॥ Sri Narottama Ashtakam Malayalam Lyrics ॥
॥ ശ്രീനരോത്തമാഷ്ടകം ॥
ശ്രീകൃഷ്ണനാമാമൃതവര്‍ഷിവക്ത്ര
ചന്ദ്രപ്രഭാധ്വസ്തതമോഭരായ ।
ഗൌരാങ്ഗദേവാനുചരായ തസ്മൈ
നമോ നമഃ ശ്രീലനരോത്തമായ ॥ 1 ॥
സങ്കീര്‍തനാനന്ദജമന്ദഹാസ്യ
ദന്തദ്യുതിദ്യോതിതദിങ്മുഖായ ।
സ്വേദാശ്രുധാരാസ്നപിതായ തസ്മൈ
നമോ നമഃ ശ്രീലനരോത്തമായ ॥ 2 ॥
മൃദങ്ഗനാദശ്രുതിമാത്രചഞ്ചത്
പദാംബുജാമന്ദമനോഹരായ ।
സദ്യഃ സമുദ്യത്പുലകായ തസ്മൈ
നമോ നമഃ ശ്രീലനരോത്തമായ ॥ 3 ॥
ഗന്ധര്‍വഗര്‍വക്ഷപണസ്വലാസ്യ
വിസ്മാപിതാശേഷകൃതിവ്രജായ ।
സ്വസൃഷ്ടഗാനപ്രഥിതായ തസ്മൈ
നമോ നമഃ ശ്രീലനരോത്തമായ ॥ 4 ॥
ആനന്ദമൂര്‍ച്ഛാവനിപാതഭാത
ധൂലീഭരാലങ്കൃതവിഗ്രഹായ ।
യദ്ദര്‍ശനം ഭാഗ്യഭരേണ തസ്മൈ
നമോ നമഃ ശ്രീലനരോത്തമായ ॥ 5 ॥
സ്ഥലേ സ്ഥലേ യസ്യ കൃപാപ്രപാഭിഃ
കൃഷ്ണാന്യതൃഷ്ണാ ജനസംഹതീനാം ।
നിര്‍മൂലിതാ ഏവ ഭവന്തി തസ്മൈ
നമോ നമഃ ശ്രീലനരോത്തമായ ॥ 6 ॥
യദ്ഭക്തിനിഷ്ഠാ പലരേഖികേവ
സ്പര്‍ശഃ പുനഃ സ്പര്‍ശമണീവ യസ്യ ।
പ്രാമാണ്യമേവം ശ്രുതിവദ്യദീയം
തസ്മൈ നമഃ ശ്രീലനരോത്തമായ ॥ 7 ॥
മൂര്‍തൈവ ഭക്തിഃ കിമയം കിമേഷ
വൈരാഗ്യസാരസ്തനുമാന്‍ നൃലോകേ ।
സംഭാവ്യതേ യഃ കൃതിഭിഃ സദൈവ
തസ്മൈ നമഃ ശ്രീലനരോത്തമായ ॥ 8 ॥
രാജന്‍മൃദങ്ഗകരതാലകലാഭിരാമം
ഗൌരാങ്ഗഗാനമധുപാനഭരാഭിരാമം ।
ശ്രീമന്നരോത്തമപദാംബുജമഞ്ജുനൃത്യം
ഭൃത്യം കൃതാര്‍ഥയതു മാം ഫലിതേഷ്ടകൃത്യം ॥ 9 ॥
ഇതി ശ്രീമദ്വിശ്വനാഥചക്രവര്‍തിവിരചിതം ശ്രീനരോത്തമാഷ്ടകം സമ്പൂര്‍ണം ।
– Chant Stotra in Other Languages –
Sri Narottama Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil