॥ Sri Prem Sudha Satram Gujarati Lyrics ॥
॥ શ્રીપ્રેમસુધાસત્રમ્ ॥
શ્રીવૃન્દાવનેશ્વર્યા અષ્ટોત્તરશતનામસ્તોત્રં
શ્રીરાધિકાષ્ટોત્તરશતનામસ્તોત્રં ચ ।
નમો વૃન્દાવનેશ્વર્યૈ ।
માનસં માનસં ત્યાગાદુત્કણ્ઠાર્તં નિરુન્ધતીમ્ ।
રાધાં સંવિદ્ય વિદ્યાઢ્યા તુઙ્ગવિદ્યેદમબ્રવીત્ ॥ ૧ ॥
વિમુઞ્ચ બન્ધુરે માનં નિર્બન્ધં શૃણુ મે વચઃ ।
પુરા કન્દર્પસુન્દર્યૈ યાન્યુત્કણ્ઠિતચેતસે ॥ ૨ ॥
ભગવતોપદિષ્ટાનિ તવ સખ્યોપલબ્ધયે ।
ઇઙ્ગિતાભિજ્ઞયા તાનિ સિન્દૂરેણાદ્ય વૃન્દયા ॥ ૩ ॥
વિલિખ્ય સખિ દત્તાનિ સ જીવિતસુહૃત્તમઃ ।
વિરહાર્તસ્તવેમાનિ જપન્નામાનિ શામ્યતિ ॥ ૪ ॥
રાધા કૃષ્ણવનાધીશા મુકુન્દમધુમાધવી ।
ગોવિન્દપ્રેયસીવૃન્દમુખ્યા વૃન્દાવનેશ્વરી ॥ ૫ ॥
બ્રહ્માણ્ડમણ્ડલોત્તંસકીરિત્ઃ કાર્તિકદેવતા ।
દામોદરપ્રિયસખી રાધિકા વાર્ષભાનવી ॥ ૬ ॥
ભાનુભક્તિભરાભિજ્ઞા વૃષભાનુકુમારિકા ।
મુખરાપ્રાણદૌહિત્રી કીર્તિદાકીર્તિદાયિની ॥ ૭ ॥
કૃષ્ણપ્રેમાબ્ધિકરી વત્સલાચ્યુતમાતૃકા ।
સખીમણ્ડલજીવાતુર્લલિતાજીવિતાધિકા ॥ ૮ ॥
વિશાખાપ્રાણસર્વસ્વં કારુણ્યામૃતમેદુરા ।
પૌર્ણમાસીપૃથુપ્રેમપાત્રી સુબલનન્દિતા ॥ ૯ ॥
કૃષ્ણાધિરાજમહિષી વૃન્દારણ્યવિહારિણી ।
વિશાખાસખ્યવિખ્યાતા લલિતાપ્રેમલાલિતા ॥ ૧૦ ॥
સદા કિશોરિકા ગોષ્ઠયુવરાજવિલાસિની ।
ગોવિન્દપ્રેમશિક્ષાર્થનટીકૃતનિજાંશકા ॥ ૧૧ ॥
પ્રબોધિનીનિશાનૃત્યમાહાત્મ્યભરદર્શિની ।
ચન્દ્રકાન્તિચરી સર્વગન્ધર્વકુલપાવની ॥ ૧૨ ॥
સ્વજન્મભૂષિતોત્તુઙ્ગવૃષભાનુકુલસ્થિતિઃ ।
લાસ્યવિદ્યાવ્રતસ્નાતા રાસક્રીડાદિકારણમ્ ॥ ૧૩ ॥
રાસોત્સવયપુરગણ્યા કૃષ્ણનીતરહઃસ્થલા ।
ગોવિન્દબન્ધકવરી કૃષ્ણોત્તંસિતકુન્તલા ॥ ૧૪ ॥
વ્યક્તગોષ્ઠારવિન્દાક્ષિ વૃન્દોત્કર્ષાતિહર્ષિણી ।
અન્નતર્પિતદુર્વાસા ગાન્ધર્વા શ્રુતિવિશ્રુતા ॥ ૧૫ ॥
ગાન્ધર્વિકા સ્વગાન્ધર્વવિસ્માપિતબલાચ્યુતા ।
શઙ્ખચૂડારિદયિતા ગોપીચૂડાગ્રમાલિકા ॥ ૧૬ ॥
ચારુગોરોચનાગૌરી ગારુત્મતનિભામ્બરા ।
વિચિત્રપટ્ટચમરીચારુવેણીશિખારુચિઃ ॥ ૧૭ ॥
પદ્મેન્દુજૈત્રવક્ત્રશ્રીનિરુદ્ધમુરમર્દના ।
ચકોરિકાચમત્કારીહરિહારિવિલોચના ॥ ૧૮ ॥
કાલિયદમનોત્કમ્પિભઙ્ગુરભ્રૂભુજઙ્ગમા ।
નાસિકાશિખરાલમ્બિલવલીસ્થલમૌક્તિકા ॥ ૧૯ ॥
બન્ધુરાધરબન્ધૂકવિકૃષ્ટમધુસૂદના ।
દન્તનિર્ધૂતશિખરા શિખરીન્દ્રધરપ્રિયા ॥ ૨૦ ॥
કપોલમણ્ડલાન્દોલિમણિકુણ્ડલમણ્ડિતા ।
પીતાંશુકશુકાકર્ષિનિસ્તલસ્તનદાડિમા ॥ ૨૧ ॥
મણિકિઙ્કિણ્યલઙ્કારઝઙ્કારિશ્રોણિમણ્ડલા ।
સ્થલારવિન્દવિઞ્છોલીનિર્મઞ્છિતપદદ્યુતિઃ ॥ ૨૨ ॥
અરિષ્ટવધનર્માર્થનિર્માપિતસરોવરા ।
ગન્ધોન્માદિતગોવિન્દો માધવદ્વન્દ્વતાઙ્કિતા ॥ ૨૩ ॥
કાલિન્દીકૂલકુઞ્જશ્રીર્ભાણ્ડીરતટમણ્ડના ।
ધૃતનન્દીશ્વરસ્થેમા ગોવર્ધનદરીપ્રિયા ॥ ૨૪ ॥
વંશીબડિશિકાબિદ્ધરસોત્તર્ષમનોઝષા ।
વંશિકાધ્વનિવિશ્રંસિનીવીબન્ધગ્રહાતુરા ॥ ૨૫ ॥
મુકુન્દનેત્રશફરી વિહારામૃતદીર્ઘિકા ।
નિજકુણ્ડકુડુઙ્ગાન્તસ્તુઙ્ગાનઙ્ગરસોન્મદા ॥ ૨૬ ॥
કૃષ્ણભ્રૂચણ્ડકોદણ્ડોડ્ડીનધૈર્યવિહઙ્ગમા ।
અનુરાગસુધાસિન્ધુહિન્દોલાન્દોલિતાચ્યુતા ॥ ૨૭ ॥
વ્રજેન્દ્રનન્દનાસ્યેન્દુતુઙ્ગિતાનઙ્ગસાગરા ।
અનઙ્ગસઙ્ગરોત્તૃષ્ણકૃષ્ણલુઞ્ચિતકઞ્ચુકા ॥ ૨૮ ॥
લીલાપદ્મહતોદ્દામનર્મલમ્પટકેશવા ।
હરિવક્ષોહરિગ્રાવહરિતાલીયરેખિકા ॥ ૨૯ ॥
માધવોત્સઙ્ગપર્યઙ્કા કૃષ્ણબાહૂપધાનિકા ।
રતિકેલિવિશેષોહસખીસ્મિતવિલજ્જિતા ॥ ૩૦ ॥
આલીપુરોરહઃકેલિજલ્પોત્કહરિવન્દિની ।
વૈજયન્તી કલાભિજ્ઞા વનસ્રક્શિલ્પકલ્પિની ॥ ૩૧ ॥
ધાતુચિત્રાતિવૈચિત્રીવિસૃષ્ટિપરમેષ્ઠિની ।
વિઅદગ્ધીપ્રથમાચાર્યા ચારુચાતુર્યચિત્રિતા ॥ ૩૨ ॥
અસાધારણસૌભાગ્યભાગ્યામૃતતરઙ્ગિની ।
મૌગ્ધ્યપ્રગલ્ભતારમ્યા ધીરાધીરાઙ્કભૂષિતા ॥ ૩૩ ॥
શ્યામલપ્રચ્છદપટી મૂકનૂપુરધારિણી ।
નિકુઞ્જધામસંસ્કારમાધવાધ્વેક્ષણક્રિયા ॥ ૩૪ ॥
પ્રાદુર્ભૂતઘનોત્કણ્ઠા વિપ્રલમ્ભવિષણ્ણધીઃ ।
પ્રાતરુત્પ્રાસિતોપેન્દ્રા ચન્દ્રાવલિકટાક્ષિણી ॥ ૩૫ ॥
અનાકર્ણિતકંસારિકાકૂવાદા મનસ્વિની ।
ચાટુકારહરિત્યાગજાતાનુશયકાતરા ॥ ૩૬ ॥
ધૃતકૃષ્ણેક્ષણોત્સુક્યા લલિતાભીતિમાનિની ।
વિપ્રયોગવ્યથાહારિહરિસન્દેશનન્દિતા ॥ ૩૭ ॥
મદાલ્પજલ્પિતાધીનપુણ્ડરીકાક્ષમણ્ડિતા ।
ભ્રૂલીલામોહિતોપેન્દ્રહસ્તાગ્રહૃતવંશિકા ॥ ૩૮ ॥
અતુલાચ્યુતમાધુર્યસ્વાદનાદ્વૈતભાગ્યભૂઃ ।
નિયુદ્ધશ્રાન્તિનિદ્રાણ હરિહારાપહારિણી ॥ ૩૯ ॥
દ્યૂતનિર્જિતવંશાર્થિકંસારિપરિહાસિની ।
નિજપ્રાણાર્બુદપ્રેષ્ઠકૃષ્ણપાદનખાઞ્ચલા ॥ ૪૦ ॥
ઇતિ રાધા સખીવાચમાચમ્ય પુલકાઞ્ચિતા ।
છદ્મના પદ્મનાભસ્ય લતાસદ્માન્તિકં ગતા ॥ ૪૧ ॥
યઃ સેવતે જનો રાધાનામ્નામષ્ટોત્તરં શતમ્ ।
નામ્ના પ્રેમસુધાસત્રં લિહ્યાત્ પ્રેમસુધામસૌ ॥ ૪૨ ॥
ઇતિ શ્રીરૂપગોસ્વામિવિરચિતસ્તવમાલાયાં પ્રેમેન્દુસુધાસત્રનામક-
શ્રીરાધિકાષ્ટોત્તરશતનામસ્તોત્રં સમાપ્તમ્ ।
– Chant Stotra in Other Languages –
Sri Prem Sudha Satram Lyrics in Sanskrit » English » Bengali » Kannada » Malayalam » Odia » Telugu » Tamil