॥ Sri Saubhagya Ashtottara Shatanama Stotram Gujarati Lyrics ॥
॥ સૌભાગ્યાષ્ટોત્તરશતનામસ્તોત્રમ્ ॥
દત્તાત્રેયેણ કૃતં સૌભાગ્યાષ્ટોત્તરશતનામસ્તોત્રોપદેશવર્ણનમ્
નિશમ્યૈતજ્જામદગ્ન્યો માહાત્મ્યં સર્વતોઽધિકમ્ ।
સ્તોત્રસ્ય ભૂયઃ પપ્રચ્છ દત્તાત્રેયં ગુરૂત્તમમ્ ॥ ૧ ॥
ભગવન્ ત્વન્મુખામ્ભોજનિર્ગમદ્વાક્સુધારસમ્ ।
પિબતઃ શ્રોતમુખતો વર્ધતેઽનુક્ષણં તૃષા ॥ ૨ ॥
અષ્ટોત્તરશતં નામ્નાં શ્રીદેવ્યા યત્પ્રસાદતઃ ।
કામઃ સમ્પ્રાપ્તવાન્ લોકે સૌભાગ્યં સર્વમોહનમ્ ॥ ૩ ॥
સૌભાગ્યવિદ્યાવર્ણાનામુદ્ધારો યત્ર સંસ્થિતઃ ।
તત્સમાચક્ષ્વ ભગવન્ કૃપયા મયિ સેવકે ॥ ૪ ॥
નિશમ્યૈવં ભાર્ગવોક્તિં દત્તાત્રેયો દયાનિધિઃ ।
પ્રોવાચ ભાર્ગવં રામં મધુરાઽક્ષરપૂર્વકમ્ ॥ ૫ ॥
શૃણુ ભાર્ગવ ! યત્ પૃષ્ટં નામ્નામષ્ટોત્તરં શતમ્ ।
શ્રીવિદ્યાવર્ણરત્નાનાં નિધાનમિવ સંસ્થિતમ્ ॥ ૬ ॥
શ્રીદેવ્યા બહુધા સન્તિ નામાનિ શૃણુ ભાર્ગવ ।
સહસ્રશતસંખ્યાનિ પુરાણેષ્વાગમેષુ ચ ॥ ૭ ॥
તેષુ સારતમં હ્યેતત્સૌભાગ્યાઽષ્ટોત્તરાઽઽત્મકમ્ ।
યદુવાચ શિવઃ પૂર્વં ભવાન્યૈ બહુધાઽર્થિતઃ ॥ ૮ ॥
સૌભાગ્યાઽષ્ટોત્તરશતનામસ્તોત્રસ્ય ભાર્ગવ ।
ઋષિરુક્તઃ શિવશ્છન્દોઽનુષ્ટુપ્ શ્રીલલિતાઽમ્બિકા ॥ ૯ ॥
દેવતા વિન્યસેત્કૂટત્રયેણાઽઽવર્ત્ય સર્વતઃ ।
ધ્યાત્વા સમ્પૂજ્ય મનસા સ્તોત્રમેતદુદીરયેત્ ॥ ૧૦ ॥
॥ ત્રિપુરામ્બિકાયૈ નમઃ ॥
કામેશ્વરી કામશક્તિઃ કામસૌભાગ્યદાયિની।
કામરૂપા કામકલા કામિની કમલાઽઽસના ॥ ૧૧ ॥
કમલા કલ્પનાહીના કમનીયકલાવતી ।
કમલા ભારતીસેવ્યા કલ્પિતાઽશેષસંસૃતિઃ ॥ ૧૨ ॥
અનુત્તરાઽનઘાઽનન્તાઽદ્ભુતરૂપાઽનલોદ્ભવા ।
અતિલોકચરિત્રાઽતિસુન્દર્યતિશુભપ્રદા ॥ ૧૩ ॥
અઘહન્ત્ર્યતિવિસ્તારાઽર્ચનતુષ્ટાઽમિતપ્રભા ।
એકરૂપૈકવીરૈકનાથૈકાન્તાઽર્ચનપ્રિયા ॥ ૧૪ ॥
એકૈકભાવતુષ્ટૈકરસૈકાન્તજનપ્રિયા ।
એધમાનપ્રભાવૈધદ્ભક્તપાતકનાશિની ॥ ૧૫ ॥
એલામોદમુખૈનોઽદ્રિશક્રાયુધસમસ્થિતિઃ ।
ઈહાશૂન્યેપ્સિતેશાદિસેવ્યેશાનવરાઙ્ગના ॥ ૧૬ ॥
ઈશ્વરાઽઽજ્ઞાપિકેકારભાવ્યેપ્સિતફલપ્રદા ।
ઈશાનેતિહરેક્ષેષદરુણાક્ષીશ્વરેશ્વરી ॥ ૧૭ ॥
લલિતા લલનારૂપા લયહીના લસત્તનુઃ ।
લયસર્વા લયક્ષોણિર્લયકર્ણી લયાત્મિકા ॥ ૧૮ ॥
લઘિમા લઘુમધ્યાઽઽઢ્યા લલમાના લઘુદ્રુતા ।
હયાઽઽરૂઢા હતાઽમિત્રા હરકાન્તા હરિસ્તુતા ॥ ૧૯ ॥
હયગ્રીવેષ્ટદા હાલાપ્રિયા હર્ષસમુદ્ધતા ।
હર્ષણા હલ્લકાભાઙ્ગી હસ્ત્યન્તૈશ્વર્યદાયિની ॥ ૨૦ ॥
હલહસ્તાઽર્ચિતપદા હવિર્દાનપ્રસાદિની ।
રામરામાઽર્ચિતા રાજ્ઞી રમ્યા રવમયી રતિઃ ॥ ૨૧ ॥
રક્ષિણીરમણીરાકા રમણીમણ્ડલપ્રિયા ।
રક્ષિતાઽખિલલોકેશા રક્ષોગણનિષૂદિની ॥ ૨૨ ॥
અમ્બાન્તકારિણ્યમ્ભોજપ્રિયાઽન્તકભયઙ્કરી ।
અમ્બુરૂપાઽમ્બુજકરાઽમ્બુજજાતવરપ્રદા ॥ ૨૩ ॥
અન્તઃપૂજાપ્રિયાઽન્તઃસ્વરૂપિણ્યન્તર્વચોમયી ।
અન્તકાઽરાતિવામાઙ્કસ્થિતાઽન્તઃસુખરૂપિણી ॥ ૨૪ ॥
સર્વજ્ઞા સર્વગા સારા સમા સમસુખા સતી ।
સન્તતિઃ સન્તતા સોમા સર્વા સાઙ્ખ્યા સનાતની ॥ ૨૫ ॥
॥ ફલશ્રુતિઃ ॥
એતત્તે કથિતં રામ નામ્નામષ્ટોત્તરં શતમ્ ।
અતિગોપ્યમિદં નામ્નઃ સર્વતઃ સારમુદ્ધૃતમ્ ॥ ૨૬ ॥
એતસ્ય સદૃશં સ્તોત્રં ત્રિષુ લોકેષુ દુર્લભમ્ ।
અપ્રાકશ્યમભક્તાનાં પુરતો દેવતાદ્વિષામ્ ॥ ૨૭ ॥
એતત્ સદાશિવો નિત્યં પઠન્ત્યન્યે હરાદયઃ ।
એતત્પ્રભાવાત્કન્દર્પસ્ત્રૈલોક્યં જયતિ ક્ષણાત્ ॥ ૨૮ ॥
સૌભાગ્યાઽષ્ટોત્તરશતનામસ્તોત્રં મનોહરમ્ ।
યસ્ત્રિસન્ધ્યં પઠેન્નિત્યં ન તસ્ય ભુવિ દુર્લભમ્ ॥ ૨૯ ॥
શ્રીવિદ્યોપાસનવતામેતદાવશ્યકં મતમ્ ।
સકૃદેતત્પ્રપઠતાં નાઽન્યત્કર્મ વિલુપ્યતે ॥ ૩૦ ॥
અપઠિત્વા સ્તોત્રમિદં નિત્યં નૈમિત્તિકં કૃતમ્ ।
વ્યર્થીભવતિ નગ્નેન કૃતં કર્મ યથા તથા ॥ ૩૧ ॥
સહસ્રનામપાઠાદાવશક્તસ્ત્વેતદીરયેત્ ।
સહસ્રનામપાઠસ્ય ફલં શતગુણં ભવેત્ ॥ ૩૨ ॥
સહસ્રધા પઠિત્વા તુ વીક્ષણાન્નાશયેદ્રિપૂન્ ।
કરવીરરક્તપુષ્પૈર્હુત્વા લોકાન્ વશં નયેત્ ॥ ૩૩ ॥
સ્તમ્ભેયત્ શ્વેતકુસુમૈર્નીલૈરુચ્ચાટયેદ્રિપૂન્ ।
મરિચૈર્વિદ્વેષેણાય લવઙ્ગૈર્વ્યાધિનાશને ॥ ૩૪ ॥
સુવાસિનીર્બ્રાહ્મણાન્ વા ભોજયેદ્યસ્તુ નામભિઃ ।
યશ્ચ પુષ્પૈઃ ફલૈર્વાપિ પૂજયેત્ પ્રતિનામભિઃ ॥ ૩૫ ॥
ચક્રરાજેઽથવાઽન્યત્ર સ વસેચ્છ્રીપુરે ચિરમ્ ।
યઃ સદા વર્તયન્નાસ્તે નામાઽષ્ટશતમુત્તમમ્ ॥ ૩૬ ॥
તસ્ય શ્રીલલિતા રાજ્ઞી પ્રસન્ના વાઞ્છિતપ્રદા ॥
– Chant Stotra in Other Languages –
Sri Durga Slokam » Sri Saubhagya Ashtottara Shatanama Stotram Lyrics in Sanskrit » English » Bengali » Kannada » Malayalam » Odia » Telugu » Tamil