॥ Manmahaprabhorashtakam Shrisvarupacharitamritam Kannada Lyrics ॥
॥ ಶ್ರೀಮನ್ಮಹಾಪ್ರಭೋರಷ್ಟಕಮ್ ಶ್ರೀಸ್ವರೂಪಚರಿತಾಮೃತಮ್ ॥
ಸ್ವರೂಪ ! ಭವತೋ ಭವತ್ವಯಮಿತಿ ಸ್ಮಿತಸ್ನಿಗ್ಧಯಾ
ಗಿರೈವ ರಘುನಾಥಮುತ್ಪುಲಕಿಗಾತ್ರಮುಲ್ಲಾಸಯನ್ ।
ರಹಸ್ಯುಪದಿಶನ್ ನಿಜಪ್ರಣಯಗೂಢಮುದ್ರಾಂ ಸ್ವಯಂ
ವಿರಾಜತು ಚಿರಾಯ ಮೇ ಹೃದಿ ಸ ಗೌರಚನ್ದ್ರಃ ಪ್ರಭುಃ ॥ 1 ॥
ಸ್ವರೂಪ ! ಮಮ ಹೃದ್ವ್ರಣಂ ಬತ ವಿವೇದ ರೂಪಃ ಕಥಂ
ಲಿಲೇಖ ಯದಯಂ ಪಠ ತ್ವಮಪಿ ತಾಲಪತ್ರೇಽಕ್ಷರಮ್ ।
ಇತಿ ಪ್ರಣಯವೇಲ್ಲಿತಂ ವಿದಧದಾಶು ರೂಪಾನ್ತರಂ
ವಿರಾಜತು ಚಿರಾಯ ಮೇ ಹೃದಿ ಸ ಗೌರಚನ್ದ್ರಃ ಪ್ರಭುಃ ॥ 2 ॥
ಸ್ವರೂಪ ! ಪರಕೀಯಸತ್ಪ್ರವರವಸ್ತುನಾಶೇಚ್ಛತಾಂ
ದಧಜ್ಜನ ಇಹ ತ್ವಯಾ ಪರಿಚಿತೋ ನ ವೇತೀಕ್ಷಯಮ್ ।
ಸನಾತನಮುದಿತ್ಯ ವಿಸ್ಮಿತಮುಖಂ ಮಹಾವಿಸ್ಮಿತಂ
ವಿರಾಜತು ಚಿರಾಯ ಮೇ ಹೃದಿ ಸ ಗೌರಚನ್ದ್ರಃ ಪ್ರಭುಃ ॥ 3 ॥
ಸ್ವರೂಪ ! ಹರಿನಾಮ ಯಜ್ ಜಗದಘೋಷಯಂ ತೇನ ಕಿಂ
ನ ವಾಚಯಿತುಮಪ್ಯಥಾಶಕಮಿಮಂ ಶಿವಾನನ್ದಜಮ್ ।
ಇತಿ ಸ್ವಪದಲೇಹನೈಃ ಶಿಶುಮಚೀಕರನ್ ಯಃ ಕವಿಂ
ವಿರಾಜತು ಚಿರಾಯ ಮೇ ಹೃದಿ ಸ ಗೌರಚನ್ದ್ರಃ ಪ್ರಭುಃ ॥ 4 ॥
ಸ್ವರೂಪ ! ರಸರೀತಿರಮ್ಬುಜದೃಶಾಂ ವ್ರಜೇ ಭಣ್ಯತಾಂ
ಘನಪ್ರಣಯಮಾನಜಾ ಶ್ರುತಿಯುಗಂ ಮಮೋತ್ಕಂಠತೇ ।
ರಮಾ ಯದಿಹ ಮಾನಿನೀ ತದಪಿ ಲೋಕಯೇತಿ ಬ್ರುವನ್
ವಿರಾಜತು ಚಿರಾಯ ಮೇ ಹೃದಿ ಸ ಗೌರಚನ್ದ್ರಃ ಪ್ರಭುಃ ॥ 5 ॥
ಸ್ವರೂಪ ! ರಸಮನ್ದಿರಂ ಭವಸಿ ಮನ್ಮುದಾಮಾಸ್ಪದಂ
ತ್ವಮತ್ರ ಪುರುಷೋತ್ತಮೇ ವ್ರಜಭುವೀವ ಮೇ ವರ್ತಸೇ ।
ಇತಿ ಸ್ವಪರಿರಮ್ಭಣೈಃ ಪುಲಕಿನಂ ವ್ಯಧಾತ್ತಂ ಚ ಯೋ
ವಿರಾಜತು ಚಿರಾಯ ಮೇ ಹೃದಿ ಸ ಗೌರಚನ್ದ್ರಃ ಪ್ರಭುಃ ॥ 6 ॥
ಸ್ವರೂಪ ! ಕಿಮಪೀಕ್ಷಿತಂ ಕ್ವ ನು ವಿಭೋ ನಿಶಿ ಸ್ವಪ್ನತಃ
ಪ್ರಭೋ ಕಥಯ ಕಿಂ ನು ತನ್ನವಯುವಾ ವರಾಮ್ಭೋಧರಃ ।
ವ್ಯಧಾತ್ಕಿಮಯಮೀಕ್ಷ್ಯತೇ ಕಿಮು ನ ಹೀತ್ಯಗಾತ್ತಾಂ ದಶಾಂ
ವಿರಾಜತು ಚಿರಾಯ ಮೇ ಹೃದಿ ಸ ಗೌರಚನ್ದ್ರಃ ಪ್ರಭುಃ ॥ 7 ॥
ಸ್ವರೂಪ ! ಮಮ ನೇತ್ರಯೋಃ ಪುರತ ಏವ ಕೃಷ್ಣೋ ಹಸನ್ನ್
ಉಪೈತಿ ನ ಕರಗ್ರಹಂ ಬತ ದದಾತಿ ಹಾ ಕಿಂ ಸಖೇ ।
ಇತಿ ಸ್ಖಲತಿ ಧಾವತಿ ಶ್ವಸಿತಿ ಘೂರ್ಣತೇ ಯಃ ಸದಾ
ವಿರಾಜತು ಚಿರಾಯ ಮೇ ಹೃದಿ ಸ ಗೌರಚನ್ದ್ರಃ ಪ್ರಭುಃ ॥ 8 ॥
ಸ್ವರೂಪಚರಿತಾಮೃತಂ ಕಿಲ ಮಹಾಪ್ರಭೋರಷ್ಟಕಂ
ರಹಸ್ಯತಮಮದ್ಭುತಂ ಪಠತಿ ಯಃ ಕೃತೀ ಪ್ರತ್ಯಹಮ್ ।
ಸ್ವರೂಪಪರಿವಾರತಾಂ ನಯತಿ ತಂ ಶಚೀನನ್ದನೋ
ಘನಪ್ರಣಯಮಾಧುರೀಂ ಸ್ವಪದಯೋಃ ಸಮಾತ್ವಾದಯನ್ ॥ 9 ॥
ಇತಿ ಶ್ರೀವಿಶ್ವನಾಥಚಕ್ರವರ್ತಿಠಕ್ಕುರವಿರಚಿತಸ್ತವಾಮೃತಲಹರ್ಯಾಂ
ಶ್ರೀಮಹಾಪ್ರಭೋರಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Sri Manmahaprabhorashtakam Shrisvarupacharitamritam Lyrics in Sanskrit » English » Bengali » Gujarati » Malayalam » Odia » Telugu » Tamil