॥ Radha AshtottaraShatanama Stotram Telugu Lyrics ॥
॥ శ్రీ రాధాష్టోత్తరశతనామస్తోత్రమ్ ॥
అథాస్యాః సమ్ప్రవక్ష్యామి నామ్నామష్టోత్తరం శతమ్ ।
యస్య సఙ్కీర్తనాదేవ శ్రీకృష్ణం వశయేద్ధ్రువమ్ ॥ ౧ ॥
రాధికా సున్దరీ గోపీ కృష్ణసఙ్గమకారిణీ ।
చఞ్చలాక్షీ కురఙ్గాక్షీ గాన్ధర్వీ వృషభానుజా ॥ ౨ ॥
వీణాపాణిః స్మితముఖీ రక్తాశోకలతాలయా ।
గోవర్ధనచరీ గోపీ గోపీవేషమనోహరా ॥ ౩ ॥
చన్ద్రావలీ-సపత్నీ చ దర్పణస్థా కలావతీ ।
కృపావతీ సుప్రతీకా తరుణీ హృదయఙ్గమా ॥ ౪ ॥
కృష్ణప్రియా కృష్ణసఖీ విపరీతరతిప్రియా ।
ప్రవీణా సురతప్రీతా చన్ద్రాస్యా చారువిగ్రహా ॥ ౫ ॥
కేకరాక్షా హరేః కాన్తా మహాలక్ష్మీ సుకేశినీ ।
సఙ్కేతవటసంస్థానా కమనీయా చ కామినీ ॥ ౬ ॥
వృషభానుసుతా రాధా కిశోరీ లలితా లతా ।
విద్యుద్వల్లీ కాఞ్చనాభా కుమారీ ముగ్ధవేశినీ ॥ ౭ ॥
కేశినీ కేశవసఖీ నవనీతైకవిక్రయా ।
షోడశాబ్దా కలాపూర్ణా జారిణీ జారసఙ్గినీ ॥ ౮ ॥
హర్షిణీ వర్షిణీ వీరా ధీరా ధారాధరా ధృతిః ।
యౌవనస్థా వనస్థా చ మధురా మధురాకృతి ॥ ౯ ॥
వృషభానుపురావాసా మానలీలావిశారదా ।
దానలీలా దానదాత్రీ దణ్డహస్తా భ్రువోన్నతా ॥ ౧౦ ॥
సుస్తనీ మధురాస్యా చ బిమ్బోష్ఠీ పఞ్చమస్వరా ।
సఙ్గీతకుశలా సేవ్యా కృష్ణవశ్యత్వకారిణీ ॥ ౧౧ ॥
తారిణీ హారిణీ హ్రీలా శీలా లీలా లలామికా ।
గోపాలీ దధివిక్రేత్రీ ప్రౌఢా ముగ్ధా చ మధ్యకా ॥ ౧౨ ॥
స్వాధీనపకా చోక్తా ఖణ్డితా యాఽభిసారికా ।
రసికా రసినీ రస్యా రసనాస్త్రైకశేవధిః ॥ ౧౩ ॥
పాలికా లాలికా లజ్జా లాలసా లలనామణిః ।
బహురూపా సురూపా చ సుప్రసన్నా మహామతిః ॥ ౧౪ ॥
మరాలగమనా మత్తా మన్త్రిణీ మన్త్రనాయికా ।
మన్త్రరాజైకసంసేవ్యా మన్త్రరాజైకసిద్ధిదా ॥ ౧౫ ॥
అష్టాదశాక్షరఫలా అష్టాక్షరనిషేవితా ।
ఇత్యేతద్రాధికాదేవ్యా నామ్నామష్టోత్తరశతమ్ ॥ ౧౬ ॥
కీర్తయేత్ప్రాతరుత్థాయ కృష్ణవశ్యత్వసిద్ధయే ।
ఏకైకనామోచ్చారేణ వశీ భవతి కేశవః ॥ ౧౭ ॥
వదనే చైవ కణ్ఠే చ బాహ్వోరురసి చోదరే ।
పాదయోశ్చ క్రమేణాస్యా న్యసేన్మన్త్రాన్పృథక్పృథక్ ॥ ౧౮ ॥
॥ ఓం తత్సత్ ॥
ఇత్యూర్ధ్వామ్నాయే రాధాష్టోత్తరశతనామకథనం నామ ప్రథమః పటలః ॥
– Chant Stotra in Other Languages –
Sri Radha slokam » Sri Radha Ashtottara Shatanama Stotram in Sanskrit » English » Bengali » Gujarati » Kannada » Malayalam » Odia » Tamil