॥ Sri Shodashi Shatanama Stotram Telugu Lyrics ॥
॥ శ్రీషోడశీశతనామస్తోత్రమ్ ॥
భృగురువాచ –
చతుర్వక్త్ర జగన్నాథ స్తోత్రం వద మయి ప్రభో ।
యస్యానుష్ఠానమాత్రేణ నరో భక్తిమవాప్నుయాత్ ॥ ౧ ॥
బ్రహ్మోవాచ –
సహస్రనామ్నామాకృష్య నామ్నామష్టోత్తరం శతమ్ ।
గుహ్యాద్గుహ్యతరం గుహ్యం సున్దర్యాః పరికీర్తితమ్ ॥ ౨ ॥
అస్య శ్రీషోడశ్యష్టోత్తరశతనామస్తోత్రస్య శమ్భురృషిః
అనుష్టుప్ ఛన్దః శ్రీషోడశీ దేవతా ధర్మార్థకామమోక్షసిద్ధయే
వినియోగః ॥
ఓం త్రిపురా షోడశీ మాతా త్ర్యక్షరా త్రితయా త్రయీ ।
సున్దరీ సుముఖీ సేవ్యా సామవేదపరాయణా ॥ ౩ ॥
శారదా శబ్దనిలయా సాగరా సరిదమ్బరా ।
శుద్ధా శుద్ధతనుస్సాధ్వీ శివధ్యానపరాయణా ॥ ౪ ॥
స్వామినీ శమ్భువనితా శామ్భవీ చ సరస్వతీ ।
సముద్రమథినీ శీఘ్రగామినీ శీఘ్రసిద్ధిదా ॥ ౫ ॥
సాధుసేవ్యా సాధుగమ్యా సాధుసన్తుష్టమానసా ।
ఖట్వాఙ్గధారిణీ ఖర్వా ఖడ్గఖర్పరధారిణీ ॥ ౬ ॥
షడ్వర్గభావరహితా షడ్వర్గపరిచారికా ।
షడ్వర్గా చ షడఙ్గా చ షోఢా షోడశవార్షికీ ॥ ౭ ॥
క్రతురూపా క్రతుమయీ ఋభుక్షక్రతుమణ్డితా ।
కవర్గాది పవర్గాన్తా అన్తస్థానన్తరూపిణీ ॥ ౮ ॥
అకారాకారరహితా కాలమృత్యుజరాపహా ।
తన్వీ తత్త్వేశ్వరీ తారా త్రివర్షా జ్ఞానరూపిణీ ॥ ౯ ॥
కాలీ కరాలీ కామేశీ ఛాయా సంజ్ఞాప్యరున్ధతీ ।
నిర్వికల్పా మహావేగా మహోత్సాహా మహోదరీ ॥ ౧౦ ॥
మేఘా బలాకా విమలా విమలజ్ఞానదాయినీ ।
గౌరీ వసున్ధరా గోప్త్రీ గవామ్పతినిషేవితా ॥ ౧౧ ॥
భగాఙ్గా భగరూపా చ భక్తిభావపరాయణా ।
ఛిన్నమస్తా మహాధూమా తథా ధూమ్రవిభూషణా ॥ ౧౨ ॥
ధర్మకర్మాది రహితా ధర్మకర్మపరాయణా ।
సీతా మాతఙ్గినీ మేధా మధుదైత్యవినాశినీ ॥ ౧౩ ॥
భైరవీ భువనా మాతాఽభయదా భవసున్దరీ ।
భావుకా బగలా కృత్యా బాలా త్రిపురసున్దరీ ॥ ౧౪ ॥
రోహిణీ రేవతీ రమ్యా రమ్భా రావణవన్దితా ।
శతయజ్ఞమయీ సత్త్వా శతక్రతువరప్రదా ॥ ౧౫ ॥
శతచన్ద్రాననా దేవీ సహస్రాదిత్యసన్నిభా ।
సోమసూర్యాగ్నినయనా వ్యాఘ్రచర్మామ్బరావృతా ॥ ౧౬ ॥
అర్ధేన్దుధారిణీ మత్తా మదిరా మదిరేక్షణా ।
ఇతి తే కథితం గోప్యం నామ్నామష్టోత్తరం శతమ్ ॥ ౧౭ ॥
సున్దర్యాః సర్వదం సేవ్యం మహాపాతకనాశనమ్ ।
గోపనీయం గోపనీయం గోపనీయం కలౌ యుగే ॥ ౧౮ ॥
సహస్రనామపాఠస్య ఫలం యద్వై ప్రకీర్తితమ్ ।
తస్మాత్కోటిగుణం పుణ్యం స్తవస్యాస్య ప్రకీర్తనాత్ ॥ ౧౯ ॥
పఠేత్సదా భక్తియుతో నరో యో నిశీథకాలేఽప్యరుణోదయే వా ।
ప్రదోషకాలే నవమీదినేఽథవా లభేత భోగాన్పరమాద్భుతాన్ప్రియాన్ ॥ ౨౦ ॥
ఇతి బ్రహ్మయామలే పూర్వఖణ్డే షోడశ్యష్టోత్తరశతనామస్తోత్రం సమాప్తమ్ ॥
– Chant Stotra in Other Languages –
Sri Durga Slokam » Sri Shodashi Shatanama Stotram Lyrics in Sanskrit » English » Bengali » Gujarati » Kannada » Malayalam » Odia » Tamil