॥ Krishnadasa Kavi’s Sri Radhikashtakam Gujarati Lyrics ॥
॥ શ્રીરાધિકાષ્ટકમ્ ॥
શ્રીકૃષ્ણદાસકવિરાજવિરચિતં ।
કુઙ્કુમાક્તકાઞ્ચનાબ્જ ગર્વહારિ ગૌરભા
પીતનાઞ્ચિતાબ્જગન્ધકીર્તિનિન્દસૌરભા ।
વલ્લવેશસૂનુ સર્વવાઞ્છિતાર્થસાધિકા
મહ્યમાત્મપાદપદ્મદાસ્યદાઽસ્તુ રાધિકા ॥ ૧ ॥
કૌરવિન્દકાન્તનિન્દચિત્રપત્રશાટિકા
કૃષ્ણમત્તભૃઙ્ગકેલિ ફુલ્લપુષ્પવાટિકા ।
કૃષ્ણનિત્યસઙ્ગમાર્થપદ્મબન્ધુરાધિકા
મહ્યમાત્મપાદપદ્મદાસ્યદાઽસ્તુ રાધિકા ॥ ૨ ॥
સૌકુમાર્યસૃષ્ટપલ્લવાલિકીર્તિનિગ્રહા
ચન્દ્રચન્દનોત્પલેન્દુસેવ્યશીતવિગ્રહા ।
સ્વાભિમર્શવલ્લવીશકામતાપબાધિકા
મહ્યમાત્મપાદપદ્મદાસ્યદાઽસ્તુ રાધિકા ॥ ૩ ॥
વિશ્વવન્દ્યયૌવતાભિવન્દતાપિ યા રમા
રૂપનવ્યયૌવનાદિસમ્પદા ન યત્સમા ।
શીલહાર્દલીલયા ચ સા યતોઽસ્તિ નાધિકા
મહ્યમાત્મપાદપદ્મદાસ્યદાસ્તુ રાધિકા ॥ ૪ ॥
રાસલાસ્યગીતનર્મસત્કલાલિપણ્ડિતા
પ્રેમરમ્યરૂપવેશસદ્ગુણાલિમણ્ડિતા ।
વિશ્વનવ્યગોપયોષિદાલિતોપિ યાઽધિકા
મહ્યમાત્મપાદપદ્મદાસ્યદાઽસ્તુ રાધિકા ॥ ૫ ॥
નિત્યનવ્યરૂપકેલિકૃષ્ણભાવસમ્પદા
કૃષ્ણરાગબન્ધગોપયૌવતેષુ કમ્પદા ।
કૃષ્ણરૂપવેશકેલિલગ્નસત્સમાધિકા
મહ્યમાત્મપાદપદ્મદાસ્યદાઽસ્તુ રાધિકા ॥ ૬ ॥
સ્વેદકમ્પકણ્ટકાશ્રુગદ્ગદાદિસઞ્ચિતા
મર્ષહર્ષવામતાદિ ભાવભૂષણાઞ્ચિતા ।
કૃષ્ણનેત્રતોષિરત્નમણ્ડનાલિદાધિકા
મહ્યમાત્મપાદપદ્મદાસ્યદાઽસ્તુ રાધિકા ॥ ૭ ॥
યા ક્ષણાર્ધકૃષ્ણવિપ્રયોગસન્તતોદિતા-
નેકદૈન્યચાપલાદિભાવવૃન્દમોદિતા ।
યત્નલબ્ધકૃષ્ણસઙ્ગનિર્ગતાખિલાધિકા
મહ્યમાત્મપાદપદ્મદાસ્યદાઽસ્તુ રાધિકા ॥ ૮ ॥
અષ્ટકેન યસ્ત્વનેન નૌતિ કૃષ્ણવલ્લભાં
દર્શનેઽપિ શૈલજાદિયોષિદાલિદુર્લભામ્ ।
કૃષ્ણસઙ્ગનન્દતાત્મદાસ્યસીધુભાજનં
તં કરોતિ નન્દતાલિસઞ્ચયાશુ સા જનમ્ ॥ ૯ ॥
ઇતિ શ્રીકૃષ્ણદાસકવિરાજવિરચિતં શ્રીરાધિકાષ્ટકં સમ્પૂર્ણમ્ ।
– Chant Stotra in Other Languages –
Sri Radha Stotram » Sri Radhika Ashtakam by Krishna Das Kavi Lyrics in Sanskrit » English » Bengali » Kannada » Malayalam » Odia » Telugu » Tamil