॥ Sudarshana Ashtakam Telugu Lyrics ॥
॥ సుదర్శనాష్టకమ్ ॥
శ్రీమతే నిగమాన్త మహాదేశికాయ నమః
శ్రీమాన్ వేఙ్కటనాథార్యః కవితార్కిక కేసరీ ।
వేదన్తాచార్య వర్యో మే సన్నిధత్తామ్ సదా హృది ॥
Verse 1:
ప్రతిభటశ్రేణి భీషణ వరగుణస్తోమ భూషణ
జనిభయస్థాన తారణ జగదవస్థాన కారణ ।
నిఖిలదుష్కర్మ కర్శన నిగమసద్ధర్మ దర్శన
జయ జయ శ్రీ సుదర్శన జయ జయ శ్రీ సుదర్శన ॥
Verse 2:
శుభజగద్రూప మణ్డన సురగణత్రాస ఖణ్డన
శతమఖబ్రహ్మ వన్దిత శతపథబ్రహ్మ నన్దిత ।
ప్రథితవిద్వత్ సపక్షిత భజదహిర్బుధ్న్య లక్షిత
జయ జయ శ్రీ సుదర్శన జయ జయ శ్రీ సుదర్శన ॥
Verse 3:
స్ఫుటతటిజ్జాల పిఞ్జర పృథుతరజ్వాల పఞ్జర
పరిగత ప్రత్నవిగ్రహ పతుతరప్రజ్ఞ దుర్గ్రహ ।
ప్రహరణ గ్రామ మణ్డిత పరిజన త్రాణ పణ్డిత
జయ జయ శ్రీ సుదర్శన జయ జయ శ్రీ సుదర్శన ॥
Verse 4:
నిజపదప్రీత సద్గణ నిరుపధిస్ఫీత షడ్గుణ
నిగమ నిర్వ్యూఢ వైభవ నిజపర వ్యూహ వైభవ ।
హరి హయ ద్వేషి దారణ హర పుర ప్లోష కారణ
జయ జయ శ్రీ సుదర్శన జయ జయ శ్రీ సుదర్శన ॥
Verse 5:
దనుజ విస్తార కర్తన జని తమిస్రా వికర్తన
దనుజవిద్యా నికర్తన భజదవిద్యా నివర్తన ।
అమర దృష్ట స్వ విక్రమ సమర జుష్ట భ్రమిక్రమ
జయ జయ శ్రీ సుదర్శన జయ జయ శ్రీ సుదర్శన ॥
Verse 6:
ప్రథిముఖాలీఢ బన్ధుర పృథుమహాహేతి దన్తుర
వికటమాయ బహిష్కృత వివిధమాలా పరిష్కృత ।
స్థిరమహాయన్త్ర తన్త్రిత దృఢ దయా తన్త్ర యన్త్రిత
జయ జయ శ్రీ సుదర్శన జయ జయ శ్రీ సుదర్శన ॥
Verse 7:
మహిత సమ్పత్ సదక్షర విహితసమ్పత్ షడక్షర
షడరచక్ర ప్రతిష్ఠిత సకల తత్త్వ ప్రతిష్ఠిత ।
వివిధ సఙ్కల్ప కల్పక విబుధసఙ్కల్ప కల్పక
జయ జయ శ్రీ సుదర్శన జయ జయ శ్రీ సుదర్శన ॥
Verse 8:
భువన నేత్ర త్రయీమయ సవన తేజస్త్రయీమయ
నిరవధి స్వాదు చిన్మయ నిఖిల శక్తే జగన్మయ ।
అమిత విశ్వక్రియామయ శమిత విశ్వగ్భయామయ
జయ జయ శ్రీ సుదర్శన జయ జయ శ్రీ సుదర్శన ॥
Verse 9:
ఫల శ్రుతి
ద్విచతుష్కమిదం ప్రభూతసారం పఠతాం వేఙ్కటనాయక ప్రణీతమ్ ।
విషమేఽపి మనోరథః ప్రధావన్ న విహన్యేత రథాఙ్గ ధుర్య గుప్తః ॥
॥ ఇతి శ్రీవేదాన్తదేశికరచితం సుదర్శనాష్టకం సమాప్తమ్ ॥
కవితార్కికసింహాయ కల్యాణగుణశాలినే ।
శ్రీమతే వేఙ్కటేషాయ వేదాన్తగురవే నమః ॥
– Chant Stotra in Other Languages –
Sri Sudarshana Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil