॥ Sri Sharada Shatashlokistavah Malayalam Lyrics ॥
ശ്രീശാരദാശതശ്ലോകീസ്തവഃ
കരോതു പദവിന്യാസാന്‍കമലാസനകാമിനീ ।
ജിഹ്വാഗ്രേ മമ കാരുണ്യാജ്ജിതചന്ദ്രായുതപ്രഭാ ॥ 1 ॥
പാപേഽപി ശാരദാംബ ത്വം കൃത്വാ ബഹുകൃപാം മയി ।
ഗരീയസീം ചാപി വാഞ്ഛാം പൂരയാശു കൃപാനിധേ ॥ 2 ॥
ബഹുഭിസ്ത്വദ്വദനാംബുജമുല്ലേഖൈഃ സ്തോതുമാര്യജനഹൃദ്യൈഃ ।
പ്രതിഭാം പ്രയച്ഛ മഹ്യം കരുണാജലധേ പയോജഭവജായേ ॥ 3 ॥
ചമ്പകസുമകോരകയുക്ചകിതമൃഗീപ്രേക്ഷണേന സംയുക്തം ।
ശുകകേകിനിനദജുഷ്ടം വനമിവ തവ ഭാതി വദനാബ്ജം ॥ 4 ॥
നാസികാഖ്യവരശാഖയാ യുതം ഖഞ്ജരീടഖഗയുഗ്മഭൂഷിതം ।
പക്വബിംബഫലസംയുതം ശിവേ ഭാതി ഭൂരുഹ ഇവാനനം തവ ॥ 5 ॥
ഭക്തകേകികുലതോഷണവ്രതം പദ്മസംഭവഹൃദംബരാശ്രിതം ।
ഗദ്യപദ്യമയവാരിസന്ദദന്‍മേഘവത്തവ മുഖം വിഭാതി മേ ॥ 6 ॥
നേത്രോത്പലാലങ്കൃതമധ്യഭാഗം ഭ്രൂവല്ലികാബംഭരപങ്ക്തിരംയം ।
പക്ഷ്മാലിശൈവാലയുതം വിഭാതി തവാസ്യമേതത്സരസീവ വാണി ॥ 7 ॥
സുചില്ലികാതോരണശോഭമാനം വിശാലഫാലാങ്ഗണരംയരംയം ।
ഉത്തുങ്ഗമാണിക്യകിരീടഹര്‍ംയം വിഭാതി വേശ്മേവ തവാംബ വക്ത്രം ॥ 8 ॥
നയനഝഷയുതോഽയം ദന്തമുക്താഫലാഢ്യോ
ദശനവസനനാമശ്രീപ്രവാലപ്രഭായുക് ।
പ്രതിപദമഭിവൃദ്ധൈഃ കാന്തിപൂരൈഃ സമേതഃ
ശരധിരിവ വിഭാതി ത്വന്‍മുഖം വാക്സവിത്രി ॥ 9 ॥
കലയ കലിവിമോകം കാലകാലാനുജാതേ
കലയ ശുഭസമൃദ്ധിം ഭൂമിമധ്യേഽഖിലേഽസ്മിന്‍ ।
കലയ രുചിസമൃദ്ധിം സ്വസ്വധര്‍മേ ജനാനാം
കലയ സുഖസമൃദ്ധിം സ്വസ്വധര്‍മേ രതാനാം ॥ 10 ॥
സ്ഫുര ഹ്രുദയസരോജേ ശാരദേ ശുഭ്രവര്‍ണേ
കലശമമൃതപൂര്‍ണം മാലികാം ബോധമുദ്രാം ।
സരസിജനിഭഹസ്തൈര്‍ബിഭ്രതീ പുസ്തകം ച
പ്രണതഹൃദയമച്ഛം കുര്‍വതീ തൂര്‍ണമേവ ॥ 11 ॥
പാലയ മാം കരുണാബ്ധേ പരിവാരയുതം ത്വിഹാപി ശൃങ്ഗാദ്രൌ ।
ശാരദശശിനിഭവദനേ വരദേ ലഘു ശാരദേ സദയേ ॥ 12 ॥
ഐന്ദ്രീമാശാമൈന്ദവീം വാ കലാമി-
ത്യാദൌ ബീജം ജാതു മാതസ്ത്വദീയം ।
വ്യാജാദ്വാ യോ വ്യാഹരേത്തസ്യ വക്ത്രാ-
ദ്ദിവ്യാ വാചോ നിഃസരന്ത്യപ്രയത്നാത് ॥ 13 ॥
ശാരദേ തവ പദാംബുജയുഗ്മം ബോധപുഷ്പരസപൂര്‍ണമജസ്രം ।
മാമകം ഹൃദയസംജ്ഞകമീശേ നൈവ മുഞ്ചതു സരഃ കരുണാബ്ധേ ॥ 14 ॥
കഥിതാനി മദീപ്സിതാനി മാതര്‍മുഹുരഗ്രേ തവ ശാരദാംബികേ ത്വം ।
ന ഹി പൂരയസേ ചിരായസേ കിം മദഘൌഘാത്കിമു ശക്ത്യഭാവതോ വാ ॥ 15 ॥
അദ്യൈവ മത്പ്രാര്‍ഥിതമംബ ദദ്യാ യദി ത്വപാരാം കരുണാം വിധായ ।
വേലാവിഹീനം സുഖമാപ്നുയാം ഹി നൈവാത്ര സന്ദേഹലവോഽപി കശ്ചിത് ॥ 16 ॥
കമനീയകവിത്വദാം ജവാദ്രമണീയാംബുജതുല്യപദ്യുതാം ।
ശമനീയഭയാപഹാരിണീം രമണീം പദ്മഭവസ്യ ഭാവയേ ॥ 17 ॥
കാങ്ക്ഷേ കമലജകാമിനി കമനീയൈഃ പദ്യനികുരുംബൈഃ ।
സ്തോതും വാചാം നികരം സ്വായത്തം കലയ ജഗദംബ ॥ 18 ॥
കാമം മമ ഫാലതലേ ലിഖതു ലിപിം ദുഃഖദാം വിധിഃ സതതം ।
നാഹം ബിഭേമി മാതര്ലുമ്പാമി ത്വത്പദാബ്ജരജസാ താം ॥ 19 ॥
കിം കല്‍പവൃക്ഷമുഖ്യൈഃ കിം കരധൃതമേരുണാ ശിവേനാപി ।
കിം കമലയാ ച ഹൃദി ചേത്കിങ്കരസര്‍വേഷ്ടദാ വാണീ ॥ 20 ॥
തുങ്ഗാതടനികടചരം ഭൃങ്ഗാവലിഗര്‍വഹരണചണചികുരം ।
ശ്രീശാരദാഭിധാനം ഭാഗ്യം മമ ജയതി ശൃങ്ഗശൈലാഗ്രേ ॥ 21 ॥
നിരണായി മയാ സമസ്തശാസ്ത്രാ-
ണ്യപി വീക്ഷ്യ പ്രണതാര്‍തിഹാരി ലോകേ ।
പ്രവിഹായ തവാങ്ഘ്രിപങ്കജാതം
ന പരം വസ്ത്വിതി വാണി നിശ്ചിതം തത് ॥ 22 ॥
പദ്മാസനാസി ഖലു ഭാരതി വാഗധീശേ
പദ്മാസനപ്രിയതമേ കരലഗ്നപദ്മേ ।
മത്കം മനോഽംബുജമഹോ സ്വയമേവ മാതഃ
ശ്രീശാരദാംബ വിജഹാസി കിമത്ര വാച്യം ॥ 23 ॥
ആനീയ ദിവ്യകുസുമാനി കിരന്തി ലോകാ
യേ ത്വത്പദാബ്ജയുഗലം വചസാം സവിത്രി ।
താന്‍പ്രാപ്തരാജപദവീംസ്തരസാ കിരന്തി
പൌരാങ്ഗനാഃ കുസുമലാജചയേന നൂനം ॥ 24 ॥
ആജ്ഞാസീദ്ഗൌരവീ മേ തവ ഖലു കരുണാവാരിധിഃ ശാരദാംബാ
സാഷ്ടാങ്ഗം യോഗമാരാദുപദിശതി ഭവാനൌരസഃ സൂനുരസ്യാഃ ।
ഇത്യപ്യദ്യാപി മാതര്‍ന ഹി ഖലു കരുണാ ജായതേ മയ്യനാഥേ
കിം വാ കുര്യാം വദാംബ പ്രണതഭയഹരേ ശാരദേ ചാപലോഽഹം ॥ 25 ॥
നാഹം നിഗൃഹ്യ കരണാനി സരോജജാത-
ജായേ ത്വദീയപദപങ്കജയോര്‍ഹി സേവാം ।
ശക്നോമി കര്‍തുമലസാജ്ഞശിഖാമണിര്യ-
ത്തസ്മാന്നിസര്‍ഗകരുണാം കുരു മയ്യനാഥേ ॥ 26 ॥
വാണി സരസ്വതി ഭാരതി വാഗ്വാദിനി വാരിജാതജനിജായേ ।
കാശ്മീരപുരനിവാസിനി കാമിതഫലവൃന്ദദായിനി നമസ്തേ ॥ 27 ॥
ശരണം ത്വച്ചരണം മേ നാന്യദ്വാഗ്ദേവി നിശ്ചിതം ത്വേതത് ।
തസ്മാത്കുരു കരുണാം മയ്യനന്യശരണേ ദ്രുതം മാതഃ ॥ 28 ॥
ശരദഭ്രസദഭ്രവസ്ത്രവീതാ കരദൂരീകൃതപങ്കജാഭിമാനാ ।
ചരണാംബുജലഗ്നനാകിമൌലിര്‍വരദാ സ്യാന്‍മമ ശാരദാ ദയാര്‍ദ്രാ ॥ 29 ॥
സ്ഥാപയ നരകേഷു സദാപ്യഥ സുഖകാഷ്ഠാസു ദിവ്യലോകേഷു ।
ന ഹി തത്ര മേ വിചാരഃ പരം തു ചിത്തം തവാങ്ഘ്രിഗതമസ്തു ॥ 30 ॥
ശൃങ്ഗാദ്രിവാസലോലേ ഭൃങ്ഗാഹങ്കാരഹാരികചഭാരേ ।
തുങ്ഗാതീരവിഹാരേ ഗങ്ഗാധരസോദരി പ്രസീദ മമ ॥ 31 ॥
ഋഷ്യശൃങ്ഗജനിഭൂമിവിഭൂഷേ കശ്യപാദിമുനിവന്ദിതപാദേ ।
പശ്യദങ്ഘ്രിമുഖപാലനലോലേ വശ്യപങ്കജഭവേഽവ സദാ മാം ॥ 32 ॥
കംബുഡംബരനിവര്‍തകകണ്ഠാമംബുധിം നിരവധി കരുണയാഃ ।
അംബുദപ്രതിമകേശസമൂഹാമംബുജോദ്ഭവസഖീം കലയേഽഹം ॥ 33 ॥
ഭര്‍മഗര്‍വഹരസംഹനനാഭാം ശര്‍മദാം പദസരോജനതേഭ്യഃ ।
കര്‍മഭക്തിമുഖപദ്ധതിഗംയാം കുര്‍മഹേ മനസി പദ്മജജായാം ॥ 34 ॥
ശംഭുസോദരി ശശാങ്കനിഭാസ്യേ മന്ദബുദ്ധിവിതതേരപി ശീഘ്രം ।
വാക്പ്രദായിനി കൃപാമൃതരാശേ ശൃങ്ഗശൈലവരവാസവിലോലേ ॥ 35 ॥
തുഷ്ടിമേഹി വചസാം ജനനി ത്വം മത്കൃതേന വിധിനാഽവിധിനാ വാ ।
ഐഞ്ജപേന പരിപൂരയ വാഞ്ഛാം മാമകീം ച മഹതീമപി ശീഘ്രം ॥ 36 ॥
തവൌരസം സൂനുമഹോ ത്വദീയഭക്താഗ്രഗണ്യാ മമ ദേശികേന്ദ്രാഃ ।
പ്രാഹുര്യതോഽതോ മയി ശാരദാംബ പാപ്യഗ്രഗണ്യേഽപി ദയാ വിധേയാ ॥ 37 ॥
തവൌരസം മാം സുതമാഹുരാര്യാസ്ത്വത്പാദഭക്താഗ്രസരാ യതോഽതഃ ।
സോഢ്വാ മദീയാന്‍സകലാപരാധാന്‍പുരോ ഭവാംബാശു ഗിരാം സവിത്രി ॥ 38 ॥
ഭക്തേഷ്ടപാഥോനിധിപൂര്‍ണചന്ദ്രഃ കവിത്വമാകന്ദവസന്തകാലഃ ।
ജാഡ്യാന്ധകാരവ്രജപദ്മബന്ധുരംബ പ്രണാമസ്തവ പാദപദ്മേ ॥ 39 ॥
മുഖാംബുജം ഭാതു ജഗജ്ജനന്യാ ഹൃദംബുജേ മേ ജിതചന്ദ്രബിംബം ।
രദാംബരാധഃകൃതപക്വബിംബം മഹാഘവിധ്വംസനചഞ്ച്വജസ്രം ॥ 40 ॥
യാനേന ഹംസം വദനേന ചന്ദ്രം ശ്രോണീഭരാച്ഛൈലപതിം ച കാമം ।
കാഞ്ചിദ്ധസന്തീം കലയേ ഹൃദബ്ജേ ചന്ദ്രാര്‍ധരാജദ്വരകേശപാശാം ॥ 41 ॥
വിസ്മൃത്യ ദേഹാദികമംബ സംയക്സമുച്ചരംസ്താവകമന്ത്രരാജം ।
തുങ്ഗാനദീപുണ്യതടേ കദാഹം സുസൈകതേ സ്വൈരഗതിര്‍ഭവാമി ॥ 42 ॥
ശ്രീശാദിസംസേവിതപാദപദ്മേ ശ്രീബോധദാനവ്രതബദ്ധദീക്ഷേ ।
ശ്രീകണ്ഠസോദര്യമിതാനുകമ്പേ ശ്രീശാരദാംബാശു കൃപാം കുരുഷ്വ ॥ 43 ॥
ഹൃദ്യാനി പദ്യാനി വിനിഃസരന്തി ത്വദങ്ഘ്രിസമ്പൂജകവക്ത്രപദ്മാത് ।
വിനാ പ്രയത്നം തരസാ ന ചിത്രം ത്വമംബ യസ്മാദ്വചസാം സവിത്രീ ॥ 44 ॥
ഗമാഗമവിവര്‍ജിതൈരസുഭിരന്തരങ്ഗേഽനിശം
ഗജാസ്യഗുഹനന്ദിഭിഃ സുരവരൈര്‍മുദാ ചിന്തിതേ ।
ഗജാജിനധരാനുജേ ഗലിതതൃഷ്ണലോകേക്ഷിതേ
ഗതിം മമ ശുഭാം മതിം സപദി ദേഹി വാഗീശ്വരി ॥ 45 ॥
ജലോദ്ഭവജഭാമിനി പ്രണതസൌഖ്യഭൂമപ്രദേ
ജഡത്വവിനിവാരണവ്രതനിഷക്തചേതോഽംബുജേ ।
ജഗത്ത്രയനിവാസിഭിഃ സതതസേവ്യപാദാംബുജേ
ജഗജ്ജനനി ശാരദേ ജനയ സൌഖ്യമത്യദ്ഭുതം ॥ 46 ॥
മദേഭഗമനേഽവനേ നതതതേരനേകൈഃ സുഖൈ-
രനാരതമജാമിതം പ്രവണഹൃത്സരോജേഽംബികേ ।
കുതോ മയി കൃപാ ന തേ പ്രസരതി പ്രസന്നേ വദ
പ്രപഞ്ചജനനപ്രഭുപ്രണയിനി പ്രപദ്യേഽദ്യ കം ॥ 47 ॥
കദാ വാ ശ്രുങ്ഗാദ്രൌ വിമലതരതുങ്ഗാപരിസരേ
വസന്‍മാതര്‍വാചാം ശിരസി നിദധാനോഽഞ്ജലിപുടം ।
ഗിരാം ദേവി ബ്രാഹ്മി പ്രണതവരദേ ഭാരതി ജവാ-
ത്പ്രസീദേതി ക്രോശന്നിമിഷമിവ നേഷ്യാമി ദിവസാന്‍ ॥ 48 ॥
ജഗന്നാഥം ഗങ്ഗാ വിവിധവൃജിനോഘൈഃ പരിവൃതം
യഥാഽരക്ഷത്പൂര്‍വം സകലമപി ഹത്വാഽഽശു ദുരിതം ।
പുനശ്ചാന്തേ ദത്ത്വാ കരസരസിജം പൂര്‍ണകൃപയാ
ജനൈഃ സദ്ഭിഃ പ്രാപ്യാം പരമപദവീം പ്രാപിതവതീ ॥ 49 ॥
തഥാ ശാന്തം പാപം സകലമപി കൃത്വാ മമ ജവാ-
ദ്ധൃദംഭോജേ ലഗ്നം കുരു തവ പദാംഭോരുഹയുഗം ।
കരാംഭോജേ പശ്ചാത്പരമകൃപയാ ദേവി വചസാം
പ്രദത്ത്വാഽഽലംബം മാം ഗമയ പദവീം നിര്‍മലതരാം ॥ 50 ॥
ദവീയാംസം ത്വേനം പരമകൃപയാ ദേശികമുഖാ-
ത്സമാനീയാംബ ത്വം തവ പദപയോജാതനികടം ।
അവിത്വാഽഽപീയന്തം സമയമധുനാ ദേവി ഭജസേ
യദൌദാസ്യം തര്‍ഹി ത്രിജഗതി മമാന്യാം വദ ഗതിം ॥ 51 ॥
കാമം സന്തു സുരാ നിരന്തരനിജധ്യാനാര്‍ചനാകാരിണോ
ലോകാന്‍സ്വേപ്സിതസര്‍വസൌഖ്യസഹിതാന്‍കര്‍തും ജഗത്യാം കില ।
പൂജാധ്യാനജപാദിഗന്ധരഹിതാംസ്ത്രാതും പുനസ്ത്വാം വിനാ
നാന്യദ്ദൈവതമസ്തിപദ്മജമനഃപദ്മാര്‍ഭകാര്‍കപ്രഭേ ॥ 52 ॥
കാരുണ്യം മയി ധേഹി മാതരനിശം പദ്മോദ്ഭവപ്രേയസി
പ്രാരബ്ധം മമ ദുഷ്ടമാശു ശമയ പ്രജ്ഞാം ശുഭാം യച്ഛ മേ ।
കര്‍തും കാവ്യചയം രസൌഘഭരിതം ശക്തിം ദൃഢാം ഭക്തിമ-
പ്യംഹഃസഞ്ചയവാരിണീം തവ പദാംഭോജേ കൃപാംഭോനിധേ ॥ 53 ॥
കുര്യാമദ്യ കിമംബ ഭക്തിരഹിതഃ പൂജാം ജപം തര്‍പണം
കിം വൈരാഗ്യവിവേകഗന്ധരഹിതഃ കുര്യാം വിചാരം ശ്രുതേഃ ।
കിം യോഗം പ്രകരോമി ചഞ്ചലമനാഃ ശൃങ്ഗാദ്രിവാസപ്രിയേ
ത്വത്പാദപ്രണതിം വിഹായ ന ഗതിര്‍മേഽന്യാ ഗിരാം ദേവതേ ॥ 54 ॥
ജഹ്യാന്നൈവ കദാപി താവകപദം മാതര്‍മനോ മാമകം
മാന്ദ്യധ്വാന്തനിവാരണോദ്യതദിനേശാഖര്‍വഗര്‍വാവലി ।
ഗൌരീനാഥരമാധവാബ്ജഭവനൈഃ സംഭാവ്യമാനം മുദാ
വാക്ചാതുര്യവിധാനലബ്ധസുയശഃസമ്പൂരിതാശാമുഖം ॥ 55 ॥
തുങ്ഗാതീരവിഹാരസക്തഹൃദയേ ശൃങ്ഗാരജന്‍മാവനേ
ഗങ്ഗാധാരിമുഖാമരേന്ദ്രവിനുതേഽനങ്ഗാഹിതാപദ്ധരേ ।
സങ്ഗാതീതമനോവിഹാരരസികേ ഗങ്ഗാതരങ്ഗായിതാ
ഭൃങ്ഗാഹങ്കൃതിഭേദദക്ഷചികുരേ തുങ്ഗാഗിരോ ദേഹി മേ ॥ 56 ॥
ത്വത്പാദാംബുജപൂജനാപ്തഹൃദയാംഭോജാതശുദ്ധിര്‍ജനഃ
സ്വര്‍ഗം രൌരവമേവ വേത്തി കമലാനാഥാസ്പദം ദുഃഖദം ।
കാരാഗാരമവൈതി ചന്ദ്രനഗരം വാഗ്ദേവി കിം വര്‍ണനൈ-
ര്‍ദൃശ്യം സര്‍വമുദീക്ഷതേ സ ഹി പുനാ രജ്ജൂരഗാദ്യൈഃ സമം ॥ 57 ॥
ത്വത്പാദാംബുരുഹം വിഹായ ശരണം നാസ്ത്യേവ മേഽന്യദ്ധ്രുവം
വാചാം ദേവി കൃപാപയോജലനിധേ കുത്രാപി വാ സ്ഥാപയ ।
അപ്യൂര്‍ധ്വം ധ്രുവമണ്ഡലാദഥ ഫണീന്ദ്രാദപ്യധസ്തത്ര മേ
ത്വന്ന്യസ്തൈഹികപാരലൌകികഭരസ്ത്വാസേ ന കാപി വ്യഥാ ॥ 58 ॥
ത്വത്പാദാംബുരുഹം ഹൃദാഖ്യസരസിസ്യാദ്രൂഢമൂലം യദാ
വക്ത്രാബ്ജേ ത്വമിവാംബ പദ്മനിലയാ തിഷ്ഠേദ്ഗൃഹേ നിശ്ചലാ ।
കീര്‍തിര്യാസ്യതി ദിക്തടാനപി നൃപൈഃ സമ്പൂജ്യതാ സ്യാത്തദാ
വാദേ സര്‍വനയേഷ്വപി പ്രതിഭടാന്ദൂരീകരോത്യേവ ഹി ॥ 59 ॥
മാതസ്ത്വത്പദവൈഭവം നിഗദിതും പ്രാരഭ്യ നാഗേശ്വരാ-
സ്വപ്നാചാര്യകവീന്ദുശേഖരദിനേശാദ്യാഃ പ്രഭഗ്നാ മുഹുഃ ।
ക്വാഹം തത്കഥനേ ജഡേഷ്വചരമഃ കാരുണ്യപാഥോനിധേ
വാചാം ദേവി സുതസ്യ സാഹസമിദം ക്ഷന്തവ്യമേവാംബയാ ॥ 60 ॥
മാതഃ ശൃങ്ഗപുരീനിവാസരസികേ മാതങ്ഗകുംഭസ്തനി
പ്രാണായാമമുഖൈര്‍വിനാപി മനസഃ സ്ഥൈര്യം ദ്രുതം ദേഹി മേ ।
യേനാഹം സുഖമന്യദുര്ലഭമഹോരാത്രം ഭജാംയന്വഹം
പ്രാപ്സ്യാംയാത്മപരൈകബോധമചലം നിഃസംശയം ശാരദേ ॥ 61 ॥
വേദാഭ്യാസജഡോഽപി യത്കരസരോജാതഗ്രഹാത്പദ്മഭൂ-
ശ്ചിത്രം വിശ്വമിദം തനോതി വിവിധം വീതക്രിയം സക്രിയം ।
താം തുങ്ഗാതടവാസസക്തഹൃദയാം ശ്രീചക്രരാജാലയാം
ശ്രീമച്ഛങ്കരദേശികേന്ദ്രവിനുതാം ശ്രീശാരദാംബാം ഭജേ ॥ 62 ॥
വൈരാഗ്യം ദൃഢമംബ ദേഹി വിഷയേഷ്വാദ്യന്തദുഃഖപ്രദേ-
ഷ്വാംനായാന്തവിചാരണേ സ്തിരതരാം ചാസ്ഥാം കൃപാവാരിധേ ।
പ്രത്യഗ്ബ്രഹ്മണി ചിത്തസംസ്ഥിതിവിധിം സംബോധയാശ്വേവ മാം
ത്വം ബ്രൂഷേ സകലം മമേതി ഗുരവഃ പ്രാഹുര്യതഃ ശാരദേ ॥ 63 ॥
കമലാസനവരകാമിനി കരധൃതചിന്‍മുദ്രികേ കൃപാംഭോധേ ।
കരകലിതാമലകാഭം തത്ത്വം മാം ബോധയതു ജഗദംബ ॥ 64 ॥
കരവിധൃതകീരഡിംഭാം ശരദഭ്രസധര്‍മവസ്ത്രസംവീതാം ।
വരദാനനിരതപാണിം സുരദാം പ്രണമാമി ശാരദാം സദയാം ॥ 65 ॥
കാമാക്ഷീവിപുലാക്ഷീമീനാക്ഷീത്യാദിനാമഭിര്‍മാതഃ ।
കാഞ്ചീകാശീമധുരാപുരേഷു ഭാസി ത്വമേവ വാഗ്ജനനി ॥ 66 ॥
ചന്ദ്രാര്‍ധശേഖരാപരരൂപശ്രീശങ്കരാര്യകരപൂജ്യേ ।
ചന്ദ്രാര്‍ധകൃതവതംസേ ചന്ദനദിഗ്ധേ നമാമി വാണി പദേ ॥ 67 ॥
ജയ ജയ ചിന്‍മുദ്രകരേ ജയ ജയ ശൃങ്ഗാദ്രിവിഹരണവ്യഗ്രേ ।
ജയ ജയ പദ്മജജായേ ജയ ജയ ജഗദംബ ശാരദേ സദയേ ॥ 68 ॥
ദുര്‍വസനദത്തശാപപ്രതിപാലനലക്ഷ്യതഃ സമസ്താനാം ।
രക്ഷാര്‍ഥമവനിമധ്യേ കൃതചിരവാസാം നമാമി വാഗ്ദേവീം ॥ 69 ॥
നവനവകവനസമര്‍ഥം പടുതരവാഗ്ധൂതവാസവാചാര്യം ।
വനജാസനവരമാനിനി വരദേ കുരു ശീഘ്രമങ്ഘ്രിനതം ॥ 70 ॥
ഭഗവത്പദമണ്ഡനയോര്‍വാദമഹേ സകലലോകചിത്രകരേ ।
അങ്ഗീകൃതമാധ്യസ്ഥ്യാം ജഗദംബാം നൌമി ശാരദാം സദയാം ॥ 71 ॥
സേവാപൂജാനമനവിധയഃ സന്തു ദൂരേ നിതാന്തം
കാദാചിത്കാ സ്മൃതിരപി പദാംഭോജയുഗ്മസ്യ തേഽംബ ।
മൂകം രങ്കം കലയതി സുരാചാര്യമിന്ദ്രം ച വാചാ
ലക്ഷ്ംയാ ലോകോ ന ച കലയതേ താം കലേഃ കിം ഹി ദൌഃസ്ഥ്യം ॥ 72 ॥
ആശാവസ്ത്രഃ സദാത്മന്യവിരതഹൃദയസ്ത്യക്തസര്‍വാനുരാഗഃ
കായേ ചക്ഷുര്‍മുഖേഷ്വപ്യനുദിതമമതഃ ക്വാപി കസ്മിംശ്ച കാലേ ।
ശൈലാഗ്രേഽരണ്യകോണേ ക്വചിദപി പുലിനേ ക്വാപി രേവാതടേ വാ
ഗങ്ഗാതീരേഽഥ തുങ്ഗാതടഭുവി ച കദാ സ്വൈരചാരീ ഭവേയം ॥ 73 ॥
കല്‍പന്താം കാംയസിദ്‍ധ്യൈ കലിമലഹതയേ ചാക്ഷയൈശ്വര്യസിദ്ധ്യൈ
കാരുണ്യാപാരപൂരാഃ കമലഭവമനോമോദദാനവ്രതാഢ്യാഃ
കാത്യായന്യബ്ധികന്യാമുഖസുരരമണീകാങ്ക്ഷ്യമാണാഃ കവിത്വ-
പ്രാഗ്ഭാരാംഭോധിരാകാഹിമകരകിരണാഃ ശാരദാംബാകടാക്ഷാഃ ॥ 74 ॥
കല്‍പാദൌ തന്‍മഹിംനാ കതിപയദിവസേഷ്വേവ ലുപ്തേഷു മാര്‍ഗേ-
ഷ്വാംനായപ്രോദിതേഷു പ്രവരസുരഗണൈഃ പ്രാര്‍ഥിതഃ പാര്‍വതീശഃ ।
ആംനായാധ്വപ്രവൃദ്‍ധ്യൈ യതിവരവപുഷാഗത്യ യാം ശൃങ്ഗശൈലേ
സംസ്ഥാപ്യാര്‍ചാം പ്രചക്രേ നിവസതു വദനേ ശാരദാ സാദരം സാ ॥ 75 ॥
തിഷ്ഠാംയത്രൈവ മാതസ്തവ പദയുഗലം വീക്ഷമാണഃ പ്രമോദാ-
ന്നാഹം ത്യക്ത്വാ തവാങ്ഘ്രിം സകലസുഖകരം ക്വാപി ഗച്ഛാമി നൂനം ।
ഛായാം മത്കാം വിധത്സ്വ പ്രവചനനമനധ്യാനപൂജാസു ശക്താം
ശുദ്ധാമേകാം ത്രിലോകീജനനപടുവിധിപ്രാണകാന്തേ നമസ്തേ ॥ 76 ॥
ത്വദ്ബീജേ വര്‍തമാനേ വദനസരസിജേ ദുര്ലഭം കിം നരാണാം
ധര്‍മോ വാഽര്‍ഥശ്ച കാമോഽപ്യഥ ച സകലസന്ത്യാഗസാധ്യശ്ച മോക്ഷഃ ।
കാംയം വാ സാര്‍വഭൌംയം കമലജദയിതേഽഹേതുകാരുണ്യപൂര്‍ണേ
ശൃങ്ഗാദ്ര്യാവാസലോലേ ഭവതി സുരവരാരാധ്യപാദാരവിന്ദേ ॥ 77 ॥
ദൃഷ്ട്വാ ത്വത്പാദപങ്കേരുഹനമനവിധാവുദ്യതാന്‍ഭക്തലോകാ-
ന്ദൂരം ഗച്ഛന്തി രോഗാ ഹരിമിവ ഹരിണാ വീക്ഷ്യ യദ്വത്സുദൂരം ।
കാലഃ കുത്രാപി ലീനോ ഭവതി ദിനകരേ പ്രോദ്യമാനേ തമോവ-
ത്സൌഖ്യം ചായുര്യഥാബ്ജം വികസതി വചസാം ദേവി ശൃങ്ഗാദ്രിവാസേ ॥ 78 ॥
നാഹം ത്വത്പാദപൂജാമിഹ ഗുരുചരണാരാധനം ചാപ്യകാര്‍ഷം
നാശ്രൌഷം തത്ത്വശാസ്ത്രം ന ച ഖലു മനസഃ സ്ഥൈര്യലേശോഽപി കശ്ചിത് ।
നോ വൈരാഗ്യം വിവേകോ ന ച മമ സുദൃഢാ മോക്ഷകാങ്ക്ഷാഽപി നൂനം
മാതഃ കാവാ ഗതിര്‍മേ സരസിജഭവനപ്രാണകാന്തേ ന ജാനേ ॥ 79 ॥
നൌമി ത്വാം ശൈവവര്യാഃ ശിവ ഇതി ഗണനാഥാര്‍ചകാ വിഘ്നഹര്‍തേ-
ത്യാര്യേത്യംബാങ്ഘ്രിസക്താ ഹരിഭജനരതാ വിഷ്ണുരിത്യാമനന്തി ।
യാം താം സര്‍വസ്വരൂപാം സകലമുനിമനഃപദ്മസഞ്ചാരശീലാം
ശൃങ്ഗാദ്ര്യാവാസലോലാം കമലജമഹിഷീം ശാരദാം പാരദാഭാം ॥ 80 ॥
യഃ കശ്ചിദ്ബുദ്ധിഹീനോഽപ്യവിദിതനമനധ്യാനപൂജാവിധാനഃ
കുര്യാദ്യദ്യംബ സേവാം തവ പദസരസീജാതസേവാരതസ്യ ।
ചിത്രം തസ്യാസ്യമധ്യാത്പ്രസരതി കവിതാ വാഹിനീവാമരാണാം
സാലങ്കാരാ സുവര്‍ണാ സരസപദയുതാ യത്നലേശം വിനൈവ ॥ 81 ॥
യാചന്തേ നംരലോകാ വിവിധഗുരുരുജാക്രാന്തദേഹാഃ പിശാചൈ-
രാവിഷ്ടാങ്ഗാശ്ച തത്തജ്ജനിതബഹുതരക്ലേശനാശായ ശീഘ്രം ।
കിം കുര്യാം മന്ത്രയന്ത്രപ്രമുഖവിധിപരിജ്ഞാനശൂന്യശ്ചികിത്സാം
കര്‍തും ന ത്വത്പദാബ്ജസ്മരണലവമൃതേ വാണി ജാനേഽത്ര കിഞ്ചിത് ॥ 82 ॥
രാഗദ്വേഷാദിദോഷൈഃ സതതവിരഹിതൈഃ ശാന്തിദാന്ത്യാദിയുക്തൈ-
രാചാര്യാങ്ഘ്ര്യബ്ജസേവാകരണപടുതരൈര്ലഭ്യപാദാരവിന്ദാ ।
മുദ്രാസ്രക്കുംഭവിദ്യാഃ കരസലിലരുഹൈഃ സന്ദധാനാ പുരസ്താ-
ദാസ്താം വാഗ്ദേവതാ നഃ കലികൃതവിവിധാപത്തിവിധ്വംസനായ ॥ 83 ॥
വാരയ പാപകദംബം താരയ സംസാരസാഗരം തരസാ ।
ശോധയ ചിത്തസരോജം ബോധയ പരതത്ത്വമാശു മാമംബ ॥ 84 ॥
സച്ചിദ്രൂപാത്മനിഷ്ഠഃ പ്രഗലിതസകലാക്ഷാദിവൃത്തിഃ ശയാനോ
ഭുഞ്ജാനഃ സത്യസൌഖ്യം തദിതരസുഖതഃ പ്രാപ്തനീരാഗഭാവഃ ।
പാഷാണേ വാഥ തല്‍പേ വനഭുവി സദനേ പാര്‍ഥിവസ്യാഽശ്മഹേംനോ-
ര്‍നാര്യാം മൃത്യൌ ച തുല്യഃ സതതസുഖിമനാഃ സ്യാം കദാ ശാരദാംബ ॥ 85 ॥
കിം പാഠയേയം ലഘുചന്ദ്രികാം വാ കിം വാ ത്യജേയം സകലപ്രപഞ്ചം ।
സ്വപ്നേഽദ്യ മേ ബ്രൂഹി കിമത്ര കാര്യം ഡോലായിതം മാമകമംബ ചേതഃ ॥ 86 ॥
ത്യാഗേ വാഽധ്യാപനേ വാ മമ ഖലു ന ഗിരാം ദേവി കാപ്യസ്തി ശക്തി-
സ്ത്വം വൈ സര്‍വത്ര ഹേതുര്യദസി നിരവധിര്‍വാരിരാശിഃ കൃപായാഃ ।
തസ്മാത്സ്വപ്നേഽദ്യ കാര്യം മമ ഖലു നിഖിലം ബോധയൈവം കുരുഷ്വേ-
ത്യജ്ഞാനാം ബോധനാര്‍ഥം ത്വമിഹ ബഹുവിധാ അംബ മൂര്‍തീര്‍ബിഭര്‍ഷി ॥ 87 ॥
വിതര വിധിപ്രേയസി മേ വിമലധിയം വാഞ്ഛിതം ച തരസൈവ ।
വിഷ്ണുമുഖാമരവന്ദ്യേ വിധുബിംബസമാനവദനകഞ്ജാതേ ॥ 88 ॥
ശാരദനീരദസന്നിഭവസനേ വനജാസനാന്തരങ്ഗചരേ ।
വരടാവല്ലഭയാനേ വരദേ വാഗ്ദേവി ശാരദേ പാഹി ॥ 89 ॥
സപ്തദശഘസ്രമവിരതമീശേന സമസ്തവിദ്യാനാം ।
വിരചിതവാദാം കുതുകാത്സാമോദം നൌമി വാഗ്ജനനീം ॥ 90 ॥
സുരവരനിഷേവ്യപാദേ സുഖലവാധൂതകേകികുലനിനദേ
സുരവനവിഹാരബലദേ സുരവരദേ പാഹി ശാരദേ സുരദേ ॥ 91 ॥
കുന്ദരദനേഽംബ വാണി മുകുന്ദരവീന്ദ്വാദിദേവവര്യേഡ്യേ ।
കുന്ദരകൃപാവശാന്‍മുകുന്ദവരാദ്യാംശ്ച മേ നിധീന്ദേഹി ॥ 92 ॥
സ്ഫുരശരദിന്ദുപ്രതിഭടവദനേ വാഗ്ദേവി മാമകേ മനസി ।
വരദാനനിരതപാണേ സരസിജനയനേ സരോജജാതസഖി ॥ 93 ॥
അസ്ഥിരഭക്തേര്‍മമ ദേവി ഗിരാം ശീഘ്രം ദത്ത്വാ കാഞ്ചിത്സിദ്ധിം ।
കുരു സുദൃഢാം മമ തവ പാദാബ്ജേ ഭക്തിം ശൃങ്ഗഗിരീന്ദ്രനിവാസേ ॥ 94 ॥
സഹമാനസോദരി സഹ പ്രണ്‍തകൃതാ മാനഹീനമന്തുതതീഃ ।
സഹമാനസോദരീത്വം ത്യജ വാ യുക്തം യദത്ര കുരു വാണി ॥ 95 ॥
വലഭിന്‍മുഖനിര്‍ജരവരസേവ്യേ കലവചനന്യക്കൃതപികരാവേ ।
ജലജപ്രതിഭടപദയുഗരംയേ കലയ പ്രവരം കൃതിനാമേനം ॥ 96 ॥
കരവിലസദ്വരപുസ്തകമാലേ ശരദബ്ജാഹങ്കൃതിഹരചേലേ ।
അരണീസുമനിഭകുങ്കുമഫാലേ ശരണം മമ ഭവ ധൃതശുകബാലേ ॥ 97 ॥ var അരണീസുതനിഭ
കലയാസക്തിം കമലജദയിതേ തുലനാശൂന്യാമീമ്മനുവര്യേ ।
വലയാഞ്ചിതകരസരസീജാതേ ലലനാഭിഃ സുരവിതതേഃ പൂജ്യേ ॥ 98 ॥
ശൃങ്ഗക്ഷ്മാഭൃത്കൂടവിഹാരേ തുങ്ഗാതടഭൂകൃതസഞ്ചാരേ ।
വാചാം ദേവി പ്രാര്‍ഥിതമര്‍ഥം ശീഘ്രം ദേഹി പ്രണതായാസ്മൈ ॥ 99 ॥
നാഹം സോഢും കാലവിലംബം ശക്നോംയംബ പ്രണതപ്രവണേ ।
ഈപ്സിതമര്‍ഥം ദേഹി തദാശു ദ്രുഹിണസ്വാന്താംബുജബാലഘൃണേ ॥ 100 ॥
ഇതി ശൃങ്ഗേരി ശ്രീജഗദ്ഗുരു ശ്രീസച്ചിദാനന്ദശിവാഭിനവനൃസിംഹ-
ഭാരതീസ്വാമിഭിഃ വിരചിതഃ ശ്രീശാരദാശതശ്ലോകീസ്തവഃ സമ്പൂര്‍ണഃ ।