॥ Shiva Suvarnamala Stavah Kannada Lyrics ॥
॥ ಶ್ರೀಶಿವ ಸುವರ್ಣಮಾಲಾ ಸ್ತವಃ ॥
ಅನೇಕಕೋಟಿಬ್ರಹ್ಮಾಣ್ಡಜನನೀನಾಯಕಪ್ರಭೋ ।
ಅನೇಕಪ್ರಮುಖಸ್ಕನ್ದಪರಿಸೇವಿತ ಪಾಹಿ ಮಾಮ್ ॥ ೧ ॥
ಆಕಾರಾಪಾರನಿರ್ವ್ಯಾಜಕರುಣಾಯಾಃ ಸತೀಪತೇ ।
ಆಶಾಭಿಪೂರಕಾನಮ್ರವಿತತೇಃ ಪಾಹಿ ಶಙ್ಕರ ॥ ೨ ॥
ಇಭಾಶ್ವಮುಖಸಂಪತ್ತಿದಾನದಕ್ಷಕೃಪಾಲವ ।
ಇಷ್ಟಪ್ರಾಲೇಯಶೈಲೇನ್ದ್ರಪುತ್ರ್ಯಾಃ ಪಾಹಿ ಗಿರೀಶ ಮಾಮ್ ॥ ೩ ॥
ಈಹಾಶೂನ್ಯಜನಾವಾಪ್ಯ ನತಾನನ್ದಾಬ್ಧಿಚನ್ದ್ರಮಃ ।
ಈಶಾನ ಸರ್ವವಿದ್ಯಾನಾಮಿನ್ದುಚೂಡ ಸದಾಽವ ಮಾಮ್ ॥ ೪ ॥
ಉರಗಾಧಿಪಸಂರಾಜತ್ಪದಪಙ್ಕೇರುಹದ್ವಯ ।
ಉಡುರಾಜಕೃತೋತ್ತಂಸ ಗಿರಿಜಾಸಖ ಮಾಮವ ॥ ೫ ॥
ಊರೀಕೃತವಿನಮ್ರೇಷ್ಟಪೂಗಸಂಪೂರಣವ್ರತ ।
ಅಖಿಲಾಮರಕೋಟೀರನಿಘೃಷ್ಟಪದ ಪಾಹಿ ಮಾಮ್ ॥ ೬ ॥
ಋದ್ಧಿದಾಮ್ಭೋಜವಾಸಾಯಾಃ ಕಾಮಮಾಶು ನಮತ್ತತೇಃ ।
ಶೈಲೇನ್ದ್ರತನಯಾಶ್ಲಿಷ್ಟ ಶರ್ವ ಮಾಂ ಪಾಹಿ ಸರ್ವದಾ ॥ ೭ ॥
ಋಸ್ವರಾಖ್ಯೇಯರೂಪಾಯ ಭೂತಿದಾಯಾದರಾದ್ದುತಮ್ ।
ಷಣ್ಮುಖೇಭಾಸ್ಯಪೂಜ್ಯಾಯ ನಮ್ರಶ್ಚನ್ದ್ರಾರ್ಧಮೌಲಯೇ ॥ ೮ ॥
ಲೃಕಾರಾಖ್ಯಾಯ ಲಕ್ಷ್ಮೀಶದ್ರುಹಿಣಾದ್ಯರ್ಚಿತಾಙ್ಘ್ರಯೇ ।
ಅಪಾರಕರುಣಾಜನ್ಮಭೂಮಯೇ ಶಂಭವೇ ನಮಃ ॥ ೯ ॥
ಲೄಸ್ವರೂಪ ಲಲಾಟಾಕ್ಷ ಲಾಕಿನ್ಯಾದಿನಿಷೇವಿತ ।
ಲಾವಣ್ಯಾಕರ ಕಾರುಣಯವಾರಿಧೇ ಪಾಹಿ ಮಾಂ ಪ್ರಭೋ ॥ ೧೦ ॥
ಏಣಾಙ್ಕಚೂಡ ಕಾಣಾದಶಾಸ್ತ್ರಪ್ರಜ್ಞಾಪ್ರದಾಯಕ।
ಶೋಣಾಧರ ನಮಸ್ಯಾಮಿ ತ್ವತ್ಪಾದಾಮ್ಬುರುಹದ್ವಯಮ್ ॥ ೧೧ ॥
ಐಹಿಕಾಮುಷ್ಮಿಕೇ ಪುಂಸಾಂ ಸುಲಭೇ ಯತ್ಪದಾರ್ಚನಾತ್ ।
ಚನ್ದ್ರಾರ್ಧವಿಲಸನ್ಮೌಲಿಂ ನಮಾಮಿ ತಮುಮಾಪತಿಮ್ ॥ ೧೨ ॥
ಓಮಿತ್ಯಾಖ್ಯಾಂ ಯಸ್ಯವೇದಾ ವೇದಾನ್ತಾಶ್ಚ ಜಗುರ್ಮುಹುಃ ।
ಓಙ್ಕಾರಜಪತುಷ್ಟಂ ತಂ ನೌಮಿ ಚನ್ದ್ರಾರ್ಧಶೇಖರಮ್ ॥ ೧೩ ॥
ಔದಾಸೀನ್ಯಂ ಸಮಸ್ತೇಷು ವಿಷಯೇಷು ಪ್ರಕುರ್ವತಾಮ್ ।
ಸುಲಭಂ ಜಗದೀಶಾನಂ ಪಾರ್ವತೀ ಪತಿಮಾಶ್ರಯೇ ॥ ೧೪ ॥
ಅಙ್ಗಶೋಭಾಪರಾಭೂತಕೋಟಿರಾಕಾನಿಶಾಕರಮ್ ।
ಅನ್ಧಕಾನ್ತಕಕಾಮಾದಿಗರ್ವಹಾರಿಣಮಾಶ್ರಯೇ ॥ ೧೫ ॥
ಅಶ್ಚ ಉಶ್ಚ ಮಕಾರಶ್ಚ ಯನ್ನಾಮಾವಯವಾಕ್ಷರಾಃ ।
ಅಶೇಷಶುಭದಾತಾರಂ ತಂ ನೌಮಿ ಶಶಿಶೇಖರಮ್ ॥ ೧೬ ॥
ಕವಿತಾ ವೃಣುತೇ ರತೀಶತುಲ್ಯಂ ಪತಿಮಾಸ್ಥಾಸಹಿತೇವ ಮಾನಿನೀ ।
ತರಸಾ ಪುರುಷಂ ಯದಙ್ಘ್ರಿನಮ್ರಂ ತಮಹಂ ನೌಮಿ ಶಶಾಙ್ಕಬಾಲಚೂಡಮ್ ॥ ೧೭ ॥
ಖಣ್ಡೇನ ಚಾನ್ದ್ರೇಣ ಕಿರೀಟಗೇನ ವಿರಾಜಮಾನಂ ವೃಷಭಾಧಿರೂಢ ।
ಖವಾಯುತೇಜೋಽಮ್ಬುಧರಾದಿರೂಪಂ ಶೈಲೇನ್ದ್ರಸುತಾಸಮೇತಮ್ ॥ ೧೮ ॥
ಗದ್ಯಾನಿ ಪದ್ಯಾನಿ ಚ ಶೀಘ್ರಮೇವ ಮೂಕಸ್ಯ ವಕ್ತ್ರಾದಪಿ ನಿಃಸರನ್ತಿ ।
ಯದೀಯಕಾರುಣ್ಯಲವಾತ್ತಮೀಶಂ ನಮಾಮಿ ಚನ್ದ್ರಾರ್ಧಕಭಾಸಿಮೌಲಿಮ್ ॥ ೧೯ ॥
ಘಟೋದ್ಭವಾದ್ಯಾ ಮುನಯೋ ಯದಙ್ಘ್ರಿಸಮರ್ಚನಾತೋ ಮಹತೀಂ ಪ್ರಪನ್ನಾಃ ।
ಸಿದ್ಧಿಂ ತಮಾನಮ್ರಜನೇಷ್ಟದಾನನಿಬದ್ಧದೀಕ್ಷಂ ಪ್ರಣಮಾಮಿ ಶಂಭುಮ್ ॥ ೨೦ ॥
ಙಕಾರವಾಚ್ಯಾಯ ನಮಜ್ಜನೌಘವಿದ್ಯಾಪ್ರದಾನಪ್ರವಣಾಯ ಶೀಘ್ರಮ್ ।
ವಟಾಗಮೂಲೈಕನಿಕೇತನಾಯ ಶ್ರೀದಕ್ಷಿಣಾಸ್ಯಾಯ ನಮಃ ಶಿವಾಯ ॥ ೨೧ ॥
ಚಯೇನ ಭಾಸಾಂ ವಪುಷಶ್ಚಕೋರಬನ್ಧುಂ ಜಯನ್ತಂ ಜಿತಪುಷ್ಪಚಾಪಮ್ ।
ಪ್ರಾಲೇಯಶೈಲೇನ್ದ್ರಸುತಾಮನೋಽಬ್ಜ ಭಾನುಂ ಭಜೇ ಕಞ್ಚನ ದೇವವರ್ಯಮ್ ॥ ೨೨ ॥
ಛತ್ರಂ ಚ ವಾಲವ್ಯಜನೇ ಮನೋಜ್ಞೇ ಸಮುದ್ರಕಾಞ್ಚೀಂ ಪೃಥಿವೀಂ ಚ ಲೋಕಾಃ ।
ಜವಾದ್ಭಜನ್ತೇಽಪ್ಯತಿಕಿಂಪಚಾನಾ ಯದಙ್ಘ್ರಿನಮ್ರಾಸ್ತಮುಮೇಶಮೀಡೇ ॥ ೨೩ ॥
ಜನ್ಮಸ್ವನೇಕೇಷು ವಿಧಾಯ ಧರ್ಮಾನ್ಸ್ವವರ್ಣಯೋಗ್ಯಾನ್ಮನುಜೋಽತಿಭಕ್ತ್ಯಾ ।
ಜಿಜ್ಞಾಸತೇ ಯತ್ಪದಮಾದರೇಣ ತಂ ನೌಮಿ ಸಚ್ಚಿತ್ಸುಖರೂಪಮೀಶಮ್ ॥ ೨೪ ॥
ಝರೀಂ ದಧಾನಂ ದಿವಿಷತ್ತಟಿನ್ಯಾ ಝಟಿತ್ಯಯೋಗ್ಯಾನಪಿ ಭಕ್ತಿಪೂರ್ಣಾನ್ ।
ಪುನಾನಮರ್ಧೇನ್ದುಲಸತ್ಕಿರೀಟಂ ಯುವಾನಮೀಶಂ ಕಲಯಾಮಿ ಚಿತ್ತೇ ॥ ೨೫ ॥
ಞಕಾರರೂಪಾಯ ರವೀನ್ದುವಹ್ನಿನೇತ್ರಾಯ ನಾನಾವಿಧರೂಪಧರ್ತ್ರೇ ।
ಲೋಕಾವನಾಯಾತಿಮನೋಹರಾಯ ಶೈಲೇನ್ದ್ರಕನ್ಯಾಪತಯೇ ನಮೋಽಸ್ತು ॥ ೨೬ ॥
ಟವರ್ಣವಾಚ್ಯಾಯ ತಡಿತ್ಪ್ರಭಾಯ ಯಮಾದಿಯೋಗಾಙ್ಗವಿದರ್ಚಿತಾಯ ।
ಶಮಾದಿಸಂಪತ್ಸಹಿತಪ್ಯಪಾದಪದ್ಮಾಯ ಗೌರೀಪತಯೇ ನಮೋಽಸ್ತು ॥ ೨೭ ॥
ಠಪುಕ್ತ್ರಿವರ್ಣಪ್ರತಿಪಾದಿತಾಯ ಹರಾಯ ನಿಃಶೇಷವಿಷಾಘಹರ್ತ್ರೇ ।
ಶ್ರೀನೀಲಕಣ್ಠಾಯ ಯಮಿಪ್ರವೀರಧ್ಯೇಯಾಯ ಕುರ್ಮಃ ಪ್ರಣಾತಿಂ ಪ್ರಮೋದಾತ್ ॥ ೨೮ ॥
ಡಾಮರಪ್ರಮುಖದುಃಖಸಮೂಹಧ್ವಂಸದಕ್ಷಚರಣಸ್ಮರಣಸ್ಯ ।
ಶೈಲಜಾಹೃದಯಪಙ್ಕಜಭಾನೋಃ ಶಙ್ಕರಸ್ಯ ಚರಣೌ ಪ್ರಣತೋಽಸ್ಮಿ ॥ ೨೯ ॥
ಢಕ್ಕಾಖ್ಯವಾದ್ಯಶ್ರವಣೋತ್ಸುಕಾಯ ಪ್ರಾಢಾಯ ಕನ್ದರ್ಪಶರಪ್ರಭೇದೇ ।
ಶಿವಾಯ ಚನ್ದ್ರಾರ್ಧಲಸಜ್ಜಟಾಯ ಕುರ್ಮಃ ಪ್ರಮೋದಾತ್ಪ್ರಣತೇಃ ಸಹಸ್ರಮ್ ॥ ೩೦ ॥
ಣಾನ್ತದಾದಿಹರಿದುತ್ಸುಖಮೂರ್ತೇ ನಾಕನಾಥಪರಿಸೇವಿತಪಾದ ।
ವಾಸಲೋಲ ವಟವೃಕ್ಷತಲೇ ಮಾಂ ವಾರಾಣಸ್ಯಾಮಿವ ಪಾಹಿ ದಯಾಳೋ ॥ ೩೧ ॥
ತಪ್ತಾಃ ಸಂಸೃತಿವಹ್ನಿನಾ ಭುವಿ ನರಾಃ ಸಂಪ್ರಾಪ್ಯ ಸದ್ದೇಶಿಕಂ
ತಸ್ಯಾಸ್ಯಾಚ್ಛ್ರತಿಶೀರ್ಷವಾಕ್ಯನಿಚಯಂ ಶ್ರುತ್ವಾರ್ಥಯುಕ್ತಂ ಮುಹುಃ ।
ಯುಕ್ತ್ಯಾ ಶ್ರುತ್ಯವಿರುದ್ವಯಾ ತದನುಸಞ್ಚಿನ್ತ್ಯಾರ್ಥಮಾದ್ಯೋದಿತಂ
ಧ್ಯಾತ್ವಾಽಜಸ್ರಮವಾಪ್ನುವನ್ತಿ ಯಮಹಂ ತಂ ನೌಮಿ ಗೌರೀಪತಿಮ್ ॥ ೩೨ ॥
ಥಾಯೈಯೇತಿ ಸಮಸ್ತದೇವವನಿತಾ ನೃತ್ಯಂ ಯದಗ್ರೇಽನ್ವಹಂ
ಕುರ್ವನ್ತ್ಯಮ್ಬುಜಸಂಭವಪ್ರಭೃತಯಃ ಸ್ತುನ್ವನ್ತಿ ವೇದೈಶ್ಚ ಯಮ್ ।
ಇನ್ದ್ರಾಣೀಶರಮಾಧವಾದಿಸುರಾ ಯಸ್ಯಾರ್ಚನಾಂ ಕುರ್ವತೇ
ಕಲ್ಪಾಗಪ್ರಭವೈಃ ಸುಮೈಸ್ತಮನಿಶಂ ನೌಮ್ಯಾದಿಜಾವಲ್ಲಭಮ್ ॥ ೩೩ ॥
ಇತಿ ಶ್ರೀಶಿವಸುವರ್ಣಮಾಲಾಸ್ತವಃ ಸಂಪೂರ್ಣಃ ॥
– Chant Stotra in Other Languages –
Sri Shiva Suvarnamala Stavah in Gujarati – Bengali – Marathi – Kannada – Malayalam । Telugu