॥ Sri Parasurama Ashtakam 2 Bengali Lyrics ॥
॥ শ্রীপরশুরামাষ্টকম্ ২ ॥
আচার্য রাধেশ্যাম অবস্থী “রসেন্দু” কৃতম্
শ্রীমদ্ভগবত্পরশুরামায় নমঃ ।
বিপ্রবংশাবতংশং সদা নৌম্যহং
রেণুকানন্দনং জামদগ্নে প্রভো ।
দ্রোহক্রোধাগ্নি বৈকষ্টতাং লোপকং
রেণুকানন্দনং বন্দতে সর্বদা ॥ ১ ॥
ক্ষত্রদুষ্টান্তকং বৈ করস্যং ধনুং
রাজতেয়স্য হস্তে কুঠারং প্রভো ।
ফুল্লরক্তাব্জ নেত্রং সদা ভাস্বরং
রেণুকানন্দনং বন্দতে সর্বদা ॥ ২ ॥
তেজসং শুভ্রদেহং বিশালৌ করৌ
শ্বেতয়জ্ঞোপবীতং সদাধারকম্ ।
দিব্যভালে ত্রিপুণ্ড্রং জটাজূবরং
রেণুকানন্দনং বন্দতে সর্বদা ॥ ৩ ॥
ভক্তপালং কৃপালং কৃপাসাগরং
রৌদ্ররূপং করালং সুরৈঃ বন্দিতৈঃ ।
জন্মতো ব্রহ্মচারী ব্রতীধারকঃ
রেণুকানন্দনং বন্দতে সর্বদা ॥ ৪ ॥
জ্ঞানবিজ্ঞানশক্তিশ্চ ভণ্ডারকঃ
বেদয়ুদ্ধেষু বিদ্যাসু পারঙ্গতঃ ।
বাসমাহেন্দ্রশৈলে শিবারাধকঃ
রেণুকানন্দনং বন্দতে সর্বদা ॥ ৫ ॥
জ্ঞানদাতা বিধাতা সদা ভূতলে
পাপসন্তাপকষ্টাদি সংহারকঃ ।
দিব্যভব্যাত্মকং পূর্ণং য়োগীশ্বরং
রেণুকানন্দনং বন্দতে সর্বদা ॥ ৬ ॥
আর্তদুঃখাদিকানাং সদারক্ষকঃ
ভীতদৈত্যাদিকানাং সদা নাশকঃ ।
ত্রীন্গুণঃ সপ্তকৃত্বাতুভূর্দত্তকঃ
রেণুকানন্দনং বন্দতে সর্বদা ॥ ৭ ॥
শীলকারুণ্যরূপং দয়াসাগরং
ভক্তিদং কীর্তিদং শান্তিদং মোক্ষদম্ ।
বিশ্বমায়াপরং ভক্তসংরক্ষকং
রেণুকানন্দনং বন্দতে সর্বদা ॥ ৮ ॥
ভার্গবস্যাষ্টকং নিত্যং প্রাতঃ সায়ং পঠেন্নরঃ ।
তস্য সর্বভয়ং নাস্তি ভার্গবস্য প্রসাদতঃ ॥
ইতি আচার্য রাধেশ্যাম অবস্থী “রসেন্দু” কৃতম্
শ্রীপরশুরামাষ্টকং সম্পূর্ণম্ ॥
– Chant Stotra in Other Languages –
Sri Vishnu Slokam » Sri Parasurama Ashtakam 2 Lyrics in Sanskrit » English » Gujarati » Kannada » Malayalam » Odia » Telugu » Tamil