॥ Sri Sita Ashtottara Shatanama Stotram Kannada Lyrics ॥
॥ ಶ್ರೀ ಸೀತಾ ಅಷ್ಟೋತ್ತರಶತನಾಮ ಸ್ತೋತ್ರಂ ॥
ಅಗಸ್ತ್ಯ ಉವಾಚ ।
ಏವಂ ಸುತೀಕ್ಷ್ಣ ಸೀತಾಯಾಃ ಕವಚಂ ತೇ ಮಯೇರಿತಮ್ ।
ಅತಃ ಪರಂ ಶ್ರುಣುಷ್ವಾನ್ಯತ್ ಸೀತಾಯಾಃ ಸ್ತೋತ್ರಮುತ್ತಮಮ್ ॥ ೧ ॥
ಯಸ್ಮಿನಷ್ಟೋತ್ತರಶತಂ ಸೀತಾ ನಾಮಾನಿ ಸಂತಿ ಹಿ ।
ಅಷ್ಟೋತ್ತರಶತಂ ಸೀತಾ ನಾಮ್ನಾಂ ಸ್ತೋತ್ರಮನುತ್ತಮಮ್ ॥ ೨ ॥
ಯೇ ಪಠಂತಿ ನರಾಸ್ತ್ವತ್ರ ತೇಷಾಂ ಚ ಸಫಲೋ ಭವಃ ।
ತೇ ಧನ್ಯಾ ಮಾನವಾ ಲೋಕೇ ತೇ ವೈಕುಂಠಂ ವ್ರಜಂತಿ ಹಿ ॥ ೩
ನ್ಯಾಸಃ –
ಅಸ್ಯ ಶ್ರೀ ಸೀತಾನಾಮಾಷ್ಟೋತ್ತರ ಶತಮಂತ್ರಸ್ಯ, ಅಗಸ್ತ್ಯ ಋಷಿಃ, ಅನುಷ್ಟುಪ್ ಛಂದಃ, ರಮೇತಿ ಬೀಜಂ, ಮಾತುಲಿಂಗೀತಿ ಶಕ್ತಿಃ, ಪದ್ಮಾಕ್ಷಜೇತಿ ಕೀಲಕಂ, ಅವನಿಜೇತ್ಯಸ್ತ್ರಂ, ಜನಕಜೇತಿ ಕವಚಂ, ಮೂಲಕಾಸುರಮರ್ದಿನೀತಿ ಪರಮೋ ಮಂತ್ರಃ, ಶ್ರೀ ಸೀತಾರಾಮಚಂದ್ರ ಪ್ರೀತ್ಯರ್ಥಂ ಸಕಲ ಕಾಮನಾ ಸಿದ್ಧ್ಯರ್ಥಂ ಜಪೇ ವಿನಿಯೋಗಃ ॥
ಕರನ್ಯಾಸಃ ।
ಓಂ ಸೀತಾಯೈ ಅಂಗುಷ್ಠಾಭ್ಯಾಂ ನಮಃ ।
ಓಂ ರಮಾಯೈ ತರ್ಜನೀಭ್ಯಾಂ ನಮಃ ।
ಓಂ ಮಾತುಲಿಂಗ್ಯೈ ಮಧ್ಯಮಾಭ್ಯಾಂ ನಮಃ ।
ಓಂ ಪದ್ಮಾಕ್ಷಜಾಯೈ ಅನಾಮಿಕಾಭ್ಯಾಂ ನಮಃ ।
ಓಂ ಅವನಿಜಾಯೈ ಕನಿಷ್ಠಿಕಾಭ್ಯಾಂ ನಮಃ ।
ಓಂ ಜನಕಜಾಯೈ ಕರತಲ ಕರಪೃಷ್ಠಾಭ್ಯಾಂ ನಮಃ ॥
ಅಂಗನ್ಯಾಸಃ ।
ಓಂ ಸೀತಾಯೈ ಹೃದಯಾಯ ನಮಃ ।
ಓಂ ರಮಾಯೈ ಶಿರಸೇ ಸ್ವಾಹಾ ।
ಓಂ ಮಾತುಲಿಂಗ್ಯೈ ಶಿಖಾಯೈ ವಷಟ್ ।
ಓಂ ಪದ್ಮಾಕ್ಷಜಾಯೈ ನೇತ್ರತ್ರಯಾಯ ವೌಷಟ್ ।
ಓಂ ಜನಕಾತ್ಮಜಾಯೈ ಅಸ್ತ್ರಾಯ ಫಟ್ ।
ಓಂ ಮೂಲಕಾಸುರಮರ್ದಿನ್ಯೈ ಇತಿ ದಿಗ್ಬಂಧಃ ॥
ಧ್ಯಾನಮ್ ।
ವಾಮಾಂಗೇ ರಘುನಾಯಕಸ್ಯ ರುಚಿರೇ ಯಾ ಸಂಸ್ಥಿತಾ ಶೋಭನಾ
ಯಾ ವಿಪ್ರಾಧಿಪ ಯಾನ ರಮ್ಯ ನಯನಾ ಯಾ ವಿಪ್ರಪಾಲಾನನಾ ।
ವಿದ್ಯುತ್ಪುಂಜವಿರಾಜಮಾನ ವಸನಾ ಭಕ್ತಾರ್ತಿ ಸಂಖಂಡನಾ
ಶ್ರೀಮದ್ರಾಘವಪಾದಪದ್ಮಯುಗಳ ನ್ಯಸ್ತೇಕ್ಷಣಾ ಸಾವತು ॥
ಸ್ತೋತ್ರಮ್ ।
ಶ್ರೀ ಸೀತಾ ಜಾನಕೀ ದೇವೀ ವೈದೇಹೀ ರಾಘವಪ್ರಿಯಾ ।
ರಮಾಽವನಿಸುತಾ ರಾಮಾ ರಾಕ್ಷಸಾಂತಪ್ರಕಾರಿಣೀ ॥ ೧ ॥
ರತ್ನಗುಪ್ತಾ ಮಾತುಲಿಂಗೀ ಮೈಥಿಲೀ ಭಕ್ತತೋಷದಾ ।
ಪದ್ಮಾಕ್ಷಜಾ ಕಂಜನೇತ್ರಾ ಸ್ಮಿತಾಸ್ಯಾ ನೂಪುರಸ್ವನಾ ॥ ೨ ॥
ವೈಕುಂಠನಿಲಯಾ ಮಾಯಾ ಶ್ರೀಃ ಮುಕ್ತಿದಾ ಕಾಮಪೂರಣೀ ।
ನೃಪಾತ್ಮಜಾ ಹೇಮವರ್ಣಾ ಮೃದುಲಾಂಗೀ ಸುಭಾಷಿಣೀ ॥ ೩ ॥
ಕುಶಾಂಬಿಕಾ ದಿವ್ಯದಾ ಚ ಲವಮಾತಾ ಮನೋಹರಾ ।
ಹನೂಮದ್ವಂದಿತಪದಾ ಮುಗ್ಧಾ ಕೇಯೂರಧಾರಿಣೀ ॥ ೪ ॥
ಅಶೋಕವನಮಧ್ಯಸ್ಥಾ ರಾವಣಾದಿಕಮೋಹಿನೀ ।
ವಿಮಾನಸಂಸ್ಥಿತಾ ಸುಭ್ರೂಃ ಸುಕೇಶೀ ರಶನಾನ್ವಿತಾ ॥ ೫ ॥
ರಜೋರೂಪಾ ಸತ್ತ್ವರೂಪಾ ತಾಮಸೀ ವಹ್ನಿವಸಿನೀ ।
ಹೇಮಮೃಗಾಸಕ್ತಚಿತ್ತಾ ವಾಲ್ಮೀಕಾಶ್ರಮವಾಸಿನೀ ॥ ೬ ॥
ಪತಿವ್ರತಾ ಮಹಾಮಾಯಾ ಪೀತಕೌಶೇಯವಾಸಿನೀ ।
ಮೃಗನೇತ್ರಾ ಚ ಬಿಂಬೋಷ್ಠೀ ಧನುರ್ವಿದ್ಯಾವಿಶಾರದಾ ॥ ೭ ॥
ಸೌಮ್ಯರೂಪಾ ದಶರಥಸ್ನುಷಾ ಚಾಮರವೀಜಿತಾ ।
ಸುಮೇಧಾ ದುಹಿತಾ ದಿವ್ಯರೂಪಾ ತ್ರೈಲೋಕ್ಯಪಾಲಿನೀ ॥ ೮ ॥
ಅನ್ನಪೂರ್ಣಾ ಮಹಾಲಕ್ಷ್ಮೀಃ ಧೀರ್ಲಜ್ಜಾ ಚ ಸರಸ್ವತೀ ।
ಶಾಂತಿಃ ಪುಷ್ಟಿಃ ಶಮಾ ಗೌರೀ ಪ್ರಭಾಽಯೋಧ್ಯಾನಿವಾಸಿನೀ ॥ ೯ ॥
ವಸಂತಶೀತಲಾ ಗೌರೀ ಸ್ನಾನಸಂತುಷ್ಟಮಾನಸಾ ।
ರಮಾನಾಮಭದ್ರಸಂಸ್ಥಾ ಹೇಮಕುಂಭಪಯೋಧರಾ ॥ ೧೦ ॥
ಸುರಾರ್ಚಿತಾ ಧೃತಿಃ ಕಾಂತಿಃ ಸ್ಮೃತಿರ್ಮೇಧಾ ವಿಭಾವರೀ ।
ಲಘೂದರಾ ವರಾರೋಹಾ ಹೇಮಕಂಕಣಮಂಡಿತಾ ॥ ೧೧ ॥
ದ್ವಿಜಪತ್ನ್ಯರ್ಪಿತನಿಜಭೂಷಾ ರಾಘವತೋಷಿಣೀ ।
ಶ್ರೀರಾಮಸೇವನರತಾ ರತ್ನತಾಟಂಕಧಾರಿಣೀ ॥ ೧೨ ॥
ರಾಮವಾಮಾಂಕಸಂಸ್ಥಾ ಚ ರಾಮಚಂದ್ರೈಕರಂಜಿನೀ ।
ಸರಯೂಜಲಸಂಕ್ರೀಡಾಕಾರಿಣೀ ರಾಮಮೋಹಿನೀ ॥ ೧೩ ॥
ಸುವರ್ಣತುಲಿತಾ ಪುಣ್ಯಾ ಪುಣ್ಯಕೀರ್ತಿಃ ಕಳಾವತೀ ।
ಕಲಕಂಠಾ ಕಂಬುಕಂಠಾ ರಂಭೋರೂರ್ಗಜಗಾಮಿನೀ ॥ ೧೪ ॥
ರಾಮಾರ್ಪಿತಮನಾ ರಾಮವಂದಿತಾ ರಾಮವಲ್ಲಭಾ ।
ಶ್ರೀರಾಮಪದಚಿಹ್ನಾಂಗಾ ರಾಮರಾಮೇತಿಭಾಷಿಣೀ ॥ ೧೫ ॥
ರಾಮಪರ್ಯಂಕಶಯನಾ ರಾಮಾಂಘ್ರಿಕ್ಷಾಲಿಣೀ ವರಾ ।
ಕಾಮಧೇನ್ವನ್ನಸಂತುಷ್ಟಾ ಮಾತುಲುಂಗಕರಾಧೃತಾ ॥ ೧೬ ॥
ದಿವ್ಯಚಂದನಸಂಸ್ಥಾ ಶ್ರೀ ಮೂಲಕಾಸುರಮರ್ದಿನೀ ।
ಏವಂ ಅಷ್ಟೋತ್ತರಶತಂ ಸೀತಾ ನಾಮ್ನಾಂ ಸುಪುಣ್ಯದಮ್ ॥ ೧೭ ॥
ಯೇ ಪಠಂತಿ ನರಾ ಭೂಮ್ಯಾಂ ತೇ ಧನ್ಯಾಃ ಸ್ವರ್ಗಗಾಮಿನಃ ।
ಅಷ್ಟೋತ್ತರಶತಂ ನಾಮ್ನಾಂ ಸೀತಾಯಾಃ ಸ್ತೋತ್ರಮುತ್ತಮಮ್ ॥ ೧೮ ॥
ಜಪನೀಯಂ ಪ್ರಯತ್ನೇನ ಸರ್ವದಾ ಭಕ್ತಿಪೂರ್ವಕಮ್ ।
ಸಂತಿ ಸ್ತೋತ್ರಾಣ್ಯನೇಕಾನಿ ಪುಣ್ಯದಾನಿ ಮಹಾಂತಿ ಚ ॥ ೧೯ ॥
ನಾನೇನ ಸದೃಶಾನೀಹ ತಾನಿ ಸರ್ವಾಣಿ ಭೂಸುರ ।
ಸ್ತೋತ್ರಾಣಾಮುತ್ತಮಂ ಚೇದಂ ಭುಕ್ತಿ ಮುಕ್ತಿ ಪ್ರದಂ ನೃಣಾಮ್ ॥ ೨೦ ॥
ಏವಂ ಸುತೀಕ್ಷ್ಣ ತೇ ಪ್ರೋಕ್ತಂ ಅಷ್ಟೋತ್ತರಶತಂ ಶುಭಮ್ ।
ಸೀತಾ ನಾಮ್ನಾಂ ಪುಣ್ಯದಂ ಚ ಶ್ರವಣಾನ್ ಮಂಗಳಪ್ರದಮ್ ॥ ೨೧ ॥
ನರೈಃ ಪ್ರಾತಃ ಸಮುತ್ಥಾಯ ಪಠಿತವ್ಯಂ ಪ್ರಯತ್ನತಃ ।
ಸೀತಾ ಪೂಜನ ಕಾಲೇಪಿ ಸರ್ವವಾಂಛಿತದಾಯಕಮ್ ॥ ೨೨ ॥
ಇತಿ ಶ್ರೀಮದಾನಂದರಾಮಾಯಣೇ ಸೀತಾಷ್ಟೋತ್ತರಶತನಾಮ ಸ್ತೋತ್ರಮ್ ।
– Chant Stotra in Other Languages –
Sri Sita Ashtottara Shatanama Stotram in Sanskrit – English – Kannada – Telugu – Tamil