॥ Sri Surya Mandala Ashtakam 2 Bengali Lyrics ॥
॥ সূর্যাষ্টকম্ ২ ॥
শ্রীগণেশায় নমঃ ।
প্রভাতে য়স্মিন্নভ্যুদিতসময়ে কর্মসু নৃণাং
প্রবর্তেদ্বৈ চেতো গতিরপি চ শীতাপহরণম্ ।
গতো মৈত্র্যং পৃথ্বীসুরকুলপতের্যশ্চ তমহং
নমামি শ্রীসূর্যং তিমিরহরণং শান্তশরণম্ ॥ ১ ॥
ত্রিনেত্রোঽপ্যঞ্জল্যা সুরমুকুটসংবৃষ্টচরণে
বলিং নীত্বা নিত্যং স্তুতিমুদিতকালাস্তসময়ে ।
নিধানং য়স্যায়ং কুরুত ইতি ধাম্নামধিপতি
নমামি শ্রীসূর্যং তিমিরহরণং শান্তশরণম্ ॥ ২ ॥
মৃগাঙ্কে মূর্তিত্বং হ্যমরগণ ভর্তাকৃত ইতি
নৃণাং বর্ত্মাত্মাত্মোক্ষিণিতবিদুষাং য়শ্চ য়জতাম্ ।
ক্রতুর্লোকানাং য়ো লয়ভরভবেষুপ্রভুরয়ং
নমামি শ্রীসূর্যং তিমিরহরণং শান্তশরণম্ ॥ ৩ ॥
দিশঃ খং কালো ভূরুদধিরচলং চাক্ষুষমিদং
বিভাগো য়েনায়ং নিখিলমহসা দীপয়তি তান্ ।
স্বয়ং শুদ্ধং সংবিন্নিরতিশয়মানন্দমজরং
নমামি শ্রীসূর্যং তিমিরহরণং শান্তশরণম্ ॥ ৪ ॥
বৃষাত্পঞ্চস্বেত্যৌঢয়তি দিনমানন্দগমনস্-
তথা বৃদ্ধিং রাত্রৈঃ প্রকটয়তি কীটাজ্জবগতিঃ ।
তুলে মেষে য়াতো রচয়তি সমানং দিননিশং
নমামি শ্রীসূর্যং তিমিরহরণং শান্তশরণম্ ॥ ৫ ॥
বহন্তে য়ং হ্যশ্বা অরুণবিনি য়ুক্তাঃ প্রমুদিতাস্-
ত্রয়ীরূপং সাক্ষাদ্দধতি চ রথং মুক্তিসদনম্ ।
নজীবানাং য়ং বৈ বিষয়তি মনো বাগবসরো
নমামি শ্রীসূর্যং তিমিরহরণং শান্তশরণম্ ॥ ৬ ॥
তথা ব্রহ্মা নিত্যং মুনিজনয়ুতা য়স্য পুরতশ্-
চলন্তে নৃত্যন্তোঽয়ুতমুত রসেনানুগুণিতং ।
নিবধ্নন্তী নাগা রথমপি চ নাগায়ুতবলা
নমামি শ্রীসূর্যং তিমিরহরণং শান্তশরণম্ ॥ ৭ ॥
প্রভাতে ব্রহ্মাণং শিবতনুভৃতং মধ্যদিবসে
তথা সায়ং বিষ্ণুং জগতি হিতকারী সুখকরম্ ।
সদা তেজোরাশিং ত্রিবিবমথ পাপৌঘশমনং
নমামি শ্রীসূর্যং তিমিরহরণং শান্তশরণম্ ॥ ৮ ॥
মতং শাস্ত্রাণাং য়ত্তদনু রঘুনাথেন রচিতং
শুভং চুংরাগ্রামে তিমিরহরসূর্যাষ্টকমিদম্ ।
ত্রিসন্ধ্যায়াং নিত্যং পঠতি মনুজোঽনন্যগতিমাংশ্-
চতুর্বর্গপ্রাপ্তৌ প্রভবতি সদা তস্য বিজয়ম্ ॥ ৯ ॥
নন্দেন্দ্বঙ্ক্ক্ষিতাবব্দে (১৯১৯) মার্গমাসে শুভে দলে ।
সূর্যাষ্টকমিদং প্রোক্তং দশম্যাং রবিবাসরে ॥ ১০ ॥
ইতি শ্রীপণ্ডিতরঘুনাথশর্মণা বিরচিতং শ্রীসূর্যাষ্টকং সম্পূর্ণম্ ।
– Chant Stotra in Other Languages –
Surya Bhagavan Slokam » Surya Mandala Ashtakam 2 Lyrics in Sanskrit » English » Gujarati » Kannada » Malayalam » Odia » Telugu » Tamil