॥ Sri Svapnavilasamritashtakam Gujarati Lyrics ॥
શ્રીસ્વપ્નવિલાસામૃતાષ્ટકમ્
પ્રિયે ! સ્વપ્ને દૃષ્ટા સરિદિનસુતેવાત્ર પુલિનં
યથા વૃન્દારણ્યે નટનપટવસ્તત્ર બહવઃ ।
મૃદઙ્ગાદ્યં વાદ્યં વિવિધમિહ કશ્ચિદ્દ્વિજમણિઃ
સ વિદ્યુદ્ગૌરાઙ્ગઃ ક્ષિપતિ જગતીં પ્રેમજલધૌ ॥ ૧ ॥
કદાચિત્કૃષ્ણેતિ પ્રલપતિ રુદન્ કર્હિચિદસૌ
ક્વ રાધે હા હેતિ શ્વસિતિ પતતિ પ્રોઞ્ઝતિ ધૃતિમ્ ।
નટત્યુલ્લાસેન ક્વચિદપિ ગણૈઃ સ્વૈઃ પ્રણયિભિ-
સ્તૃણાદિબ્રહ્માન્તં જગદતિતરાં રોદયતિ સઃ ॥ ૨ ॥
તતો બુદ્ધિર્ભ્રાન્તા મમ સમજનિ પ્રેક્ષ્ય કિમહો
ભવેત્સોઽયં કાન્તઃ કિમયમહમેવાસ્મિ ન પરઃ ।
અહં ચેત્ક્વ પ્રેયાન્મમ સ કિલ ચેત્ક્વાહમિતિ મે
ભ્રમો ભૂયો ભૂયાનભવદથ નિદ્રાં ગતવતી ॥ ૩ ॥
પ્રિયે ! દૃષ્ટ્વા તાસ્તાઃ કુતુકિનિ મયા દર્શિતચરી
રમેશાદ્યા મૂર્તીર્ન ખલુ ભવતી વિસ્મયમગાત્ ।
કથં વિપ્રો વિસ્માપયિતુમશકત્ત્વાં તવ કથં
તથા ભ્રાન્તિં ધત્તે સ હિ ભવતિ કો હન્ત કિમિદમ્ ॥ ૪ ॥
ઇતિ પ્રોચ્ય પ્રેષ્ઠાં ક્ષણમથ પરામૃષ્ય રમણો
હસન્નાકૂતજ્ઞં વ્યનુદદથ તં કૌસ્તુભમણિમ્ ।
તથા દીપ્તં તેને સપદિ સ યથા દૃષ્ટમિવ ત-
દ્વિલાસાનાં લક્ષ્મં સ્થિરચરગણૈઃ સર્વમભવત્ ॥ ૫ ॥
વિભાવ્યાથ પ્રોચે પ્રિયતમ મયા જ્ઞાતમખિલં
તવાકૂતં યત્ત્વં સ્મિતમતનુથાસ્તત્ત્વમસિ સઃ ।
સ્ફુટં યન્ નાવદીર્યદભિમતિરત્રાપ્યહમિતિ
સ્ફુરન્તી મે તસ્માદહમપિ સ એવેત્યનુમિમે ॥ ૬ ॥
યદપ્યસ્માકીનં રતિપદમિદં કૌસ્તુભમણિં
પ્રદીપ્યાત્રૈવાદીદૃશદખિલજીવાનપિ ભવાન્ ।
સ્વશક્ત્યાવિર્ભૂય સ્વમખિલવિલાસં પ્રતિજનં
નિગદ્ય પ્રેમાબ્ધૌ પુનરપિ તદાધાસ્યસિ જગત્ ॥ ૭ ॥
યદુક્તં ગર્ગેણ વ્રજપતિસમક્ષં શ્રુતિવિદા
ભવેત્પીતો વર્ણઃ ક્વચિદપિ તવૈતન્ ન હિ મૃષા ।
અતઃ સ્વપ્નઃ સત્યો મમ ચ ન તદા ભ્રાન્તિરભવત્
ત્વમેવાસૌ સાક્ષાદિહ યદનુભૂતોઽસિ તદૃતમ્ ॥ ૮ ॥
પિબેદ્યસ્ય સ્વપ્નામૃતમિદમહો ચિત્તમધુપઃ
સ સન્દેહસ્વપ્નાત્ત્વરિતમિહ જાગર્તિ સુમતિઃ ।
અવાપ્તશ્ચૈતન્યં પ્રણયજલધૌ ખેલતિ યતો
ભૃશં ધત્તે તસ્મિન્નતુલકરુણાં કુઞ્જનૃપતિઃ ॥ ૯ ॥
ઇતિ શ્રીવિશ્વનાથચક્રવર્તિઠક્કુરવિરચિતસ્તવામૃતલહર્યાં
શ્રીસ્વપ્નવિલાસામૃતાષ્ટકં સમ્પૂર્ણમ્ ।
– Chant Stotra in Other Languages –
Sri Svapnavilasamritashtakam Lyrics in Sanskrit » English » Bengali » Kannada » Malayalam » Odia » Telugu » Tamil