॥ Sri Svayambhagavattvashtakam Kannada Lyrics ॥
॥ ಶ್ರೀಸ್ವಯಂಭಗವತ್ತ್ವಾಷ್ಟಕಮ್ ॥
ಸ್ವಜನ್ಮನ್ಯೈಶ್ವರ್ಯಂ ಬಲಮಿಹ ವಧೇ ದೈತ್ಯವಿತತೇ-
ರ್ಯಶಃ ಪಾರ್ಥತ್ರಾಣೇ ಯದುಪುರಿ ಮಹಾಸಮ್ಪದಮಧಾತ್ ।
ಪರಂ ಜ್ಞಾನಂ ಜಿಷ್ಣೌ ಮುಷಲಮನು ವೈರಾಗ್ಯಮನು ಯೋ
ಭಗೈಃ ಷಡ್ಭಿಃ ಪೂರ್ಣಃ ಸ ಭವತು ಮುದೇ ನನ್ದತನಯಃ ॥ 1 ॥
ಚತುರ್ಬಾಹುತ್ವಂ ಯಃ ಸ್ವಜನಿ ಸಮಯೇ ಯೋ ಮೃದಶನೇ
ಜಗತ್ಕೋಟೀಂ ಕುಕ್ಷ್ಯನ್ತರಪರಿಮಿತತ್ವಂ ಸ್ವವಪುಷಃ ।
ದಧಿಸ್ಫೋಟೇ ಬ್ರಹ್ಮಣ್ಯತನುತ ಪರಾನನ್ತತನುತಾಂ
ಮಹೈಶ್ವರ್ಯಃ ಪೂರ್ಣಃ ಸ ಭವತು ಮುದೇ ನನ್ದತನಯಃ ॥ 2 ॥
ಬಲಂ ಬಕ್ಯಾಂ ದನ್ತಚ್ಛದನವರಯೋಃ ಕೇಶಿನಿ ನೃಗೇ
ನಿಋಪೇ ಬಾಹ್ವೋರಂಘ್ರೇಃ ಫಣಿನಿ ವಪುಷಃ ಕಂಸಮರುತೋಃ ।
ಗಿರಿತ್ರೇ ದೈತ್ಯೇಷ್ವಪ್ಯತನುತ ನಿಜಾಸ್ತ್ರಸ್ಯ ಯದತೋ
ಮಹೌಜೋಭಿಃ ಪೂರ್ಣಃ ಸ ಭವತು ಮುದೇ ನನ್ದತನಯಃ ॥ 3 ॥
ಅಸಂಖ್ಯಾತೋ ಗೋಪ್ಯೋ ವ್ರಜಭುವಿ ಮಹಿಷ್ಯೋ ಯದುಪುರೇ
ಸುತಾಃ ಪ್ರದ್ಯುಮ್ನಾದ್ಯಾಃ ಸುರತರುಸುಧರ್ಮಾದಿ ಚ ಧನಮ್ ।
ಬಹಿರ್ದ್ವಾರಿ ಬ್ರಹ್ಮಾದ್ಯಾಪಿ ಬಲಿವಹಂ ಸ್ತೌತಿ ಯದತಃ
ಶ್ರಿಯಾಂ ಪೂರೈಃ ಪೂರ್ಣಃ ಸ ಭವತು ಮುದೇ ನನ್ದತನಯಃ ॥ 4 ॥
ಯತೋ ದತ್ತೇ ಮುಕ್ತಿಂ ರಿಪುವಿತತಯೇ ಯನ್ ನರಜನಿ-
ರ್ವಿಜೇತಾ ರುದ್ರಾದೇರಪಿ ನತಜನಾಧೀನ ಇತಿ ಯತ್ ।
ಸಭಾಯಾಂ ದ್ರೌಪದ್ಯಾ ವರಕೃದತಿಪೂಜ್ಯೋ ನೃಪಮಖೇ
ಯಶೋಭಿಸ್ತತ್ಪೂರ್ಣಃ ಸ ಭವತು ಮುದೇ ನನ್ದತನಯಃ ॥ 5 ॥
ನ್ಯಧಾದ್ಗೀತಾರತ್ನಂ ತ್ರಿಜಗದತುಲಂ ಯತ್ಪ್ರಿಯಸಖೇ
ಪರಂ ತತ್ತ್ವಂ ಪ್ರೇಮ್ಣೋದ್ಧವಪರಮಭಕ್ತೇ ಚ ನಿಗಮಮ್ ।
ನಿಜಪ್ರಾಣಪ್ರೇಸ್ಠಾಸ್ವಪಿ ರಸಭೃತಂ ಗೋಪಕುಲಜಾ-
ಸ್ವತೋ ಜ್ಞಾನೈಃ ಪೂರ್ಣಃ ಸ ಭವತು ಮುದೇ ನನ್ದತನಯಃ ॥ 6 ॥
ಕೃತಾಗಸ್ಕಂ ವ್ಯಾಧಂ ಸತನುಮಪಿ ವೈಕುಂಠಮನಯನ್
ಮಮತ್ವಸ್ಯೈಕಾಗ್ರಾನಪಿ ಪರಿಜನಾನ್ ಹನ್ತ ವಿಜಹೌ ।
ಯದ್ಯಪ್ಯೇತೇ ಶ್ರುತ್ಯಾ ಧುವತನುತಯೋಕ್ತಾಸ್ತದಪಿ ಹಾ
ಸ್ವವೈರಾಗ್ಯೈಃ ಪೂರ್ಣಃ ಸ ಭವತು ಮುದೇ ನನ್ದತನಯಃ ॥ 7 ॥
ಅಜತ್ವಂ ಜನ್ಮಿತ್ವಂ ರತಿರರತಿತೇಹಾರಹಿತತಾ
ಸಲೀಲತ್ವಂ ವ್ಯಾಪ್ತಿಃ ಪರಿಮಿತಿರಹಂತಾಮಮತಯೋಃ ।
ಪದೇ ತ್ಯಾಗಾತ್ಯಾಗಾವುಭಯಮಪಿ ನಿತ್ಯಂ ಸದುರರೀ
ಕರೋತೀಶಃ ಪೂರ್ಣಃ ಸ ಭವತು ಮುದೇ ನನ್ದತನಯಃ ॥ 8 ॥
ಸಮುದ್ಯತ್ಸನ್ದೇಹಜ್ವರಶತಹರಂ ಭೇಷಜವರಂ
ಜನೋ ಯಃ ಸೇವೇತ ಪ್ರಥಿತಭಗವತ್ತ್ವಾಷ್ಟಕಮಿದಮ್ ।
ತದೈಶ್ವರ್ಯಸ್ವಾದೈಃ ಸ್ವಧಿಯಮತಿವೇಲಂ ಸರಸಯನ್
ಲಭೇತಾಸೌ ತಸ್ಯ ಪ್ರಿಯಪರಿಜನಾನುಗ್ಯಪದವೀಮ್ ॥ 9 ॥
ಇತಿ ಶ್ರೀವಿಶ್ವನಾಥಚಕ್ರವರ್ತಿಠಕ್ಕುರವಿರಚಿತಸ್ತವಾಮೃತಲಹರ್ಯಾಂ
ಶ್ರೀಶ್ರೀಸ್ವಯಂಭಗವತ್ತ್ವಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Sri Svayam Bhagavattva Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil