॥ Sri Narottama Ashtakam Gujarati Lyrics ॥
॥ શ્રીનરોત્તમાષ્ટકમ્ ॥
શ્રીકૃષ્ણનામામૃતવર્ષિવક્ત્ર
ચન્દ્રપ્રભાધ્વસ્તતમોભરાય ।
ગૌરાઙ્ગદેવાનુચરાય તસ્મૈ
નમો નમઃ શ્રીલનરોત્તમાય ॥ ૧ ॥
સઙ્કીર્તનાનન્દજમન્દહાસ્ય
દન્તદ્યુતિદ્યોતિતદિઙ્મુખાય ।
સ્વેદાશ્રુધારાસ્નપિતાય તસ્મૈ
નમો નમઃ શ્રીલનરોત્તમાય ॥ ૨ ॥
મૃદઙ્ગનાદશ્રુતિમાત્રચઞ્ચત્
પદામ્બુજામન્દમનોહરાય ।
સદ્યઃ સમુદ્યત્પુલકાય તસ્મૈ
નમો નમઃ શ્રીલનરોત્તમાય ॥ ૩ ॥
ગન્ધર્વગર્વક્ષપણસ્વલાસ્ય
વિસ્માપિતાશેષકૃતિવ્રજાય ।
સ્વસૃષ્ટગાનપ્રથિતાય તસ્મૈ
નમો નમઃ શ્રીલનરોત્તમાય ॥ ૪ ॥
આનન્દમૂર્ચ્છાવનિપાતભાત
ધૂલીભરાલઙ્કૃતવિગ્રહાય ।
યદ્દર્શનં ભાગ્યભરેણ તસ્મૈ
નમો નમઃ શ્રીલનરોત્તમાય ॥ ૫ ॥
સ્થલે સ્થલે યસ્ય કૃપાપ્રપાભિઃ
કૃષ્ણાન્યતૃષ્ણા જનસંહતીનામ્ ।
નિર્મૂલિતા એવ ભવન્તિ તસ્મૈ
નમો નમઃ શ્રીલનરોત્તમાય ॥ ૬ ॥
યદ્ભક્તિનિષ્ઠા પલરેખિકેવ
સ્પર્શઃ પુનઃ સ્પર્શમણીવ યસ્ય ।
પ્રામાણ્યમેવં શ્રુતિવદ્યદીયં
તસ્મૈ નમઃ શ્રીલનરોત્તમાય ॥ ૭ ॥
મૂર્તૈવ ભક્તિઃ કિમયં કિમેષ
વૈરાગ્યસારસ્તનુમાન્ નૃલોકે ।
સમ્ભાવ્યતે યઃ કૃતિભિઃ સદૈવ
તસ્મૈ નમઃ શ્રીલનરોત્તમાય ॥ ૮ ॥
રાજન્મૃદઙ્ગકરતાલકલાભિરામં
ગૌરાઙ્ગગાનમધુપાનભરાભિરામમ્ ।
શ્રીમન્નરોત્તમપદામ્બુજમઞ્જુનૃત્યં
ભૃત્યં કૃતાર્થયતુ માં ફલિતેષ્ટકૃત્યમ્ ॥ ૯ ॥
ઇતિ શ્રીમદ્વિશ્વનાથચક્રવર્તિવિરચિતં શ્રીનરોત્તમાષ્ટકં સમ્પૂર્ણમ્ ।
– Chant Stotra in Other Languages –
Sri Narottama Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil