॥ Sri Shodashi Shatanama Stotram Gujarati Lyrics ॥
॥ શ્રીષોડશીશતનામસ્તોત્રમ્ ॥
ભૃગુરુવાચ –
ચતુર્વક્ત્ર જગન્નાથ સ્તોત્રં વદ મયિ પ્રભો ।
યસ્યાનુષ્ઠાનમાત્રેણ નરો ભક્તિમવાપ્નુયાત્ ॥ ૧ ॥
બ્રહ્મોવાચ –
સહસ્રનામ્નામાકૃષ્ય નામ્નામષ્ટોત્તરં શતમ્ ।
ગુહ્યાદ્ગુહ્યતરં ગુહ્યં સુન્દર્યાઃ પરિકીર્તિતમ્ ॥ ૨ ॥
અસ્ય શ્રીષોડશ્યષ્ટોત્તરશતનામસ્તોત્રસ્ય શમ્ભુરૃષિઃ
અનુષ્ટુપ્ છન્દઃ શ્રીષોડશી દેવતા ધર્માર્થકામમોક્ષસિદ્ધયે
વિનિયોગઃ ॥
ૐ ત્રિપુરા ષોડશી માતા ત્ર્યક્ષરા ત્રિતયા ત્રયી ।
સુન્દરી સુમુખી સેવ્યા સામવેદપરાયણા ॥ ૩ ॥
શારદા શબ્દનિલયા સાગરા સરિદમ્બરા ।
શુદ્ધા શુદ્ધતનુસ્સાધ્વી શિવધ્યાનપરાયણા ॥ ૪ ॥
સ્વામિની શમ્ભુવનિતા શામ્ભવી ચ સરસ્વતી ।
સમુદ્રમથિની શીઘ્રગામિની શીઘ્રસિદ્ધિદા ॥ ૫ ॥
સાધુસેવ્યા સાધુગમ્યા સાધુસન્તુષ્ટમાનસા ।
ખટ્વાઙ્ગધારિણી ખર્વા ખડ્ગખર્પરધારિણી ॥ ૬ ॥
ષડ્વર્ગભાવરહિતા ષડ્વર્ગપરિચારિકા ।
ષડ્વર્ગા ચ ષડઙ્ગા ચ ષોઢા ષોડશવાર્ષિકી ॥ ૭ ॥
ક્રતુરૂપા ક્રતુમયી ઋભુક્ષક્રતુમણ્ડિતા ।
કવર્ગાદિ પવર્ગાન્તા અન્તસ્થાનન્તરૂપિણી ॥ ૮ ॥
અકારાકારરહિતા કાલમૃત્યુજરાપહા ।
તન્વી તત્ત્વેશ્વરી તારા ત્રિવર્ષા જ્ઞાનરૂપિણી ॥ ૯ ॥
કાલી કરાલી કામેશી છાયા સંજ્ઞાપ્યરુન્ધતી ।
નિર્વિકલ્પા મહાવેગા મહોત્સાહા મહોદરી ॥ ૧૦ ॥
મેઘા બલાકા વિમલા વિમલજ્ઞાનદાયિની ।
ગૌરી વસુન્ધરા ગોપ્ત્રી ગવામ્પતિનિષેવિતા ॥ ૧૧ ॥
ભગાઙ્ગા ભગરૂપા ચ ભક્તિભાવપરાયણા ।
છિન્નમસ્તા મહાધૂમા તથા ધૂમ્રવિભૂષણા ॥ ૧૨ ॥
ધર્મકર્માદિ રહિતા ધર્મકર્મપરાયણા ।
સીતા માતઙ્ગિની મેધા મધુદૈત્યવિનાશિની ॥ ૧૩ ॥
ભૈરવી ભુવના માતાઽભયદા ભવસુન્દરી ।
ભાવુકા બગલા કૃત્યા બાલા ત્રિપુરસુન્દરી ॥ ૧૪ ॥
રોહિણી રેવતી રમ્યા રમ્ભા રાવણવન્દિતા ।
શતયજ્ઞમયી સત્ત્વા શતક્રતુવરપ્રદા ॥ ૧૫ ॥
શતચન્દ્રાનના દેવી સહસ્રાદિત્યસન્નિભા ।
સોમસૂર્યાગ્નિનયના વ્યાઘ્રચર્મામ્બરાવૃતા ॥ ૧૬ ॥
અર્ધેન્દુધારિણી મત્તા મદિરા મદિરેક્ષણા ।
ઇતિ તે કથિતં ગોપ્યં નામ્નામષ્ટોત્તરં શતમ્ ॥ ૧૭ ॥
સુન્દર્યાઃ સર્વદં સેવ્યં મહાપાતકનાશનમ્ ।
ગોપનીયં ગોપનીયં ગોપનીયં કલૌ યુગે ॥ ૧૮ ॥
સહસ્રનામપાઠસ્ય ફલં યદ્વૈ પ્રકીર્તિતમ્ ।
તસ્માત્કોટિગુણં પુણ્યં સ્તવસ્યાસ્ય પ્રકીર્તનાત્ ॥ ૧૯ ॥
પઠેત્સદા ભક્તિયુતો નરો યો નિશીથકાલેઽપ્યરુણોદયે વા ।
પ્રદોષકાલે નવમીદિનેઽથવા લભેત ભોગાન્પરમાદ્ભુતાન્પ્રિયાન્ ॥ ૨૦ ॥
ઇતિ બ્રહ્મયામલે પૂર્વખણ્ડે ષોડશ્યષ્ટોત્તરશતનામસ્તોત્રં સમાપ્તમ્ ॥
– Chant Stotra in Other Languages –
Sri Durga Slokam » Sri Shodashi Shatanama Stotram Lyrics in Sanskrit » English » Bengali » Kannada » Malayalam » Odia » Telugu » Tamil