॥ Sri Meenakshi Sundareshwar Stotram Kannada Lyrics ॥
॥ ಶ್ರೀಮೀನಾಕ್ಷೀ ಸುಂದರೇಶ್ವರಸ್ತೋತ್ರಂ ॥
ಸುವರ್ಣಪದ್ಮಿನೀತಟಾಂತದಿವ್ಯಹರ್ಮ್ಯವಾಸಿನೇ
ಸುಪರ್ಣವಾಹನಪ್ರಿಯಾಯ ಸೂರ್ಯಕೋಟಿತೇಜಸೇ ।
ಅಪರ್ಣಯಾ ವಿಹಾರಿಣೇ ಫಣಾಧರೇಂದ್ರಧಾರಿಣೇ
ಸದಾ ನಮಶ್ಶಿವಾಯ ತೇ ಸದಾಶಿವಾಯ ಶಂಭವೇ ॥ 1 ॥
ಸುತುಂಗಭಂಗಜಾನ್ಹುಜಾಸುಧಾಂಶುಖಂಡಮೌಲಯೇ
ಪತಂಗಪಂಕಜಾಸುಹೃತ್ಕೃಪೀಟಯೋನಿಚಕ್ಷುಷೇ ।
ಭುಜಂಗರಾಜಕುಂಡಲಾಯ ಪುಣ್ಯಶಾಲಿಬಂಧವೇ
ಸದಾ ನಮಶ್ಶಿವಾಯ ತೇ ಸದಾಶಿವಾಯ ಶಂಭವೇ ॥ 2 ॥
ಚತುರ್ಮುಖಾನನಾರವಿಂದವೇದಗೀತಮೂರ್ತಯೇ
ಚತುರ್ಭುಜಾನುಜಾಶರೀರಶೋಭಮಾನಮೂರ್ತಯೇ ।
ಚತುರ್ವಿಧಾರ್ಥದಾನಶೌಂಡತಾಂಡವಸ್ವರೂಪಿನೇ
ಸದಾ ನಮಶ್ಶಿವಾಯ ತೇ ಸದಾಶಿವಾಯ ಶಂಭವೇ ॥ 3 ॥
ಶರನ್ನಿಶಾಕರಪ್ರಕಾಶಮಂದಹಾಸಮಂಜುಲಾ-
ಧರಪ್ರವಾಲಭಾಸಮಾನವಕ್ತ್ರಮಂಡಲಶ್ರಿಯೇ ।
ಕರಸ್ಫುರತ್ಕಪಾಲಮುಕ್ತವಿಷ್ಣುರಕ್ತಪಾಯಿನೇ
ಸದಾ ನಮಶ್ಶಿವಾಯ ತೇ ಸದಾಶಿವಾಯ ಶಂಭವೇ ॥ 4 ॥
ಸಹಸ್ರಪುಂಡರೀಕಪೂಜನೈಕಶೂನ್ಯದರ್ಶನಾ
ಸಹಸ್ವನೇತ್ರಕಲ್ಪಿತಾರ್ಚನಾಚ್ಯುತಾಯ ಭಕ್ತಿತಃ ।
ಸಹಸ್ರಭಾನುಮಂಡಲಪ್ರಕಾಶಚಕ್ರದಾಯಿನೇ
ಸದಾ ನಮಶ್ಶಿವಾಯ ತೇ ಸದಾಶಿವಾಯ ಶಂಭವೇ ॥ 5 ॥
ರಸಾರಥಾಯ ರಮ್ಯಪತ್ರಭೃದ್ರಥಾಂಗಪಾಣಯೇ
ರಸಾಧರೇಂದ್ರಚಾಪಶಿಂಜಿನೀಕೃತಾನಿಲಾಶಿನೇ ।
ಸ್ವಸಾರಥೀಕೃತಾಜನುನ್ನವೇದರೂಪವಾಜಿನೇ
ಸದಾ ನಮಶ್ಶಿವಾಯ ತೇ ಸದಾಶಿವಾಯ ಶಂಭವೇ ॥ 6 ॥
ಅತಿಪ್ರಗಲ್ಭವೀರಭದ್ರಸಿಂಹನಾದಗರ್ಜಿತ
ಶ್ರುತಿಪ್ರಭೀತದಕ್ಷಯಾಗಭೋಗಿನಾಕಸದ್ಮನಾಂ ।
ಗತಿಪ್ರದಾಯ ಗರ್ಜಿತಾಖಿಲಪ್ರಪಂಚಸಾಕ್ಷಿಣೇ
ಸದಾ ನಮಶ್ಶಿವಾಯ ತೇ ಸದಾ ಶಿವಾಯ ಶಂಭವೇ ॥ 7 ॥
ಮೃಕಂಡುಸೂನುರಕ್ಷಣಾವಧೂತದಂಡಪಾಣಯೇ
ಸುಗಂಡಮಂಡಲಸ್ಫುರತ್ಪ್ರಭಾಜಿತಾಮೃತಾಂಶವೇ ।
ಅಖಂಡಭೋಗಸಂಪದರ್ಥಿಲೋಕಭಾವಿತಾತ್ಮನೇ
ಸದಾ ನಮಶ್ಶಿವಾಯ ತೇ ಸದಾ ಶಿವಾಯ ಶಂಭವೇ ॥ 8 ॥
ಮಧುರಿಪುವಿಧಿಶಕ್ರಮುಖ್ಯದೇವೈರಪಿ ನಿಯಮಾರ್ಚಿತಪಾದಪಂಕಜಾಯ ।
ಕನಕಗಿರಿಶರಾಸನಾಯ ತುಭ್ಯಂ ರಜತಸಭಾಪತಯೇ ನಮಃ ಶಿವಾಯ ॥ 9 ॥
ಹಾಲಾಸ್ಯನಾಥಾಯ ಮಹೇಶ್ವರಾಯ ಹಾಲಾಹಲಾಲಂಕೃತಕಂಧರಾಯ ।
ಮೀನೇಕ್ಷನಾಯಾಃ ಪತಯೇ ಶಿವಾಯ ನಮೋ ನಮಃ ಸುಂದರತಾಂಡವಾಯ ॥ 10 ॥
ತ್ವಯಾ ಕೃತಮಿದಂ ಸ್ತೋತ್ರಂ ಯಃ ಪಠೇದ್ಭಕ್ತಿಸಂಯುತಃ ।
ತಸ್ಯಾಽಽಯುರ್ದೀರ್ಘಮಾರೋಗ್ಯಂ ಸಂಪದಶ್ಚ ದದಾಮ್ಯಹಂ ॥ 11 ॥
– Chant Stotra in Other Languages –
Minaxi Sundareshvara Stotram in Sanskrit – English – Bengali – Gujarati – Kannada – Malayalam – Odia – Telugu – Tamil