॥ Nandiswara Ashtakam Gujarati Lyrics ॥
॥ શ્રીનન્દીશ્વરાષ્ટકમ્ ॥
સાક્ષાન્મહત્તમમહાઘનચિદ્વિલાસ
પુઞ્જઃ સ્વયં શિખરિશેખરતામુપેતઃ ।
યત્રેશ્વરઃ સ ખલુ નન્દતિ યેન વેતિ
નન્દીશ્વરઃ સ મદમન્દમુદં દધાતુ ॥ ૧ ॥
બ્રહ્માણ્ડવપ્રગતલોકનિકાયશસ્ય
સન્તર્પિ કૃષ્ણચરિતામૃતનિર્ઝરાઢ્યઃ ।
પર્જન્યસન્તતિસુખાસ્પદપૂર્વકો યો
નન્દીશ્વરઃ સ મદમન્દમુદં દધાતુ ॥ ૨ ॥
યત્સૌભગં ભગવતા ધરણીભૃતાપિ
ન પ્રાપ્યતે સુરગિરિઃ સ હિ કો વરાકઃ ।
નન્દઃ સ્વયં વસતિ યત્ર સપુત્રદારો
નન્દીશ્વરઃ સ મદમન્દમુદં દધાતુ ॥ ૩ ॥
યત્ર વ્રજાધિપપુરાપ્રતિમપ્રકાશ
પ્રાસાદમૂર્ધકલશોપરિનૃત્યરઙ્ગી ।
બર્હીક્ષ્યતે ભુવિ જયધ્વજકેતુભૂતો
નન્દીશ્વરઃ સ મદમન્દમુદં દધાતુ ॥ ૪ ॥
યચ્છૃઙ્ગસઙ્ગતસુગન્ધશિલાધિરૂઢઃ
કૃષ્ણઃ સતૃષ્ણનયનઃ પરિતો વ્રજાબ્જમ્ ।
આલોક્યતે દ્વિષડુદારદાલાટવીસ્તા
નન્દીશ્વરઃ સ મદમન્દમુદં દધાતુ ॥ ૫ ॥
જિગ્યે યદીયતટરાજિસરોજરાજિ
સૌરભ્યમઞ્જુલસરોજલશીકરેણ ।
ત્રૈલોક્યવર્તિવરતીર્થયશો રસૌઘૈ-
ર્નન્દીશ્વરઃ સ મદમન્દમુદં દધાતુ ॥ ૬ ॥
યત્તીરસઙ્ગિપવનૈરભિમૃશ્યમાનાઃ
સ્યુઃ પાવના અપિ જનાઃ સ્વદશાં પરેષામ્ ।
સા પાવનાખ્યસરસી યદુપત્યકાયાં
નન્દીશ્વરઃ સ મદમન્દમુદં દધાતુ ॥ ૭ ॥
કૃષ્ણાખ્યમસ્તિ મહદુજ્જ્વલનીલરત્નં
સૂતે તદેવ વસુ તત્સ્વભુવૈવ દૃષ્ટમ્ ।
તલ્લભ્યતે સુકૃતિનૈવ યદીયસાનૌ
નન્દીશ્વરઃ સ મદમન્દમુદં દધાતુ ॥ ૮ ॥
દુર્વાસનાશતવૃતોઽપિ ભવત્પ્રયત્નઃ
પદ્યાષ્ટકં પઠતિ યઃ શિખરીશ તુભ્યમ્ ।
કૃષ્ણાઙ્ઘ્રિપદ્યરસ એવ સદા સતૃષ્ણં
એતં જનં કુરુ ગુરુપ્રણયં દધાનમ્ ॥ ૯ ॥
ઇતિ મહામહોપાધ્યાયશ્રીવિશ્વનાથચક્રવર્તિવિરચિતં
શ્રીનન્દીશ્વરાષ્ટકં સમાપ્તમ્ ।
– Chant Stotra in Other Languages –
Sri Nandiswara Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil