॥ Sri Radhika Ashtottarashatanama Stotram Kannada Lyrics ॥
॥ ಶ್ರೀರಾಧಿಕಾಷ್ಟೋತ್ತರಶತನಾಮಸ್ತೋತ್ರಮ್ ॥
ಅವೀಕ್ಷಿತೇಶ್ವರೀ ಕಾಚಿದ್ವೃನ್ದಾವನಮಹೇಶ್ವರೀಮ್ ।
ತತ್ಪದಾಮ್ಭೋಜಮಾತ್ರೈಕಗತಿಃ ದಾಸ್ಯತಿಕಾತರಾ ॥ 1 ॥
ಪತಿತಾ ತತ್ಸರಸ್ತೀರೇ ರುದತ್ಯಾರ್ತರವಾಕುಲಮ್ ।
ತಚ್ಛ್ರೀವಕ್ತ್ರೇಕ್ಷಣಪ್ರಾಪ್ತ್ಯೈ ನಾಮಾನ್ಯೇತಾನಿ ಸಂಜಗೌ ॥ 2 ॥
ರಾಧಾ ಗನ್ಧರ್ವಿಕಾ ಗೋಷ್ಠಯುವರಾಜೈಕಕಾಮಿತಾ ।
ಗನ್ಧರ್ವಾರಾಧಿತಾ ಚನ್ದ್ರಕಾನ್ತಿರ್ಮಾಧವಸಂಗಿನೀ ॥ 3 ॥
ದಾಮೋದರಾದ್ವೈತಸಖೀ ಕಾರ್ತಿಕೋತ್ಕೀರ್ತಿದೇಶ್ವರೀ ।
ಮುಕುನ್ದದಯಿತಾವೃನ್ದಧಮ್ಮಿಲ್ಲಮಣಿಮಂಜರೀ ॥ 4 ॥
ಭಾಸ್ಕರೋಪಾಸಿಕಾ ವಾರ್ಷಭಾನವೀ ವೃಷಭಾನುಜಾ ।
ಅನಂಗಮಂಜರೀಜ್ಯೇಷ್ಠಾ ಶ್ರೀದಾಮಾವರಜೋತ್ತಮಾ ॥ 5 ॥
ಕೀರ್ತಿದಾಕನ್ಯಕಾ ಮಾತೃಸ್ನೇಹಪೀಯೂಷಪುತ್ರಿಕಾ ।
ವಿಶಾಖಾಸವಯಾಃ ಪ್ರೇಷ್ಠವಿಶಾಖಾಜೀವಿತಾಧಿಕಾ ॥ 6 ॥
ಪ್ರಾಣಾದ್ವಿತೀಯಾಲಲಿತಾ ವೃನ್ದಾವನವಿಹಾರಿಣೀ ।
ಲಲಿತಾಪ್ರಾಣರಕ್ಷೈಕಲಕ್ಷಾ ವೃನ್ದಾವನೇಶ್ವರೀ ॥ 7 ॥
ವ್ರಜೇನ್ದ್ರಗೃಹಿಣೀ ಕೃಷ್ಣಪ್ರಾಯಸ್ನೇಹನಿಕೇತನಮ್ ।
ವ್ರಜಗೋಗೋಪಗೋಪಾಲೀಜೀವಮಾತ್ರೈಕಜೀವನಮ್ ॥ 8 ॥
ಸ್ನೇಹಲಾಭೀರರಾಜೇನ್ದ್ರಾ ವತ್ಸಲಾಚ್ಯುತಪೂರ್ವಜಾ ।
ಗೋವಿನ್ದಪ್ರಣಯಾಧಾರಾ ಸುರಭೀಸೇವನೋತ್ಸುಕಾ ॥ 9 ॥
ಧೃತನನ್ದೀಶ್ವರಕ್ಷೇಮಾ ಗಮನೋತ್ಕಂಠಿಮಾನಸಾ ।
ಸ್ವದೇಹಾದ್ವೈತತಾದೃಶ್ಟಾಧನಿಷ್ಠಾಧ್ಯೇಯದರ್ಶನಾ ॥ 10 ॥
ಗೋಪೇನ್ದ್ರಮಹಿಷೀಪಾಕಶಾಲಾವೇದಿಪ್ರಕಾಶಿಕಾ ।
ಆಯುರ್ವರ್ಧಾಕರದ್ವಾನಾರೋಹಿಣೀಘ್ರಾತಮಸ್ತಕಾ ॥ 11 ॥
ಸುಬಲಾನ್ಯಸ್ತಸಾರೂಪ್ಯಾ ಸುಬಲಾಪ್ರೀತಿತೋಷಿತಾ ।
ಮುಖರಾದೃಕ್ಸುಧಾನಪ್ತ್ರೀ ಜಟಿಲಾದೃಷ್ಟಿಭಾಸಿತಾ ॥ 12 ॥
ಮಧುಮಂಗಲನರ್ಮೋಕ್ತಿಜನಿತಸ್ಮಿತಚನ್ದಿರಕಾ ।
ಮುಖರಾದೃಕ್ಸುಧಾನಪ್ತ್ರೀ ಜಟಿಲಾದೃಷ್ಟಿಭಾಸಿತಾ ॥ 12 ॥
ಮಧುಮಂಗಲನರ್ಮೋಕ್ತಿಜನಿತಸ್ಮಿತಚನ್ದಿರಕಾ ।
ಪೌರ್ಣಮಾಸೀಬಹಿಃಖೇಲತ್ಪ್ರಾಣಪಂಜರಸಾರಿಕಾ ॥ 13 ॥
ಸ್ವಗುಣಾದ್ವೈತಜೀವಾತುಃ ಸ್ವೀಯಾಹಂಕಾರವರ್ಧಿನೀ ।
ಸ್ವಗಣೋಪೇನ್ದ್ರಪಾದಾಬ್ಜಸ್ಪರ್ಶಾಲಮ್ಭನಹರ್ಷಿಣೀ ॥ 14 ॥
ಸ್ವೀಯಬ್ರುನ್ದಾವನೋದ್ಯಾನಪಾಲಿಕೀಕೃತಬೃನ್ದಕಾ ।
ಜ್ಞಾತವೃನ್ದಾಟವೀಸರ್ವಲತಾತರುಮೃಗದ್ವಿಜಾ ॥ 15 ॥
ಈಷಚ್ಚನ್ದನಸಂಘೃಷ್ಟ ನವಕಾಶ್ಮೀರದೇಹಭಾಃ ।
ಜಪಾಪುಷ್ಪಪ್ರೀತಹರೀ ಪಟ್ಟಚೀನಾರುಣಾಮ್ಬರಾ ॥ 16 ॥
ಚರಣಾಬ್ಜತಲಜ್ಯೋತಿರರುಣೀಕೃತಭೂತಲಾ ।
ಹರಿಚಿತ್ತಚಮತ್ಕಾರಿ ಚಾರುನೂಪುರನಿಃಸ್ವನಾ ॥ 17 ॥
ಕೃಷ್ಣಶ್ರಾನ್ತಿರಶ್ರೇಣೀಪೀಠವಲ್ಗಿತಘಂಟಿಕಾ ।
ಕೃಷ್ಣಸರ್ವಸ್ವಪೀನೋದ್ಯತ್ಕುಚಾಂಚನ್ಮಣಿಮಾಲಿಕಾ ॥ 18 ॥
ನಾನಾರತ್ನೇಲ್ಲಸಚ್ಛಂಖಚೂಡಚಾರುಭುಜದ್ವಯಾ ।
ಸ್ಯಮನ್ತಕಮಣಿಭ್ರಾಜನ್ಮಣಿಬನ್ಧಾತಿಬನ್ಧುರಾ ॥ 19 ॥
ಸುವರ್ಣದರ್ಪಣಜ್ಯೋತಿರುಲ್ಲಂಘಿಮುಖಮಂಡಲಾ ।
ಪಕ್ವದಾಡಿಮಬೀಜಾಭ ದನ್ತಾಕೃಷ್ಟಾಘಭಿಚ್ಛುಕಾ ॥ 20 ॥
ಅಬ್ಜರಾಗಾದಿಸೃಷ್ಟಾಬ್ಜಕಲಿಕಾಕರ್ಣಭೂಷಣಾ ।
ಸೌಭಾಗ್ಯಕಜ್ಜಲಾಂಕಾಕ್ತ ನೇತ್ರಾನನ್ದಿತಖಂಜನಾ ॥ 21 ॥
ಸುವೃತ್ತಮೌಕಿತ್ಕಾಮುಕ್ತಾನಾಸಿಕಾತಿಲಪುಷ್ಪಿಕಾ ।
ಸುಚಾರುನವಕಸ್ತೂರೀತಿಲಕಾಂಚಿತಫಾಲಕಾ ॥ 22 ॥
ದಿವ್ಯವೇಣೀವಿನಿರ್ಧೂತಕೇಕೀಪಿಂಚವರಸ್ತುತಿಃ ।
ನೇತ್ರಾನ್ತಸಾರವಿಧ್ವಂಸಕೃತಚಾಣೂರಜಿದ್ಧೃತಿಃ ॥ 23 ॥
ಸ್ಫುರತ್ಕೈಶೋರತಾರುಣ್ಯಸನ್ಧಿಬನ್ಧುರವಿಗ್ರಹಾ ।
ಮಾಧವೋಲ್ಲಾಸಕೋನ್ಮತ್ತ ಪಿಕೋರುಮಧುರಸ್ವರಾ ॥ 24 ॥
ಪ್ರಾಣಾಯುತಶತಪ್ರೇಷ್ಠಮಾಧವೋತ್ಕೀರ್ತಿಲಮ್ಪಟಾ ।
ಕೃಷ್ಣಾಪಾಂಗತರಂಗೋದ್ಯತ್ಸಿಮತಪೀಯೂಷಬುದ್ಧುದಾ ॥ 25 ॥
ಪುಂಜೀಭೂತಜಗ್ಗಲಜ್ಜಾವೈದಗ್ಧೀದಿಗ್ಧವಿಗ್ರಹಾ ।
ಕರುಣಾವಿದ್ರವದ್ದೇಹಾ ಮೂರ್ತಿಮನ್ಮಾಧುರೀಘಟಾ ॥ 26 ॥
ಜಗದ್ಗುಣವತೀವರ್ಗಗೀಯಮಾನಗುಣೋಚ್ಚಯಾ ।
ಶಚ್ಯಾದಿಸುಭಗಾಬೃನ್ದವನ್ದ್ಯಮಾನೋರುಸೌಭಗಾ ॥ 27 ॥
ವೀಣಾವಾದನಸಂಗೀತ ರಸಲಾಸ್ಯವಿಶಾರದಾ ।
ನಾರದಪ್ರಮುಖೋದ್ಗೀತಜಗದಾನನ್ದಿಸದ್ಯಶಾಃ ॥ 28 ॥
ಗೋವರ್ಧನಗುಹಾಗೇಹಗೃಹಿಣೀಕುಂಜಮಂಡನಾ ।
ಚಂಡಾಂಶುನನ್ದಿನೀಬದ್ಧಭಗಿನೀಭಾವವಿಭ್ರಮಾ ॥ 29 ॥
ದಿವ್ಯಕುನ್ದಲತಾನರ್ಮಸಖ್ಯ ದಾಮವಿಭೂಷಣಾ ।
ಗೋವರ್ಧನಧರಾಹ್ಣಾದಿ ಶೃಂಗಾರರಸಪಂಡಿತಾ ॥ 30 ॥
ಗಿರೀನ್ದ್ರಧರವಕ್ಷಃ ಶ್ರೀಃ ಶಂಖಚೂಡಾರಿಜೀವನಮ್ ।
ಗೋಕುಲೇನ್ದ್ರಸುತಪ್ರೇಮಕಾಮಭೂಪೇನ್ದ್ರಪಟ್ಟಣಮ್ ॥ 31 ॥
ವೃಷವಿಧ್ವಂಸನರ್ಮೋಕ್ತಿ ಸ್ವನಿರ್ಮಿತಸರೋವರಾ ।
ನಿಜಕುಂಡಜಲಕ್ರೀಡಾಜಿತಸಂಕರ್ಷಣಾನುಜಾ ॥ 32 ॥
ಮುರಮರ್ದನಮತ್ತೇಭವಿಹಾರಾಮೃತದೀರ್ಘಿಕಾ ।
ಗಿರೀನ್ದ್ರಧರಪಾರಿಣ್ದ್ರರತಿಯುದ್ಧರುಸಿಂಹಿಕಾ ॥ 33 ॥
ಸ್ವತನೂಸೌರಭೋನ್ಮತ್ತೀಕೃತಮೋಹನಮಾಧವಾ ।
ದೋರ್ಮೂಲೋಚ್ಚಲನಕ್ರೀಡಾವ್ಯಾಕುಲೀಕೃತಕೇಶವಾ ॥ 34 ॥
ನಿಜಕುಂಡತತೀಕುಂಜ ಕ್ಲೃಪ್ತಕೇಲೀಕಲೋದ್ಯಮಾ ।
ದಿವ್ಯಮಲ್ಲೀಕುಲೋಲ್ಲಾಸಿ ಶಯ್ಯಾಕಲ್ಪಿತವಿಗ್ರಹಾ ॥ 35 ॥
ಕೃಷ್ಣವಾಮಭುಜನ್ಯಸ್ತ ಚಾರುದಕ್ಷಿಣಗಂಡಕಾ ।
ಸವ್ಯಬಾಹುಲತಾಬದ್ಧಕೃಷ್ಣದಕ್ಷಿಣಸದ್ಭುಜಾ ॥ 36 ॥
ಕೃಷ್ಣದಕ್ಷಿಣಚಾರೂರುಶ್ಲಿಷ್ಟವಾಮೋರುರಮ್ಭಿಕಾ ।
ಗಿರೀನ್ದ್ರಧರದೃಗ್ವಕ್ಷೇಮರ್ದಿಸುಸ್ತನಪರ್ವತಾ ॥ 37 ॥
ಗೋವಿನ್ದಾಧರಪೀಯೂಷವಾಸಿತಾಧರಪಲ್ಲವಾ ।
ಸುಧಾಸಂಚಯಚಾರೂಕ್ತಿ ಶೀತಲೀಕೃತಮಾಧವಾ ॥ 38 ॥
ಗೋವಿನ್ದೋದ್ಗೀರ್ಣತಾಮ್ಬೂಲ ರಾಗರಜ್ಯತ್ಕಪೋಲಿಕಾ ।
ಕೃಷ್ಣಸಮ್ಭೋಗ ಸಫಲೀಕೃತಮನ್ಮಥಸಮ್ಭವಾ ॥ 39 ॥
ಗೋವಿನ್ದಮಾರ್ಜಿತೋದ್ದಾಮರತಿಪ್ರಸ್ವಿನ್ನಸನ್ಮುಖಾ ।
ವಿಶಾಖಾವಿಜಿತಕ್ರೀಡಾಶಾನ್ತಿನಿದ್ರಾಲುವಿಗ್ರಹಾ ॥ 40 ॥
ಗೋವಿನ್ದಚರಣನ್ಯಸ್ತಕಾಯಮಾನಸಜೀವನಾ ।
ಸ್ವಪ್ರಾಣಾರ್ಬುದನಿರ್ಮಚ್ಛಯ ಹರಿಪಾದರಜಃ ಕಣಾ ॥ 41 ॥
ಅಣುಮಾತ್ರಾಚ್ಯುತಾದರ್ಶಶಯ್ಯಮಾನಾತ್ಮಲಿಚನಾ ।
ನಿತ್ಯನೂತನಗೋವಿನ್ದವಕ್ತ್ರಶುಭ್ರಾಂಶುದರ್ಶನಾ ॥ 42 ॥
ನಿಃಸೀಮಹರಿಮಾಧುರ್ಯಸೌನ್ದರ್ಯಾದ್ಯೇಕಭೋಗಿನೀ ।
ಸಾಪತ್ನ್ಯಧಾಮಮುರಲೀಮಾತ್ರಭಾಗ್ಯಕಟಾಕ್ಷಿಣೀ ॥ 43 ॥
ಗಾಢಬುದ್ಧ್ಬಲಕ್ರೀಡಾಜಿತವಂಶೀವಿಕರ್ಷಿಣೀ ।
ನರ್ಮೋಕ್ತಿಚನ್ದಿರಕೋತ್ಫುಲ್ಲ ಕೃಷ್ಣಕಾಮಾಬ್ಧಿವರ್ಧಿನೀ ॥ 44 ॥
ವ್ರಜಚನ್ದ್ರೇಜ್ದಿರಯಗ್ರಾಮ ವಿಶ್ರಾಮವಿಧುಶಾಲಿಕಾ ।
ಕೃಷ್ಣಸರ್ವೇನ್ದಿರಯೋನ್ಮಾದಿ ರಾಧೇತ್ಯಕ್ಷರಯುಗ್ಮಕಾ ॥ 45 ॥
ಇದಂ ಶ್ರೀರಾಧಿಕಾನಾಮ್ನಾಮಷ್ಟೋತ್ತರಶತೋಜ್ಜ್ವಲಮ್ ।
ಶ್ರೀರಾಧಲಮ್ಭಕಂ ನಾಮ ಸ್ತೋತ್ರಂ ಚಾರು ರಸಾಯನಮ್ ॥ 46 ॥
ಯೋಽಧೀತೇ ಪರಮಪ್ರೀತ್ಯಾ ದೀನಃ ಕಾತರಮಾನಸಃ ।
ಸ ನಾಥಾಮಚಿರೇಣೈವ ಸನಾಥಾಮೀಕ್ಷತೇ ಧ್ರುವಮ್ ॥ 47 ॥
ಇತಿ ಶ್ರೀರಘುನಾಥದಾಸಗೋಸ್ವಾಮಿವಿರಚಿತಸ್ತವಾವಲ್ಯಾಂ
ಶ್ರೀರಾಧಿಕಾಷ್ಟೋತ್ತರಶತನಾಮಸ್ತೋತ್ರಂ ಸಮ್ಪೂರ್ಣಮ್ ।
– Chant Stotra in Other Languages –
Sri Radha slokam » Sri Radhika Ashtottara Shatanama Stotram in Sanskrit » English » Bengali » Gujarati » Malayalam » Odia » Telugu » Tamil