॥ Sri Ramashtakam 5 Telugu Lyrics ॥
॥ రామాష్టకమ్ ౫ ॥
రాజత్కిరీటమణిదీధితిదీపితాంశం
ఉద్యద్బృహస్పతికవిప్రతిమే వహన్తమ్ ।
ద్వే కుణ్డలేఽఙ్కరహితేన్దుసమానవక్త్రం
రామం జగత్త్రయగురుం సతతం భజామి ॥ ౧ ॥
ఉద్యద్విభాకరమరీచివిబోధితాబ్జ-
నేత్రం సుబిమ్బదశనచ్ఛదచారునాసమ్ ।
శుభ్రాంశురశ్మిపరినిర్జితచారుహాసం
రామం జగత్త్రయగురుం సతతం భజామి ॥ ౨ ॥
తం కమ్బుకణ్ఠమజమమ్బుజతుల్యరూపం
ముక్తావలీకనకహారధృతం విభాన్తమ్ ।
విద్యుద్వలాకగణసంయుతమమ్బుదం వా
రామం జగత్త్రయగురుం సతతం భజామి ॥ ౩ ॥
ఉత్తానహస్తతలసంస్థసహస్రపత్రం
పఞ్చచ్ఛదాధికశతం ప్రవరాఙ్గులీభిః ।
కుర్వత్యశీతకనకద్యుతి యస్య సీతా
పార్శ్వేఽస్తి తం రఘువరం సతతం భజామి ॥ ౪ ॥
అగ్రే ధనుర్ధరవరః కనకోజ్జ్వలాఙ్గో
జ్యేష్ఠానుసేవనరతో వరభూషణాఢ్యః ।
శేషాఖ్యధామవరలక్ష్మణనామ యస్య
రామం జగత్త్రయగురుం సతతం భజామి ॥ ౫ ॥
యో రాఘవేన్ద్రకులసిన్ధుసుధాంశురూపో
మారీచరాక్షససుబాహుముఖాన్ నిహత్య ।
యజ్ఞం రరక్ష కుశికాన్వయపుణ్యరాశిం
రామం జగత్త్రయగురుం సతతం భజామి ॥ ౬ ॥
హత్వా ఖరత్రిశిరసౌ సగణౌ కబన్ధం
శ్రీదణ్డకాననమదూషణమేవ కృత్వా ।
సుగ్రీవమైత్రమకరోద్వినిహత్య శత్రుం
తం రాఘవం దశముఖాన్తకరం భజామి ॥ ౭ ॥
భఙ్క్త్వా పినాకమకరోజ్జనకాత్మజాయా
వైవాహికోత్సవవిధిం పథి భార్గవేన్ద్రమ్ ।
జిత్వా పితుర్ముదమువాహ కకుత్స్థవర్యం
రామం జగత్త్రయగురుం సతతం భజామి ॥ ౮ ॥
ఇతి మురారీ గుప్తావిరచితం రామాష్టకం సమ్పూర్ణమ్ ।
– Chant Stotra in Other Languages –
Sri Vishnu Stotram » Sri Rama Ashtakam 5 Lyrics in Sanskrit » English » Bengali » Gujarati » Kannada » Malayalam » Odia » Tamil