॥ About Sri Parasara Battar’s Sri Rangaraja Stavam ॥
One of the dear most disciples of Sri Kurathazhwan was Pillaipillaiazhwan. He was living in Srirangam when the temple was administered by Sri Parasara Battar (more affectionately called Battar). The king who was ruling the province at that time was Veerasundaran. He was in the process of repairing the ramports of the Srirangam temple. At that stage, he noticed that the house of Pillai Pillai Azhwan was obstructing the reparing of the ramport. Hence he ordered to evict Pillai Pillai Azhwan. On hearing this, Battar intervened in vain. After this incident, friction developed between Battar and the king. The king gave constant troubles to Battar. One day Battar left Srirangam without informing anyone. He moved to Thirukoshtiyuur.
When Battar was residing at Thirukoshtiyuur, suffering due to the separation of Periyaperumal, Pillai pillai azhwan came to him. He carried a very happy message for Battar – king eerasundavan passed away. Battar immediately left Thirukoshtiyuur and came to Srirangam. When he returned, he describes the temple city starting from Cauvery, each of the streets, and finally falls at the lotus-feet of Sri Ranganatha. Thus the sloka beautifully describes Srirangam.
This sloka has two parts – poorva (first)and the uttara (concluding ) part. The poorva part has 147 slokas while the uttara part has 105 slokas. This sloka is said to explain the meaning of the dwaya mantra. The poorva part explains the first line of the dwayam while the uttara part explains the second line of the dwayam.
॥ Sri Rangaraja Stavam Tamil Lyrics ॥
ஶ்ரீரங்க³ராஜஸ்தவம்
ஶ்ரீரங்க³ராஜஸ்தவம் ॥
ஶ்ரீமதே ராமாநுஜாய நம: ।
ஶ்ரீபராஶரப⁴ட்டார்ய: ஶ்ரீரங்கே³ஶபுரோஹித: ।
ஶ்ரீவத்ஸாங்கஸுத: ஶ்ரீமாந்ஶ்ரேயஸே மேঽஸ்து பூ⁴யஸே ।
அத² ஶ்ரீரங்க³ராஜஸ்தவே பூர்வஶதகம் ।
ஶ்ரீவத்ஸசிஹ்நமிஶ்ரேப்⁴யோ நம உக்திமதீ⁴மஹே ।
யது³க்தயஸ்த்ரயீகண்டே² யாந்தி மங்க³ளஸூத்ரதாம் ॥ 1 ॥
ராமாநுஜபத³ச்சா²யா கோ³விந்தா³ஹ்வாঽநபாயிநீ ।
ததா³யத்தஸ்வரூபா ஸா ஜீயாந்மத்³விஶ்ரமஸ்த²லீ ॥ 2 ॥
ராமாநுஜமுநிர்ஜீயாத்³யோ ஹரேர்ப⁴க்தியந்த்ரத: ।
கலிகோலாஹலக்ரீடா³முதா⁴க்³ரஹமபாஹரத் ॥ 3 ॥
விதா⁴ய வைதி³கம்மார்க³மகௌதஸ்குதகண்டகம் ।
நேதாரம் ப⁴க³வத்³ப⁴க்தேர்யாமுநம் மநவாமஹை ॥ 4 ॥
நௌமி நாத²முநிம் நாம ஜீமூதம் ப⁴க்த்யவக்³ரஹே ।
வைராக்³யப⁴க³வத்தத்த்வஜ்ஞாநப⁴க்த்யபி⁴வர்ஷுகம் ॥ 5 ॥
ருʼஷிம் ஜுஷாமஹே க்ருʼஷ்ணத்ருʼஷ்ணாதத்த்வமிவோதி³தம்
ஸஹஸ்ரஶாகா²ம் யோঽத்³ராக்ஷீத்³த்³ராவிடீ³ம் ப்³ரஹ்மஸம்ஹிதாம் ॥ 6 ॥
நம: ஶ்ரீரங்க³நாயக்யை யத்³ப்⁴ரூவிப்⁴ரமபே⁴த³த: ।
ஈஶேஶிதவ்யவைஷம்யநிம்நோந்நதமித³ம் ஜக³த் ॥ 7 ॥
ஶ்ரீஸ்தநாப⁴ரணம் தேஜ: ஶ்ரீரங்கே³ஶயமாஶ்ரயே ।
சிந்தாமணிமிவோத்³வாந்தமுத்ஸங்கே³ঽநந்தபோ⁴கி³ந: ॥ 8 ॥
அஸ்தி வஸ்த்வித³மித்த²ம் த்வப்ரஸங்க்²யாநபராங்முக²ம் ।
ஶ்ரீமத்யாயதநே லக்ஷ்மீபத³லாக்ஷைகலக்ஷணம் ॥ 9 ॥
லக்ஷ்மீகல்பலதோத்துங்க³ஸ்தநஸ்தப³கசஞ்சல: ।
ஶ்ரீரங்க³ராஜப்⁴ருʼங்கோ³ மே ரமதாம் மாநஸாம்பு³ஜே ॥ 10 ॥
ஸ்வஸ்தி ஶ்ரீஸ்தநகஸ்தூரீமகரீமுத்³ரிதோரஸ: ।
ஶ்ரீரங்க³ராஜாச்ச²ரத³ஶ்ஶதமாஶாஸ்மஹேதமாம் ॥ 11 ॥
பாது ப்ரணதரக்ஷாயாம் விலம்ப³மஸஹந்நிவ ॥
ஸதா³ பஞ்சாயுதீ⁴ம் பி³ப்⁴ரத்ஸ ந: ஶ்ரீரங்க³நாயக: ॥ 12 ॥
அமதம் மதம் மதமதா²மதம் ஸ்துதம்
பரிநிந்தி³தம் ப⁴வதி நிந்தி³தம் ஸ்துதம் ।
இதி ரங்க³ராஜமுத³ஜூகு⁴ஷத்த்ரயீ
ஸ்துமஹே வயங்கிமிதி தந்ந ஶக்நும: ॥ 13 ॥
யதி³ மே ஸஹஸ்ரவத³நாதி³வைப⁴வம்
நிஜமர்பயேத்ஸ கில ரங்க³சந்த்³ரமா: ।
அத² ஶேஷவந்மம ச தத்³வதே³வ வா
ஸ்துதிஶக்த்யபா⁴வவிப⁴வேঽபி பா⁴கி³தா ॥ 14 ॥
ஸோ அங்க³ வேத³ யதி³ வா ந கிலேதி வேத:³
ஸந்தே³க்³த்⁴யநர்க⁴வித³மாத்மநி ரங்க³நாத²ம் ।
ஸ்தா²நே ததே³ஷ க²லு தோ³ஷமலீமஸாபி:⁴
மத்³வாக்³பி⁴ரைஶமதிஶாயநமாவ்ருʼணோதி ॥ 15 ॥
ஸ்வம் ஸம்ஸ்க்ருʼதத்³ராவிட³வேத³ஸூக்தை:
பா⁴ந்தம் மது³க்தைர்மலிநீகரோதி ।
ஶ்ரீரங்க³கம்ர: கலப⁴ம் க ஏவ
ஸ்நாத்வாঽபி தூ⁴லீரஸிகம் நிஷேத்³தா⁴ ॥ 16 ॥
கிந்து ப்ரபத்திப³லதாரிதவிஷ்ணுமாய-
மத்³வம்ஶ்யராஜகுலது³ர்லலிதம் கிலைவம் ।
ஶ்ரீரங்க³ராஜகமலாபத³லாலிதத்வம்
யத்³வாঽபராத்⁴யதி மம ஸ்துதிஸாஹஸேঽஸ்மிந் ॥ 17 ॥
நாத²ஸ்ய ச ஸ்வமஹிமார்ணவபாரத்³ருʼஶ்வ-
விஜ்ஞாநவாக்³விலஸிதம் ஸஹதே ந வேத:³ ।
ஆபேக்ஷிகம் யதி³ தத³ஸ்தி மமாபி தேந
ஶ்ரீரங்கி³ண: ஸ்துதிவிதா⁴வஹமத்⁴யகார்ஷம் ॥ 18 ॥
அந்யத்ராதத்³கு³ணோக்திர்ப⁴க³வதி ந தது³த்கர்ஷசௌர்யை: பரேஷாம்
ஸ்துத்யத்வாத்³யாவத³ர்தா² ப²ணிதிரபி ததா² தஸ்ய நிஸ்ஸீமகத்வாத் ।
ஆம்நாயாநாமஸீம்நாமபி ஹரிவிப⁴வே வர்ஷபி³ந்தோ³ரிவாঽப்³தௌ⁴
ஸம் ப³ந்தா⁴த்ஸ்வாத்மலாபோ⁴ ந து கப³லநத: ஸ்தோதுரேவம் ந கிம் மே ॥ 19 ॥
காவேரீமவகா³ஹிஷீய ப⁴க³வத்³போ⁴கா³ந்தராயீ ப⁴வத்
கர்மக்லேஶப²லாஶயப்ரஶமநோத்³வேலாமலஸ்ரோதஸம் ।
ஜந்தோஸ்ஸம்ஸரதோঽர்சிராதி³ஸரணிவ்யாஸங்க³ப⁴ங்கா³ய யா
லோகேঽஸ்மிண் விரஜேவ வேல்லிதஜலா ஶ்ரீரங்க³மாலிங்க³தி ॥ 20 ॥
து³க்³தா⁴ப்³தி⁴ர்ஜநகோ ஜநந்யஹமியம் ஶ்ரீரேவ புத்ரீ வர:
ஶ்ரீரங்கே³ஶ்வர ஏதத³ர்ஹமிஹ கிம் குர்யாமிதீவாகுலா ।
சஞ்சச்சாமரசந்த்³ரசந்த³நமஹாமாணிக்யமுக்தோத்கராந்
காவேரீ லஹரீகரைர்வித³த⁴தீ பர்யேதி ஸா ஸேவ்யதாம் ॥ 21 ॥
தீர்த²ம் ஶுந்த⁴தி பாதி நந்த³நதரூந் ரத்²யாங்க³ணாந்யுக்ஷதி
ஸ்நாநீயார்ஹணபாநவாரி வஹதி ஸ்நாத: புநீதே ஜநாந் ।
ஶ்யாமம் வேத³ரஹோ வ்யநக்தி புலிநே பே²நைர்ஹஸந்தீவ தத்
க³ங்கா³ம் விஷ்ணுபதீ³த்வமாத்ரமுக²ராம் ஹேமாபகா³ ஹந்த்வக⁴ம் ॥ 22 ॥
அக³ணிதகு³ணாவத்³யம் ஸர்வம் ஸ்தி²ரத்ரஸமப்ரதி-
க்ரியமபி பய: பூரைராப்யாயயந்த்யநுஜாக்³ரதீ ।
ப்ரவஹதி ஜக³த்³தா⁴த்ரீ பூ⁴த்வேவ ரங்க³பதேர்த³யா
ஶிஶிரமது⁴ராঽகா³தா⁴ ஸா ந: புநாது மருத்³வ்ருʼதா⁴ ॥ 23 ॥
தரளதநுதரங்கை³ர்மந்த³மாந்தோ³ல்யமாந-
ஸ்வதடவிடபிராஜீமஞ்ஜரீஸுப்தப்⁴ருʼங்கா³ ।
க்ஷிபது கநகநாம்நீ நிம்நகா³ நாரிகேல-
க்ரமுகஜமகரந்தை³ர்மாம்ஸலாபா மத³ம்ஹ: ॥ 24 ॥
கத³லவகுலஜம்பூ³பூக³மாகந்த³கண்ட²-
த்³வயஸஸரஸநீராமந்தரா ஸஹ்யகந்யாம் ।
ப்ரப³லஜலபிபாஸாலம்ப³மாநாம்பு³தௌ³க⁴-
ப்⁴ரமகரதருவ்ருʼந்த³ம் வந்த்³யதாமந்தரீபம் ॥ 25 ॥
யத்³விஷ்ணோ: பத³மதம: பரோரஜோঽக்³ர்யம்
முக்தாநாமநுவிரஜம் விதீ³ப்ரமாஹு: ।
தத்புண்யம் புலிநமித³ந்தயாঽத்³ய மத்⁴யே
காவேரி ஸ்பு²ரதி ததீ³க்ஷிஷீய நித்யம் ॥ 26 ॥
த்ரய்யந்தப்ரஹதிமதீஷு வைஷ்ணவாநாம்
ப்ராப்யாஸு ப்ரசுரப⁴வஶ்ரமாபஹாஸு ।
காவேரீபரிசரிதாஸு பாவநீஷு
ஶ்ரீரங்கோ³பவநதடீஷு வர்திஷீய ॥ 27 ॥
ஸ்பு²ரிதஶப²ரதீ³ர்யந்நாலிகேரீகு³லுச்ச²-
ப்ரஸ்ருʼமரமது⁴குல்யாவர்தி⁴தாநோகஹாநி ।
ரதிமவிரதி ரங்கா³ராமரம்யஸ்த²லாநி
க்ரமுகபத³ஸமோசாமேசகாநி க்ரியாஸு: ॥ 28 ॥
அதி⁴பரமபத³ம் புரீமயோத்⁴யாம்
அம்ருʼதவ்ருʼதாமபராஜிதாமுஶந்தி ।
புலிநமுபரி ரங்க³ராஜதா⁴நீ
பிஶிதத்³ருʼஶாமபி ஸா புரஶ்சகாஸ்தி ॥ 29 ॥
ப⁴வபத³மபி தி³வ்யதா⁴ம கர்தும்
தது³ப⁴யதந்த்ரிதஹர்ம்யமாலிகேவ ।
ப⁴வநமணிதலைர்விஜ்ருʼம்ப⁴மாணா
ஜயதிதராமிஹ ரங்க³ராஜதா⁴நீ ॥ 30 ॥
மணிமகரருசீர்விதத்ய பாஶாந்
விஸ்ருʼமரகேதுகரைர்ம்ருʼக³ம் ஹிமாம்ஶோ: ।
ஶ்ரிய இவ நவகேலயே ஜிக்⁴ருʼக்ஷு:
ஸுக²யது ரங்க³புரீ சகாஸதீ ந: ॥ 31 ॥
ஜநபத³ஸரித³ந்தரீபபுஷ்யத்
புரபரிபாலநநித்யஜாக³ரூகாந் ।
ப்ரஹரணபரிவாரவாஹநாட்⁴யாந்
குமுத³முகா²ண் க³ணநாயகாந் நமாமி ॥ 32 ॥
அஹ்ருʼதஸஹஜதா³ஸ்யா: ஸூரயஸ்ஸ்ரஸ்தப³ந்தா⁴
விமலசரமதே³ஹா இத்யமீ ரங்க³தா⁴ம ।
மஹிதமநுஜயதிர்யக்ஸ்தா²வரத்வா: ஶ்ரயந்தே
ஸுநியதமிதி ஹ ஸ்ம ப்ராஹுரேப்⁴யோ நம: ஸ்தாத் ॥ 33 ॥
ஶ்ரீரங்க³தி³வ்யப⁴வநம்பு⁴வி கோ³புராணாம்
ப்ராகாரிதேந நிகரேண கு³ருத்மதேவ ।
பார்ஶ்வப்ரஸாரிதபதத்த்ரபுடேந ப⁴க்த்யா
நாநாதநூபி⁴ரூபகூ³ட⁴முபக்⁴நயாம: ॥ 34 ॥
ப்ராகாரமத்⁴யாஜிரமண்ட³போக்த்யா
ஸத்³வீபரத்நாகரரத்நஶைலா ।
ஸர்வம்ஸஹா ரங்க³விமாநஸேவாம்
ப்ராப்தேவ தந்மந்தி³ரமாவிரஸ்தி ॥ 35 ॥
ஜிதபா³ஹ்யஜிநாதி³மணிப்ரதிமா
அபி வைதி³கயந்நிவ ரங்க³புரே ।
மணிமண்ட³பவபக³ணந் வித³தே⁴
பரகாலகவி: ப்ரநமேமஹி தாந் ॥ 36 ॥
ஸ்மேராநநாக்ஷிகமலைர்நமத: புநாநாந்
த³ம்ஷ்ட்ராக³தா³ப்⁴ருகுடிபி⁴ர்த்³விஷதோ து⁴நாநாந் ।
சந்த்³ரப்ரசண்ட³முக²த: ப்ரணமாமி ரங்க³-
த்³வாராவலீஷு சதஸ்ருʼஷ்வதி⁴காரபா⁴ஜ: ॥ 37 ॥
ஸர்வாத்மஸாதா⁴ரணநாத²கோ³ஷ்டீ²-
பூரேঽபி து³ஷ்பூரமஹாவகாஶம் ।
ஆஸ்தா²நமாநந்த³மயம் ஸஹஸ்ர-
ஸ்தூ²ணாதி³நாঽঽம்நாதமவாப்நவாநி ॥ 38 ॥
விஹரதி ஹரௌ லக்ஷ்ம்யா லீலாதபத்ரபரிஷ்க்ரியா-
விநிமயவிதா⁴ஸூநாஸூநிக்ரியாஸப²லோத்பலாம் ।
அத² முநிமந: பத்³மேஷ்வப்³ஜாஸஹாயவிஹாரஜ-
ஶ்ரமஹரதடீம் யாமஸ்தாமைந்த³வீமரவிந்தி³நீம் ॥ 39 ॥
தாபத்ரயீமைந்த³வபுஷ்கரிண்யாம்
நிமஜ்ஜ்ய நிர்வாபயிதாঽஸ்மி யஸ்யா: ।
அப்⁴யாஸதோঽபாமக⁴மர்ஷணீநாம்
சந்த்³ர: ஸுதா⁴தீ³தி⁴திதாமவாப ॥ 40 ॥
பூர்வேண தாம் தத்³வது³தா³ரநிம்ந-
ப்ரஸந்நஶீதாஶயமக்³நநாதா:² ।
பராங்குஶாத்³யா: ப்ரத²மே புமாம்ஸோ
நிஷேதி³வாம்ஸோ த³ஶ மாம் த³யேரந் ॥ 41 ॥
ஆதா⁴ரஶக்திமுபரி ப்ரக்ருʼதிம் பரேண
தாம் கூர்மமத்ர ப²ணிநம் ப்ருʼதி²வீம் ப²ணாஸு ।
ப்ருʼத்²வ்யாம் பயோதி⁴மதி⁴ தந்நலிநம் நிதா⁴ய
ஶ்ரீரங்க³தா⁴ம ஸுநிவிஷ்டமபி⁴ஷ்டவாநி ॥ 42 ॥
பரேண நாகம் புரி ஹேமமய்யாம்
யோ ப்³ரஹ்மகோஶோঽஸ்த்யபராஜிதாக்²ய: ।
ஶ்ரீரங்க³நாம்நா தமபௌருஷேயம்
விமாநராஜம் பு⁴வி பா⁴வயாநி ॥ 43 ॥
அநாத்³யாம்நாதத்வாத்புருஷரசநாதோ³ஷரஹிதம்
ஜநே தாம்ஸ்தாந் காமாண் வித³த⁴த³பி ஸாயுஜ்யஹ்ருʼத³யம் ।
அஸந்தே³ஹாத்⁴யாஸம் ப⁴க³வது³பலம்ப⁴ஸ்த²லமமீ
ப்ரதீம: ஶ்ரீரங்க³ம் ஶ்ருதிஶதஸமாநர்த்³தி⁴ ஶரணம் ॥ 44 ॥
அபி ப²ணிபதிபா⁴வாச்சு²ப்⁴ரமந்த: ஶயாலோ:
மரகதஸுகுமாரை: ரங்க³ப⁴ர்துர்மயூகை:² ।
ஸகலஜலதி⁴பாநஶ்யாமஜீமூதஜைத்ரம்
புலகயதி விமாநம் பாவநம் லோசநே ந: ॥ 45 ॥
வ்யாபி ரூபமபி கோ³ஷ்பத³யித்வா
ப⁴க்தவத்ஸலதயோஜ்ஜி²தவேலம் ।
தத்³விஷந்தபந்ருʼகேஸரிரூபம்
கோ³புரோபரி விஜ்ருʼம்பி⁴தமீடே³ ॥ 46 ॥
அஹமலமவலம்ப:³ ஸீத³தாமித்யஜஸ்ரம்
நிவஸது³பரிபா⁴கே³ கோ³புரம் ரங்க³தா⁴ம்ந: ।
க்வசந ந்ருʼபரிபாடீவாஸிதம் க்வாபி ஸிம்ஹ-
க்ரமஸுரபி⁴தமேகம் ஜ்யோதிரக்³ரே சகாஸ்தி ॥ 47 ॥
ஸம்ஶோத்⁴ய பாவநமநோஹரத்³ருʼஷ்டிபாதை:
தே³வாய மாமபி நிவேத³யதாம் கு³ரூணாம் ।
ஸவ்யோத்தரே ப⁴க³வதோঽஸ்ய கடாக்ஷவீக்ஷா-
பங்க்திம் ப்ரபத்³ய பரித: பரிதோ ப⁴வேயம் ॥ 48 ॥
ஶ்ரீரங்க³ராஜகரநம்ரிதஶாகி²காப்⁴யோ
லக்ஷ்ம்யா ஸ்வஹஸ்தகலிதஶ்ரவணவதம்ஸம் ।
புந்நாக³தல்லஜமஜஸ்ரஸஹஸ்ரகீ³தி-
ஸேகோத்த²தி³வ்யநிஜஸௌரப⁴மாமநாம: ॥ 49 ॥
ஶ்ரீரங்க³சந்த்³ரமஸமிந்தி³ரயா விஹர்தும்
விந்யஸ்ய விஶ்வசித³சிந்நயநாதி⁴காரம் ।
யோ நிர்வஹத்யநிஶமங்கு³லிமுத்³ரயைவ
ஸேநாந்யமந்யவிமுகா²ஸ்தமஶிஶ்ரியாம ॥ 50 ॥
ஸைந்யது⁴ரீணப்ராணஸஹாயாம் ஸூத்ரவதீமாஶிஶ்ரியமம்பா³ம் ।
ஶ்ரீபத³லாக்ஷாலாஞ்சி²தஸேவாப்ரோதலஸத்³தோ³ர்வல்லிவிலாஸாம் ॥ 51 ॥
வித³த⁴து ஸுக²ம் விஷ்வக்ஸேநஸ்ய தே ப்ரத²மே ப⁴டா:
கரிமுக²ஜயத்ஸேநௌ காலாஹ்வஸிம்ஹமுகௌ² ச ந: ।
ஜக³தி ப⁴ஜதாம் தத்தத்ப்ரத்யூஹதூலத³வாநலா:
தி³ஶி தி³ஶி தி³வாராத்ரம் ஶ்ரீரங்க³பாலநகர்மடா:² ॥ 52 ॥
ஶ்ருதிமயமதிஹர்ஷப்ரஶ்ரயஸ்மேரவக்த்ரம்
மணிமுகுரமிவாக்³ரே மங்க³ளம் ரங்க³தா⁴ம்ந: ।
ஶரணமபி⁴க³தா: ஸ்மோ யத்ர ரூபஸ்வரூப-
ஸ்வகு³ணமஹிமத³ர்ஶீ மோத³தே ரங்க³ஶாயீ ॥ 53 ॥
தார்க்ஷ்யபக்ஷதிவத³ஸ்ய வல்லபா⁴ம்
ருத்³ரயா ஸஹ ஸுகீர்திமர்சயே ।
ஹர்ஷபா³ஷ்பமபி கீர்திமர்தி²நாம்
யந்முகே²ந கமலா கடாக்ஷயேத் ॥ 54 ॥
ஸ்வாஸ்த்ரரூபஸ்பு²ரந்மௌலி மா ஶப்³த³ இதி
உத்³து⁴நாநாம் ஸுராஸ்தர்ஜநீமுத்³ரயா ।
நாத²நித்³ரோசிதோந்நித்³ரதாம்ரேக்ஷணாம்
ஸஞ்சரந்தீம் ஸ்துமஸ்தாம் ச பஞ்சாயுதீ⁴ம் ॥ 55 ॥
அஸ்த்ரக்³ராமாக்³ரேஸரம் நாத²வீக்ஷா-
ஶீது⁴க்ஷீபோ³த்³வேலந்ருʼத்தாபி⁴ராமம் ।
சக்ரம் தை³த்யச்சே²த³கல்மாஷிதாங்க³ம்
ப்⁴ராம்யஜ்ஜ்வாலாமாலபா⁴ரி ப்ரபத்³யே ॥ 56 ॥
ஹநுபூ⁴ஷவிபீ⁴ஷணயோ: ஸ்யாம் யதமாவிஹ மோக்ஷமுபேக்ஷ்ய ।
ரகு⁴நாயகநிஷ்க்ரயபூ⁴தம் பு⁴வி ரங்க³த⁴நம் ரமயேதே ॥ 57 ॥
இதோ ப³ஹி: பஞ்ச பராஞ்சி கா²நி ப்ரத்யஞ்சி தாநி ஸ்யுரிதோঽந்தரித்த²ம் ।
ஔபாதி⁴கேப்⁴யோ நிருபாதி⁴போ⁴க்³யே ப்ரத்யாஹரத்³வேத்ரத⁴ரம் நமாமி ॥ 58 ॥
ஶேஷஶயலோசநாம்ருʼதநதீ³ரயாகுலிதலோலமாநாநாம் ।
ஆலம்ப³மிவாமோத³ஸ்தம்ப⁴த்³வயமந்தரங்க³மபி⁴யாம: ॥ 59 ॥
ஶ்ரீரங்கா³ந்தர்மந்தி³ரம் தீ³ப்ரஶேஷம் ஶ்ரீபூ⁴மீதத்³ரம்யஜாமாத்ருʼக³ர்ப⁴ம் ।
பஶ்யேம ஶ்ரீதி³வ்யமாணிக்யபூ⁴ஷாமஞ்ஜூஷாயாஸ்துல்யமுந்மீலிதாயா: ॥ 60 ॥
லீலாலதாக்ருʼபாணீப்⁴ருʼங்கா³ரபதத்³க்³ரஹார்பிதகராக்³ரா: ।
ப்ரோதாவதம்ஸிதகுசா: பதா³ப்³ஜஸம்வாஹிநீர்வயம் ஸ்துமஹே ॥ 61 ॥
முகுலிதநலிநா: ஸகௌமுதீ³கா
இவ ஸுநிஶா விமலாதி³கா நவாபி ।
ஶிரஸி க்ருʼதநமஸ்யதே³கஹஸ்தா
இதரகரோச்சலசாமரா: ஶ்ரயேயம் ॥ 62 ॥
உத்பு²ல்லபங்கஜதடாகமிவாபி⁴யாநி
ஶ்ரீரங்க³ராஜமிஹ த³க்ஷிணஸவ்யஸீம்நோ: ।
லக்ஷ்மீம் விஹாரரஸிகாமிவ ராஜஹம்ஸீம்
சா²யாமிவாப்⁴யுத³யிநீமவநீம் ச தஸ்யா: ॥ 63 ॥
பிப³ நயந புரஸ்தே ரங்க³து⁴ர்யாபி⁴தா⁴நம்
ஸ்தி²தமிவ பரிபு²ல்லத்புண்ட³ரீகம் தடாகம் ।
ஶ்ரியமபி விஹரந்தீம் ராஜஹம்ஸீமிவாஸ்மிந்
ப்ரதிப²லநமிவாஸ்யா: பஶ்ய விஶ்வம்ப⁴ராம் ச ॥ 64 ॥
ஸௌஶீல்யஶீதலமவேலக்ருʼபாதரங்க³-
ஸம்ப்லாவிதாகி²லமக்ருʼத்ரிமபூ⁴ம நிம்நம் ।
லக்ஷ்ம்யா ச வாஸிதமபூ⁴ம விகா³ஹமாநா:
ஶ்ரீரங்க³ராஜமிஷபத்³மஸர: ப்ரஸந்நம் ॥ 65 ॥
ஸிம்ஹாஸநே கமலயா க்ஷமயா ச விஶ்வம்
ஏகாதபத்ரயிதுமஸ்மத³ஸூந்நிஷண்ணம் ।
லக்ஷ்மீஸ்வயம்வரஸநாதி²தயௌவநஶ்ரீ-
ஸௌந்த³ர்ய ஸம்பத³வலிப்தமிவாலிஹீய ॥ 66 ॥
ஆபாத³மூலமணிமௌலிஸமுல்லஸந்த்யா
ஸ்வாதந்த்ர்யஸௌஹ்ருʼத³தரங்கி³தயாঽங்க³ப⁴ங்க்³யா ।
ஸக்²யம் ஸமஸ்தஜநசேதஸி ஸந்த³தா⁴நம்
ஶ்ரீரங்க³ராஜமநிமேஷமநுஸ்ரியாஸ்ம ॥ 67 ॥
க்ஷிதிகமலநிவாஸாகல்பவல்லீஸலீலோ-
ல்லுட²நத³ஶதி³ஶோத்³யத்³யௌவநாரம்ப⁴ஜ்ருʼம்ப:⁴ ।
ஶ்ரமமபஹரதாம் மே ரங்க³தா⁴மேதி தத்தத்³-
வரமயப²லநம்ர: பத்ரல: பாரிஜாத: ॥ 68 ॥
ஸம்பா⁴ஷமாணமிவ ஸர்வவஶம்வதே³ந
மந்த³ஸ்மிதேந மது⁴ரேண ச வீக்ஷணேந ।
தி³வ்யாஸ்த்ரபுஷ்பிதசதுர்பு⁴ஜமத்யுதா³ரம்
ரங்கா³ஸ்பத³ம் மம ஶுபா⁴ஶ்ரயமாஶ்ரயாணி ॥ 69 ॥
ஏதே ஶங்க²க³தா³ஸுத³ர்ஶநப்⁴ருʼத: க்ஷேமாங்கரா பா³ஹவ:
பாத³த்³வந்த்³வமித³ம் ஶரண்யமப⁴யம் ப⁴த்³ரம் ச வோ ஹே ஜநா: ।
இத்யூசிஷ்யப⁴யங்கரே கரதலே ஸ்மேரேண வக்த்ரேண தத்³-
வ்யாகுர்வந்நிவ நிர்வஹேந்மம து⁴ரம் ஶ்ரீரங்க³ஸர்வம்ஸஹ: ॥ 70 ॥
அங்கை³ரஹம்ப்ரத²மிகாசரிதாத்மதா³நை:
ஆமோத³மாநநவயௌவநஸாவலேபை: ।
ஹை பாரிஜாதமிவ நூதநதாயமாந-
ஶாகா²ஶதம் ஹ்ருʼதி³ த³தீ⁴மஹி ரங்க³து⁴ர்யம் ॥ 71 ॥ வர்। கத²மதீ⁴மஹி
ஆலோகா ஹ்ருʼத³யாலவோ ரஸவஶாதீ³ஶாநமீஷத்ஸ்மிதம்
ப்ரச்சா²யாநி வசாம்ஸி பத்³மநிலயா சேத: ஶரவ்யம் வபு: ।
சக்ஷுஷ்மந்தி க³தாக³தாநி த இமே ஶ்ரீரங்க³ஶ்ருʼங்கா³ர தே
பா⁴வா யௌவநக³ந்தி⁴ந: கிமபரம் ஸிஞ்சந்தி சேதாம்ஸி ந: ॥ 72 ॥
ஆயத்கிரீடமலிகோல்லஸதூ³ர்த்⁴வபுண்ட்³ரம்
ஆகர்ணலோசநமநங்குஶகர்ணபாஶம் ।
உத்பு²ல்லவக்ஷஸமுதா³யுத⁴பா³ஹுமர்ஹ-
ந்நீவிம் ச ரங்க³பத³மப்³ஜபத³ம் ப⁴ஜாம: ॥ 73 ॥ வர்। பதி
அப்³ஜந்யஸ்தபதா³ப்³ஜமஞ்சிதகடீஸம்வாதி³கௌஶேயகம்
கிஞ்சித்தாண்ட³வக³ந்தி⁴ஸம்ஹநநகம் நிர்வ்யாஜமந்த³ஸ்மிதம் ।
சூடா³சும்பி³முகா²ம்பு³ஜம் நிஜபு⁴ஜாவிஶ்ராந்ததி³வ்யாயுத⁴ம்
ஶ்ரீரங்கே³ ஶரத:³ ஶதம் தத இத: பஶ்யேம லக்ஷ்மீஸக²ம் ॥ 74 ॥
அக்³ரே தார்க்ஷ்யேண பஶ்சாத³ஹிபதிஶயநேநாத்மநா பார்ஶ்வயோஶ்ச
ஶ்ரீபூ⁴மிப்⁴யாமத்ருʼப்த்யா நயநசுலகநை: ஸேவ்யமாநாம்ருʼதௌக⁴ம் ।
வக்த்ரேணாவி:ஸ்மிதேந ஸ்பு²ரத³ப⁴யக³தா³ஶங்க²சக்ரைர்பு⁴ஜாக்³ரை:
விஶ்வஸ்மை திஷ்ட²மாநம் ஶரணமஶரணா ரங்க³ராஜம் ப⁴ஜாம: ॥ 75 ॥
ஆர்தாபாஶ்ரயமார்தி²கல்பகமஸஹ்யாக³ஸ்கரக்ஷ்மாதலம்
ஸத்³ய: ஸம்ஶ்ரிதகாமதே⁴நுமபி⁴யத்ஸர்வஸ்வமஸ்மத்³த⁴நம் ।
ஶ்ரீரங்கே³ஶ்வரமாஶ்ரயேம கமலாசக்ஷுர்மஹீஜீவிதம்
ஶ்ரீரங்கே³ ஸ ஸுகா²கரோது ஸுசிரம் தா³ஸ்யம் ச த⁴த்தாம் மயி ॥ 76 ॥
ஸ்வப²ணவிதாநதீ³ப்ரமணிமாலிஸுதா³மருசி-
ம்ரதி³மஸுக³ந்தி⁴போ⁴க³ஸுக²ஶாயிதரங்க³த⁴நம் ।
மத³ப⁴ரமந்த²ரோச்ச்²வஸிதநி:ஶ்வஸிதோத்தரலம்
ப²ணிபதிடோ³லிகாதலிமமாஶ்வஸிம: ப்ரணதா: ॥ 77 ॥
வடத³லதே³வகீஜட²ரவேத³ஶிர: கமலா-
ஸ்தநஶட²கோபவாக்³வபுஷி ரங்க³க்³ருʼஹே ஶயிதம் ।
வரத³முதா³ரதீ³ர்க⁴பு⁴ஜலோசநஸம்ஹநநம்
புருஷமுபாஸிஷீய பரமம் ப்ரணதார்திஹரம் ॥ 78 ॥
உத³தி⁴பரமவ்யோம்நோர்விஸ்ம்ருʼத்ய பத்³மவநாலயா-
விநிமயமயீம் நித்³ராம் ஶ்ரீரங்க³நாமநி தா⁴மநி ।
ப²ணிபரிவ்ருʼட⁴ஸ்பா²ரப்ரஶ்வாஸநி:ஶ்வஸிதக்ரம-
ஸ்க²லிதநயநம் தந்வந்மந்வீத ந: பரம: புமாந் ॥ 79 ॥
ஜலதி⁴மிவ நிபீதம் நீரதே³நாத்³ரிமப்³தௌ⁴
நிஹிதமிவ ஶயாநம் குஞ்ஜரம் வாத்³ரிகுஞ்ஜே ।
கமலபத³கராக்ஷம் மேசகம் தா⁴ம்நி நீலே
ப²ணிநமதி⁴ஶயாநம் பூருஷம் வந்தி³ஷீய ॥ 80 ॥
ஶ்ரீரங்கே³ஶய இஹ ஶர்ம நிர்மிமீதாமாதாம்ராத⁴ரபத³பாணிவித்³ருமோ ந: ।
காவேரீலஹரிகரோபலால்யமாநோ க³ம்பீ⁴ராத்³பு⁴த இவ தர்ணகோঽர்ணவஸ்ய ॥ 81 ॥
ஸிஞ்சேதி³மம் ச ஜநமிந்தி³ரயா தடித்வாந்
பூ⁴ஷாமணித்³யுதிபி⁴ரிந்த்³ரத⁴நுர்த³தா⁴ந: ।
ஶ்ரீரங்க³தா⁴மநி த³யாரஸநிர்ப⁴ரத்வா-
தா³த்³ரௌ ஶயாலுரிவ ஶீதலகாலமேக:⁴ ॥ 82 ॥
ஆமௌலிரத்நமகராத்புநரா ச பத்³ப்⁴யாம்
தா⁴மக்ரமோந்நமது³தா³ரமநோஹராங்க³ம் ।
ஶ்ரீரங்க³ஶேஷஶயநம் நயநை: பிபா³ம:
பஶ்யந்மந:ப்ரவணமோக⁴மிவாம்ருʼதஸ்ய ॥ 83 ॥
அரவிந்தி³தமங்க்⁴ரிபாணிபத்³மை-
ரபி தாபிஞ்சி²தமஞ்சிதாங்க³காந்த்யா ।
அத⁴ரேண ஸ ப³ந்து⁴ஜீவிதம் ஶ்ரீ:
நியதம் நந்த³நயேத ரங்க³சந்த்³ரம் ॥ 84 ॥
அந்யோந்யரஞ்ஜகருசோঽநுபமாநஶோபா:⁴
தி³வ்யஸ்ரக³ம்ப³ரபரிஷ்கரணாங்க³ராகா:³ ।
ஸம்ஸ்பர்ஶத: புலகிதா இவ சிந்மயத்வாத்
ரங்கே³ந்து³காந்திமதி⁴காமுபப்³ருʼம்ஹயந்தி ॥ 85 ॥
த்³ருதகநகஜகி³ரிபரிமிலது³த³தி⁴-
ப்ரசலிதலஹரிவத³ஹமஹமிகயா ।
ஸ்நபயதி ஜநமிமமபஹரதி தம:
ப²ணிஶயமரகதமணிகிரணக³ண: ॥ 86 ॥
போ⁴கீ³ந்த்³ரநி:ஶ்வஸித ஸௌரப⁴வர்தி⁴தம் ஶ்ரீ
நித்யாநுஷக்தபரமேஶ்வரபா⁴வக³ந்தி⁴ ।
ஸௌரப்⁴யமாப்லுததி³ஶாவதி⁴ ரங்க³நேது:
ஆநந்த³ஸம்பதி³ நிமஜ்ஜயதே மநாம்ஸி ॥ 87 ॥
ரங்க³ப⁴ர்துரபி லோசநசர்சாம் ஸாஹஸாவலிஷு லேக²யமாநம் ।
புஷ்பஹாஸ இதி நாம து³ஹாநம் ஸௌகுமார்யமதிவாங்மநஸம் ந: ॥ 88 ॥
ஏகைகஸ்மிந்பரமவயவேঽநந்தஸௌந்த³ர்யமக்³நம்
ஸர்வம் த்³ரக்ஷ்யே கத²மிதி முதா⁴ மாமதா² மந்த³சக்ஷு: ।
த்வாம் ஸௌப்⁴ராத்ரவ்யதிகரகரம் ரங்க³ராஜாங்க³காநாம்
தல்லாவண்யம் பரிணமயிதா விஶ்வபாரீணவ்ருʼத்தி ॥ 89 ॥
வபுர்மந்தா³ரஸ்ய ப்ரத²மகுஸுமோல்லாஸஸமய:
க்ஷமாலக்ஷ்மீப்⁴ருʼங்கீ³ஸகலகரணோந்மாத³நமது⁴ ।
விகாஸ: ஸௌந்த³ர்யஸ்ரஜி ரஸிகதாஶீது⁴சுலகோ
யுவத்வம் ரங்கே³ந்தோ:³ ஸுரப⁴யதி நித்யம் ஸுப⁴க³தாம் ॥ 90 ॥
கிரீடசூட³ரத்நராஜிராதி⁴ராஜ்யஜல்பிகா ।
முகே²ந்து³காந்திருந்முக²ம் தரங்கி³தேவ ரங்கி³ண: ॥ 91 ॥
ஶிகா²ரத்நோத்³தீ³ப்ரம் தி³ஶி தி³ஶி ச மாணிக்யமகரீ-
லஸச்ச்²ருʼங்க³ம் ரங்க³ப்ரபு⁴மணிகிரீடம் மநுமஹே ।
ஸமுத்துங்க³ஸ்பீ²தம் சித³சித³தி⁴ராஜஶ்ரிய இவ
ப்ரியாக்ரீட³ம் சூடா³மணிமபி நிதம்ப³ம் தமபி⁴த: ॥ 92 ॥
விஹரது மயி ரங்கி³நஶ்சூலிகாப்⁴ரமரகதிலகோர்த்⁴வபுண்ட்³ரோஜ்ஜ்வலம் ।
முக²மம்ருʼததடாகசந்த்³ராம்பு³ஜஸ்மயஹரஶுசிமுக்³த⁴மந்த³ஸ்மிதம் ॥ 93 ॥
முக²புண்ட³ரீகமுபரி த்ரிகண்டகம் திலகாஶ்ச கேஸரஸமா: ஸமௌக்திகா: ।
இஹ ரங்க³ப⁴ர்துரபி⁴யந்மது⁴வ்ரதப்ரகரஶ்ரியம் ப்⁴ரமரகாணி பி³ப்⁴ரதி ॥ 94 ॥
ஹ்ருʼத³யம் ப்ரஸாத³யதி ரங்க³பதேர்மது⁴ரோர்த்⁴வபுண்ட்³ரதிலகம் லலிதம் ।
அலிகார்த⁴சந்த்³ரத³லஸம்வலிதாமம்ருʼதஸ்ருதிம் யத³பி⁴ஶங்கயதே ॥ 95 ॥
ஸரஸீருஹே ஸமவநாம்ய மதா³து³பரி ப்ரந்ருʼத்யத³லிபங்க்திநிபே⁴ ।
ஸ்பு²ரதோ ப்⁴ருவாவுபரி லோசநயோ: ஸவிலாஸலாஸ்யக³தி ரங்க³ப்⁴ருʼத: ॥ 96 ॥
ஸ்மரஶரநலிநப்⁴ரமாந்நேத்ரயோ: பரிஸரநமதி³க்ஷுசாபச்ச²வி ।
யுக³முத³யதி ரங்க³ப⁴ர்துர்ப்⁴ருவோ: கு³ருகுலமிவ ஶார்ங்க³ந்ருʼத்தஶ்ரிய: ॥ 97 ॥
க்ருʼபயா பரயா கரிஷ்யமாணே ஸகலாங்க³ம் கில ஸர்வதோঽக்ஷி நேத்ரே ।
ப்ரத²மம் ஶ்ரவஸீ ஸமாஸ்த்ருʼணாதே இதி தை³ர்க்⁴யேண வித³ந்தி ரங்க³நேது: ॥ 98 ॥
ஶ்ரவோநாஸாரோதா⁴த்தத³வதி⁴கடோ³லாயிதக³தே
விஶாலஸ்பீ²தாயத்³ருசிரஶிஶிராதாம்ரத⁴வளே ।
மிதோ² ப³த்³த⁴ஸ்பர்த⁴ஸ்பு²ரிதஶப²ரத்³வந்த்³வலலிதே
க்ரியாஸ்தாம் ஶ்ரீரங்க³ப்ரணயிநயநாப்³ஜே மயி த³யாம் ॥ 99 ॥
கருணாம்ருʼதகூலமுத்³வஹைஷ ப்ரணமத்ஸ்வாக³திகீ ப்ரஸந்நஶீதா ।
மயி ரங்க³த⁴நோபகர்ணிகாঽக்ஷ்ணோ: ஸரிதோர்வீக்ஷணவீசிஸந்ததி: ஸ்தாத் ॥ 100 ॥
விலஸதி நாஸா கல்பகவல்லீ முக்³தே⁴வ ரங்க³நிலயஸ்ய ।
ஸ்மிதமபி தந்நவகுஸுமம் சுபு³ககபோலம் ச பல்லவோல்லஸிதம் ॥ 101 ॥
நயநஶப²ரிவித்³தௌ⁴ கர்ணபாஶாவருத்³தௌ⁴
ருஷ இவ லுட²தோঽர்சிர்மஞ்ஜரீருத்³கி³ரந்தௌ ।
பரிமிலத³லகாலீஶைவலாமம்ஸவேலாம்
அநுமணிமகரோத்³தௌ⁴ ரங்க³து⁴ர்யாம்ருʼதாப்³தே:⁴ ॥ 102 ॥
அத⁴ரமது⁴ராம்போ⁴ஜம் தத்கர்ணபாஶம்ருʼணாலிகா-
வலயமபி⁴ மாமாஸ்தாம் ரங்கே³ந்து³வக்த்ரஸரஶ்சிரம் ।
நயநஶப²ரம் நாஸாஶைவாலவல்லரி கர்ணிகா-
மகரமலகஶ்ரேணீபர்யந்தநீலவநாவலி ॥ 103 ॥
ரமயது ஸ மாம் கண்ட:² ஶ்ரீரங்க³நேதுருத³ஞ்சித-
க்ரமுகதருணக்³ரீவாகம்பு³ப்ரலம்ப³மலிம்லுச: ।
ப்ரணயவிலக³ல்லக்ஷ்மீவிஶ்வம்ப⁴ராகரகந்த³லீ-
கநகவலயக்ரீடா³ஸங்க்ராந்தரேக² இவோல்லஸந் ॥ 104 ॥
அதி⁴ஷ்டா²நஸ்தம்பௌ⁴ பு⁴வநப்ருʼது²யந்த்ரஸ்ய கமலா-
கரேணோராலாநே அரிகரிக⁴டோந்மாத²முஸலௌ ।
ப²ணீந்த்³ரஸ்பீ²தஸ்ரக்³வ்யதிகரிதஸந்தி³க்³த⁴விப⁴வௌ
பு⁴ஜௌ மே பூ⁴யாஸ்தாமப⁴யமபி⁴ ரங்க³ப்ரணயிந: ॥ 105 ॥
ப்ரதிஜலதி⁴தோ வேலாஶய்யாம் விபீ⁴ஷணகௌதுகாத்
புநரிவ புரஸ்கர்தும் ஶ்ரீரங்கி³ண: ப²ணிபுங்க³வே ।
ஸமுபத³த⁴த: கஞ்சித்கஞ்சித்ப்ரஸாரயதோ பு⁴ஜ-
த்³வயமபி ஸதா³ தா³நஶ்ரத்³தா⁴லு தீ³ர்க⁴முபாஸ்மஹே ॥ 106 ॥
குஸுமப⁴ராலஸௌ ஸ்ப²டிகவேதி³ஶயௌ விடபா-
வமரதரோ: பரம் பரிஹஸத்ப்ருʼது² ரங்க³பு⁴ஜ: ।
ப³ஹுமணிமுத்³ரிகாகநககங்கணதோ³ர்வலயை:
கிஸலயி தோ³ர்த்³வயம் ப²ணிநி நிர்ப⁴ரஸுப்தமிம: ॥ 107 ॥
மத்³ரக்ஷாவ்ரதகௌதுகே ஸுகடகே விக்ராந்திகர்ணேஜபே
ஶார்ங்க³ஜ்யாகிணகர்கஶிம்நி ஸுமநஸ்ஸ்ரங்மோஹநே மார்த³வே ।
தோ³ர்த்³வந்த்³வம் ப³ஹுஶ: ப்ரலோப்⁴ய கமலாலீலோபதா⁴நம் ப⁴வத்
தச்சித்ராலகமுத்³ரிதம் விஜயதே ஶ்ரீரங்க³ஸம்ஸங்கி³ந: ॥ 108 ॥
ப⁴வார்தாநாம் வக்த்ராம்ருʼதஸரஸி மார்க³ம் தி³ஶதி³வ
ஸ்வயம் வக்த்ரேணேத³ம் வரத³மிதி ஸந்த³ர்ஶிதமிவ ।
கராம்போ⁴ஜம் பங்கேருஹவநருஷா பாடலமிவ
ஶ்ரயாமி ஶ்ரீரங்கே³ஶயிதுருபதா⁴நீக்ருʼதமஹம் ॥ 109 ॥
கிரீடம் ஶ்ரீரங்கே³ஶயிதுருபதா⁴நீக்ருʼதபு⁴ஜ:
விதீ⁴ஶாதீ⁴ஶத்வாத்³த⁴டத இதி ஸம்ஸ்ப்ருʼஶ்ய வத³தி ।
நிஹீநாநாம் முக்²யம் ஶரணமிதி பா³ஹுஸ்ததி³தர:
ஸ்பு²டம் ப்³ரூதே பாதா³ம்பு³ஜயுக³ளமாஜாநுநிஹித: ॥ 110 ॥
மலயஜஶஶிலிப்தம் மாலதீதா³மதல்பம்
ஸுமணிஸரவிதாநம் கௌஸ்துப⁴ஸ்வஸ்திதீ³பம் ।
த³நுஜவ்ருʼஷவிஷாணோல்லேக²சித்ரம் ச லக்ஷ்மீ-
லலிதக்³ருʼஹமுபாஸே ரங்க³ஸர்வம்ஸஹோர: ॥ 111 ॥
ஹாரஸ்பா²ரிதபே²நமம்ஶுலஹரீமாலர்த்³தி⁴ முக்தாப²ல-
ஶ்ரேணீஶீகரது³ர்தி³நம் தத இதோ வ்யாகீர்ணரத்நோத்கரம் ।
ஆவி:கௌஸ்துப⁴லக்ஷ்மி ரங்க³வஸதேர்நிஸ்ஸீமபூ⁴மாத்³பு⁴தம்
வக்ஷோ மந்த³ரமத்²யமாநஜலதி⁴ஶ்லாக⁴ம் விலோகேமஹி ॥ 112 ॥
வக்ஷ:ஸ்த²ல்யாம் துலஸிகமலாகௌஸ்துபை⁴ர்வைஜயந்தீ
ஸர்வேஶத்வம் கத²யதிதராம் ரங்க³தா⁴ம்நஸ்ததா³ஸ்தாம் ।
கூர்மவ்யாக்⁴ரீநக²பரிமிலத்பஞ்சஹேதீ யஶோதா³-
நத்³தா⁴ மௌக்³த்⁴யாப⁴ரணமதி⁴கம் ந: ஸமாதி⁴ம் தி⁴நோதி ॥ 113 ॥
கியாந்ப⁴ரோ மம ஜக³த³ண்ட³மண்ட³லீ-
த்யத்ருʼப்தித: க்ருʼஶிதமிவோத³ரம் விபோ:⁴ ।
ரிரக்ஷிஷோசிதஜக³தீபரம்பராம்
பராமிவ ப்ரத²யதி நாபி⁴பங்கஜம் ॥ 114 ॥
த்ரிவித⁴சித³சித்³வ்ருʼந்த³ம் துந்தா³வலம்பி³வலித்ரயம்
விக³ணயதி³வைஶ்வர்யம் வ்யாக்²யாதி ரங்க³மஹேஶிது: ।
ப்ரணதவஶதாம் ப்³ரூதே தா³மோத³ரத்வகர: கிண:
தது³ப⁴யகு³ணாக்ருʼஷ்டம் பட்டம் கிலோத³ரப³ந்த⁴நம் ॥ 115 ॥
த்ரயோ தே³வாஸ்துல்யாஸ்த்ரிதயமித³மத்³வைதமதி⁴கம்
த்ரிகாத³ஸ்மாத்தத்த்வம் பரமிதி விதர்காந் விக⁴டயந் ।
விபோ⁴ர்நாபீ⁴பத்³மோ விதி⁴ஶிவநிதா³நம் ப⁴க³வத:
தத³ந்யத்³ப்⁴ரூப⁴ங்கீ³பரவதி³தி ஸித்³தா⁴ந்தயதி ந: ॥ 116 ॥
க³ர்பே⁴ க்ருʼத்வா கோ³ப்துமநந்தம் ஜக³த³ந்த-
ர்மஜ்ஜத்³ப்⁴ரம்யா வாஞ்ச²தி ஸாம்யம் நநு நாபி:⁴ ।
உத்க்ஷிப்யைதத்ப்ரேக்ஷிதுமுத்³யத்³ப்⁴ரமிபூ⁴யம்
நாபீ⁴பத்³மோ ரம்ஹதி ரங்கா³யதநாப்³தே:⁴ ॥ 117 ॥
மத³மிவ மது⁴கைடப⁴ஸ்ய ரம்பா⁴கரப⁴கரீந்த்³ரகராபி⁴ரூப்யத³ர்பம் ।
ஸ்பு²டமிவ பரிபூ⁴ய க³ர்வகு³ர்வோ: கிமுபமிமீமஹி ரங்க³குஞ்ஜரோர்வோ: ॥ 118 ॥
கடீகாந்திஸம்வாதி³சாதுர்யநீவீலஸத்³ரத்நகாஞ்சீகலாபாநுலேபம் ।
மஹாப்⁴ரம் லிஹந்மேருமாணிக்யஸாநூரிவாபா⁴தி பீதாம்ப³ரம் ரங்க³ப³ந்தோ:⁴ ॥ 119 ॥
ப⁴ர்மஸ்த²லாம்ஶுபரிவேஷ இவாம்பு³ராஶே:
ஸந்த்⁴யாம்பு³வாஹநிகுரும்ப³மிவாம்ப³ரஸ்ய ।
ஶம்பாகத³ம்ப³கமிவாம்பு³முசோ மநா ந:
பீதாம்ப³ரம் பிப³தி ரங்க³து⁴ரந்த⁴ரஸ்ய ॥ 120 ॥
வைபூ⁴ஷண்யாம் காந்திராங்கீ³ நிமக்³நா விஷ்வத்³ரீசீ க்வாபி ஸோந்மாத³வ்ருʼத்தி: ।
ஜாநே ஜாநுத்³வந்த்³வவார்தாவிவர்தோ ஜாத: ஶ்ரீமத்³ரங்க³துங்கா³லயஸ்ய ॥ 121 ॥
ஶ்ரீரங்கே³ஶயஜங்கே⁴ ஶ்ரீபூ⁴ம்யாமர்ஶஹர்ஷகண்டகிதே ।
தத்கேலிநலிநமாம்ஸலநாலத்³வயலலிதமாசரத: ॥ 122 ॥
வந்தா³ருவ்ருʼந்தா³ரகமௌலிமாலாயுஞ்ஜாநசேத: கமலாகரேப்⁴ய: ।
ஸங்க்ரந்தராகா³விவ பாத³பத்³மௌ ஶ்ரீரங்க³ப⁴ர்துர்மநவை நவை ச ॥ 123 ॥
யத்³வ்ருʼந்தா³வநபண்டி³தம் த³தி⁴ரவைர்யத்தாண்ட³வம் ஶிக்ஷிதம்
யல்லக்ஷ்மீகரஸௌக்²யஸாக்ஷி ஜலஜப்ரஸ்பர்த⁴மாநர்த்³தி⁴ யத் ।
யத்³ப⁴க்தேஷ்வஜலஸ்த²லஜ்ஞமபி யத்³தூ³த்யப்ரஸங்கோ³த்ஸுகம்
தத்³விஷ்ணோ: பரமம் பத³ம் வஹது ந: ஶ்ரீரங்கி³ணோ மங்க³ளம் ॥ 124 ॥
ஶிஞ்ஜாநஶ்ருதிஶிஞ்ஜிநீமணிரவைர்வஜ்ராரவிந்த³த்⁴வஜ-
ச்ச²த்ரீகல்பகஶங்க²சக்ரமுகுரைஸ்ஸ்தைஸ்தைஶ்ச ரேகா²மயை: ।
ஐஶ்வர்யேண ஜயம் த்ரிவிக்ரமமுக²ம் கு⁴ஷ்யத்³பி⁴ராம்ரேடி³தம்
ஶ்ரீரங்கே³ஶயபாத³பங்கஜயுக³ம் வந்தா³மஹே ஸுந்த³ரம் ॥ 125 ॥
புநாநி பு⁴வநாந்யஹம் ப³ஹுமுகீ²தி ஸர்வாங்கு³லீ
ஜ²லஜ்ஜ²லிதஜாஹ்நவீலஹரிவ்ருʼந்த³ஸந்தே³ஹதா:³ ।
தி³வா நிஶி ச ரங்கி³ணஶ்சரணசாருகல்பத்³ரும-
ப்ரவாலநவமஞ்ஜரீ: நக²ருசீர்விகா³ஹேமஹி ॥ 126 ॥
ஶ்ரீரங்கே³ந்தோ:³ பத³கிஸலயே நீலமஞ்ஜீரமைத்ர்யா
வந்தே³ வ்ருʼந்தப்ரணயிமது⁴பவ்ராதராஜீவஜைத்ரே ।
நித்யாப்⁴யர்சாநதவிதி⁴முக²ஸ்தோமஸம்ஶய்யமாநை:
ஹேமாம்போ⁴ஜைர்நிபி³ட³நிகடே ராமஸீதோபநீதை: ॥ 127 ॥
இதி ஶ்ரீரங்க³ராஜஸ்தவே பூர்வஶதகம் ஸமாப்தம் ।
அத² ஶ்ரீரங்க³ராஜஸ்தவே உத்தரஶதகம் ।
ஶ்ரீபராஶரப⁴ட்டார்ய: ஶ்ரீரங்கே³ஶபுரோஹித: ।
ஶ்ரீவத்ஸாங்கஸுத: ஶ்ரீமாந் ஶ்ரேயஸே மேঽஸ்து பூ⁴யஸே ॥
ஹர்தும் தமஸ்ஸத³ஸதீ ச விவேக்துமீஶோ
மாநம் ப்ரதீ³பமிவ காருணிகோ த³தா³தி ।
தேநாவலோக்ய க்ருʼதிந: பரிபு⁴ஞ்ஜதே தம்
தத்ரைவ கேঽபி சபலாஶ்ஶலபீ⁴ப⁴வந்தி ॥ 1 ॥
யா வேத³பா³ஹ்யா: ஸ்ம்ருʼதயோঽர்ஹதா³தே³ர்வேதே³ஷு யா: காஶ்ச குத்³ருʼஷ்டய: ।
var குத்³ருʼஷ்டயஸ்தா:?
