Sri Shankaracharya Varyam In Telugu

॥ Sri Shankaracharya Varyam Telugu Lyrics ॥

॥ శ్రీ శంకరాచార్య స్తవః (శ్రీశంకరాచార్యవర్యం) ॥
శ్రీశంకరాచార్యవర్యం
సర్వలోకైకవంద్యం భజే దేశికేంద్రమ్ ।

ధర్మప్రచారేఽతిదక్షం
యోగిగోవిందపాదాప్తసన్యాసదీక్షమ్ ।
దుర్వాదిగర్వాపనోదం
పద్మపాదాదిశిష్యాలిసంసేవ్యపాదమ్ ॥ ౧ ॥

శంకాద్రిదంభోలిలీలం
కింకరాశేషశిష్యాలి సంత్రాణశీలమ్ ।
బాలార్కనీకాశచేలం
బోధితాశేషవేదాంత గూఢార్థజాలమ్ ॥ ౨ ॥

రుద్రాక్షమాలావిభూషం
చంద్రమౌలీశ్వరారాధనావాప్తతోషమ్ ।
విద్రావితాశేషదోషం
భద్రపూగప్రదం భక్తలోకస్య నిత్యమ్ ॥ ౩ ॥

పాపాటవీచిత్రభానుం
జ్ఞానదీపేన హార్దం తమో వారయంతమ్ ।
ద్వైపాయనప్రీతిభాజం
సర్వతాపాపహామోఘబోధప్రదం తమ్ ॥ ౪ ॥

రాజాధిరాజాభిపూజ్యం
రమ్యశృంగాద్రివాసైకలోలం యతీడ్యమ్ ।
రాకేందుసంకాశవక్త్రం
రత్నగర్భేభవక్త్రాంఘ్రిపూజానురక్తమ్ ॥ ౫ ॥

శ్రీభారతీతీర్థగీతం
శంకరార్యస్తవం యః పఠేద్భక్తియుక్తః ।
సోఽవాప్నుయాత్సర్వమిష్టం
శంకరాచార్యవర్యప్రసాదేన తూర్ణమ్ ॥ ౬ ॥

ఇతి శ్రీశ్రీ భారతీతీర్థ మహాస్వామి కృత శ్రీ శంకరాచార్య స్తవః ।

– Chant Stotra in Other Languages –

Sri Shankaracharya Varyam in EnglishSanskritKannada – Telugu – Tamil

See Also  114 Names Of Sri Sundaramurtya – Ashtottara Shatanamavali In Telugu