॥ Sri Rama Pancharatnam Telugu Lyrics ॥
॥ శ్రీ రామ పంచరత్నం ॥
కంజాతపత్రాయతలోచనాయ
కర్ణావతంసోజ్జ్వలకుండలాయ ।
కారుణ్యపాత్రాయ సువంశజాయ
నమోఽస్తు రామాయ సలక్ష్మణాయ ॥ ౧ ॥
విద్యున్నిభాంభోదసువిగ్రహాయ
విద్యాధరైః సంస్తుతసద్గుణాయ ।
వీరావతారాయ విరోధిహన్త్రే
నమోఽస్తు రామాయ సలక్ష్మణాయ ॥ ౨ ॥
సంసక్తదివ్యాయుధకార్ముకాయ
సముద్రగర్వాపహరాయుధాయ ।
సుగ్రీవమిత్రాయ సురారిహన్త్రే
నమోఽస్తు రామాయ సలక్ష్మణాయ ॥ ౩ ॥
పీతాంబరాలంకృతమధ్యకాయ
పితామహేంద్రామరవందితాయ ।
పిత్రే స్వభక్తస్య జనస్య మాత్రే
నమోఽస్తు రామాయ సలక్ష్మణాయ ॥ ౪ ॥
నమో నమస్తేఽఖిలపూజితాయ
నమో నమశ్చంద్రనిభాననాయ ।
నమో నమస్తే రఘువంశజాయ
నమోఽస్తు రామాయ సలక్ష్మణాయ ॥ ౫ ॥
ఇమాని పంచరత్నాని త్రిసంధ్యం యః పఠేన్నరః ।
సర్వపాపవినిర్ముక్తః స యాతి పరమాం గతిమ్ ॥ ౬ ॥
ఇతి శ్రీరామకర్ణామృతాంతర్గతం శ్రీరామపంచరత్నమ్ ।
– Chant Stotra in Other Languages –
Sri Rama Pancharatnam in Sanskrit – English – Kannada – Telugu – Tamil