూలపాణే
పాపౌఘనాశనపటో పరమప్రతాపిన్ ।
లోమేశవిప్రవరదాయక కాలశత్రో
భో మాఙ్గిరీశ తవ పాదయుగం నమామి ॥ ౩ ॥
భో భూతనాథ భవభఞ్జన సర్వసాక్షిన్
మృత్యుఞ్జయాన్ధకనిషూదన విశ్వరూప ।
భో సఙ్గమేశ్వర సదాశివ భాలనేత్ర
భో మాఙ్గిరీశ తవ పాదయుగం నమామి ॥ ౪ ॥
అమ్భోజసమ్భవ-రమాపతి -పూజితాఙ్ఘ్రే
యక్షేన్ద్రమిత్ర కరుణామయకాయ శమ్భో ।
విద్యానిధే వరద దీనజనైకబన్ధో
భో మాఙ్గిరీశ తవ పాదయుగం నమామి ॥ ౫ ॥
రుద్రాక్షభూషితతనో మృగశావహస్త
మోహాన్ధకారమిహిర శ్రితభాలనేత్ర ।
గోత్రాధరేన్ద్ర-తనయాఙ్కిత-వామభాగ
భో మాఙ్గిరీశ తవ పాదయుగం నమామి ॥ ౬ ॥
కైలాసనాథ కలిదోష వినాశదక్ష
ధత్తూరపుష్ప పరమప్రియ పఞ్చవక్త్ర ।
శ్రీవారిజాక్షకులదైవత కామశత్రో
భో మాఙ్గిరీశ తవ పాదయుగం నమామి ॥ ౭ ॥
యోగీన్ద్రహృత్కమలకోశ సదానివాస
జ్ఞానప్రదాయక శరణ్య దురన్తశక్తే ।
యజ్ఞేశయజ్ఞఫలదాయక యజ్ఞమూర్తే
భో మాఙ్గిరీశ తవ పాదయుగం నమామి ॥ ౮ ॥
యే మాఙ్గిరీశ-చరణ-స్మరణానురక్తాం
మాఙ్గీశ్వరాష్టకమిదం సతతం పఠన్తి ।
తేఽముష్మికం సకల సౌఖ్యమపీహ భుక్త్వా
దేహాన్తకాలసమయే శివతాం వ్రజన్తి ॥
॥ భో మాఙ్గిరీశ తవ పాదయుగం నమామి ॥
ఇతి శ్రీమాఙ్గిరీశాష్టకం సమ్పూర్ణమ్ ।
– Chant Stotra in Other Languages –
Sri Mangirish Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil