॥ Radhashtakam 3 Malayalam Lyrics ॥
രാധാഷ്ടകം 3
നമസ്തേ ശ്രിയൈ രാധികായൈ പരായൈ
നമസ്തേ നമസ്തേ മുകുന്ദപ്രിയായൈ ।
സദാനന്ദരൂപേ പ്രസീദ ത്വമന്തഃ-
പ്രകാശേ സ്ഫുരന്തീ മുകുന്ദേന സാര്‍ധം ॥ 1 ॥
സ്വവാസോപഹാരം യശോദാസുതം വാ
സ്വദധ്യാദിചൌരം സമാരാധയന്തീം ।
സ്വദാംനോദരേ യാ ബബന്ധാശു നീവ്യാ
പ്രപദ്യേ നു ദാമോദരപ്രേയസീം താം ॥ 2 ॥
ദുരാരാധ്യമാരാധ്യ കൃഷ്ണം വശേ തം
മഹാപ്രേമപൂരേണ രാധാഭിധാഭൂഃ ।
സ്വയം നാമകീര്‍ത്യാ ഹരൌ പ്രേമ യച്ഛത്
പ്രപന്നായ മേ കൃഷ്ണരൂപേ സമക്ഷം ॥ 3 ॥
മുകുന്ദസ്ത്വയാ പ്രേമഡോരേണ ബദ്ധഃ
പതങ്ഗോ യഥാ ത്വാമനുഭ്രാംയമാണഃ ।
ഉപക്രീഡയന്‍ ഹാര്‍ദമേവാനുഗച്ഛന്‍
കൃപാവര്‍തതേ കാരയാതോ മയീഷ്ടിം ॥ 4 ॥
വ്രജന്തീം സ്വവൃന്ദാവനേ നിത്യകാലം
മുകുന്ദേന സാകം വിധായാങ്കമാലാം ।
സമാമോക്ഷ്യമാണാനുകമ്പാകടാക്ഷൈഃ
ശ്രിയം ചിന്തയേ സച്ചിദാനന്ദരൂപാം ॥ 5 ॥
മുകുന്ദാനുരാഗേണ രോമാഞ്ചിതാങ്ഗൈ-
രഹം വേപ്യമാനാം തനുസ്വേദബിന്ദും ।
മഹാഹാര്‍ദവൃഷ്ട്യാ കൃപാപാങ്ഗദൃഷ്ട്യാ
സമാലോകയന്തീം കദാ മാം വിചക്ഷേ ॥ 6 ॥
യദ് അങ്കാവലോകേ മഹാലാലസൌഘം
മുകുന്ദഃ കരോതി സ്വയം ധ്യേയപാദഃ ।
പദം രാധികേ തേ സദാ ദര്‍ശയാന്തര്‍-
ഹൃദിസ്ഥം നമന്തം കിരദ്രോചിഷം മാം ॥ 7 ॥
സദാ രാധികാനാമ ജിഹ്വാഗ്രതഃ സ്യാത്
സദാ രാധികാരൂപമക്ഷ്യഗ്ര ആസ്താം ।
ശ്രുതൌ രാധികാകീര്‍തിരന്തഃസ്വഭാവേ
ഗുണാ രാധികായാഃ ശ്രിയാ ഏതദ് ഈഹേ ॥ 8 ॥
ഇദം ത്വഷ്ടകം രാധികായാഃ പ്രിയായാഃ
പഠേയുഃ സദൈവം ഹി ദാമോദരസ്യ ।
സുതിഷ്ഠന്തി വൃന്ദാവനേ കൃഷ്ണധാംനി
സഖീമൂര്‍തയോ യുഗ്മസേവാനുകൂലാഃ ॥ 9 ॥
ഇതി ശ്രീനിംബാര്‍കാചാര്യവിരചിതം രാധാഷ്ടകം സമ്പൂര്‍ണം ।
– Chant Stotra in Other Languages –
Sri Radha Mantras » Radha Ashtakam 3 Lyrics in Sanskrit » English » Bengali » Gujarati » Kannada » Odia » Telugu » Tamil