ஆக³ஸ்க்ருʼதாம் ரங்க³நிதே⁴ த்வத³த்⁴வந்யந்த⁴ங்கரண்ய:
ஸ்ம்ருʼதவாந் மநுஸ்தத் ॥ 2 ॥
ப்ரத்யக்ஷப்ரமத²நபஶ்யதோஹரத்வா-
ந்நிர்தோ³ஷஶ்ருதிவிமதேஶ்ச பா³ஹ்யவர்த்ம ।
து³ஸ்தர்கப்ரப⁴வதயா ச வக்த்ருʼதோ³ஷ-
ஸ்ப்ருʼஷ்ட்யா ச ப்ரஜஹதி ரங்க³விந்த³ வ்ருʼத்³தா:⁴ ॥ 3 ॥
அவயவிதயேத³ங்குர்வாணைர்ப³ஹிஷ்கரணைர்வபு-
ர்நிரவயவகோঽஹங்காரார்ஹ: புமாந் கரணாதிக:³ ।
ஸ்பு²ரதி ஹி ஜநா: ப்ரத்யாஸத்தேரிமௌ ந விவிஞ்சதே
தத³தி⁴குருதாம் ஶாஸ்த்ரம் ரங்கே³ஶ தே பரலோகிநி ॥ 4 ॥
ப்ரத்யக்ஷா ஶ்ருதிரர்த²தீ⁴ஶ்ச ந ததா² தோ³ஷஸ்தத³ர்த:²
புநர்த⁴ர்மாத⁴ர்மபராவரேஶ்வரமுக:² ப்ரத்யக்ஷபா³த்⁴யோ ந ச ।
தச்சார்வாகமதேঽபி ரங்க³ரமண ப்ரத்யக்ஷவத் ஸா ப்ரமா
யோகோ³ந்மீலிததீ⁴ஸ்தத³ர்த²மத²வா ப்ரத்யக்ஷமீக்ஷேத ஸ: ॥ 5 ॥
ந ஸத³ஸது³ப⁴யம் வா நோப⁴யஸ்மாத்³ப³ஹிர்வா ஜக³தி³தி
ந கிலைகாம் கோடிமாடீகதே தத் ।
இதி நிருபதி⁴ ஸர்வம் ஸர்விகாதோ நிஷேத⁴ந்
வரத³ ஸுக³தபாஶஶ்சோரலாவம் விலாவ்ய: ॥ 6 ॥
ப்ரதீதிஶ்சேதி³ஷ்டா ந நிகி²லநிஷேதோ⁴ யதி³ ந கோ
நிஷேத்³தா⁴ঽதோ நேஷ்டோ நிருபதி⁴நிஷேத⁴ஸ்ஸது³பதௌ⁴ ।
நிஷேதே⁴ঽந்யத்ஸித்⁴யேத்³வரத³ க⁴டப⁴ங்கே³ ஶகலவத்
ப்ரமாஶூந்யே பக்ஷே ஶ்ருதிரபி மதேঽஸ்மிந்விஜயதாம் ॥ 7 ॥
யோகா³சாரோ ஜக³த³பலபத்யத்ர ஸௌத்ராந்திகஸ்த-
த்³தீ⁴வைசித்ர்யாத³நுமிதிபத³ம் வக்தி வைபா⁴ஷிகஸ்து ।
ப்ரத்யக்ஷம் தத்க்ஷணிகயதி தே ரங்க³நாத² த்ரயோঽபி
ஜ்ஞாநாத்மத்வக்ஷணபி⁴து³ரதே சக்ஷதே தாந் க்ஷிபாம: ॥ 8 ॥
ஜக³த்³ப⁴ங்குரம் ப⁴ங்கு³ரா பு³த்³தி⁴ராத்மேத்யஸத்³வேத்த்ரபா⁴வே
ததா² வேத்³யவித்த்யோ: ।
க்ஷணத்⁴வம்ஸதஶ்ச ஸ்ம்ருʼதிப்ரத்யபி⁴ஜ்ஞாத³ரித்³ரம்
ஜக³த்ஸ்யாதி³த³ம் ரங்க³சந்த்³ர ॥ 9 ॥
அஹமித³மபி⁴வேத்³மீத்யாத்மவித்த்யோர்விபே⁴தே³
ஸ்பு²ரதி யதி³ ததை³க்யம் பா³ஹ்யமப்யேகமஸ்து ।
ப்ரமிதிரபி ம்ருʼஷா ஸ்யாந்மேயமித்²யாத்வவாதே³
யதி³ தத³பி ஸஹேரந் தீ³ர்க⁴மஸ்மந்மதாயு: ॥ 10 ॥
ஏதத்³ராமாஸ்த்ரம் த³லயது கலிர்ப்³ரஹ்மமீமாம்ஸகாம்ஶ்ச
ஜ்ஞப்திர்ப்³ரஹ்மைதஜ்ஜ்வலத³பி நிஜாவித்³யயா ப³ம்ப்⁴ரமீதி ।
தஸ்ய ப்⁴ராந்திம் தாம் ஶ்லத²யதி ஜிதாத்³வைதவித்³யஸ்து ஜீவோ
யத்³யத்³த்³ருʼஶ்யம் தத்³விதத²மிதி யே ஜ்ஞாபயாஞ்சக்ருரஜ்ஞா: ॥ 11 ॥
அங்கீ³க்ருʼத்ய து ஸப்தப⁴ங்கி³குஸ்ருʼதிம் ஸ்யாத³ஸ்திநாஸ்த்யாத்மிகாம்
விஶ்வம் த்வத்³விப⁴வம் ஜக³ஜ்ஜிநமதே நைகாந்தமாசக்ஷதே ।
பி⁴ந்நாபி⁴ந்நமித³ம் ததா² ஜக³து³ஷே வந்த்⁴யா மமாம்பே³திவ-
ந்நூத்நப்³ரஹ்மவிதே³ ரஹ: பரமித³ம் ரங்கே³ந்த்³ர தே சக்ஷதாம் ॥ 12 ॥
கணசரசரணாக்ஷௌ பி⁴க்ஷமாணௌ குதர்கை:
ஶ்ருதிஶிரஸி ஸுபி⁴க்ஷம் த்வஜ்ஜக³த்காரணத்வம் ।
அணுஷு விபரிணாம்ய வ்யோமபூர்வம் ச கார்யம்
தவ ப⁴வத³நபேக்ஷம் ரங்க³ப⁴ர்தர்ப்³ருவாதே ॥ 13 ॥
வேதே³ கர்த்ராத்³யபா⁴வாத்³ப³லவதி ஹி நயைஸ்த்வந்முகே² நீயமாநே
தந்மூலத்வேந மாநம் ததி³தரத³கி²லம் ஜாயதே ரங்க³தா⁴மந்
தஸ்மாத்ஸாங்க்²யம் ஸயோக³ம் ஸபஶுபதிமதம் குத்ரசித்பஞ்சராத்ரம்
ஸர்வத்ரைவ ப்ரமாணம் ததி³த³மவக³தம் பஞ்சமாதே³வ வேதா³த் ॥ 14 ॥
ஸஞ்சஷ்டே நேஶ்வரம் த்வாம் புருஷபரிஷதி³ ந்யஸ்ய யத்³வாঽঽந்யபர்யாத்
ஸாங்க்²யோ யோகீ³ ச காக்வா ப்ரதிப²லநமிவைஶ்வர்யமூசே கயாசித் ।
பி⁴க்ஷௌ ஶைவஸ்ஸுராஜம்ப⁴வமபி⁴மநுதே ரங்க³ராஜாதிராகா³த்
த்வாம் த்வாமேவாப்⁴யதா⁴ஸ்த்வம் நநு பரவிப⁴வவ்யூஹநாட்⁴யம்ப⁴விஷ்ணும் ॥ 15 ॥
இதி மோஹநவர்த்மநா/வர்ஷ்மணா த்வயாঽபி க்³ரதி²தம் பா³ஹ்யமதம் த்ருʼணாய மந்யே ।
அத² வைதி³கவர்மவர்மிதாநாம் மநிதாஹே குத்³ருʼஶாம் கிமீஶ வர்த்ம ॥ 16 ॥
ஸம்ஸ்காரம் ப்ரதிஸஞ்சரேஷு நித³த⁴த்ஸர்கே³ஸு தத்ஸ்மாரிதம்
ரூபம் நாம ச தத்தத³ர்ஹநிவஹே வ்யாக்ருʼத்ய ரங்கா³ஸ்பத³ ।
ஸுப்தோத்³பு³த்³த⁴விரிஞ்சபூர்வஜநதாமத்⁴யாப்ய தத்தத்³தி⁴தம்
ஶாஸந்நஸ்ம்ருʼதகர்த்ருʼகாந் வஹஸி யத்³வேதா:³ ப்ரமாணம் தத: ॥ 17 ॥
ஶீக்ஷாயாம் வர்ணஶிக்ஷா பத³ஸமதி⁴க³மோ வ்யாக்ரியாநிர்வசோப்⁴யாம்
ச²ந்த³ஶ்ச²ந்த³ஶ்சிதௌ ஸ்யாத்³க³மயதி ஸமயம் ஜ்யௌதிஷம் ரங்க³நாத² ।
கல்பேঽநுஷ்டா²நமுக்தம் ஹ்யுசிதக³மிதயோர்ந்யாயமீமாம்ஸயோஸ்ஸ்யாத்
அர்த²வ்யக்தி: புராணஸ்ம்ருʼதிஷு தத³நுகா³ஸ்த்வாம் விசிந்வந்தி வேதா:³ ॥ 18 ॥
ஆதௌ³ வேதா:³ ப்ரமாணம் ஸ்ம்ருʼதிருபகுருதே ஸேதிஹாஸை: புராணை:
ந்யாயைஸ்ஸார்த⁴ம் த்வத³ர்சாவிதி⁴முபரி பரக்ஷீயதே பூர்வபா⁴க:³ ।
ஊர்த்⁴வோ பா⁴க³த்ஸ்வதீ³ஹாகு³ணவிப⁴வபரிஜ்ஞாபநைஸ்த்வத்பதா³ப்தௌ
வேத்³யோ வேதை³ஶ்ச ஸர்வைரஹமிதி ப⁴க³வந் ஸ்வேந ச வ்யாசகர்த² ॥ 19 ॥
க்ரியா தச்ச²க்திர்வா கிமபி தத³பூர்வம் பித்ருʼஸுர-
ப்ரஸாதோ³ வா கர்து: ப²லத³ இதி ரங்கே³ஶ குத்³ருʼஶ: ।
த்வத³ர்சேஷ்டாபூர்தே ப²லமபி ப⁴வத்ப்ரீதிஜமிதி
த்ரயீவ்ருʼத்³தா⁴ஸ்தத்தத்³விதி⁴ரபி ப⁴வத்ப்ரேரணமிதி ॥ 20 ॥
ஆஜ்ஞா தே ஸநிமித்தநித்யவித⁴ய: ஸ்வர்கா³தி³காம்யத்³விதி:⁴
ஸோঽநுஜ்ஞா ஶட²சித்தஶாஸ்த்ரவஶதோபாயோঽபி⁴சாரஶ்ருதி: ।
ஸர்வீயஸ்ய ஸமஸ்தஶாஸிதுரஹோ ஶ்ரீரங்க³ஸர்வஸ்வ தே
ரக்ஷாகூதநிவேதி³நீ ஶ்ருதிரஸௌ த்வந்நித்யஶாஸ்திஸ்தத: ॥ 21 ॥
அத்ராஸ்தே நிதி⁴ரிதிவத்புமர்த²பூ⁴தே ஸித்³தா⁴ர்தா² அபி கு³ணரூபவ்ருʼத்தவாதா:³ ।
ரங்கே³ஶ த்வயி ஸகலாஸ்ஸமந்வயந்தே நோபாஸாப²லவிதி⁴பி⁴ர்விஶேஷ ஏஷாம் ॥ 22 ॥
தே³ஹோ தே³ஹிநி காரணே விக்ருʼதயோ ஜாதிர்கு³ணா: கர்ம ச
