॥ Sri Meenakshi Sundareshwar Stotram Malayalam Lyrics ॥
॥ ശ്രീമീനാക്ഷീ സുന്ദരേശ്വരസ്തോത്രം ॥
സുവർണപദ്മിനീതടാന്തദിവ്യഹർമ്യവാസിനേ
സുപർണവാഹനപ്രിയായ സൂര്യകോടിതേജസേ ।
അപർണയാ വിഹാരിണേ ഫണാധരേന്ദ്രധാരിണേ
സദാ നമശ്ശിവായ തേ സദാശിവായ ശംഭവേ ॥ 1 ॥
സുതുംഗഭംഗജാൻഹുജാസുധാംശുഖണ്ഡമൗലയേ
പതംഗപങ്കജാസുഹൃത്കൃപീടയോനിചക്ഷുഷേ ।
ഭുജംഗരാജകുണ്ഡലായ പുണ്യശാലിബന്ധവേ
സദാ നമശ്ശിവായ തേ സദാശിവായ ശംഭവേ ॥ 2 ॥
ചതുർമുഖാനനാരവിന്ദവേദഗീതമൂർതയേ
ചതുർഭുജാനുജാശരീരശോഭമാനമൂർതയേ ।
ചതുർവിധാർഥദാനശൗണ്ഡതാണ്ഡവസ്വരൂപിനേ
സദാ നമശ്ശിവായ തേ സദാശിവായ ശംഭവേ ॥ 3 ॥
ശരന്നിശാകരപ്രകാശമന്ദഹാസമഞ്ജുലാ-
ധരപ്രവാലഭാസമാനവക്ത്രമണ്ഡലശ്രിയേ ।
കരസ്ഫുരത്കപാലമുക്തവിഷ്ണുരക്തപായിനേ
സദാ നമശ്ശിവായ തേ സദാശിവായ ശംഭവേ ॥ 4 ॥
സഹസ്രപുണ്ഡരീകപൂജനൈകശൂന്യദർശനാ
സഹസ്വനേത്രകൽപിതാർചനാച്യുതായ ഭക്തിതഃ ।
സഹസ്രഭാനുമണ്ഡലപ്രകാശചക്രദായിനേ
സദാ നമശ്ശിവായ തേ സദാശിവായ ശംഭവേ ॥ 5 ॥
രസാരഥായ രമ്യപത്രഭൃദ്രഥാംഗപാണയേ
രസാധരേന്ദ്രചാപശിഞ്ജിനീകൃതാനിലാശിനേ ।
സ്വസാരഥീകൃതാജനുന്നവേദരൂപവാജിനേ
സദാ നമശ്ശിവായ തേ സദാശിവായ ശംഭവേ ॥ 6 ॥
അതിപ്രഗൽഭവീരഭദ്രസിംഹനാദഗർജിത
ശ്രുതിപ്രഭീതദക്ഷയാഗഭോഗിനാകസദ്മനാം ।
ഗതിപ്രദായ ഗർജിതാഖിലപ്രപഞ്ചസാക്ഷിണേ
സദാ നമശ്ശിവായ തേ സദാ ശിവായ ശംഭവേ ॥ 7 ॥
മൃകണ്ഡുസൂനുരക്ഷണാവധൂതദണ്ഡപാണയേ
സുഗണ്ഡമണ്ഡലസ്ഫുരത്പ്രഭാജിതാമൃതാംശവേ ।
അഖണ്ഡഭോഗസമ്പദർഥിലോകഭാവിതാത്മനേ
സദാ നമശ്ശിവായ തേ സദാ ശിവായ ശംഭവേ ॥ 8 ॥
മധുരിപുവിധിശക്രമുഖ്യദേവൈരപി നിയമാർചിതപാദപങ്കജായ ।
കനകഗിരിശരാസനായ തുഭ്യം രജതസഭാപതയേ നമഃ ശിവായ ॥ 9 ॥
ഹാലാസ്യനാഥായ മഹേശ്വരായ ഹാലാഹലാലങ്കൃതകന്ധരായ ।
മീനേക്ഷനായാഃ പതയേ ശിവായ നമോ നമഃ സുന്ദരതാണ്ഡവായ ॥ 10 ॥
ത്വയാ കൃതമിദം സ്തോത്രം യഃ പഠേദ്ഭക്തിസംയുതഃ ।
തസ്യാഽഽയുർദീർഘമാരോഗ്യം സമ്പദശ്ച ദദാമ്യഹം ॥ 11 ॥
– Chant Stotra in Other Languages –
Minaxi Sundareshvara Stotram in Sanskrit – English – Bengali – Gujarati – Kannada – Malayalam – Odia – Telugu – Tamil