॥ Shachinandana Vijaya Ashtakam Gujarati Lyrics ॥
શ્રીશચીનન્દનવિજયાષ્ટકમ્
ગદાધર યદા પરઃ સ કિલ કશ્ચનાલોકિતો
મયા શ્રિતગયાધ્વના મધુરમૂર્તિરેકસ્તદા ।
નવામ્બુદ ઇવ બ્રુવન્ ધૃતનવામ્બુદો નેત્રયો-
ર્લુઠન્ ભુવિ નિરુદ્ધવાગ્વિજયતે શચીનન્દનઃ ॥ ૧ ॥
અલક્ષિતચરીં હરીત્યુદિતમાત્રતઃ કિં દશાં
અસાવતિબુધાગ્રણીરતુલકમ્પસમ્પાદિકામ્ ।
વ્રજન્નહહ મોદતે ન પુનરત્ર શાસ્ત્રેષ્વિતિ
સ્વશિષ્યગણવેષ્ટિતો વિજયતે શચીનન્દનઃ ॥ ૨ ॥
હા હા કિમિદમુચ્યતે પઠ પઠાત્ર કૃષ્ણં મુહુ-
ર્વિના તમિહ સાધુતાં દધતિ કિં બુધા ધાતવઃ ।
પ્રસિદ્ધ ઇહ વર્ણસઙ્ઘટિતસમ્યગામ્નાયકઃ
સ્વનામ્નિ યદિતિ બ્રુવન્વિજયતે શચીનન્દનઃ ॥ ૩ ॥
નવામ્બુજદલે યદીક્ષણસવર્ણતાદીર્ઘતે
સદા સ્વહૃદિ ભાવ્યતાં સપદિ સાધ્યતાં તત્પદમ્ ।
સ પાઠયતિ વિસ્મિતાન્ સ્મિતમુખઃ સ્વશિષ્યાનિતિ
પ્રતિપ્રકરણં પ્રભુર્વિજયતે શચીનન્દનઃ ॥ ૪ ॥
ક્વ યાનિ કરવાણિ કિં ક્વ નુ મયા હરિર્લભ્યતાં
તમુદ્દિશતુ કઃ સખે કથય કઃ પ્રપદ્યેત મામ્ ।
ઇતિ દ્રવતિ ઘૂર્ણતે કલિતભક્તકણ્ઠઃ શુચા
સ મૂર્ચ્છયતિ માતરં વિજયતે શચીનન્દનઃ ॥ ૫ ॥
સ્મરાર્બુદદુરાપયા તનુરુચિચ્છટાચ્છાયયા
તમઃ કલિતમઃકૃતં નિખિલમેવ નિર્મૂલયન્ ।
નૃણાં નયનસૌભગં દિવિષદાં મુખૈસ્તારયન્
લસન્નધિધરઃ પ્રભુર્વિજયતે શચીનન્દનઃ ॥ ૬ ॥
અયં કનકભૂધરઃ પ્રણયરત્નમુચ્ચૈઃ કિરન્
કૃપાતુરતયા વ્રજન્નભવદત્ર વિશ્વમ્ભરઃ ।
યદક્ષિ પથસઞ્ચરત્સુરધુનીપ્રવાહૈર્નિજં
પરં ચ જગદાર્દ્રયન્વિજયતે શચીનન્દનઃ ॥ ૭ ॥
ગતોઽસ્મિ મધુરાં મમ પ્રિયતમા વિશાખા સખી
ગતા નુ બત કિં દશાં વદ કથં નુ વેદાનિ તામ્ ।
ઇતીવ સ નિજેચ્છયા વ્રજપતેઃ સુતઃ પ્રાપિત-
સ્તદીયરસચર્વણાં વિજયતે શચીનન્દનઃ ॥ ૮ ॥
ઇદં પઠતિ યોઽષ્ટકં ગુણનિધે શચીનન્દન
પ્રભો તવ પદામ્બુજે સ્ફુરદમન્દવિશ્રમ્ભવાન્ ।
તમુજ્જ્વલમતિં નિજપ્રણયરૂપવર્ગાનુગં
વિધાય નિજધામનિ દ્રુતમુરીકુરુષ્વ સ્વયમ્ ॥ ૯ ॥
ઇતિ શ્રીવિશ્વનાથચક્રવર્તિઠક્કુરવિરચિતસ્તવામૃતલહર્યાં
શ્રીશચીનન્દનવિજયાષ્ટકં સમ્પૂર્ણમ્ ।
– Chant Stotra in Other Languages –
Shachinandana Vijaya Ashtakam Lyrics in Sanskrit » English » Bengali » Kannada » Odia » Telugu » Tamil