॥ Rama Chandra Ashtakam Bengali Lyrics ॥
॥ শ্রীরামচন্দ্রাষ্টকম্ ॥
ওঁ চিদাকারো ধাতা পরমসুখদঃ পাবনতনুর্-
মুনীন্দ্রৈর্যোগীন্দ্রৈর্যতিপতিসুরেন্দ্রৈর্হনুমতা ।
সদা সেব্যঃ পূর্ণো জনকতনয়াঙ্গঃ সুরগুরূ
রমানাথো রামো রমতু মম চিত্তে তু সততম্ ॥ ১ ॥
মুকুন্দো গোবিন্দো জনকতনয়ালালিতপদঃ
পদং প্রাপ্তা য়স্যাধমকুলভবা চাপি শবরী ।
গিরাতীতোঽগম্যো বিমলধিষণৈর্বেদবচসা
রমানাথো রামো রমতু মম চিত্তে তু সততম্ ॥ ২ ॥
ধরাধীশোঽধীশঃ সুরনরবরাণাং রঘুপতিঃ
কিরীটী কেয়ূরী কনককপিশঃ শোভিতবপুঃ ।
সমাসীনঃ পীঠে রবিশতনিভে শান্তমনসো
রমানাথো রামো রমতু মম চিত্তে তু সততম্ ॥ ৩ ॥
বরেণ্যঃ শারণ্যঃ কপিপতিসখশ্চান্তবিধুরো
ললাটে কাশ্মীরো রুচিরগতিভঙ্গঃ শশিমুখঃ ।
নরাকারো রামো য়তিপতিনুতঃ সংসৃতিহরো
রমানাথো রামো রমতু মম চিত্তে তু সততম্ ॥ ৪ ॥
বিরূপাক্ষঃ কাশ্যামুপদিশতি য়ন্নাম শিবদং
সহস্রং য়ন্নাম্নাং পঠতি গিরিজা প্রত্যুষসি বৈ ।
স্বলোকে গায়ন্তীশ্বরবিধিমুখা য়স্য চরিতং
রমানাথো রামো রমতু মম চিত্তে তু সততম্ ॥ ৫ ॥
পরো ধীরোঽধীরোঽসুরকুলভবশ্চাসুরহরঃ
পরাত্মা সর্বজ্ঞো নরসুরগণৈর্গীতসুয়শাঃ ।
অহল্যাশাপঘ্নঃ শরকরঋজুঃকৌশিকসখো
রমানাথো রামো রমতু মম চিত্তে তু সততম্ ॥ ৬ ॥
হৃষীকেশঃ শৌরির্ধরণিধরশায়ী মধুরিপুর্-
উপেন্দ্রো বৈকুণ্ঠো গজরিপুহরস্তুষ্টমনসা ।
বলিধ্বংসী বীরো দশরথসুতো নীতিনিপুণো
রমানাথো রামো রমতু মম চিত্তে তু সততম্ ॥ ৭ ॥
কবিঃ সৌমিত্রীড্যঃ কপটমৃগঘাতী বনচরো
রণশ্লাঘী দান্তো ধরণিভরহর্তা সুরনুতঃ ।
অমানী মানজ্ঞো নিখিলজনপূজ্যো হৃদিশয়ো
রমানাথো রামো রমতু মম চিত্তে তু সততম্ ॥ ৮ ॥
ইদং রামস্তোত্রং বরমমরদাসেন রচিতম্
উষঃকালে ভক্ত্যা য়দি পঠতি য়ো ভাবসহিতম্ ।
মনুষ্যঃ স ক্ষিপ্রং জনিমৃতিভয়ং তাপজনকং
পরিত্যজ্য শ্রীষ্ঠং রঘুপতিপদং য়াতি শিবদম্ ॥ ৯ ॥
॥ ইতি শ্রীমদ্রামদাসপূজ্যপাদশিষ্যশ্রীমদ্ধং
সদাসশিষ্যেণামরদাসাখ্যকবিনা বিরচিতং
শ্রীরামচন্দ্রাষ্টকং সমাপ্তম্ ॥
– Chant Stotra in Other Languages –
Sri Vishnu Stotram » Sri Rama Chandra Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil