॥ Sri Narottama Ashtakam Kannada Lyrics ॥
॥ ಶ್ರೀನರೋತ್ತಮಾಷ್ಟಕಮ್ ॥
ಶ್ರೀಕೃಷ್ಣನಾಮಾಮೃತವರ್ಷಿವಕ್ತ್ರ
ಚನ್ದ್ರಪ್ರಭಾಧ್ವಸ್ತತಮೋಭರಾಯ ।
ಗೌರಾಂಗದೇವಾನುಚರಾಯ ತಸ್ಮೈ
ನಮೋ ನಮಃ ಶ್ರೀಲನರೋತ್ತಮಾಯ ॥ 1 ॥
ಸಂಕೀರ್ತನಾನನ್ದಜಮನ್ದಹಾಸ್ಯ
ದನ್ತದ್ಯುತಿದ್ಯೋತಿತದಿಙ್ಮುಖಾಯ ।
ಸ್ವೇದಾಶ್ರುಧಾರಾಸ್ನಪಿತಾಯ ತಸ್ಮೈ
ನಮೋ ನಮಃ ಶ್ರೀಲನರೋತ್ತಮಾಯ ॥ 2 ॥
ಮೃದಂಗನಾದಶ್ರುತಿಮಾತ್ರಚಂಚತ್
ಪದಾಮ್ಬುಜಾಮನ್ದಮನೋಹರಾಯ ।
ಸದ್ಯಃ ಸಮುದ್ಯತ್ಪುಲಕಾಯ ತಸ್ಮೈ
ನಮೋ ನಮಃ ಶ್ರೀಲನರೋತ್ತಮಾಯ ॥ 3 ॥
ಗನ್ಧರ್ವಗರ್ವಕ್ಷಪಣಸ್ವಲಾಸ್ಯ
ವಿಸ್ಮಾಪಿತಾಶೇಷಕೃತಿವ್ರಜಾಯ ।
ಸ್ವಸೃಷ್ಟಗಾನಪ್ರಥಿತಾಯ ತಸ್ಮೈ
ನಮೋ ನಮಃ ಶ್ರೀಲನರೋತ್ತಮಾಯ ॥ 4 ॥
ಆನನ್ದಮೂರ್ಚ್ಛಾವನಿಪಾತಭಾತ
ಧೂಲೀಭರಾಲಂಕೃತವಿಗ್ರಹಾಯ ।
ಯದ್ದರ್ಶನಂ ಭಾಗ್ಯಭರೇಣ ತಸ್ಮೈ
ನಮೋ ನಮಃ ಶ್ರೀಲನರೋತ್ತಮಾಯ ॥ 5 ॥
ಸ್ಥಲೇ ಸ್ಥಲೇ ಯಸ್ಯ ಕೃಪಾಪ್ರಪಾಭಿಃ
ಕೃಷ್ಣಾನ್ಯತೃಷ್ಣಾ ಜನಸಂಹತೀನಾಮ್ ।
ನಿರ್ಮೂಲಿತಾ ಏವ ಭವನ್ತಿ ತಸ್ಮೈ
ನಮೋ ನಮಃ ಶ್ರೀಲನರೋತ್ತಮಾಯ ॥ 6 ॥
ಯದ್ಭಕ್ತಿನಿಷ್ಠಾ ಪಲರೇಖಿಕೇವ
ಸ್ಪರ್ಶಃ ಪುನಃ ಸ್ಪರ್ಶಮಣೀವ ಯಸ್ಯ ।
ಪ್ರಾಮಾಣ್ಯಮೇವಂ ಶ್ರುತಿವದ್ಯದೀಯಂ
ತಸ್ಮೈ ನಮಃ ಶ್ರೀಲನರೋತ್ತಮಾಯ ॥ 7 ॥
ಮೂರ್ತೈವ ಭಕ್ತಿಃ ಕಿಮಯಂ ಕಿಮೇಷ
ವೈರಾಗ್ಯಸಾರಸ್ತನುಮಾನ್ ನೃಲೋಕೇ ।
ಸಮ್ಭಾವ್ಯತೇ ಯಃ ಕೃತಿಭಿಃ ಸದೈವ
ತಸ್ಮೈ ನಮಃ ಶ್ರೀಲನರೋತ್ತಮಾಯ ॥ 8 ॥
ರಾಜನ್ಮೃದಂಗಕರತಾಲಕಲಾಭಿರಾಮಂ
ಗೌರಾಂಗಗಾನಮಧುಪಾನಭರಾಭಿರಾಮಮ್ ।
ಶ್ರೀಮನ್ನರೋತ್ತಮಪದಾಮ್ಬುಜಮಂಜುನೃತ್ಯಂ
ಭೃತ್ಯಂ ಕೃತಾರ್ಥಯತು ಮಾಂ ಫಲಿತೇಷ್ಟಕೃತ್ಯಮ್ ॥ 9 ॥
ಇತಿ ಶ್ರೀಮದ್ವಿಶ್ವನಾಥಚಕ್ರವರ್ತಿವಿರಚಿತಂ ಶ್ರೀನರೋತ್ತಮಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Sri Narottama Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil