॥ Sri Svapnavilasamritashtakam Telugu Lyrics ॥
శ్రీ స్వప్నవిలాసామృతాష్టకమ్
ప్రియే ! స్వప్నే దృష్టా సరిదినసుతేవాత్ర పులినం
యథా వృన్దారణ్యే నటనపటవస్తత్ర బహవః ।
మృదఙ్గాద్యం వాద్యం వివిధమిహ కశ్చిద్ద్విజమణిః
స విద్యుద్గౌరాఙ్గః క్షిపతి జగతీం ప్రేమజలధౌ ॥ ౧ ॥
కదాచిత్కృష్ణేతి ప్రలపతి రుదన్ కర్హిచిదసౌ
క్వ రాధే హా హేతి శ్వసితి పతతి ప్రోఞ్ఝతి ధృతిమ్ ।
నటత్యుల్లాసేన క్వచిదపి గణైః స్వైః ప్రణయిభి-
స్తృణాదిబ్రహ్మాన్తం జగదతితరాం రోదయతి సః ॥ ౨ ॥
తతో బుద్ధిర్భ్రాన్తా మమ సమజని ప్రేక్ష్య కిమహో
భవేత్సోఽయం కాన్తః కిమయమహమేవాస్మి న పరః ।
అహం చేత్క్వ ప్రేయాన్మమ స కిల చేత్క్వాహమితి మే
భ్రమో భూయో భూయానభవదథ నిద్రాం గతవతీ ॥ ౩ ॥
ప్రియే ! దృష్ట్వా తాస్తాః కుతుకిని మయా దర్శితచరీ
రమేశాద్యా మూర్తీర్న ఖలు భవతీ విస్మయమగాత్ ।
కథం విప్రో విస్మాపయితుమశకత్త్వాం తవ కథం
తథా భ్రాన్తిం ధత్తే స హి భవతి కో హన్త కిమిదమ్ ॥ ౪ ॥
ఇతి ప్రోచ్య ప్రేష్ఠాం క్షణమథ పరామృష్య రమణో
హసన్నాకూతజ్ఞం వ్యనుదదథ తం కౌస్తుభమణిమ్ ।
తథా దీప్తం తేనే సపది స యథా దృష్టమివ త-
ద్విలాసానాం లక్ష్మం స్థిరచరగణైః సర్వమభవత్ ॥ ౫ ॥
విభావ్యాథ ప్రోచే ప్రియతమ మయా జ్ఞాతమఖిలం
తవాకూతం యత్త్వం స్మితమతనుథాస్తత్త్వమసి సః ।
స్ఫుటం యన్ నావదీర్యదభిమతిరత్రాప్యహమితి
స్ఫురన్తీ మే తస్మాదహమపి స ఏవేత్యనుమిమే ॥ ౬ ॥
యదప్యస్మాకీనం రతిపదమిదం కౌస్తుభమణిం
ప్రదీప్యాత్రైవాదీదృశదఖిలజీవానపి భవాన్ ।
స్వశక్త్యావిర్భూయ స్వమఖిలవిలాసం ప్రతిజనం
నిగద్య ప్రేమాబ్ధౌ పునరపి తదాధాస్యసి జగత్ ॥ ౭ ॥
యదుక్తం గర్గేణ వ్రజపతిసమక్షం శ్రుతివిదా
భవేత్పీతో వర్ణః క్వచిదపి తవైతన్ న హి మృషా ।
అతః స్వప్నః సత్యో మమ చ న తదా భ్రాన్తిరభవత్
త్వమేవాసౌ సాక్షాదిహ యదనుభూతోఽసి తదృతమ్ ॥ ౮ ॥
పిబేద్యస్య స్వప్నామృతమిదమహో చిత్తమధుపః
స సన్దేహస్వప్నాత్త్వరితమిహ జాగర్తి సుమతిః ।
అవాప్తశ్చైతన్యం ప్రణయజలధౌ ఖేలతి యతో
భృశం ధత్తే తస్మిన్నతులకరుణాం కుఞ్జనృపతిః ॥ ౯ ॥
ఇతి శ్రీవిశ్వనాథచక్రవర్తిఠక్కురవిరచితస్తవామృతలహర్యాం
శ్రీస్వప్నవిలాసామృతాష్టకం సమ్పూర్ణమ్ ।
– Chant Stotra in Other Languages –
Sri Svapnavilasamritashtakam Lyrics in Sanskrit » English » Bengali » Gujarati » Kannada » Malayalam » Odia » Tamil