॥ Vishvakarma’s Surya Ashtottara Shatanama Stotram Odia Lyrics ॥
॥ ନରସିଂହପୁରାଣେ ସୂର୍ୟାଷ୍ଟୋତ୍ତରଶତନାମସ୍ତୋତ୍ରଂ ଵିଶ୍ଵକର୍ମକୃତ ॥
ଭରଦ୍ଵାଜ ଉଵାଚ —
ୟୈଃ ସ୍ତୁତୋ ନାମଭିସ୍ତେନ ସଵିତା ଵିଶ୍ଵକର୍ମଣା ।
ତାନ୍ୟହଂ ଶ୍ରୋତୁମିଚ୍ଛାମି ଵଦ ସୂତ ଵିଵସ୍ଵତଃ ॥ ୧ ॥
ସୂତ ଉଵାଚ —
ତାନି ମେ ଶୃଣୁ ନାମାନି ୟୈଃ ସ୍ତୁତୋ ଵିଶ୍ଵକର୍ମଣା ।
ସଵିତା ତାନି ଵକ୍ଷ୍ୟାମି ସର୍ଵପାପହରାଣି ତେ ॥ ୨ ॥
ଆଦିତ୍ୟଃ ସଵିତା ସୂର୍ୟଃ ଖଗଃ ପୂଷା ଗଭସ୍ତିମାନ୍ ।
ତିମିରୋନ୍ମଥନଃ ଶମ୍ଭୁସ୍ତ୍ଵଷ୍ଟା ମାର୍ତଣ୍ଡ ଆଶୁଗଃ ॥ ୩ ॥
ହିରଣ୍ୟଗର୍ଭଃ କପିଲସ୍ତପନୋ ଭାସ୍କରୋ ରଵିଃ ।
ଅଗ୍ନିଗର୍ଭୋଽଦିତେଃ ପୁତ୍ରଃ ଶମ୍ଭୁସ୍ତିମିରନାଶନଃ ॥ ୪ ॥
ଅଂଶୁମାନଂଶୁମାଲୀ ଚ ତମୋଘ୍ନସ୍ତେଜସାଂ ନିଧିଃ ।
ଆତପୀ ମଣ୍ଡଲୀ ମୃତ୍ୟୁଃ କପିଲଃ ସର୍ଵତାପନଃ ॥ ୫ ॥
ହରିର୍ଵିଶ୍ଵୋ ମହାତେଜାଃ ସର୍ଵରତ୍ନପ୍ରଭାକରଃ ।
ଅଂଶୁମାଲୀ ତିମିରହା ଋଗ୍ୟଜୁସ୍ସାମଭାଵିତଃ ॥ ୬ ॥
ପ୍ରାଣାଵିଷ୍କରଣୋ ମିତ୍ରଃ ସୁପ୍ରଦୀପୋ ମନୋଜଵଃ ।
ୟଜ୍ଞେଶୋ ଗୋପତିଃ ଶ୍ରୀମାନ୍ ଭୂତଜ୍ଞଃ କ୍ଲେଶନାଶନଃ ॥ ୭ ॥
ଅମିତ୍ରହା ଶିଵୋ ହଂସୋ ନାୟକଃ ପ୍ରିୟଦର୍ଶନଃ ।
ଶୁଦ୍ଧୋ ଵିରୋଚନଃ କେଶୀ ସହସ୍ରାଂଶୁଃ ପ୍ରତର୍ଦନଃ ॥ ୮ ॥
ଧର୍ମରଶ୍ମିଃ ପତଂଗଶ୍ଚ ଵିଶାଲୋ ଵିଶ୍ଵସଂସ୍ତୁତଃ ।
ଦୁର୍ଵିଜ୍ଞେୟଗତିଃ ଶୂରସ୍ତେଜୋରାଶିର୍ମହାୟଶାଃ ॥ ୯ ॥
ଭ୍ରାଜିଷ୍ଣୁର୍ଜ୍ୟୋତିଷାମୀଶୋ ଵିଜିଷ୍ଣୁର୍ଵିଶ୍ଵଭାଵନଃ ।
ପ୍ରଭଵିଷ୍ଣୁଃ ପ୍ରକାଶାତ୍ମା ଜ୍ଞାନରାଶିଃ ପ୍ରଭାକରଃ ॥ ୧୦ ॥
ଆଦିତ୍ୟୋ ଵିଶ୍ଵଦୃଗ୍ ୟଜ୍ଞକର୍ତା ନେତା ୟଶସ୍କରଃ ।
ଵିମଲୋ ଵୀର୍ୟଵାନୀଶୋ ୟୋଗଜ୍ଞୋ ୟୋଗଭାଵନଃ ॥ ୧୧ ॥
ଅମୃତାତ୍ମା ଶିଵୋ ନିତ୍ୟୋ ଵରେଣ୍ୟୋ ଵରଦଃ ପ୍ରଭୁଃ ।
ଧନଦଃ ପ୍ରାଣଦଃ ଶ୍ରେଷ୍ଠଃ କାମଦଃ କାମରୂପଧୃକ୍ ॥ ୧୨ ॥
ତରଣିଃ ଶାଶ୍ଵତଃ ଶାସ୍ତା ଶାସ୍ତ୍ରଜ୍ଞସ୍ତପନଃ ଶୟଃ ।
ଵେଦଗର୍ଭୋ ଵିଭୁର୍ଵୀରଃ ଶାନ୍ତଃ ସାଵିତ୍ରିଵଲ୍ଲଭଃ ॥ ୧୩ ॥
ଧ୍ୟେୟୋ ଵିଶ୍ଵେଶ୍ଵରୋ ଭର୍ତା ଲୋକନାଥୋ ମହେଶ୍ଵରଃ ।
ମହେନ୍ଦ୍ରୋ ଵରୁଣୋ ଧାତା ଵିଷ୍ଣୁରଗ୍ନିର୍ଦିଵାକରଃ ॥ ୧୪ ॥
ଏତୈସ୍ତୁ ନାମଭିଃ ସୂର୍ୟଃ ସ୍ତୁତସ୍ତେନ ମହାତ୍ମନା ।
ଉଵାଚ ଵିଶ୍ଵକର୍ମାଣଂ ପ୍ରସନ୍ନୋ ଭଗଵାନ୍ ରଵିଃ ॥ ୧୫ ॥
ଭ୍ରମିମାରୋପ୍ୟ ମାମତ୍ର ମଣ୍ଡଲଂ ମମ ଶାତୟ ।
ତ୍ଵତ୍ବୁଦ୍ଧିସ୍ଥଂ ମୟା ଜ୍ଞାତମେଵମୌଷ୍ଣ୍ୟଂ ଶମଂ ଵ୍ରଜେତ୍ ॥ ୧୬ ॥
ଇତ୍ୟୁକ୍ତୋ ଵିଶ୍ଵକର୍ମା ଚ ତଥା ସ କୃତଵାନ୍ ଦ୍ଵିଜ ।
ଶାନ୍ତୋଷ୍ଣଃ ସଵିତା ତସ୍ୟ ଦୁହିତୁର୍ଵିଶ୍ଵକର୍ମଣଃ ॥ ୧୭ ॥
ସଂଜ୍ଞାୟାଶ୍ଚାଭଵଦ୍ଵିପ୍ର ଭାନୁସ୍ତ୍ଵଷ୍ଟାରମବ୍ରଵୀତ୍ ।
ତ୍ଵୟା ୟସ୍ମାତ୍ ସ୍ତୁତୋଽହଂ ଵୈ ନାମ୍ନାମଷ୍ଟଶତେନ ଚ ॥ ୧୮ ॥
ଵରଂ ଵୃଣୀଷ୍ଵ ତସ୍ମାତ୍ ତ୍ଵଂ ଵରଦୋଽହଂ ତଵାନଘ ।
ଇତ୍ୟୁକ୍ତୋ ଭାନୁନା ସୋଽଥ ଵିଶ୍ଵକର୍ମାବ୍ରଵୀଦିଦମ୍ ॥ ୧୯ ॥
ଵରଦୋ ୟଦି ମେ ଦେଵ ଵରମେତଂ ପ୍ରୟଚ୍ଛ ମେ ।
ଏତୈସ୍ତୁ ନାମଭିର୍ୟସ୍ତ୍ଵାଂ ନରଃ ସ୍ତୋଷ୍ୟତି ନିତ୍ୟଶଃ ॥ ୨୦ ॥
ତସ୍ୟ ପାପକ୍ଷୟଂ ଦେଵ କୁରୁ ଭକ୍ତସ୍ୟ ଭାସ୍କର ॥ ୨୧ ॥
ତେନୈଵମୁକ୍ତୋ ଦିନକୃତ୍ ତଥେତି
ତ୍ଵଷ୍ଟାରମୁକ୍ତ୍ଵା ଵିରରାମ ଭାସ୍କରଃ ।
ସଂଜ୍ଞାଂ ଵିଶଙ୍କାଂ ରଵିମଣ୍ଡଲସ୍ଥିତାଂ
କୃତ୍ଵା ଜଗାମାଥ ରଵିଂ ପ୍ରସାଦ୍ୟ ॥ ୨୨ ॥
ଇତି ଶ୍ରୀନରସିଂହପୁରାଣେ ଏକୋନଵିଂଶୋଽଧ୍ୟାୟଃ ॥ ୧୯ ॥
– Chant Stotra in Other Languages –
Navagraha Slokam » Sri Surya Ashtottara Shatanama Stotra by Vishvakarma Lyrics in Sanskrit » English » Bengali » Gujarati » Kannada » Malayalam » Telugu » Tamil