॥ Krishnadasa Kavi’s Sri Radhikashtakam Kannada Lyrics ॥
॥ ಶ್ರೀರಾಧಿಕಾಷ್ಟಕಮ್ ॥
ಶ್ರೀಕೃಷ್ಣದಾಸಕವಿರಾಜವಿರಚಿತಂ ।
ಕುಂಕುಮಾಕ್ತಕಾಂಚನಾಬ್ಜ ಗರ್ವಹಾರಿ ಗೌರಭಾ
ಪೀತನಾಂಚಿತಾಬ್ಜಗನ್ಧಕೀರ್ತಿನಿನ್ದಸೌರಭಾ ।
ವಲ್ಲವೇಶಸೂನು ಸರ್ವವಾಂಛಿತಾರ್ಥಸಾಧಿಕಾ
ಮಹ್ಯಮಾತ್ಮಪಾದಪದ್ಮದಾಸ್ಯದಾಽಸ್ತು ರಾಧಿಕಾ ॥ 1 ॥
ಕೌರವಿನ್ದಕಾನ್ತನಿನ್ದಚಿತ್ರಪತ್ರಶಾಟಿಕಾ
ಕೃಷ್ಣಮತ್ತಭೃಂಗಕೇಲಿ ಫುಲ್ಲಪುಷ್ಪವಾಟಿಕಾ ।
ಕೃಷ್ಣನಿತ್ಯಸಂಗಮಾರ್ಥಪದ್ಮಬನ್ಧುರಾಧಿಕಾ
ಮಹ್ಯಮಾತ್ಮಪಾದಪದ್ಮದಾಸ್ಯದಾಽಸ್ತು ರಾಧಿಕಾ ॥ 2 ॥
ಸೌಕುಮಾರ್ಯಸೃಷ್ಟಪಲ್ಲವಾಲಿಕೀರ್ತಿನಿಗ್ರಹಾ
ಚನ್ದ್ರಚನ್ದನೋತ್ಪಲೇನ್ದುಸೇವ್ಯಶೀತವಿಗ್ರಹಾ ।
ಸ್ವಾಭಿಮರ್ಶವಲ್ಲವೀಶಕಾಮತಾಪಬಾಧಿಕಾ
ಮಹ್ಯಮಾತ್ಮಪಾದಪದ್ಮದಾಸ್ಯದಾಽಸ್ತು ರಾಧಿಕಾ ॥ 3 ॥
ವಿಶ್ವವನ್ದ್ಯಯೌವತಾಭಿವನ್ದತಾಪಿ ಯಾ ರಮಾ
ರೂಪನವ್ಯಯೌವನಾದಿಸಮ್ಪದಾ ನ ಯತ್ಸಮಾ ।
ಶೀಲಹಾರ್ದಲೀಲಯಾ ಚ ಸಾ ಯತೋಽಸ್ತಿ ನಾಧಿಕಾ
ಮಹ್ಯಮಾತ್ಮಪಾದಪದ್ಮದಾಸ್ಯದಾಸ್ತು ರಾಧಿಕಾ ॥ 4 ॥
ರಾಸಲಾಸ್ಯಗೀತನರ್ಮಸತ್ಕಲಾಲಿಪಂಡಿತಾ
ಪ್ರೇಮರಮ್ಯರೂಪವೇಶಸದ್ಗುಣಾಲಿಮಂಡಿತಾ ।
ವಿಶ್ವನವ್ಯಗೋಪಯೋಷಿದಾಲಿತೋಪಿ ಯಾಽಧಿಕಾ
ಮಹ್ಯಮಾತ್ಮಪಾದಪದ್ಮದಾಸ್ಯದಾಽಸ್ತು ರಾಧಿಕಾ ॥ 5 ॥
ನಿತ್ಯನವ್ಯರೂಪಕೇಲಿಕೃಷ್ಣಭಾವಸಮ್ಪದಾ
ಕೃಷ್ಣರಾಗಬನ್ಧಗೋಪಯೌವತೇಷು ಕಮ್ಪದಾ ।
ಕೃಷ್ಣರೂಪವೇಶಕೇಲಿಲಗ್ನಸತ್ಸಮಾಧಿಕಾ
ಮಹ್ಯಮಾತ್ಮಪಾದಪದ್ಮದಾಸ್ಯದಾಽಸ್ತು ರಾಧಿಕಾ ॥ 6 ॥
ಸ್ವೇದಕಮ್ಪಕಂಟಕಾಶ್ರುಗದ್ಗದಾದಿಸಂಚಿತಾ
ಮರ್ಷಹರ್ಷವಾಮತಾದಿ ಭಾವಭೂಷಣಾಂಚಿತಾ ।
ಕೃಷ್ಣನೇತ್ರತೋಷಿರತ್ನಮಂಡನಾಲಿದಾಧಿಕಾ
ಮಹ್ಯಮಾತ್ಮಪಾದಪದ್ಮದಾಸ್ಯದಾಽಸ್ತು ರಾಧಿಕಾ ॥ 7 ॥
ಯಾ ಕ್ಷಣಾರ್ಧಕೃಷ್ಣವಿಪ್ರಯೋಗಸನ್ತತೋದಿತಾ-
ನೇಕದೈನ್ಯಚಾಪಲಾದಿಭಾವವೃನ್ದಮೋದಿತಾ ।
ಯತ್ನಲಬ್ಧಕೃಷ್ಣಸಂಗನಿರ್ಗತಾಖಿಲಾಧಿಕಾ
ಮಹ್ಯಮಾತ್ಮಪಾದಪದ್ಮದಾಸ್ಯದಾಽಸ್ತು ರಾಧಿಕಾ ॥ 8 ॥
ಅಷ್ಟಕೇನ ಯಸ್ತ್ವನೇನ ನೌತಿ ಕೃಷ್ಣವಲ್ಲಭಾಂ
ದರ್ಶನೇಽಪಿ ಶೈಲಜಾದಿಯೋಷಿದಾಲಿದುರ್ಲಭಾಮ್ ।
ಕೃಷ್ಣಸಂಗನನ್ದತಾತ್ಮದಾಸ್ಯಸೀಧುಭಾಜನಂ
ತಂ ಕರೋತಿ ನನ್ದತಾಲಿಸಂಚಯಾಶು ಸಾ ಜನಮ್ ॥ 9 ॥
ಇತಿ ಶ್ರೀಕೃಷ್ಣದಾಸಕವಿರಾಜವಿರಚಿತಂ ಶ್ರೀರಾಧಿಕಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Sri Radha Stotram » Sri Radhika Ashtakam by Krishna Das Kavi Lyrics in Sanskrit » English » Bengali » Gujarati » Malayalam » Odia » Telugu » Tamil