॥ Shiva Suvarnamala Stavah Gujarati Lyrics ॥
॥ શ્રીશિવ સુવર્ણમાલા સ્તવ ॥
અનેકકોટિબ્રહ્માણ્ડજનનીનાયકપ્રભો ।
અનેકપ્રમુખસ્કન્દપરિસેવિત પાહિ મામ ॥ ૧ ॥
આકારાપારનિર્વ્યાજકરુણાયાઃ સતીપતે ।
આશાભિપૂરકાનમ્રવિતતેઃ પાહિ શઙ્કર ॥ ૨ ॥
ઇભાશ્વમુખસંપત્તિદાનદક્ષકૃપાલવ ।
ઇષ્ટપ્રાલેયશૈલેન્દ્રપુત્ર્યાઃ પાહિ ગિરીશ મામ ॥ ૩ ॥
ઈહાશૂન્યજનાવાપ્ય નતાનન્દાબ્ધિચન્દ્રમઃ ।
ઈશાન સર્વવિદ્યાનામિન્દુચૂડ સદાઽવ મામ ॥ ૪ ॥
ઉરગાધિપસંરાજત્પદપઙ્કેરુહદ્વય ।
ઉડુરાજકૃતોત્તંસ ગિરિજાસખ મામવ ॥ ૫ ॥
ઊરીકૃતવિનમ્રેષ્ટપૂગસંપૂરણવ્રત ।
અખિલામરકોટીરનિઘૃષ્ટપદ પાહિ મામ ॥ ૬ ॥
ઋદ્ધિદામ્ભોજવાસાયાઃ કામમાશુ નમત્તતેઃ ।
શૈલેન્દ્રતનયાશ્લિષ્ટ શર્વ માં પાહિ સર્વદા ॥ ૭ ॥
ઋસ્વરાખ્યેયરૂપાય ભૂતિદાયાદરાદ્દુતમ ।
ષણ્મુખેભાસ્યપૂજ્યાય નમ્રશ્ચન્દ્રાર્ધમૌલયે ॥ ૮ ॥
લૃકારાખ્યાય લક્ષ્મીશદ્રુહિણાદ્યર્ચિતાઙ્ઘ્રયે ।
અપારકરુણાજન્મભૂમયે શંભવે નમઃ ॥ ૯ ॥
લૄસ્વરૂપ લલાટાક્ષ લાકિન્યાદિનિષેવિત ।
લાવણ્યાકર કારુણયવારિધે પાહિ માં પ્રભો ॥ ૧૦ ॥
એણાઙ્કચૂડ કાણાદશાસ્ત્રપ્રજ્ઞાપ્રદાયક ।
શોણાધર નમસ્યામિ ત્વત્પાદામ્બુરુહદ્વયમ ॥ ૧૧ ॥
ઐહિકામુષ્મિકે પુંસાં સુલભે યત્પદાર્ચનાત ।
ચન્દ્રાર્ધવિલસન્મૌલિં નમામિ તમુમાપતિમ ॥ ૧૨ ॥
ઓમિત્યાખ્યાં યસ્યવેદા વેદાન્તાશ્ચ જગુર્મુહુઃ ।
ઓઙ્કારજપતુષ્ટં તં નૌમિ ચન્દ્રાર્ધશેખરમ ॥ ૧૩ ॥
ઔદાસીન્યં સમસ્તેષુ વિષયેષુ પ્રકુર્વતામ ।
સુલભં જગદીશાનં પાર્વતી પતિમાશ્રયે ॥ ૧૪ ॥
અઙ્ગશોભાપરાભૂતકોટિરાકાનિશાકરમ ।
અન્ધકાન્તકકામાદિગર્વહારિણમાશ્રયે ॥ ૧૫ ॥
અશ્ચ ઉશ્ચ મકારશ્ચ યન્નામાવયવાક્ષરાઃ ।
અશેષશુભદાતારં તં નૌમિ શશિશેખરમ ॥ ૧૬ ॥
કવિતા વૃણુતે રતીશતુલ્યં પતિમાસ્થાસહિતેવ માનિની ।
તરસા પુરુષં યદઙ્ઘ્રિનમ્રં તમહં નૌમિ શશાઙ્કબાલચૂડમ ॥ ૧૭ ॥
ખણ્ડેન ચાન્દ્રેણ કિરીટગેન વિરાજમાનં વૃષભાધિરૂઢ ।
ખવાયુતેજોઽમ્બુધરાદિરૂપં શૈલેન્દ્રસુતાસમેતમ ॥ ૧૮ ॥
ગદ્યાનિ પદ્યાનિ ચ શીઘ્રમેવ મૂકસ્ય વક્ત્રાદપિ નિઃસરન્તિ ।
યદીયકારુણ્યલવાત્તમીશં નમામિ ચન્દ્રાર્ધકભાસિમૌલિમ ॥ ૧૯ ॥
ઘટોદ્ભવાદ્યા મુનયો યદઙ્ઘ્રિસમર્ચનાતો મહતીં પ્રપન્નાઃ ।
સિદ્ધિં તમાનમ્રજનેષ્ટદાનનિબદ્ધદીક્ષં પ્રણમામિ શંભુમ ॥ ૨૦ ॥
