॥ Manmahaprabhorashtakam Shrisvarupacharitamritam Gujarati Lyrics ॥
॥ શ્રીમન્મહાપ્રભોરષ્ટકમ્ શ્રીસ્વરૂપચરિતામૃતમ્ ॥
સ્વરૂપ ! ભવતો ભવત્વયમિતિ સ્મિતસ્નિગ્ધયા
ગિરૈવ રઘુનાથમુત્પુલકિગાત્રમુલ્લાસયન્ ।
રહસ્યુપદિશન્ નિજપ્રણયગૂઢમુદ્રાં સ્વયં
વિરાજતુ ચિરાય મે હૃદિ સ ગૌરચન્દ્રઃ પ્રભુઃ ॥ ૧ ॥
સ્વરૂપ ! મમ હૃદ્વ્રણં બત વિવેદ રૂપઃ કથં
લિલેખ યદયં પઠ ત્વમપિ તાલપત્રેઽક્ષરમ્ ।
ઇતિ પ્રણયવેલ્લિતં વિદધદાશુ રૂપાન્તરં
વિરાજતુ ચિરાય મે હૃદિ સ ગૌરચન્દ્રઃ પ્રભુઃ ॥ ૨ ॥
સ્વરૂપ ! પરકીયસત્પ્રવરવસ્તુનાશેચ્છતાં
દધજ્જન ઇહ ત્વયા પરિચિતો ન વેતીક્ષયમ્ ।
સનાતનમુદિત્ય વિસ્મિતમુખં મહાવિસ્મિતં
વિરાજતુ ચિરાય મે હૃદિ સ ગૌરચન્દ્રઃ પ્રભુઃ ॥ ૩ ॥
સ્વરૂપ ! હરિનામ યજ્ જગદઘોષયં તેન કિં
ન વાચયિતુમપ્યથાશકમિમં શિવાનન્દજમ્ ।
ઇતિ સ્વપદલેહનૈઃ શિશુમચીકરન્ યઃ કવિં
વિરાજતુ ચિરાય મે હૃદિ સ ગૌરચન્દ્રઃ પ્રભુઃ ॥ ૪ ॥
સ્વરૂપ ! રસરીતિરમ્બુજદૃશાં વ્રજે ભણ્યતાં
ઘનપ્રણયમાનજા શ્રુતિયુગં મમોત્કણ્ઠતે ।
રમા યદિહ માનિની તદપિ લોકયેતિ બ્રુવન્
વિરાજતુ ચિરાય મે હૃદિ સ ગૌરચન્દ્રઃ પ્રભુઃ ॥ ૫ ॥
સ્વરૂપ ! રસમન્દિરં ભવસિ મન્મુદામાસ્પદં
ત્વમત્ર પુરુષોત્તમે વ્રજભુવીવ મે વર્તસે ।
ઇતિ સ્વપરિરમ્ભણૈઃ પુલકિનં વ્યધાત્તં ચ યો
વિરાજતુ ચિરાય મે હૃદિ સ ગૌરચન્દ્રઃ પ્રભુઃ ॥ ૬ ॥
સ્વરૂપ ! કિમપીક્ષિતં ક્વ નુ વિભો નિશિ સ્વપ્નતઃ
પ્રભો કથય કિં નુ તન્નવયુવા વરામ્ભોધરઃ ।
વ્યધાત્કિમયમીક્ષ્યતે કિમુ ન હીત્યગાત્તાં દશાં
વિરાજતુ ચિરાય મે હૃદિ સ ગૌરચન્દ્રઃ પ્રભુઃ ॥ ૭ ॥
સ્વરૂપ ! મમ નેત્રયોઃ પુરત એવ કૃષ્ણો હસન્ન્
ઉપૈતિ ન કરગ્રહં બત દદાતિ હા કિં સખે ।
ઇતિ સ્ખલતિ ધાવતિ શ્વસિતિ ઘૂર્ણતે યઃ સદા
વિરાજતુ ચિરાય મે હૃદિ સ ગૌરચન્દ્રઃ પ્રભુઃ ॥ ૮ ॥
સ્વરૂપચરિતામૃતં કિલ મહાપ્રભોરષ્ટકં
રહસ્યતમમદ્ભુતં પઠતિ યઃ કૃતી પ્રત્યહમ્ ।
સ્વરૂપપરિવારતાં નયતિ તં શચીનન્દનો
ઘનપ્રણયમાધુરીં સ્વપદયોઃ સમાત્વાદયન્ ॥ ૯ ॥
ઇતિ શ્રીવિશ્વનાથચક્રવર્તિઠક્કુરવિરચિતસ્તવામૃતલહર્યાં
શ્રીમહાપ્રભોરષ્ટકં સમ્પૂર્ણમ્ ।
– Chant Stotra in Other Languages –
Sri Manmahaprabhorashtakam Shrisvarupacharitamritam Lyrics in Sanskrit » English » Bengali » Kannada » Malayalam » Odia » Telugu » Tamil