॥ Sri Shachisunva Ashtakam Malayalam Lyrics ॥
॥ ശചീസൂന്വഷ്ടകം ॥
ഹരിര്‍ദൃഷ്ട്വാ ഗോഷ്ഠേ മുകുരഗതമാത്മാനമതുലം
സ്വമാധുര്യം രാധപ്രിയതരസഖീവാപ്തുമഭിതഃ ।
അഹോ ഗൌഡേ ജാതഃ പ്രഭുരപരഗൌരൈകതനുഭാക്
ശചീസൂനുഃ കിം മേ നയനസരണീം യാസ്യതി പദം ॥ 1 ॥
പുരീദേവയാന്തഃപ്രണയമധുനാ സ്നാനമധുരോ
മുഹുര്‍ഗോവിന്ദോദ്യദ്വിശദപരിചര്യാര്‍ചിതപദഃ ।
സ്വരൂപസ്യ പ്രാണാര്‍ബുദപരിചര്യാര്‍ചിതപദഃ
ശചീസൂനുഃ കിം മേ നയനസരണീം യാസ്യതി പദം ॥ 2 ॥
ദധാനഃ കൌപീനം തദുപരി ബഹിര്‍വസ്ത്രമരുണം
പ്രകാണ്ഡോ ഹേമാദ്രിദ്യുതിഭിരഭിതഃ സേവിതതനുഃ ।
മുദാ ഗായന്നുച്ചൈര്‍നിജമധുരനാമാവലിമസൌ
ശചീസൂനുഃ കിം മേ നയനസരണീം യാസ്യതി പദം ॥ 3 ॥
അനാവേദ്യാം പൂര്‍വൈരപി മുനിഗണൈര്‍ഭക്തിനിപുണൈഃ
ശ്രുതേര്‍ഗൂഢാം പ്രേമോജ്ജ്വലരസഫലാം ഭക്തിലതികാം ।
കൃപാലുസ്താം ഗൌഡേ പ്രഭു അതികൃപാഭിഃ പ്രകടയ-
ന്‍ശചീസൂനുഃ കിം മേ നയനസരണീം യാസ്യതി പദം ॥ 4 ॥
നിജത്വേ ഗൌഡീയാന്‍ജഗതി പരിഗൃഹ്യ പ്രഭുരിമാ-
ന്‍ഹരേ കൃഷ്ണേത്യേവം ഗണനവിധിനാ കീര്‍തയത ഭോഃ ।
ഇതി പ്രായാം ശിക്ഷാം ചരണമധുപേഭ്യഃ പരിദിശ-
ന്‍ശചീസൂനുഃ കിം മേ നയനസരണീം യാസ്യതി പദം ॥ 5 ॥
പുരഃ പശ്യന്നീലാചലപതിമുരുപ്രേമനിവഹൈഃ
ക്ഷരന്നേത്രാംഭോഭിഃ സ്നപിതനിജദീര്‍ഘോജ്ജ്വലതനുഃ ।
സദാ തിഷ്ഠന്ദേശേ പ്രണയിഗരുഡസ്തംഭചരമേ
ശചീസൂനുഃ കിം മേ നയനസരണീം യാസ്യതി പദം ॥ 6 ॥
മുദാ ദന്തരി ദൃഷ്ട്വാ ദ്യുതിവിജിതബന്ധൂകമധരം
കരം കൃത്വാ വാമം കടിനിഹിതമന്യം പരിലസന്‍।
സമുത്ഥാപ്യ പ്രേംണാഗണിതപുലകോ നൃത്യകുതുകീ
ശചീസൂനുഃ കിം മേ നയനസരണീം യാസ്യതി പദം ॥ 7 ॥
സരോത്തീരാരാമേ വിരഹവിധുരോ ഗോകുലവിധോ-
ര്‍നദീമന്യാം കുര്‍വന്നയനജലധാരാവിതതിഭിഃ ।
മുഹുര്‍മൂര്‍ച്ഛാം ഗച്ഛന്‍മൃതകമിവ വിശ്വം വിരചയ-
ന്‍ശചീസൂനുഃ കിം മേ നയനസരണീം യാസ്യതി പദം ॥ 8 ॥
ശചീസൂനോരസ്യാഷ്ടകമിദമഭീഷ്ടം വിരചയ-
ന്‍സദാ ദൈന്യോദ്രേകാദതിവിശദബുദ്ധിഃ പഠതി യഃ ।
പ്രകാമം ചൈതന്യഃ പ്രഭുരതികൃപാവേശവിവശഃ
പൃഥുപ്രേമാംഭോധൌ പ്രഥിതരസദേ മജ്ജയതി തം ॥ 9 ॥
ഇതി ശ്രീരഘുനാഥദാസഗോസ്വാമിവിരചിതസ്തവാവല്യാം
ശ്രീശചീസൂന്വഷ്ടകം സമ്പൂര്‍ണം ।
– Chant Stotra in Other Languages –
Shachisunva Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil