॥ Sri Parasurama Ashtakam 1 Odia Lyrics ॥
॥ ଶ୍ରୀପରଶୁରାମାଷ୍ଟକମ୍ ॥
ଶୁଭ୍ରଦେହଂ ସଦା କ୍ରୋଧରକ୍ତେକ୍ଷଣମ୍
ଭକ୍ତପାଲଂ କୃପାଲୁଂ କୃପାଵାରିଧିମ୍
ଵିପ୍ରଵଂଶାଵତଂସଂ ଧନୁର୍ଧାରିଣମ୍
ଭଵ୍ୟୟଜ୍ଞୋପଵୀତଂ କଲାକାରିଣମ୍
ୟସ୍ୟ ହସ୍ତେ କୁଠାରଂ ମହାତୀକ୍ଷ୍ଣକମ୍
ରେଣୁକାନନ୍ଦନଂ ଜାମଦଗ୍ନ୍ୟଂ ଭଜେ ॥ ୧ ॥
ସୌମ୍ୟରୁପଂ ମନୋଜ୍ଞଂ ସୁରୈର୍ଵନ୍ଦିତମ୍
ଜନ୍ମତଃ ବ୍ରହ୍ମଚାରିଵ୍ରତେ ସୁସ୍ଥିରମ୍
ପୂର୍ଣତେଜସ୍ଵିନଂ ୟୋଗୟୋଗୀଶ୍ଵରମ୍
ପାପସନ୍ତାପରୋଗାଦିସଂହାରିଣମ୍
ଦିଵ୍ୟଭଵ୍ୟାତ୍ମକଂ ଶତ୍ରୁସଂହାରକମ୍
ରେଣୁକାନନ୍ଦନଂ ଜାମଦଗ୍ନ୍ୟଂ ଭଜେ ॥ ୨ ॥
ଋଦ୍ଧିସିଦ୍ଧିପ୍ରଦାତା ଵିଧାତା ଭୁଵୋ
ଜ୍ଞାନଵିଜ୍ଞାନଦାତା ପ୍ରଦାତା ସୁଖମ୍
ଵିଶ୍ଵଧାତା ସୁତ୍ରାତାଽଖିଲଂ ଵିଷ୍ଟପମ୍
ତତ୍ଵଜ୍ଞାତା ସଦା ପାତୁ ମାମ୍ ନିର୍ବଲମ୍
ପୂଜ୍ୟମାନଂ ନିଶାନାଥଭାସଂ ଵିଭୁମ୍
ରେଣୁକାନନ୍ଦନଂ ଜାମଦଗ୍ନ୍ୟଂ ଭଜେ ॥ ୩ ॥
ଦୁଃଖ ଦାରିଦ୍ର୍ୟଦାଵାଗ୍ନୟେ ତୋୟଦମ୍
ବୁଦ୍ଧିଜାଡ୍ୟଂ ଵିନାଶାୟ ଚୈତନ୍ୟଦମ୍
ଵିତ୍ତମୈଶ୍ଵର୍ୟଦାନାୟ ଵିତ୍ତେଶ୍ଵରମ୍
ସର୍ଵଶକ୍ତିପ୍ରଦାନାୟ ଲକ୍ଷ୍ମୀପତିମ୍
ମଙ୍ଗଲଂ ଜ୍ଞାନଗମ୍ୟଂ ଜଗତ୍ପାଲକମ୍
ରେଣୁକାନନ୍ଦନଂ ଜାମଦଗ୍ନ୍ୟଂ ଭଜେ ॥ ୪ ॥
ୟଶ୍ଚ ହନ୍ତା ସହସ୍ରାର୍ଜୁନଂ ହୈହୟମ୍
ତ୍ରୈଗୁଣଂ ସପ୍ତକୃତ୍ଵା ମହାକ୍ରୋଧନୈଃ
ଦୁଷ୍ଟଶୂନ୍ୟା ଧରା ୟେନ ସତ୍ୟଂ କୃତା
ଦିଵ୍ୟଦେହଂ ଦୟାଦାନଦେଵଂ ଭଜେ
ଘୋରରୂପଂ ମହାତେଜସଂ ଵୀରକମ୍
ରେଣୁକାନନ୍ଦନଂ ଜାମଦଗ୍ନ୍ୟଂ ଭଜେ ॥ ୫ ॥
ମାରୟିତ୍ଵା ମହାଦୁଷ୍ଟ ଭୂପାଲକାନ୍
ୟେନ ଶୋଣେନ କୁଣ୍ଡେକୃତଂ ତର୍ପଣମ୍
ୟେନ ଶୋଣୀକୃତା ଶୋଣନାମ୍ନୀ ନଦୀ
ସ୍ଵସ୍ୟ ଦେଶସ୍ୟ ମୂଢା ହତାଃ ଦ୍ରୋହିଣଃ
ସ୍ଵସ୍ୟ ରାଷ୍ଟ୍ରସ୍ୟ ଶୁଦ୍ଧିଃକୃତା ଶୋଭନା
ରେଣୁକାନନ୍ଦନଂ ଜାମଦଗ୍ନ୍ୟଂ ଭଜେ ॥ ୬ ॥
ଦୀନତ୍ରାତା ପ୍ରଭୋ ପାହି ମାମ୍ ପାଲକ!
ରକ୍ଷ ସଂସାରରକ୍ଷାଵିଧୌ ଦକ୍ଷକ!
ଦେହି ସଂମୋହନୀ ଭାଵିନୀ ପାଵନୀ
ସ୍ଵୀୟ ପାଦାରଵିନ୍ଦସ୍ୟ ସେଵା ପରା
ପୂର୍ଣମାରୁଣ୍ୟରୂପଂ ପରଂ ମଞ୍ଜୁଲମ୍
ରେଣୁକାନନ୍ଦନଂ ଜାମଦଗ୍ନ୍ୟଂ ଭଜେ ॥ ୭ ॥
ୟେ ଜୟୋଦ୍ଘୋଷକାଃ ପାଦସମ୍ପୂଜକାଃ
ସତ୍ଵରଂ ଵାଞ୍ଛିତଂ ତେ ଲଭନ୍ତେ ନରାଃ
ଦେହଗେହାଦିସୌଖ୍ୟଂ ପରଂ ପ୍ରାପ୍ୟ ଵୈ
ଦିଵ୍ୟଲୋକଂ ତଥାନ୍ତେ ପ୍ରିୟଂ ୟାନ୍ତି ତେ
ଭକ୍ତସଂରକ୍ଷକଂ ଵିଶ୍ଵସମ୍ପାଲକମ୍
ରେଣୁକାନନ୍ଦନଂ ଜାମଦଗ୍ନ୍ୟଂ ଭଜେ ॥ ୮ ॥
॥ ଇତି ଶ୍ରୀପରଶୁରାମାଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Sri Vishnu Slokam » Sri Parasurama Ashtakam 1 Lyrics in Sanskrit » English » Bengali » Gujarati » Kannada » Malayalam » Telugu » Tamil