॥ Sri Shukra Ashtottara Shatanama Stotram Telugu Lyrics ॥
॥ శ్రీశుక్రాష్టోత్తరశతనామస్తోత్రమ్ ॥
శుక్ర బీజ మన్త్ర – ఓం ద్రాఁ ద్రీం ద్రౌం సః శుక్రాయ నమః ॥
శుక్రః శుచిః శుభగుణః శుభదః శుభలక్షణః ।
శోభనాక్షః శుభ్రరూపః శుద్ధస్ఫటికభాస్వరః ॥ ౧ ॥
దీనార్తిహారకో దైత్యగురుః దేవాభివన్దితః ।
కావ్యాసక్తః కామపాలః కవిః కళ్యాణదాయకః ॥ ౨ ॥
భద్రమూర్తిర్భద్రగుణో భార్గవో భక్తపాలనః ।
భోగదో భువనాధ్యక్షో భుక్తిముక్తిఫలప్రదః ॥ ౩ ॥
చారుశీలశ్చారురూపశ్చారుచన్ద్రనిభాననః ।
నిధిర్నిఖిలశాస్త్రజ్ఞో నీతివిద్యాధురన్ధరః ॥ ౪ ॥
సర్వలక్షణసమ్పన్నః సర్వాపద్గుణవర్జితః ।
సమానాధికనిర్ముక్తః సకలాగమపారగః ॥ ౫ ॥
భృగుర్భోగకరో భూమిసురపాలనతత్పరః ।
మనస్వీ మానదో మాన్యో మాయాతీతో మహాషయః ॥ ౬ ॥
బలిప్రసన్నోఽభయదో బలీ బలపరాక్రమః ।
భవపాశపరిత్యాగో బలిబన్ధవిమోచకః ॥ ౭ ॥
ఘనాశయో ఘనాధ్యక్షో కమ్బుగ్రీవః కళాధరః ।
కారుణ్యరససమ్పూర్ణః కళ్యాణగుణవర్ధనః ॥ ౮ ॥
శ్వేతామ్బరః శ్వేతవపుః చతుర్భుజసమన్వితః ।
అక్షమాలాధరోఽచిన్త్యః అక్షీణగుణభాసురః ॥ ౯ ॥
నక్షత్రగణసఞ్చారో నయదో నీతిమార్గదః ।
వర్షప్రదో హృషీకేశః క్లేశనాశకరః కవిః ॥ ౧౦ ॥
చిన్తితార్థప్రదః శాన్తమతిః చిత్తసమాధికృత్ ।
ఆధివ్యాధిహరో భూరివిక్రమః పుణ్యదాయకః ॥ ౧౧ ॥
పురాణపురుషః పూజ్యః పురుహూతాదిసన్నుతః ।
అజేయో విజితారాతిర్వివిధాభరణోజ్జ్వలః ॥ ౧౨ ॥
కున్దపుష్పప్రతీకాశో మన్దహాసో మహామతిః ।
ముక్తాఫలసమానాభో ముక్తిదో మునిసన్నుతః ॥ ౧౩ ॥
రత్నసింహాసనారూఢో రథస్థో రజతప్రభః ।
సూర్యప్రాగ్దేశసఞ్చారః సురశత్రుసుహృత్ కవిః ॥ ౧౪ ॥
తులావృషభరాశీశో దుర్ధరో ధర్మపాలకః ।
భాగ్యదో భవ్యచారిత్రో భవపాశవిమోచకః ॥ ౧౫ ॥
గౌడదేశేశ్వరో గోప్తా గుణీ గుణవిభూషణః ।
జ్యేష్ఠానక్షత్రసమ్భూతో జ్యేష్ఠః శ్రేష్ఠః శుచిస్మితః ॥ ౧౬ ॥
అపవర్గప్రదోఽనన్తః సన్తానఫలదాయకః ।
సర్వైశ్వర్యప్రదః సర్వగీర్వాణగణసన్నుతః ॥ ౧౭ ॥
ఏవం శుక్రగ్రహస్యైవ క్రమాదష్టోత్తరం శతమ్ ।
సర్వపాపప్రశమనమ్ సర్వపుణ్యఫలప్రదమ్ ॥ ౧౮ ॥
యః పఠేచ్ఛ్రుణుయాద్వాపి సర్వాన్కామానవాప్నుయాత్ ॥ ౧౯ ॥
– Chant Stotra in Other Languages –
Sri Navagraha Slokam » Sri Shukra Ashtottara Shatanama Stotram Lyrics in Sanskrit » English » Bengali » Gujarati » Kannada » Malayalam » Odia » Tamil