த்³ரவ்யே நிஷ்டி²தரூபபு³த்³தி⁴வசநாஸ்தாத்ஸ்த்²யாத் ததே²த³ம் ஜக³த் ।
விஶ்வம் த்வய்யபி⁴மந்யஸே ஜக³தி³ஷே தேநாத்³விதீயஸ்தத:
மாயோபாதி⁴விகாரஸங்கரகதா² கா நாம ரங்கே³ஶ்வர ॥ 23 ॥
ஸ்தி²த்யுத்பத்திப்ரவ்ருʼத்திக்³ரஸநநியமநவ்யாபநைராத்மநஸ்தே
ஶேஷோঽஶேஷ: ப்ரபஞ்சோ வபுரிதி ப⁴வதஸ்தஸ்ய சாபே⁴த³வாதா:³ ।
ஸர்வம் க²ல்வைததா³த்ம்யம் ஸகலமித³மஹம் தத்த்வமஸ்யேவமாத்³யா:
வ்யாக்²யாதா ரங்க³தா⁴மப்ரவண விஜயிபி⁴ர்வைதி³கைஸ்ஸார்வபௌ⁴மை: ॥ 24 ॥
ஸராஜகமராஜகம் புநரநேகராஜம் ததா²
யதா²பி⁴மதராஜகம் ஜக³தி³த³ம் ஜஜல்புர்ஜடா:³ ।
ஜகா³வவஶசித்ரதாதரதமத்வதர்காங்கி³கா
ஶ்ருதிஶ்சித³சிதீ த்வயா வரத³ நித்யராஜந்வதீ ॥ 25 ॥
ப்³ரஹ்மாத்³யாஸ்ஸ்ருʼஜ்யவர்கே³ ப்⁴ருகுடிப⁴டதயோத்³கா⁴டிதா நாவதார-
ப்ரஸ்தாவே தேந ந த்வம் ந ச தவ ஸத்³ருʼஶா விஶ்வமேகாதபத்ரம் ।
லக்ஷ்மீநேத்ரா த்வயேதி ஶ்ருதிமுநிவசநைஸ்த்வத்பரைரர்பயாம:
ஶ்ரீரங்கா³ம்போ⁴தி⁴சந்த்³ரோத³ய ஜலமுசிதம் வாதி³கௌதஸ்குதேப்⁴ய: ॥ 26 ॥
தோ³ஷோபதா⁴வதி⁴ஸமாதிஶயாநஸங்க்²யா
நிர்லேபமங்க³ளகு³ணௌக⁴து³கா⁴ஷ்ஷடே³தா: ।
ஜ்ஞாநைஶ்வரீஶகநவீர்யப³லார்சிஷஸ்த்வாம்
ரங்கே³ஶ பா⁴ஸ இவ ரத்நமநர்க⁴யந்தி ॥ 27 ॥
யுக³பத³நிஶமக்ஷை: ஸ்வை: ஸ்வதோ வாঽঽக்ஷகார்யே
நியமமநியமம் வா ப்ராப்ய ரங்கா³தி⁴ராஜ ।
கரதலவத³ஶேஷம் பஶ்யஸி ஸ்வப்ரகாஶம்
தத³வரணமமோக⁴ம் ஜ்ஞாநமாம்நாஸிஷுஸ்தே ॥ 28 ॥
நயநஶ்ரவணோ த்³ருʼஶா ஶ்ருʼணோஷி அத² தே ரங்க³பதே மஹேஶிது: ।
கரணைரபி காமகாரிண: க⁴டதே ஸர்வபதீ²நமீக்ஷணம் ॥ 29 ॥
ஸார்வஜ்ஞ்யேநாஜ்ஞமூலம் ஜக³த³பி⁴த³த⁴தோ வாரிதாஸ்ஸாக்ஷிமாத்ராத்
ஸாங்க்²யோக்தாத்காரணம் த்வாம் பரயதி ப⁴க³வந்நைஶ்வரீ ரங்க³ஶாயிந்
அப்ரேர்யோঽந்யை: ஸ்வதந்த்ரோঽப்ரதிஹதி ஸத³ஸத்கர்மசைத்ர்யா விசித்ரம்
யத்ரேச்சா²லேஶதஸ்த்வம் யுக³பத³க³ணயந் விஶ்வமாவிஶ்சகர்த² ॥ 30 ॥
கார்யேঽநந்தே ஸ்வதநுமுக²தஸ்த்வாமுபாதா³நமாஹு:
ஸா தே ஶக்திஸ்ஸுகரமிதரச்சேதி வேலாம் விலங்க்⁴ய ।
இச்சா² யாவத்³விஹரதி ஸதா³ ரங்க³ராஜாநபேக்ஷா
ஸைவைஶாநாத³திஶயகரி ஸோர்ணநாபௌ⁴ விபா⁴வ்யா ॥ 31 ॥
ஸ்வமஹிமஸ்தி²திரீஶ ப்⁴ருʼஶக்ரியோঽப்யகலிதஶ்ரம ஏவ பி³ப⁴ர்ஷி யத் ।
வபுரிவ ஸ்வமஶேஷமித³ம் ப³லம் தவ பராஶ்ரிதகாரணவாரணம் ॥ 32 ॥
ம்ருʼக³நாபி⁴க³ந்த⁴ இவ யத்ஸகலார்தா²ந் நிஜஸந்நிதே⁴ரவிக்ருʼதோ விக்ருʼணோஷி ।
ப்ரியரங்க³ வீர்யமிதி தத்து வத³ந்தே ஸவிகாரகாரணமிதோ விநிவார்யம் ॥ 33 ॥
ஸஹகார்யபேக்ஷமபி ஹாதுமிஹ தத³நபேக்ஷகர்த்ருʼதா ।
ரங்க³த⁴ந ஜயதி தேஜ இதி ப்ரணதார்திஜித் ப்ரதிப⁴டாபி⁴பா⁴வுகம் ॥ 34 ॥
மர்த்யௌத்தா²யம் விரிஞ்சாவதி⁴கமுபரி சோத்ப்ரேக்ஷ்ய மீமாம்ஸமாநா
ரங்கே³ந்த்³ராநந்த³வல்லீ தவ கு³ணநிவஹம் யௌவநாநந்த³பூர்வம் ।
ந ஸ்வார்த²ம் ஸ்ப்ரஷ்டுமீஷ்டே ஸ்க²லதி பதி² பரம் மூகலாயம் நிலில்யே
ஹந்தைவம் த்வத்³கு³ணாநாமவதி⁴க³ணநயோ: கா கதா² சித்தவாசோ: ॥ 35 ॥
ந்யதா⁴யிஷத யே கு³ணா நிதி⁴நிதா⁴யமாரண்யகேஷ்வமீ
ம்ரதி³மசாதுரீப்ரணதசாபலக்ஷாந்தய: ।
த³யாவிஜயஸௌந்த³ரீப்ரப்⁴ருʼதயோঽபி ரத்நௌக⁴வத்
ஜக³த்³வ்யவஹ்ருʼதிக்ஷமா வரத³ ரங்க³ரத்நாபணே ॥ 36 ॥
யமாஶ்ரித்யைவாத்மம்ப⁴ரய இவ தே ஸத்³கு³ணக³ணா:
ப்ரத²ந்தே ஸோঽநந்தஸ்வவஶக⁴நஶாந்தோதி³தத³ஶ: ।
த்வமேவ த்வாம் வேத்த² ஸ்திமிதவிதரங்க³ம் வரத³ போ:⁴
ஸ்வஸம்வேத்³யஸ்வாத்மத்³வயஸப³ஹுலாநந்த³ப⁴ரிதம் ॥ 37 ॥
ஆக்⁴ராயேஶ்வரக³ந்த⁴மீஶஸத்³ருʼஶம் மந்யாஸ்தவேந்த்³ராத³யோ
முஹ்யந்தி த்வமநாவிலோ நிரவதே⁴ர்பூ⁴ம்ந: கணேஹத்ய யத் ।
சித்ரீயேமஹி நாத்ர ரங்க³ரஸிக த்வம் த்வந்மஹிம்ந: பர:
வைபுல்யாந்மஹித: ஸ்வபா⁴வ இதி வா கிந்நாம ஸாத்ம்யம் ந தே ॥ 38 ॥
ஷாட்³கு³ண்யாத்³வாஸுதே³வ: பர இதி ஸ ப⁴வாந் முக்தபோ⁴க்³யோ ப³லாட்⁴யாத்
போ³தா⁴த் ஸங்கர்ஷணஸ்த்வம் ஹரதி விதநுஷே ஶாஸ்த்ரமைஶ்வர்யவீர்யாத் ।
ப்ரத்³யும்நஸ்ஸர்க³த⁴ர்மௌ நயஸி ச ப⁴க³வஞ்ச்ச²க்திதேஜோঽநிருத்³த:⁴
பி³ப்⁴ராண: பாஸி தத்த்வம் க³மயஸி ச ததா² வ்யூஹ்ய ரங்கா³தி⁴ராஜ ॥ 39 ॥
ஜாக்³ரத்ஸ்வப்நாத்யலஸதுரீயப்ராயத்⁴யாத்ருʼக்ரமவது³பாஸ்ய: ।
ஸ்வாமிம்ஸ்தத்தத்ஸஹபரிப³ர்ஹ: சாதுர்வ்யூஹம் வஹஸி சதுர்தா⁴ ॥ 40 ॥
அசித³விஶேஷிதாந் ப்ரலயஸீமநி ஸம்ஸரத:
கரணகளேப³ரைர்க⁴டயிதும் த³யமாநமநா: ।
வரத³ நிஜேச்ச²யைவ பரவாநகரோ: ப்ரக்ருʼதிம்
மஹத³பி⁴மாநபூ⁴தகரணாவலிகோரகிணீம் ॥ 41 ॥
நிம்நோந்நதம் ச கருணம் ச ஜக³த்³விசித்ரம்
கர்ம வ்யபேக்ஷ்ய ஸ்ர்ஜதஸ்தவ ரங்க³ஶேஷிந் ।
வைஷம்யநிர்க்⁴ருʼணதயோர்ந க²லு ப்ரஸக்தி:
தத்³ப்³ரஹ்மஸூத்ரஸசிவா: ஶ்ருதயோ க்³ருʼணந்தி ॥ 42 ॥
ஸ்வாதீ⁴நே ஸஹகாரிகாரணக³ணே கர்துஶ்ஶரீரேঽத²வா
போ⁴க்து: ஸ்வாநுவிதா⁴பராத⁴வித⁴யோ: ராஜ்ஞோ யதா² ஶாஸிது: ।
தா³துர்வாঽர்தி²ஜநே கடாக்ஷாணமிவ ஶ்ரீரங்க³ஸர்வஸ்வ தே
ஸ்ரஷ்டுஸ்ஸ்ருʼஜ்யத³ஶாவ்யபேக்ஷணமபி ஸ்வாதந்த்ர்யமேவாவஹேத் ॥ 43 ॥
ப்ரலயஸமயஸுப்தம் ஸ்வம் ஶரீரைகதே³ஶம்
வரத³ சித³சிதா³க்²யம் ஸ்வேச்ச²யா விஸ்த்ருʼணாந: ।
க²சிதமிவ கலாபம் சித்ரமாதத்ய தூ⁴ந்வந்
அநுஶிகி²நி ஶிகீ²வ க்ரீட³ஸி ஶ்ரீஸமக்ஷம் ॥ 44 ॥
பூ⁴யோ பூ⁴யஸ்த்வயி ஹிதபரேঽப்யுத்பதா²நாத்மநீந-
ஸ்ரோதோமக்³நாநபி பதி² நயம்ஸ்த்வம் து³ராஶாவஶேந ।
ருக்³ணே தோகே ஸ்வ இவ ஜநநி தத்கஷாயம் பிப³ந்தீ
தத்தத்³வர்ணஶ்ரமவிதி⁴வஶ: க்லிஶ்யஸே ரங்க³ராஜ ॥ 45 ॥
ஸார்வ த்வத்கம் ஸகலசரிதம் ரங்க³தா⁴மந் து³ராஶா-
பாஶேப்⁴யஸ்ஸ்யாந்ந யதி² ஜக³தாம் ஜாது மூர்கோ²த்தராணாம் ।
நிஸ்தந்த்³ராலோஸ்தவ நியமதோ நர்துலிங்க³ப்ரவாஹா
ஸர்க³ஸ்தே²மப்ரப்⁴ருʼதிஷு ஸதா³ஜாக³ரா ஜாக⁴டீதி ॥ 46 ॥
ஸுஹ்ருʼதி³வ நிக³லாத்³யைருந்மதி³ஷ்ணும் ந்ருʼஶம்ஸம்
த்வமபி நிரயபூர்வைர்த³ண்த³யந் ரங்க³நேத: ।
ததி³தரமபி பா³தா⁴த்த்ராயஸே போ⁴க³மோக்ஷ-
ப்ரதி³ரபி தவ த³ண்டா³பூபிகாதஸ்ஸுஹ்ருʼத்த்வம் ॥ 47 ॥
த்⁴ருʼதிநியமநரக்ஷாவீக்ஷணைஶ்ஶாஸ்த்ரதா³ந-
ப்ரம்ருʼதிபி⁴ரசிகித்ஸ்யாந் ப்ராணிந: ப்ரேக்ஷ்ய பூ⁴ய: ।
ஸுரமநுஜதிரஶ்சாம் ஸர்வதா² துல்யத⁴ர்மா
த்வமவதரஸி தே³வோঽஜோঽபி ஸந்நவ்யயாத்மா ॥ 48 ॥
அநுஜநுரநுரூபரூபசேஷ்டா ந யதி³ ஸமாக³மமிந்தி³ராঽகரிஷ்யத் ।
அஸரஸமத²வாঽப்ரியம்ப⁴விஷ்ணு த்⁴ருவமகரிஷ்யத ரங்க³ராஜநர்ம ॥ 49 ॥
க³ரீயஸ்த்வம் பரிஜாநந்தி தீ⁴ரா: பரம் பா⁴வம் மநுஜத்வாதி³பூ⁴ஷ்ணும் ।
அஜாநந்தஸ்த்வவஜாநந்தி மூடா:⁴ ஜநிக்⁴நம் தே ப⁴க³வஞ்ஜந்ம கர்ம ॥ 50 ॥
மத்⁴யேவிரிஞ்சகி³ரிஶம் ப்ரத²மாவதார:
தத்ஸாம்யத: ஸ்த²க³யிதும் தவ சேத்ஸ்வரூபம் ।
கிம் தே பரத்வபிஶுநைரிஹ ரங்க³தா⁴மந்
ஸத்த்வப்ரவர்தநக்ருʼபாபரிபாலநாத்³யை: ॥ 51 ॥
மது:⁴ கைடப⁴ஶ்சேதி ரோத⁴ம் விதூ⁴ய த்ரயீதி³வ்யசக்ஷுர்விதா⁴துர்விதா⁴ய ।
ஸ்மரஸ்யங்க³ ரங்கி³ஸ்துரங்கா³வதார: ஸமஸ்தம் ஜக³ஜ்ஜீவயிஷ்யஸ்யகஸ்மாத் ॥ 52 ॥
ரங்க³தே⁴ திமிரக⁴ஸ்மரஶீதஸ்வச்ச²ஹம்ஸதநுரிந்து³ரிவோத்³யந் ।
வேத³பா⁴பி⁴ரநுஜக்³ரஹிதா²ঽঽர்தாந் ஜ்ஞாநயஜ்ஞஸுத⁴யைவ ஸம்ருʼத்³த்⁴யந் ॥ 53 ॥
வடத³லமதி⁴ஶய்ய ரங்க³தா⁴மந் ஶயித இவார்ணவதர்ணக: பதா³ப்³ஜம் ।
அதி⁴முக²முத³ரே ஜக³ந்தி மாதும் நித³தி⁴த² வைஷ்ணவபோ⁴க்³யலிப்ஸயா வா ॥ 54 ॥
உந்மூல்யாஹர மந்த³ராத்³ரிமஹிநா தம் ஸம்ப³தா⁴நாமுநா
தோ³ர்பி⁴ஶ்சஞ்சலமாலிகைஶ்ச த³தி⁴நிர்மாத²ம் மதா²நாம்பு³தி⁴ம் ।
ஶ்ரீரங்கே³ஶ்வர சந்த்³ரகௌஸ்துப⁴ஸுதா⁴பூர்வம் க்³ருʼஹாணேதி தே
குர்வாணஸ்ய ப²லேக்³ரஹிர்ஹி கமலாலாபே⁴ந ஸர்வ: ஶ்ரம: ॥ 55 ॥
தே³வீஹஸ்தாம்பு³ஜேப்⁴யஶ்சரணகிஸலயே ஸம்வஹத்³ப்⁴யோঽபஹ்ருʼத்ய
ப்ரத்யஸ்யாநந்தபோ⁴க³ம் ஜ²திதி சலபுடே சக்ஷுஷி விஸ்த்ருʼணாந: ।
ஆக்ஷிப்யோரஶ்ச லக்ஷ்ம்யா: ஸ்தநகலஶகநத்குங்குமஸ்தோமபங்கா-
த்³தே³வ: ஶ்ரீரங்க³தா⁴மா க³ஜபதிகு⁴ஷிதே வ்யாகுல: ஸ்தாத் புரோ ந: ॥ 56 ॥
அதந்த்ரிதசமூபதிப்ரஹிதஹஸ்தமஸ்வீக்ருʼத
ப்ரணீதமணிபாது³கம் கிமிதி சாகுலாந்த: புரம் ।
அவாஹநபரிஷ்க்ரியம் பதக³ராஜமாரோஹத:
கரிப்ரவரப்³ருʼம்ஹிதே ப⁴க³வதஸ்த்வராயை நம: ॥ 57 ॥
யம் பஶ்யந்விஶ்வது⁴ர்யாம் தி⁴யமஸக்ருʼத³தோ² மந்த²ராம் மந்யமாந:
ஹுங்காராஸ்பா²லநாங்க்⁴ரிப்ரஹதிபி⁴ரபி தம் தார்க்ஷ்யமத்⁴யக்ஷிபஸ்த்வம் ।
கிஞ்சோத³ஞ்சந்நுத³ஸ்தா²ஸ்தமத² க³ஜபதேர்ப்³ருʼம்ஹிதே ஜ்ருʼம்ப⁴மாணே
தே³வ ஶ்ரீரங்க³ப³ந்தோ⁴ ப்ரணமதி ஹி ஜநே காந்தி³ஶீகீ த³ஶா தே ॥ 58 ॥
ஶ்ரீரங்கே³ஶய ஶரணம் மமாஸி வாத்யாவ்யாலோலத்கமலதடாகதாண்ட³வேந ।
ஸ்ரக்³பூ⁴ஷாம்ப³ரமயதா²யத²ம் த³தா⁴ந: தி⁴ங்மாமித்யநுக³ஜக³ர்ஜமாஜக³ந்த² ॥ 59 ॥
மீநதநுஸ்த்வம் நாவி நிதா⁴ய ஸ்தி²ரசரபரிகரமநுமநு ப⁴க³வந்
வேத³ஸநாபி⁴ஸ்வோக்திவிநௌதை³ரகலிதலயப⁴யலவமமுமவஹ: ॥ 60 ॥
ஶ்ரீநயநாபோ⁴த்³பா⁴ஸுரதீ³ர்க⁴ப்ரவிபுலஸுருசிரஶுசிஶிஶிரவபு: ।
பக்ஷநிகீ³ர்ணோத்³கீ³ர்ணமஹாப்³தி⁴ஸ்த²லஜலவிஹரணரதக³திரசர: ॥ 61 ॥
சகர்த² ஶ்ரீரங்கி³ந்நிகி²லஜக³தா³தா⁴ரகமடோ²
ப⁴வந் த⁴ர்மாந் கூர்ம: புநரம்ருʼதமந்தா²சலத⁴ர: ।
ஜக³ந்த² ஶ்ரேயஸ்த்வம் மரகதஶிலாபீட²லலிதம்
ஜலாது³த்³யல்லக்ஷ்மீபத³கிஸலயந்யாஸஸுலப⁴ம் ॥ 62 ॥
ஹ்ருʼதி³ ஸுரரிபோர்த³ம்ஷ்ட்ரோத்கா²தே க்ஷிபந் ப்ரலயார்ணவம்
க்ஷிதிகுசதடீமர்சந் தை³த்யாஸ்ரகுங்குமசர்சயா ।
ஸ்பு²டது⁴தஸடாப்⁴ராம்யத்³ப்³ரஹ்மஸ்தவோந்முக²ப்³ருʼம்ஹித:
ஶரணமஸி மே ரங்கி³ஸ்த்வம் மூலகோலதநுர்ப⁴வந் ॥ 63 ॥
ந்ருʼஹரித³ஶயோ: பஶ்யந்நௌத்பத்திகம் க⁴டநாத்³பு⁴தம்
நரமுத ஹரிம் த்³ருʼஷ்ட்வைகைகம் ஸமுத்³விஜதே ஜந: ।
இதி கில ஸிதாக்ஷீரந்யாயேந ஸங்க³மிதாங்க³கம்
ஸ்பு²டஸடமஹாத³ம்ஷ்ட்ரம் ரங்கே³ந்த்³ரஸிம்ஹமுபாஸ்மஹே ॥ 64 ॥
த்³விஷாணத்³வேஷோத்³யந்நயநவநவஹ்நிப்ரஶமந
ப்⁴ரமல்லக்ஷ்மீவக்த்ரப்ரஹிதமது⁴க³ண்டூ³ஷஸுஷமை:
நக²க்ஷுண்ணாராதிக்ஷதஜபடலைராப்லுதஸடா-
ச்ச²டாஸ்கந்தோ⁴ ருந்தே⁴ து³ரிதமிஹ பும்ஸ்பஞ்சவத³ந: ॥ 65 ॥
நகா²க்³ரக்³ரஸ்தேঽபி த்³விஷதி நிஜப⁴க்தத்³ருஹி ரூஷ:
ப்ரகர்ஷாத்³விஷ்ணுத்வத்³விகு³ணபரிணாஹோத்கடதநு: ।
விருத்³தே⁴ வையக்³ரீஸுக⁴டிதஸமாநாதி⁴கரணே
ந்ருʼஸிம்ஹத்வே பி³ப்⁴ரத்³வரத³ பி³ப⁴ராமாஸித² ஜக³த் ॥ 66 ॥
தை³த்யௌதா³ர்யேந்த்³ரயாச்ஞாவிஹதிமபநயந் வாமநோঽர்தீ² த்வமாஸீ:
விக்ராந்தே பாத³பத்³மே த்ரிஜக³த³ணுஸமம் பாம்ஸுலீக்ருʼத்ய லில்யே ।
நாபீ⁴பத்³மஶ்ச மாநக்ஷமமிவ பு⁴வநக்³ராமமந்யம் ஸிஸ்ருʼக்ஷு:
தஸ்தௌ² ரங்கே³ந்த்³ர வ்ருʼத்தே தவ ஜயமுக²ரோ தி³ண்டி³மஸ்தத்ர வேத:³ ॥ 67 ॥
ப⁴வாந் ராமோ பூ⁴த்வா பரஶுபரிகர்மா ப்⁴ருʼகு³குலா-
த³லாவீத்³பூ⁴பாலாந் பித்ருʼக³ணமதார்ப்ஸீத்தத³ஸ்ருʼஜா ।
பு⁴வோ பா⁴ராக்ராந்தம் லகு⁴ தலமுபாசீக்ல்ருʼபதி³தி
த்³விஷாமுக்³ரம்பஶ்யோঽப்யநக⁴ மம மா ஜீக³ணத³க⁴ம் ॥ 68 ॥
மநுஜஸமயம் க்ருʼத்வா நாதா²வதேரித² பத்³மயா
க்வசந விபிநே ஸா சேத³ந்தர்தி⁴நர்ம விநிர்மமே ।
கிமத² ஜலதி⁴ம் ப³த்⁴வா ரக்ஷோ விதீ⁴ஶவரோத்³த⁴தம்
ப³லிமுக²குலோச்சி²ஷ்டம் குர்வந் ரிபும் நிரபத்ரய: ॥ 69 ॥ ॥ ॥।த்ரப:?
யத்³யூதே விஜயாபதா³நக³ணநா காலிங்க³த³ந்தாங்குரை:
யத்³விஶ்லேஷலவோঽபி காலியபு⁴வே கோலாஹலாயாப⁴வத் ।
தூ³த்யேநாபி ச யஸ்ய கோ³பவநிதா: க்ருʼஷ்ணாக³ஸாம் வ்யஸ்மரந்
தம் த்வாம் க்ஷேமக்ருʼஷீப³லம் ஹலத⁴ரம் ரங்கே³ஶ ப⁴க்தாஸ்மஹே ॥ 70 ॥
ஆகண்ட²வாரிப⁴ரமந்த²ரமேக⁴தே³ஶ்யம்
பீதாம்ப³ரம் கமலலோசநபஞ்சஹேதி ।
ப்³ரஹ்ம ஸ்தநந்த⁴யமயாசத தே³வகீ த்வாம்
ஶ்ரீரங்க³காந்த ஸுதகாம்யதி காঽபரைவம் ॥ 71 ॥
ஶைலோঽக்³நிஶ்ச ஜலாம்ப³பூ⁴வ முநயோ மூடா⁴ம்ப³பூ⁴வுர்ஜடா:³
ப்ராஜ்ஞாமாஸுரகா³ஸ்ஸகோ³பமம்ருʼதாமாஸுர்மஹாஶீவிஷா: ।
கோ³வ்யாக்⁴ராஸ்ஸஹஜாம்ப³பூ⁴வுரபரே த்வந்யாம்ப³பூ⁴வு: ப்ரபோ⁴
த்வம் தேஷ்வந்யதமாம்ப³பூ⁴வித² ப⁴வத்³வேணுக்வணோந்மாத²நே ॥ 72 ॥
கல்கிதநுர்த⁴ரணீம் லக⁴யிஷ்யந் கலிகலுஷாந் விலுநாஸி புரா த்வம் ।
ரங்க³நிகேத லுநீஹி லுநீஹீத்யகி²லமருந்துத³மத்³ய லுநீஹி ॥ 73 ॥
ஆஸ்தாம் தே கு³ணராஶிவத்³கு³ணபரீவாஹாத்மநாம் ஜந்மநாம்
ஸங்க்²யா பௌ⁴மநிகேதநேஷ்வபி குடீகுஞ்ஜேஶூ ரங்கே³ஶ்வர ।
அர்ச்யஸ்ஸர்வஸஹிஷ்ணுரர்சகபராதீ⁴நாகி²லாத்மஸ்தி²தி:
ப்ரீணீஷே ஹ்ருʼத³யாலுபி⁴ஸ்தவ ததஶ்ஶீலாஜ்ஜடீ³பூ⁴யதே ॥ 74 ॥
ஶ்ரீமத்³வ்யோம நஸீம வாங்மநஸயோஸ்ஸர்வேঽவதாரா: க்வசித்
காலே விஶ்வஜநீநமேததி³திதீ:⁴ ஶ்ரீரங்க³தா⁴மந்யத² ।
ஆர்தஸ்வாக³திகை: க்ருʼபாகலுஷிதைராலோகிதைரார்த்³ரயந்
விஶ்வத்ராணவிமர்ஶநஸ்க²லிதயா நித்³ராஸி ஜாக³ர்யயா ॥ 75 ॥
ஸர்கா³ப்⁴யாஸவிஶாலயா நிஜதி⁴யா ஜாநந்நநந்தேஶயம்
பா⁴ரத்யா ஸஹத⁴ர்மசாரரதயா ஸ்வாதீ⁴நஸங்கீர்தந: ।
கல்பாநேவ ப³ஹூந் கமண்ட³லுக³லத்³க³ங்கா³ப்லுதோঽபூஜய-
த்³ப்³ரஹ்மா த்வாம் முக²லோசநாஞ்ஜலிபுடை: பத்³மைரிவாঽவர்ஜிதை: ॥ 76 ॥
மநுகுலமஹீபாலவ்யாநம்ரமௌலிபரம்பரா-
மணிமகரிகாரோசிர்நீராஜிதாங்க்⁴ரிஸரோருஹ: ।
ஸ்வயமத² விபோ⁴ ஸ்வேந ஶ்ரீரங்க³தா⁴மநி மைதி²லீ-
ரமணவபுஷா ஸ்வார்ஹாண்யாராத⁴நாந்யஸி லம்பி⁴த: ॥ 77 ॥
மந்வந்வவாயே த்³ருஹிணே ச த⁴ந்யே விபீ⁴ஷணேநைவ புரஸ்க்ருʼதேந ।
கு³ணைர்த³ரித்³ராணமிமம் ஜநம் த்வம் மத்⁴யேஸரிந்நாத² ஸுகா²கரோஷி ॥ 78 ॥
தேஜ: பரம் தத்ஸவிதுர்வரேண்யம் தா⁴ம்நா பரேணாப்ரணகா²த்ஸுவர்ணாம் ।
த்வாம் புண்ட³ரீகேக்ஷணமாமநந்தி ஶ்ரீரங்க³நாத²ம் தமுபாஸிஷீய ॥ 79 ॥
ஆத்மாঽஸ்ய க³ந்து: பரிதஸ்து²ஷஶ்ச மித்ரஸ்ய சக்ஷுர்வருணஸ்ய சாக்³நே: ।
லக்ஷ்ம்யா ஸஹௌத்பத்திககா³ட⁴ப³ந்த⁴ம் பஶ்யேம ரங்கே³ ஶரத³ஶ்ஶதம் த்வாம் ॥ 80 ॥
யஸ்யாஸ்மி பத்யுர்ந தமந்தரேமி ஶ்ரீரங்க³துங்கா³யதநே ஶயாநம் ।
ஸ்வபா⁴வதா³ஸ்யேந ச யோঽஹமஸ்மி ஸ ஸந் யஜே ஜ்ஞாநமயைர்மகை²ஸ்தம் ॥ 81 ॥
ஆயு: ப்ரஜாநாமம்ருʼதம் ஸுராணாம் ரங்கே³ஶ்வரம் த்வாம் ஶரணம் ப்ரபத்³யே ।
மாம் ப்³ரஹ்மணேঽஸ்மை மஹஸே தத³ர்த²ம் ப்ரத்யஞ்சமேநம் யுநஜை பரஸ்மை ॥ 82 ॥
ஆர்திம் திதீர்ஷுரத² ரங்க³பதே த⁴நாயந் ஆத்மம்ப⁴ரிர்விவிதி³ஷுர்நிஜதா³ஸ்யகாம்யந் ।
ஜ்ஞாநீத்யமூந் ஸமமதா²ஸ்ஸமமத்யுதா³ராந் கீ³தாஸு தே³வ ப⁴வதா³ஶ்ரயணோபகாராந் ॥ 83 ॥
நித்யம் காம்யம் பரமபி கதிசித்த்வய்யத்⁴யாத்மஸ்வமதிபி⁴ரமமா: ।
ந்யஸ்யாஸங்கா³ வித³த⁴தி விஹிதம் ஶ்ரீரங்கே³ந்தோ³ வித³த⁴தி ந ச தே ॥ 84 ॥
ப்ரத்யஞ்சம் ஸ்வம் பஞ்சவிம்ஶம் பராசஸ்ஸஞ்சக்ஷாணாஸ்தத்த்வராஶேர்விவிச்ய ।
யுஞ்ஜாநாஶ்சர்தம்ப⁴ராயாம் ஸ்வபு³த்³தௌ⁴ ஸ்வம் வா த்வாம் வா ரங்க³நாதா²ঽப்நுவந்தி ॥ 85 ॥
அத² ம்ருʼதி³தகஷாயா: கேசிதா³ஜாநதா³ஸ்ய-
த்வரிதஶிதி²லசித்தா: கீர்திசிந்தாநமஸ்யா: ।
வித³த⁴தி நநு பாரம் ப⁴க்திநிக்⁴நா லப⁴ந்தே
த்வயி கில ததமே த்வம் தேஷு ரங்கே³ந்த்³ர கிம் தத் ॥ 86 ॥
உபாத³த்தே ஸத்தாஸ்தி²திநியமநாத்³யைஶ்சித³சிதௌ
ஸ்வமுத்³தி³ஶ்ய ஶ்ரீமாநிதி வத³தி வாகௌ³பநிஷதீ³ ।
உபாயோபேயத்வே ததி³ஹ தவ தத்த்வம் ந து கு³ணா-
வதஸ்த்வாம் ஶ்ரீரங்கே³ஶய ஶரணமவ்யாஜமப⁴ஜம் ॥ 87 ॥
படுநைகவராடிகேவ க்ல்ருʼப்தா ஸ்த²லயோ: காகணிகாஸுவர்ணகோட்யோ: ।
ப⁴வமோக்ஷணயோஸ்த்வயைவ ஜந்து: க்ரியதே ரங்க³நிதே⁴ த்வமேவ பாஹி ॥ 88 ॥
ஜ்ஞாநக்ரியாப⁴ஜநஸம்பத³கிஞ்சநோঽஹ-
மிச்சா²தி⁴காரஶகநாநுஶயாநபி⁴ஜ்ஞ: ।
ரங்கே³ஶ பூர்ணவ்ருʼநஶ்ஶரணம் ப⁴வேதி
மௌக்²யாத்³ப்³ரவீமி மநஸா விஷயாகுலேந ॥ 89 ॥
த்வயி ஸதி புருஸாஹர்தே² மத்பரே சாஹமாத்ம-
க்ஷயகரகுஹநார்தா²ஞ்ச்²ரத்³த³த⁴த்³ரங்க³சந்த்³ர ।
ஜநமகி²லமஹம்யுர்வஞ்சயாமி த்வதா³த்ம-
ப்ரதிமப⁴வத³நந்யஜ்ஞாநிவத்³தே³ஶிகஸ்ஸந் ॥ 90 ॥
அதிக்ராமந்நாஜ்ஞாம் தவ விதி⁴நிஷேதே⁴ஷு ப⁴வதேঽபி
அபி⁴த்³ருஹ்யந்வாக்³தீ⁴க்ருʼதிபி⁴ரபி ப⁴க்தாய ஸததம் ।
அஜாநந் ஜாநந் வா ப⁴வத³ஸஹநீயாக³ஸி ரத-
ஸ்ஸஹிஷ்ணுத்வாத்³ரங்க³ப்ரவண தவ மாபூ⁴வமப⁴ர: ॥ 91 ॥
ப்ரகுபிதபு⁴ஜக³ப²ணாநாமிவ விஷயாணமஹம் சா²யாம் ।
ஸதி தவ பு⁴ஜஸுரவிடபிப்ரச்சா²யே ரங்க³ஜீவித ப⁴ஜாமி ॥ 92 ॥
த்வத்ஸர்வஶக்தேரதி⁴காঽஸ்மதா³தே:³ கீடஸ்ய ஶக்திர்ப³த ரங்க³ப³ந்தோ⁴ ।
யத்த்வத்க்ருʼபாமப்யதிகோஶகாரந்யாயாத³ஸௌ நஶ்யதி ஜீவநாஶம் ॥ 93 ॥
ஶ்ரீரங்கே³ஶ த்வத்³கு³ணாநாமிவாஸ்மத்³தோ³ஷாணாம் க: பாரத்³ருʼஶ்வா யதோঽஹம் ।
ஓகே⁴ மோகோ⁴த³ந்யவத்த்வத்³கு³ணாநாம் த்ருʼஷ்ணாபூரம் வர்ஷதாம் நாஸ்மி பாத்ரம் ॥ 94 ॥
த்வம் சேந்மநுஷ்யாதி³ஷு ஜாயமாநஸ்தத்கர்மபாகம் க்ருʼபயோபபு⁴ங்க்ஷே ।
ஶ்ரீரங்க³ஶாயிந் குஶலேதராப்⁴யாம் பூ⁴யோঽபி⁴பூ⁴யேமஹி கஸ்ய ஹேதோ: ॥ 95 ॥
க்ஷமா ஸாபரதே⁴ঽநுதாபிந்யுபேயா கத²ம் ஸாபராதே⁴ঽபி த்³ருʼப்தே மயி ஸ்யாத் ।
ததா²ப்யத்ர ரங்கா³தி⁴நாதா²நுதாபவ்யபாயம் க்ஷமேதாதிவேலா க்ஷமா தே ॥ 96 ॥
ப³லிபு⁴ஜி ஶிஶுபாலே தாத்³ருʼகா³க³ஸ்கரே வா
கு³நலவஸஹவாஸாத்த்வத்க்ஷமா ஸங்குசந்தீ ।
மயி கு³ணபரமாணூத³ந்தசிந்தாநபி⁴ஜ்ஞே
விஹரது வரதா³ஸௌ ஸர்வதா³ ஸார்வபௌ⁴மீ ॥ 97 ॥
த³யா பரவ்யஸநஹரா ப⁴வவ்யதா² ஸுகா²யதே மம தத³ஹம் த³யாதிக:³ ।
ததா²ঽப்யஸௌ ஸுக²யதி து:³க²மித்யத: த³யஸ்வ மாம் கு³ணமய ரங்க³மந்தி³ர ॥ 98 ॥
க³ர்ப⁴ஜந்மஜராம்ருʼதிக்லேஶகர்மஷடூ³ர்மிக:³ ।
ஶ்வேவ தே³வவஷட்க்ருʼதம் த்வாம் ஶ்ரியோঽர்ஹமகாமயே ॥ 99 ॥
அநுக்ருʼத்ய பூர்வபும்ஸ: ரங்க³நிதே⁴ விநயட³ம்ப⁴தோঽமுஷ்மாத் ।
ஶுந இவ மம வரம்ருʼத்³தே:⁴ உபபோ⁴க³ஸ்த்வத்³விதீர்ணாயா: ॥ 100 ॥
ஸக்ருʼத்ப்ரபந்நாய தவாஹமஸ்மீத்யாயாசதே சாப⁴யதீ³க்ஷமாணம் ।
த்வாமப்யபாஸ்யாஹமஹம்ப⁴வாமி ரங்கே³ஶ விஸ்ரம்ப⁴விவேகரேகாத் ॥ 101 ॥
தவ ப⁴ரோঽஹமகாரிஷி தா⁴ர்மிகைஶ்ஶரணமித்யபி வாசமுதை³ரிரம் ।
இதி ஸஸாக்ஷிகயந்நித³மத்³ய மாம் குரு ப⁴ரம் தவ ரங்க³து⁴ரந்த⁴ர ॥ 102 ॥
த³யாঽந்யேஷாம் து:³கா²ப்ரஸஹநமநந்யோঽஸி ஸகலை:
த³யாலுஸ்த்வம் நாத: ப்ரணமத³பராதா⁴நவிது³ஷ: ।
க்ஷமா தே ரங்கே³ந்தோ³ ப⁴வதி ந தராம் நாத² ந தமாம்
தவௌதா³ர்யம் யஸ்மாத்தவ விப⁴வமர்தி²ஸ்வமமதா:² ॥ 103 ॥
கு³ணதுங்க³தயா தவ ரங்க³பதே ப்⁴ருʼஶநிம்நமிமம் ஜநமுந்நமய ।
யத³பேக்ஷ்யமபேக்ஷிதுரஸ்ய ஹி தத்பரிபூரணமீஶிதுரீஶ்வரதா ॥ 104 ॥
த்வம் மீநபாநீயநயேந கர்மதீ⁴ப⁴க்திவைராக்³யஜுஷோ விப⁴ர்ஷி ।
ரங்கே³ஶ மாம் பாஸி மிதம்பசம் யத்பாநீயஶாலம் மருபூ⁴ஷு தத்ஸ்யாத் ॥ 105 ॥
இதி ஶ்ரீ ரங்க³ராஜஸ்தவே உத்தரஶதகம் ஸமாப்தம் ।
இதி ஶ்ரீபராஶரப⁴ட்டவிரசிதம் ஶ்ரீரங்க³ராஜஸ்தவம் ஸம்பூர்ணம் ।