॥ Nandiswara Ashtakam Malayalam Lyrics ॥
॥ ശ്രീനന്ദീശ്വരാഷ്ടകം ॥
സാക്ഷാന്‍മഹത്തമമഹാഘനചിദ്വിലാസ
പുഞ്ജഃ സ്വയം ശിഖരിശേഖരതാമുപേതഃ ।
യത്രേശ്വരഃ സ ഖലു നന്ദതി യേന വേതി
നന്ദീശ്വരഃ സ മദമന്ദമുദം ദധാതു ॥ 1 ॥
ബ്രഹ്മാണ്ഡവപ്രഗതലോകനികായശസ്യ
സന്തര്‍പി കൃഷ്ണചരിതാമൃതനിര്‍ഝരാഢ്യഃ ।
പര്‍ജന്യസന്തതിസുഖാസ്പദപൂര്‍വകോ യോ
നന്ദീശ്വരഃ സ മദമന്ദമുദം ദധാതു ॥ 2 ॥
യത്സൌഭഗം ഭഗവതാ ധരണീഭൃതാപി
ന പ്രാപ്യതേ സുരഗിരിഃ സ ഹി കോ വരാകഃ ।
നന്ദഃ സ്വയം വസതി യത്ര സപുത്രദാരോ
നന്ദീശ്വരഃ സ മദമന്ദമുദം ദധാതു ॥ 3 ॥
യത്ര വ്രജാധിപപുരാപ്രതിമപ്രകാശ
പ്രാസാദമൂര്‍ധകലശോപരിനൃത്യരങ്ഗീ ।
ബര്‍ഹീക്ഷ്യതേ ഭുവി ജയധ്വജകേതുഭൂതോ
നന്ദീശ്വരഃ സ മദമന്ദമുദം ദധാതു ॥ 4 ॥
യച്ഛൃങ്ഗസങ്ഗതസുഗന്ധശിലാധിരൂഢഃ
കൃഷ്ണഃ സതൃഷ്ണനയനഃ പരിതോ വ്രജാബ്ജം ।
ആലോക്യതേ ദ്വിഷഡുദാരദാലാടവീസ്താ
നന്ദീശ്വരഃ സ മദമന്ദമുദം ദധാതു ॥ 5 ॥
ജിഗ്യേ യദീയതടരാജിസരോജരാജി
സൌരഭ്യമഞ്ജുലസരോജലശീകരേണ ।
ത്രൈലോക്യവര്‍തിവരതീര്‍ഥയശോ രസൌഘൈ-
ര്‍നന്ദീശ്വരഃ സ മദമന്ദമുദം ദധാതു ॥ 6 ॥
യത്തീരസങ്ഗിപവനൈരഭിമൃശ്യമാനാഃ
സ്യുഃ പാവനാ അപി ജനാഃ സ്വദശാം പരേഷാം ।
സാ പാവനാഖ്യസരസീ യദുപത്യകായാം
നന്ദീശ്വരഃ സ മദമന്ദമുദം ദധാതു ॥ 7 ॥
കൃഷ്ണാഖ്യമസ്തി മഹദുജ്ജ്വലനീലരത്നം
സൂതേ തദേവ വസു തത്സ്വഭുവൈവ ദൃഷ്ടം ।
തല്ലഭ്യതേ സുകൃതിനൈവ യദീയസാനൌ
നന്ദീശ്വരഃ സ മദമന്ദമുദം ദധാതു ॥ 8 ॥
ദുര്‍വാസനാശതവൃതോഽപി ഭവത്പ്രയത്നഃ
പദ്യാഷ്ടകം പഠതി യഃ ശിഖരീശ തുഭ്യം ।
കൃഷ്ണാങ്ഘ്രിപദ്യരസ ഏവ സദാ സതൃഷ്ണം
ഏതം ജനം കുരു ഗുരുപ്രണയം ദധാനം ॥ 9 ॥
ഇതി മഹാമഹോപാധ്യായശ്രീവിശ്വനാഥചക്രവര്‍തിവിരചിതം
ശ്രീനന്ദീശ്വരാഷ്ടകം സമാപ്തം ।
– Chant Stotra in Other Languages –
Sri Nandiswara Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil