॥ Sri Surya Mandala Ashtakam 2 Malayalam Lyrics ॥
॥ സൂര്യാഷ്ടകം 2 ॥
ശ്രീഗണേശായ നമഃ ।
പ്രഭാതേ യസ്മിന്നഭ്യുദിതസമയേ കര്‍മസു നൃണാം
പ്രവര്‍തേദ്വൈ ചേതോ ഗതിരപി ച ശീതാപഹരണം ।
ഗതോ മൈത്ര്യം പൃഥ്വീസുരകുലപതേര്യശ്ച തമഹം
നമാമി ശ്രീസൂര്യം തിമിരഹരണം ശാന്തശരണം ॥ 1 ॥
ത്രിനേത്രോഽപ്യഞ്ജല്യാ സുരമുകുടസംവൃഷ്ടചരണേ
ബലിം നീത്വാ നിത്യം സ്തുതിമുദിതകാലാസ്തസമയേ ।
നിധാനം യസ്യായം കുരുത ഇതി ധാംനാമധിപതി
നമാമി ശ്രീസൂര്യം തിമിരഹരണം ശാന്തശരണം ॥ 2 ॥
മൃഗാങ്കേ മൂര്‍തിത്വം ഹ്യമരഗണ ഭര്‍താകൃത ഇതി
നൃണാം വര്‍ത്മാത്മാത്മോക്ഷിണിതവിദുഷാം യശ്ച യജതാം ।
ക്രതുര്ലോകാനാം യോ ലയഭരഭവേഷുപ്രഭുരയം
നമാമി ശ്രീസൂര്യം തിമിരഹരണം ശാന്തശരണം ॥ 3 ॥
ദിശഃ ഖം കാലോ ഭൂരുദധിരചലം ചാക്ഷുഷമിദം
വിഭാഗോ യേനായം നിഖിലമഹസാ ദീപയതി താന്‍ ।
സ്വയം ശുദ്ധം സംവിന്നിരതിശയമാനന്ദമജരം
നമാമി ശ്രീസൂര്യം തിമിരഹരണം ശാന്തശരണം ॥ 4 ॥
വൃഷാത്പഞ്ചസ്വേത്യൌഢയതി ദിനമാനന്ദഗമനസ്-
തഥാ വൃദ്ധിം രാത്രൈഃ പ്രകടയതി കീടാജ്ജവഗതിഃ ।
തുലേ മേഷേ യാതോ രചയതി സമാനം ദിനനിശം
നമാമി ശ്രീസൂര്യം തിമിരഹരണം ശാന്തശരണം ॥ 5 ॥
വഹന്തേ യം ഹ്യശ്വാ അരുണവിനി യുക്താഃ പ്രമുദിതാസ്-
ത്രയീരൂപം സാക്ഷാദ്ദധതി ച രഥം മുക്തിസദനം ।
നജീവാനാം യം വൈ വിഷയതി മനോ വാഗവസരോ
നമാമി ശ്രീസൂര്യം തിമിരഹരണം ശാന്തശരണം ॥ 6 ॥
തഥാ ബ്രഹ്മാ നിത്യം മുനിജനയുതാ യസ്യ പുരതശ്-
ചലന്തേ നൃത്യന്തോഽയുതമുത രസേനാനുഗുണിതം ।
നിബധ്നന്തീ നാഗാ രഥമപി ച നാഗായുതബലാ
നമാമി ശ്രീസൂര്യം തിമിരഹരണം ശാന്തശരണം ॥ 7 ॥
പ്രഭാതേ ബ്രഹ്മാണം ശിവതനുഭൃതം മധ്യദിവസേ
തഥാ സായം വിഷ്ണും ജഗതി ഹിതകാരീ സുഖകരം ।
സദാ തേജോരാശിം ത്രിവിവമഥ പാപൌഘശമനം
നമാമി ശ്രീസൂര്യം തിമിരഹരണം ശാന്തശരണം ॥ 8 ॥
മതം ശാസ്ത്രാണാം യത്തദനു രഘുനാഥേന രചിതം
ശുഭം ചുംരാഗ്രാമേ തിമിരഹരസൂര്യാഷ്ടകമിദം ।
ത്രിസന്ധ്യായാം നിത്യം പഠതി മനുജോഽനന്യഗതിമാംശ്-
ചതുര്‍വര്‍ഗപ്രാപ്തൌ പ്രഭവതി സദാ തസ്യ വിജയം ॥ 9 ॥
നന്ദേന്ദ്വങ്ക്ക്ഷിതാവബ്ദേ (1919) മാര്‍ഗമാസേ ശുഭേ ദലേ ।
സൂര്യാഷ്ടകമിദം പ്രോക്തം ദശംയാം രവിവാസരേ ॥ 10 ॥
ഇതി ശ്രീപണ്ഡിതരഘുനാഥശര്‍മണാ വിരചിതം ശ്രീസൂര്യാഷ്ടകം സമ്പൂര്‍ണം ।
– Chant Stotra in Other Languages –
Surya Bhagavan Slokam » Surya Mandala Ashtakam 2 Lyrics in Sanskrit » English » Bengali » Gujarati » Kannada » Odia » Telugu » Tamil