॥ Sri Svayambhagavattvashtakam Gujarati Lyrics ॥
॥ શ્રીસ્વયંભગવત્ત્વાષ્ટકમ્ ॥
સ્વજન્મન્યૈશ્વર્યં બલમિહ વધે દૈત્યવિતતે-
ર્યશઃ પાર્થત્રાણે યદુપુરિ મહાસમ્પદમધાત્ ।
પરં જ્ઞાનં જિષ્ણૌ મુષલમનુ વૈરાગ્યમનુ યો
ભગૈઃ ષડ્ભિઃ પૂર્ણઃ સ ભવતુ મુદે નન્દતનયઃ ॥ ૧ ॥
ચતુર્બાહુત્વં યઃ સ્વજનિ સમયે યો મૃદશને
જગત્કોટીં કુક્ષ્યન્તરપરિમિતત્વં સ્વવપુષઃ ।
દધિસ્ફોટે બ્રહ્મણ્યતનુત પરાનન્તતનુતાં
મહૈશ્વર્યઃ પૂર્ણઃ સ ભવતુ મુદે નન્દતનયઃ ॥ ૨ ॥
બલં બક્યાં દન્તચ્છદનવરયોઃ કેશિનિ નૃગે
નિઋપે બાહ્વોરઙ્ઘ્રેઃ ફણિનિ વપુષઃ કંસમરુતોઃ ।
ગિરિત્રે દૈત્યેષ્વપ્યતનુત નિજાસ્ત્રસ્ય યદતો
મહૌજોભિઃ પૂર્ણઃ સ ભવતુ મુદે નન્દતનયઃ ॥ ૩ ॥
અસઙ્ખ્યાતો ગોપ્યો વ્રજભુવિ મહિષ્યો યદુપુરે
સુતાઃ પ્રદ્યુમ્નાદ્યાઃ સુરતરુસુધર્માદિ ચ ધનમ્ ।
બહિર્દ્વારિ બ્રહ્માદ્યાપિ બલિવહં સ્તૌતિ યદતઃ
શ્રિયાં પૂરૈઃ પૂર્ણઃ સ ભવતુ મુદે નન્દતનયઃ ॥ ૪ ॥
યતો દત્તે મુક્તિં રિપુવિતતયે યન્ નરજનિ-
ર્વિજેતા રુદ્રાદેરપિ નતજનાધીન ઇતિ યત્ ।
સભાયાં દ્રૌપદ્યા વરકૃદતિપૂજ્યો નૃપમખે
યશોભિસ્તત્પૂર્ણઃ સ ભવતુ મુદે નન્દતનયઃ ॥ ૫ ॥
ન્યધાદ્ગીતારત્નં ત્રિજગદતુલં યત્પ્રિયસખે
પરં તત્ત્વં પ્રેમ્ણોદ્ધવપરમભક્તે ચ નિગમમ્ ।
નિજપ્રાણપ્રેસ્ઠાસ્વપિ રસભૃતં ગોપકુલજા-
સ્વતો જ્ઞાનૈઃ પૂર્ણઃ સ ભવતુ મુદે નન્દતનયઃ ॥ ૬ ॥
કૃતાગસ્કં વ્યાધં સતનુમપિ વૈકુણ્ઠમનયન્
મમત્વસ્યૈકાગ્રાનપિ પરિજનાન્ હન્ત વિજહૌ ।
યદ્યપ્યેતે શ્રુત્યા ધુવતનુતયોક્તાસ્તદપિ હા
સ્વવૈરાગ્યૈઃ પૂર્ણઃ સ ભવતુ મુદે નન્દતનયઃ ॥ ૭ ॥
અજત્વં જન્મિત્વં રતિરરતિતેહારહિતતા
સલીલત્વં વ્યાપ્તિઃ પરિમિતિરહંતામમતયોઃ ।
પદે ત્યાગાત્યાગાવુભયમપિ નિત્યં સદુરરી
કરોતીશઃ પૂર્ણઃ સ ભવતુ મુદે નન્દતનયઃ ॥ ૮ ॥
સમુદ્યત્સન્દેહજ્વરશતહરં ભેષજવરં
જનો યઃ સેવેત પ્રથિતભગવત્ત્વાષ્ટકમિદમ્ ।
તદૈશ્વર્યસ્વાદૈઃ સ્વધિયમતિવેલં સરસયન્
લભેતાસૌ તસ્ય પ્રિયપરિજનાનુગ્યપદવીમ્ ॥ ૯ ॥
ઇતિ શ્રીવિશ્વનાથચક્રવર્તિઠક્કુરવિરચિતસ્તવામૃતલહર્યાં
શ્રીશ્રીસ્વયંભગવત્ત્વાષ્ટકં સમ્પૂર્ણમ્ ।
– Chant Stotra in Other Languages –
Sri Svayam Bhagavattva Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil