॥ Sri Nrisimha Ashtakam Gujarati Lyrics ॥
॥ શ્રીનૃસિંહાષ્ટકમ્ ॥
શ્રીમદકલઙ્ક પરિપૂર્ણ! શશિકોટિ-
શ્રીધર! મનોહર! સટાપટલ કાન્ત! ।
પાલય કૃપાલય! ભવામ્બુધિ-નિમગ્નં
દૈત્યવરકાલ! નરસિંહ! નરસિંહ! ॥ ૧ ॥
પાદકમલાવનત પાતકિ-જનાનાં
પાતકદવાનલ! પતત્રિવર-કેતો! ।
ભાવન! પરાયણ! ભવાર્તિહરયા માં
પાહિ કૃપયૈવ નરસિંહ! નરસિંહ! ॥ ૨ ॥
તુઙ્ગનખ-પઙ્ક્તિ-દલિતાસુર-વરાસૃક્
પઙ્ક-નવકુઙ્કુમ-વિપઙ્કિલ-મહોરઃ ।
પણ્ડિતનિધાન-કમલાલય નમસ્તે
પઙ્કજનિષણ્ણ! નરસિંહ! નરસિંહ! ॥ ૩ ॥
મૌલેષુ વિભૂષણમિવામર વરાણાં
યોગિહૃદયેષુ ચ શિરસ્સુ નિગમાનામ્ ।
રાજદરવિન્દ-રુચિરં પદયુગં તે
દેહિ મમ મૂર્ધ્નિ નરસિંહ! નરસિંહ! ॥ ૪ ॥
વારિજવિલોચન! મદન્તિમ-દશાયાં
ક્લેશ-વિવશીકૃત-સમસ્ત-કરણાયામ્ ।
એહિ રમયા સહ શરણ્ય! વિહગાનાં
નાથમધિરુહ્ય નરસિંહ! નરસિંહ! ॥ ૫ ॥
હાટક-કિરીટ-વરહાર-વનમાલા
ધારરશના-મકરકુણ્ડલ-મણીન્દ્રૈઃ ।
ભૂષિતમશેષ-નિલયં તવ વપુર્મે
ચેતસિ ચકાસ્તુ નરસિંહ! નરસિંહ! ॥ ૬ ॥
ઇન્દુ રવિ પાવક વિલોચન! રમાયાઃ
મન્દિર! મહાભુજ!-લસદ્વર-રથાઙ્ગ! ।
સુન્દર! ચિરાય રમતાં ત્વયિ મનો મે
નન્દિત સુરેશ! નરસિંહ! નરસિંહ! ॥ ૭ ॥
માધવ! મુકુન્દ! મધુસૂદન! મુરારે!
વામન! નૃસિંહ! શરણં ભવ નતાનામ્ ।
કામદ ઘૃણિન્ નિખિલકારણ નયેયં
કાલમમરેશ નરસિંહ! નરસિંહ! ॥ ૮ ॥
અષ્ટકમિદં સકલ-પાતક-ભયઘ્નં
કામદં અશેષ-દુરિતામય-રિપુઘ્નમ્ ।
યઃ પઠતિ સન્તતમશેષ-નિલયં તે
ગચ્છતિ પદં સ નરસિંહ! નરસિંહ! ॥ ૯ ॥
॥ ઇતિ શ્રીનૃસિંહાષ્ટકમ્ ॥
– Chant Stotra in Other Languages –
Sri Vishnu Slokam » Sri Nrisimha Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil