॥ శ్రీరఙ్గనాథపఞ్చకం స్తోత్రమ్ Telugu Lyrics ॥
కదాహం కావేరీతటపరిసరే రఙ్గనగరే
శయానం భోగీన్ద్రే శతమఖమణిశ్శ్యామలరుచిమ్ ।
ఉపాసీనః క్రోశన్మధుమథననారాయణ హరే
మురారే గోవిన్దేత్యనిశమనునేష్యమి దివసాన్ ॥ ౧॥
కదాహం కావేరీవిమలసలిలే వీతకలుషో
భవేయం తత్తీరే శ్రమముషి వసేయం ఘనవనే ।
కదా వా తత్పుణ్యే మహతి పులినే మఙ్గలగుణం
భజేయం రఙ్గేశం కమలనయనం శేషశయనమ్ ॥ ౨॥
పూగీకణ్ఠద్వయససరసస్నిగ్ధనీరోపకణ్ఠా-
మావిర్మోదాస్తిమితిశకునానూదితబ్రహ్మఘోషామ్ ।
మార్గే మార్గే పథికనివహైరుధ్యమానాపవర్గాం
పశ్యేయం తాం పునరపి పురీం శ్రీమతీం రఙ్గధామ్నః ॥ ౩॥
కస్తూరీకలితోర్ద్ధ్వపుణ్డ్రతిలకం కర్ణాన్తలోలేక్షణం
ముగ్ధస్మేరమనోహరాధరదలం ముక్తాకిరీటోజ్జ్వలమ్ ।
పశ్యన్మానస పశ్యతోహరతరం పర్యాయపఙ్కేరుహం
శ్రీరఙ్గాధిపతేః కదానువదనం సేవేయ భూయోప్యహమ్ ॥ ౪॥
న జాతు పీతామృతమూర్చ్ఛితానాం నాకౌకసాం నన్దనవాటికాసు ।
రఙ్గేశ్వర త్వత్పురమాశ్రితానాం రథ్యాసునామన్యతమో భవేయమ్ ॥ ౫॥
ఇతి శ్రీరఙ్గనాథపఞ్చకం స్తోత్రం సమ్పూర్ణమ్ ॥
శ్రీరాధాకృష్ణార్పణమస్తు ॥