ઙકારવાચ્યાય નમજ્જનૌઘવિદ્યાપ્રદાનપ્રવણાય શીઘ્રમ ।
વટાગમૂલૈકનિકેતનાય શ્રીદક્ષિણાસ્યાય નમઃ શિવાય ॥ ૨૧ ॥
ચયેન ભાસાં વપુષશ્ચકોરબન્ધું જયન્તં જિતપુષ્પચાપમ ।
પ્રાલેયશૈલેન્દ્રસુતામનોઽબ્જ ભાનું ભજે કઞ્ચન દેવવર્યમ ॥ ૨૨ ॥
છત્રં ચ વાલવ્યજને મનોજ્ઞે સમુદ્રકાઞ્ચીં પૃથિવીં ચ લોકાઃ ।
જવાદ્ભજન્તેઽપ્યતિકિંપચાના યદઙ્ઘ્રિનમ્રાસ્તમુમેશમીડે ॥ ૨૩ ॥
જન્મસ્વનેકેષુ વિધાય ધર્માન્સ્વવર્ણયોગ્યાન્મનુજોઽતિભક્ત્યા ।
જિજ્ઞાસતે યત્પદમાદરેણ તં નૌમિ સચ્ચિત્સુખરૂપમીશમ ॥ ૨૪ ॥
ઝરીં દધાનં દિવિષત્તટિન્યા ઝટિત્યયોગ્યાનપિ ભક્તિપૂર્ણાન ।
પુનાનમર્ધેન્દુલસત્કિરીટં યુવાનમીશં કલયામિ ચિત્તે ॥ ૨૫ ॥
ઞકારરૂપાય રવીન્દુવહ્નિનેત્રાય નાનાવિધરૂપધર્ત્રે ।
લોકાવનાયાતિમનોહરાય શૈલેન્દ્રકન્યાપતયે નમોઽસ્તુ ॥ ૨૬ ॥
ટવર્ણવાચ્યાય તડિત્પ્રભાય યમાદિયોગાઙ્ગવિદર્ચિતાય ।
શમાદિસંપત્સહિતપ્યપાદપદ્માય ગૌરીપતયે નમોઽસ્તુ ॥ ૨૭ ॥
ઠપુક્ત્રિવર્ણપ્રતિપાદિતાય હરાય નિઃશેષવિષાઘહર્ત્રે ।
શ્રીનીલકણ્ઠાય યમિપ્રવીરધ્યેયાય કુર્મઃ પ્રણાતિં પ્રમોદાત ॥ ૨૮ ॥
ડામરપ્રમુખદુઃખસમૂહધ્વંસદક્ષચરણસ્મરણસ્ય ।
શૈલજાહૃદયપઙ્કજભાનોઃ શઙ્કરસ્ય ચરણૌ પ્રણતોઽસ્મિ ॥ ૨૯ ॥
ઢક્કાખ્યવાદ્યશ્રવણોત્સુકાય પ્રાઢાય કન્દર્પશરપ્રભેદે ।
શિવાય ચન્દ્રાર્ધલસજ્જટાય કુર્મઃ પ્રમોદાત્પ્રણતેઃ સહસ્રમ ॥ ૩૦ ॥
ણાન્તદાદિહરિદુત્સુખમૂર્તે નાકનાથપરિસેવિતપાદ ।
વાસલોલ વટવૃક્ષતલે માં વારાણસ્યામિવ પાહિ દયાળો ॥ ૩૧ ॥
તપ્તાઃ સંસૃતિવહ્નિના ભુવિ નરાઃ સંપ્રાપ્ય સદ્દેશિકં
તસ્યાસ્યાચ્છ્રતિશીર્ષવાક્યનિચયં શ્રુત્વાર્થયુક્તં મુહુઃ ।
યુક્ત્યા શ્રુત્યવિરુદ્વયા તદનુસઞ્ચિન્ત્યાર્થમાદ્યોદિતં
ધ્યાત્વાઽજસ્રમવાપ્નુવન્તિ યમહં તં નૌમિ ગૌરીપતિમ ॥ ૩૨ ॥
થાયૈયેતિ સમસ્તદેવવનિતા નૃત્યં યદગ્રેઽન્વહં
કુર્વન્ત્યમ્બુજસંભવપ્રભૃતયઃ સ્તુન્વન્તિ વેદૈશ્ચ યમ ।
ઇન્દ્રાણીશરમાધવાદિસુરા યસ્યાર્ચનાં કુર્વતે
કલ્પાગપ્રભવૈઃ સુમૈસ્તમનિશં નૌમ્યાદિજાવલ્લભમ ॥ ૩૩ ॥
ઇતિ શ્રીશિવસુવર્ણમાલાસ્તવઃ સંપૂર્ણઃ ॥
– Chant Stotra in Other Languages –
Sri Shiva Suvarnamala Stavah in Gujarati – Bengali – Marathi – Kannada – Malayalam । Telugu