॥ Sri Mukundaraya Ashtakam Malayalam Lyrics ॥
॥ ശ്രീമുകുന്ദരായാഷ്ടകം ॥
(രാമകലീ-ഗണേശ ഗീയതേ)
വനിതോപഹാസനൃത്യത്സ്മിതവദനാനന്ദജോഷതോഷദായിന്‍ ।
ശ്രീമന്‍മുകുന്ദരായ ത്വയ്യാസക്തം മനോ മേഽസ്തു ॥ 1 ॥
മണിമയനന്ദാവാസേ കുമാരികാവൃന്ദശോഭിസദ്ധാസ്യേ ।
നവനീതലോഭിതാസ്യേ (സതതം ത്വയി ഹരൌ) മതിര്‍മേഽസ്തു ॥ 2 ॥
പരിധൃതഹീരകഹാരം വ്രജാങ്ഗനാദര്‍ശനീയകൌമാരം ।
കൃതഗോപുച്ഛവിഹാരം ജിതമാരം പ്രണൌമി ഹൃത്സാരം ॥ 3 ॥
സകലോപനിഷത്സാരം സ്വാനന്ദാപ്രാകൃതാകാരം ।
വന്ദേ നന്ദകുമാരം വാരം വാരം സ്വദാതാരം ॥ 4 ॥
കിങ്കണീനൂപുരരണിതം (സതതം) സിംഹാവലോകനം കര്‍ത്രേ ।
വ്രജജനമാനസഹര്‍ത്രേ നിജാര്‍തിഹര്‍ത്രേ നമസ്കുര്‍മഃ ॥ 5 ॥
അലകസമാവൃതവദനം സുകുന്ദകലികാസുശോഭിതം സ്വാസ്യം ।
ഗോപയുവതീരതിസദനം ജിതമദനം നന്ദനന്ദനം നൌമി ॥ 6 ॥
വ്രജകര്‍ദമലിപ്താങ്ഗം കരധൃതനവനീതമോഹിതാനങ്ഗം ।
വന്ദേ ലോലവിലോചനാസക്താങ്ഗനാസങ്ഗം ॥ 7 ॥
നര്‍തനലീലാകരണം മനോഹരണം വപുഷാ നന്ദവിസ്തരണം ।
സേവകജനഭവതരണം യാമി തമഹം സദൈവ ശരണം ॥ 8 ॥
തവ ലീലാരസലുബ്ധാഃ ശ്രീമുകുന്ദരായാഷ്ടകം പ്രേഷ്ണാ ।
സാധനജാലസഹസ്രം ത്യക്ത്വാജസ്രം പഠധ്വം വൈ ॥ 9 ॥
ഇതി ശ്രീമദ്യദുനാഥകുലോദ്ഭവശ്രീഗോപാലാത്മജശ്രീഗിരധരേണവിരചിതം
ശ്രീമുകുന്ദരായാഷ്ടകം സമാപ്തം ।
– Chant Stotra in Other Languages –
Sri Mukundaraya Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil