॥ Sri Param Guru Prabhu Vara Kannada Lyrics ॥
॥ ಶ್ರೀಪರಮಗುರುಪ್ರಭುವರಾಷ್ಟಕಮ್ ॥
ಪ್ರಪನ್ನಜನನೀವೃತಿ ಜ್ವಲತಿ ಸಂಸೃತಿರ್ಜ್ವಾಲಯಾ
ಯದೀಯನಯನೋದಿತಾತುಲಕೃಪಾತಿವೃಷ್ಟಿರ್ದ್ರುತಮ್ ।
ವಿಧೂಯ ದವಥುಂ ಕರೋತ್ಯಮಲಭಕ್ತಿವಾಪ್ಯೌಚಿತೀಂ
ಸ ಕೃಷ್ಣಚರಣಃ ಪ್ರಭುಃ ಪ್ರದಿಶತು ಸ್ವಪಾದಾಮೃತಮ್ ॥ 1 ॥
ಯದಾಸ್ಯಕಮಲೋದಿತಾ ವ್ರಜಭುವೋ ಮಹಿಮ್ನಾಂ ತತಿಃ
ಶ್ರುತಾ ಬತ ವಿಸರ್ಜಯೇತ್ಪತಿಕಲತ್ರಪುತ್ರಾಲಯಾನ್ ।
ಕಲಿನ್ದತನಯಾತಟೀ ವನಕುಟೀರವಾಸಂ ನಯೇತ್
ಸ ಕೃಷ್ಣಚರಣಃ ಪ್ರಭುಃ ಪ್ರದಿಶತು ಸ್ವಪಾದಾಮೃತಮ್ ॥ 2 ॥
ವ್ರಜಾಮ್ಬುಜದೃಶಾಂ ಕಥಂ ಭವತಿ ಭಾವಭೂಮಾ ಕಥಂ
ಭವೇದನುಗತಿಃ ಕಥಂ ಕಿಮಿಹ ಸಾಧನಂ ಕೋಽಧಿಕೃತ್ ।
ಇತಿ ಸ್ಫುಟಮವೈತಿ ಕೋ ಯದುಪದೇಶಭಾಗ್ಯಂ ವಿನಾ
ಸ ಕೃಷ್ಣಚರಣಃ ಪ್ರಭುಃ ಪ್ರದಿಶತು ಸ್ವಪಾದಾಮೃತಮ್ ॥ 3 ॥
ತಪಸ್ವಿಯತಿಕರ್ಮಿಣಾಂ ಸದಸಿ ತಾರ್ಕಿಕಾನಾಂ ತಥಾ
ಪ್ರತಿಸ್ವಮತವೈದುಷೀಪ್ರಕಟನೋಢಗರ್ವಶ್ರಿಯಾಮ್ ।
ವಿರಾಜತಿ ರವಿರ್ಯಥಾ ತಮಸಿ ಯಃ ಸ್ವಭಕ್ತ್ಯೋಜಸಾ
ಸ ಕೃಷ್ಣಚರಣಃ ಪ್ರಭುಃ ಪ್ರದಿಶತು ಸ್ವಪಾದಾಮೃತಮ್ ॥ 4 ॥
ಕಿಮದ್ಯ ಪರಿಧಾಸ್ಯತೇ ಕಿಮಥ ಭೋಜ್ಯತೇ ರಾಧಯಾ
ಸಮಂ ಮದನಮೋಹನೋ ಮದನಕೋಟಿನಿಮಜ್ಜಿತಃ ।
ಇತೀಷ್ಟವರಿವಸ್ಯಯಾ ನಯತಿ ಯೋಽಷ್ಟಯಾಮಾನ್ ಸದಾ
ಸ ಕೃಷ್ಣಚರಣಃ ಪ್ರಭುಃ ಪ್ರದಿಶತು ಸ್ವಪಾದಾಮೃತಮ್ ॥ 5 ॥
ಮೃದಂಗಕರತಾಲಿಕಾಮಧುರಕೀರ್ತನೇ ನರ್ತಯನ್
ಜನಾನ್ ಸುಕೃತಿನೋ ನಟನ್ ಸ್ವಯಮಪಿ ಪ್ರಮೋದಾಮ್ಬುಧೌ ।
ನಿಮಜ್ಜತಿ ದೃಗಮ್ಬುಭಿಃಪುಲಕಸಂಕುಲಃಸ್ನಾತಿ ಯಃ
ಸ ಕೃಷ್ಣಚರಣಃ ಪ್ರಭುಃ ಪ್ರದಿಶತು ಸ್ವಪಾದಾಮೃತಮ್ ॥ 6 ॥
ಸಮಂ ಭಗವತೋ ಜನೈಃ ಪ್ರವರಭಕ್ತಿಶಾಸ್ತ್ರೋದಿತಂ
ರಸಂ ಸುರಸಯನ್ಮುಹುಃ ಪರಿಜನಾಂಶ್ಚ ಯಃ ಸ್ವಾದಯನ್ ।
ಸ್ವಶಿಷ್ಯಶತವೇಷ್ಟಿತೋ ಜಯತಿ ಚಕ್ರವರ್ತ್ಯಾಖ್ಯಯಾ
ಸ ಕೃಷ್ಣಚರಣಃ ಪ್ರಭುಃ ಪ್ರದಿಶತು ಸ್ವಪಾದಾಮೃತಮ್ ॥ 7 ॥
ಸ್ಥಿತಿಃ ಸುರಸರಿತ್ತಟೇ ಮದನಮೋಹನೋ ಜೀವನಂ
ಸ್ಪೃಹಾ ರಸಿಕಸಂಗಮೇ ಚತುರಿಮಾ ಜನೋದ್ಧಾರಣೇ ।
ಘೃಣಾ ವಿಷಯಿಷು ಕ್ಷಮಾ ಝಟಿತಿ ಯಸ್ಯ ಚಾನುವ್ರಜೇ
ಸ ಕೃಷ್ಣಚರಣಃ ಪ್ರಭುಃ ಪ್ರದಿಶತು ಸ್ವಪಾದಾಮೃತಮ್ ॥ 8 ॥
ಇದಂ ಪ್ರಭುವರಾಷ್ಟಕಂ ಪಠತಿ ಯಸ್ತದೀಯೋ ಜನ-
ಸ್ತದಂಘ್ರಿಕಮಲೇಷ್ಟಧೀಃ ಸ ಖಲು ರಂಗವತ್ಪ್ರೇಮಭಾಕ್ ।
ವಿಲಾಸಭೃತಮಂಜುಲ್ಯಾಲ್ಯತಿಕೃಪೈಕಪಾತ್ರೀಭವನ್
ನಿಕುಂಜನಿಲಯಾಧಿಪಾವಚಿರಮೇವ ತೌ ಸೇವತೇ ॥ 9 ॥
ಇತಿ ಶ್ರೀಮದ್ವಿಶ್ವನಾಥಚಕ್ರವರ್ತಿವಿರಚಿತಂ
ಶ್ರೀಶ್ರೀಪರಮಗುರುಪ್ರಭುವರಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Sri Param Guru Prabhu Vara Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil