॥ Sri Ramashtakam 5 Gujarati Lyrics ॥
॥ રામાષ્ટકમ્ ૫ ॥
રાજત્કિરીટમણિદીધિતિદીપિતાંશં
ઉદ્યદ્બૃહસ્પતિકવિપ્રતિમે વહન્તમ્ ।
દ્વે કુણ્ડલેઽઙ્કરહિતેન્દુસમાનવક્ત્રં
રામં જગત્ત્રયગુરું સતતં ભજામિ ॥ ૧ ॥
ઉદ્યદ્વિભાકરમરીચિવિબોધિતાબ્જ-
નેત્રં સુબિમ્બદશનચ્છદચારુનાસમ્ ।
શુભ્રાંશુરશ્મિપરિનિર્જિતચારુહાસં
રામં જગત્ત્રયગુરું સતતં ભજામિ ॥ ૨ ॥
તં કમ્બુકણ્ઠમજમમ્બુજતુલ્યરૂપં
મુક્તાવલીકનકહારધૃતં વિભાન્તમ્ ।
વિદ્યુદ્વલાકગણસંયુતમમ્બુદં વા
રામં જગત્ત્રયગુરું સતતં ભજામિ ॥ ૩ ॥
ઉત્તાનહસ્તતલસંસ્થસહસ્રપત્રં
પઞ્ચચ્છદાધિકશતં પ્રવરાઙ્ગુલીભિઃ ।
કુર્વત્યશીતકનકદ્યુતિ યસ્ય સીતા
પાર્શ્વેઽસ્તિ તં રઘુવરં સતતં ભજામિ ॥ ૪ ॥
અગ્રે ધનુર્ધરવરઃ કનકોજ્જ્વલાઙ્ગો
જ્યેષ્ઠાનુસેવનરતો વરભૂષણાઢ્યઃ ।
શેષાખ્યધામવરલક્ષ્મણનામ યસ્ય
રામં જગત્ત્રયગુરું સતતં ભજામિ ॥ ૫ ॥
યો રાઘવેન્દ્રકુલસિન્ધુસુધાંશુરૂપો
મારીચરાક્ષસસુબાહુમુખાન્ નિહત્ય ।
યજ્ઞં રરક્ષ કુશિકાન્વયપુણ્યરાશિં
રામં જગત્ત્રયગુરું સતતં ભજામિ ॥ ૬ ॥
હત્વા ખરત્રિશિરસૌ સગણૌ કબન્ધં
શ્રીદણ્ડકાનનમદૂષણમેવ કૃત્વા ।
સુગ્રીવમૈત્રમકરોદ્વિનિહત્ય શત્રું
તં રાઘવં દશમુખાન્તકરં ભજામિ ॥ ૭ ॥
ભઙ્ક્ત્વા પિનાકમકરોજ્જનકાત્મજાયા
વૈવાહિકોત્સવવિધિં પથિ ભાર્ગવેન્દ્રમ્ ।
જિત્વા પિતુર્મુદમુવાહ કકુત્સ્થવર્યં
રામં જગત્ત્રયગુરું સતતં ભજામિ ॥ ૮ ॥
ઇતિ મુરારી ગુપ્તાવિરચિતં રામાષ્ટકં સમ્પૂર્ણમ્ ।
– Chant Stotra in Other Languages –
Sri Vishnu Stotram » Sri Rama Ashtakam 5 Lyrics in Sanskrit » English » Bengali » Kannada » Malayalam » Odia » Telugu » Tamil